Köln

[arska]

Con questo post inizio a parlar dela cità che me ospita..

La cità.

La ga intorno a 1 milion de abitanti.

Dai tedeschi la xe considerada una cità sporca, piutosto incivile. I la ciama el teritorio più a nord del italia (LOL ).. efetivamente no la xe lecada come tante altre cità tedesche, e la xe stada ricostruida nel dopoguera in furia dopo eser stada tirada zo quasi tuta dai americani..

La gente.

Quei de colonia efetivamente coi tedeschi no i ga proprio gnente cossa spartir.. i xe speso casinari (ma sempre civili), i taca boton senza nissuna raxon precisa, i xe ciacoloni.

Xe tanti imigradi ma la magior parte dei abitanti li porta come esempio positivo, no ghe xe quasi nisun problema de integrazion, i parla tuti tedesco (sai piu che i imigrati, per esempio, a milan), e efetivamente mi no go ancora mai visto mezo problema.

Altro cossa dir no savessi, gavè domande? Rispondo volentieri, se poso.

Zonto una foto fata un 3 giorni fa e tirada su con el "famigerato" HDR

da sx: el museo del ciocolato (go de andar!), quel con la insegna luminosa, la tore dele telecomunicazioni, el mediapark (quel grande) che de note vien iluminado a ritmo (xe dificile de spiegar ), el duomo, la stazion.

[giuli]

Bravo Arlon!

Ottima idea quella del reportage!

[tinuviel]

bela idea! Son curiosa, soprattutto perchè la Germania che go conosudo mi (zona Stoccarda) no me xè sai piasuda. No come paesaggi e città, ma come gente...

[babatriestina]

Mi la go visitada nei anni 70, e la me ga piasso: diria che i renani li go trovai più averti de altri tedeschi, e anche el accento me pareva più ciaro. Te piasi el vin del Reno e della Mosella? mi ssai più che la birra!

quela volta i gaveva ricostruido la città, ma le cese, tranne el Duomo, i stava ancora finindo de tirarle su tute nove precise dele vece.

Una roba che me gaveva colpido iera stado el museo dela roba romana, vizin del Duomo, e al Wallraf Richardz Museum ( o come che el se ciama), i quadri de Stefan Lochner che xe bei come quei del Beato Angelico, come imagini de fiabe: un dovessi esser ancora in Cattedral, credo, un'adorazion dei Magi.

[trert]

mi la go vista l'altro anno e me ne son inamorado.. no la go mai vista "tranquilla" xke iera un milion de persone della mia età..ma me piasesi proprio vederla!!

[tuxav]

belisima descrizion Arlon!

mi purtropo a Koeln ghe son pasa' solo in treno e go visto solo fora dela stazion ... ma me piasesi tanto andarghe.... come me piasesi 'ndar in tute le cita' de europa centro-nord-est

Te ga avu modo de girar anche da altre parti vizin Koeln?

Mi son sta a Duesseldorf e me ga piasso sai devo dir... xe che i miei comenti no xe molto parziali xche me trovo sempre ben in germania e austria

Cmq l'immigrazion in germania la xe e se la vedi tanto pero' no go mai avu nisunisimo tipo de problema...

son sta 3 volte a Hannover .. belisima cita', me piasi el modo de viver che i ga e el fato che ale 3 de matina de pol 'ndar in metropolitana solo e star tranquilo xche xe controlli e xe ben guardada.... mentre se te va a Milano ale 7 e meza de sera in certe zone te devi gaver paura...

[Stefano79]

Altro cossa dir no savessi, gavè domande? Rispondo volentieri, se poso.

Sì, mi ne go una...cosa te fa là?

Te lavori, te studi...?

[arska]

Sì, mi ne go una...cosa te fa là?

Te lavori, te studi...?

studio.. e qua la xe complicata

de base saria a far "Design dela Comunicazion" a Milan, ma sto anno e el prosimo me fazo un master de 2 anni in 2 università europee (sostanzialmente perchè a Milan xe una m..).. el primo xe qua a Colonia, studio in sta scola qua. El secondo no so ancora, spero a Helsinki

@tuxav.. no go visto sai intorno, son stado sai de furia a Bonn (niente mal, sai picia) e un poco meio a Solingen (a est de Düsseldorf) .. tipica citadina tedesca. Pel momento credo che go ancora sai de veder qua (e comincio a conosser la cità decentemente)

[tinuviel]

contine un poco della vita de Koeln son curiosa, vsito che te la ga descritta come una città diversa dalle altre città tedesche. Nella zona in cui iero mi, iera tantissima immigrazion ma, effettivamente, molto tranquilla. Quel che me ga fatto mal, xè stà veder le netta separazion tra i tedeschi biondi con i oci azzurri e i tutti i altri, che fossi italiani, irlandesi, turchi o africani. E parlo anche a scola fra compagni de classe (mi go fatto scambio scolastico).

[arska]

Alora, qua xe de introdur un poca de storia spiciola dela cità che efetivamente jera sempre indipendente, finchè no xe rivado Napoleon, e sti qua ga dito "contro i francesi no gavemo niente, e no podemo vinzer, alora bon".

No i se calcolava un col altro, e via.. Nel 18esimo secolo xe rivadi però i Prusiani, che ghe ga portado un modo de veder totalmente rigido, basado su gerarchie, ecc.. e sti qua no xe che i jera contro sto metodo.. no i rivava proprio a capirlo! Per dir, i vedeva sti soldati che marciava..e per lori jera la roba piu divertente che esisti

Quindi qua xe nato anca el carneval de Colonia, dove la gente se divertiva proprio a vestirse da soldati e ciaparli pel cul (e i prusiani convinti che finalmente i gavesi capido chi che iera superior) .. insoma i ga sempre convissudo in un modo o in tel altro.. desso i xe indubiamente tedeschi ma, per capirse, la media no i xe njanca biondi oci azuri, ma sopratuto i ga imigrati taliani o de altri posti che xe là da 3 generazioni.. e no te li rivi a distinguer, el che no xe un mal, no?

