Black Widow

[miguelsonmi]

Strano grupo che nasi nel 1969, sparisi nel 1972 ma ricompari nei anni 2000.

Black Widow (Vedova Nera) fa uscir el suo primo album nel 1970. El se intitola "Sacrifice" e el xe de ispirazion "satanica". Tanto per far un esempio eco una strofa de "Come to the Sabbat" :

"Come, Come, Come to the Sabbat

Come to the Sabbat, Satan's there!"

E questi i brani de quel album, riedito più volte su CD dal 1992 al 2001 :

1) In Ancient Days

2) Way To The Power

3) Come To The Sabbath

4) Conjuration

5) Seduction

6) Attack Of The Demon

7) Sacrifice

cui se agiungi, in alcune edizioni, come bonus track la version de "Come To The Sabbath" uscida su 45 giri.

I componenti del gruppo xe Jim Gannon (chitarra solista, vibrafono, chitarra spagnola), Zoot Taylor (organo e piano), Kip Trever (voxe), Clive Jones (flauto, sax e clarinetto), Bob Bond (basso) e Clive Box (batteria). Autore dei brani xe Jim Gannon, solo per Come To The Sabbath figura anche Clive Jones.

De tuti i CD uscidi mi posiedo solo questo (i dixi che xe netamente el migliore), version 1992 dela Castle Communications. Se lo trova ancora facilmente, magari in altre edizioni.

Forsi qualchedun conosi "Return to the Sabbat" (1999), "Satan's Playground" (2003) o "Ultimate Sacrifice: One" (2004) che i vien mesi nell'Heavy Metal. Mi credo de no averli mai sentidi.

Anche "