De la zona Stoccarda/Norimberga efetivamente i me ghe ne ga parlado come la pezo da sto punto de vista.. e come l'unica dove esisti problemi seri de sto tipo (a parte periferia dde Berlin)

[tinuviel]

veramente interessante, una città che me piaseria visitar! No sopporto la gente con la puzza sotto el naso ( la mula dove stavo a Esslingen gaveva la villa e 5 mercedes... in un quartier CHIUSO), inveze me piasi quei che sa ironizzar su tutto!

E poi dalle immagini me sembra che sia anche bella esteticamente, no?

[arska]

zonto qualche foto del mio quartier

Xe tra le zone piu brute de Colonia, ma bastanza carateristica ala fine A mi no me dispiasi, se tute le zone "povere" dele cità italiane fossi tignude nel steso modo..

la prima: Wiener Platz, el centro del quartier

detaglio

qua xe un poco più fora de dove che stago mi, ma sempre in zona. questa xe la "metro" che riva sai fora dela cità, come se pol notar

Frankfurterstraße, la via del shopping dela zona..

La predicatrice folle no dei la xe cocola, ma sonada forte

Nei dintorni, xe una vecia zona industrial totalmente rinnovada. Foto scatada guidando (ehmm )

[arska]

pel momento questo xe quanto a presto altre

solito: se xe domande, ecc, feme saver

[trert]

ma se guida sui binari del tram??

[arska]

ma se guida sui binari del tram??

ecco la domanda che me spatavo (ma anche no ), a parte che la mia auto xe meio de la batmobile e k.i.t.t. mese insieme quindi la pol andar sui binari come sul acqua , efetivamente nel 90% dei casi a Colonia i tram i ga la sua corsia, i tendi quindi a eser piutosto veloci. In periferia estrema pol capitar però che se ghe guidi sora.. a Milan, per esempio, xe normalissimo.

[arska]

efetivamente però no esisti tram veri e propri, xe solo quela specie de metrò (u-bahn, se ciama)

[tuxav]

sai bele foto Arlon!!!! me piasi sai quela dela U-Bahn e dela Frankfurterstrase !!

nela zona centrale, dove imagino xe tuto pedonale e sara centri comerciali.. fin che ora i xe verti? una volta in germania/austria me par che serava tuto ale 6 ma me par che, almeno in Germania, adeso i tendi a tegnir verto anche fin le 20,21 o oltre...

domanda: se te vol/devi postegiar l'auto in zona centrale, quanto i te spenna? (xe una mia curiosita xche secondo mi i postegi devi eser in periferia e colegai al centro con mezi publici, ma se mi devo postegiar soto el municipio go de gaver la posibilita de farlo, magari pagando 10 euro al'ora).

[arska]

Alora, i postegi nela "Innenstadt" parti da 2€/ora, quindi xe cari. No savessi cmq dir quanto che costa postegiar de fianco al duomo (xe un postegio interado sai grande, colegado ala stazion ma per).. me par che i riva fin ai 4€, ma no son sicuro.

In periferia no se paga, a meno che no sia zone sai frequentade (tipo università) dove che costa anca là intorno ai 2€.

Pei negozi, la magior parte sera ale 7, come a Trieste. Mega centri comerciali (a parte IKEA, OBI e catene varie) no ghe ne go visti tanti.. xe un, no lontan de mi, che sera tuto ale 7, dopo magari de estate cambia, ma desso se vedi che comincia a far scuro prima e zima, quindi de sera xe meno de metà dela gente che se vedeva in setembre.. un poco come a trieste se sera tuti in tei locai. I negozi segui sta logica, credo.

Altra roba che go notado, de domenica xe tuto chiuso, a parte poche boteghe. Personalmente per mi poderia eser anca el mercoledì però me fa piazer che un giorno ala setimana resti de riposo come un diritto.

[tinuviel]

bel, el tuo reporatage invoia proprio a far una gita da quelle parti

spetemo altre foto!

OT ah, za che te son... go trovà el testo de Viva Colonia, ma no capisso sai (anzi, poco niente) de quel tedesco dialettale. No xè che te rivi a tradurlo?

[arska]

ma no capisso njanca mi solo el ritornel, che xe de una banalità sconvolgente..

cmq disi "gavemo questo, gavemo quel" e "semo fighi, semo bei, semo fotomodei"

cmq, el 11 del 11 de novembre, ale 11 e 11 de matina, inizia el CARNEVAL DE COLONIA!

Tipo Muja, solo che xe una meza metropoli

(gavè capì ben.. el finissi a febraio)

video d'autore

[arska]

.e come perderse "Le mule de Colonia"

haha che thrash

[trert]

arlon!!! te amoooooooo

bellissimi i video!!

[arska]

me no gavevimo dito de tignirlo segreto ancora per qualche mese? uff... :D

[tuxav]

Troppo figoooo quanta gente xe???

stago vardando l'apertura del carneval de Koeln su WDR Koeln :D :D

tuti che canta e bevi :D

anche mi vojooooooooooooooooooooooO :D :D

[arska]

son tornà a presto foto(poche), video, quelchexe.. desso me ritiro che no son in condizion... KOELLE!! ALAAAF!! :D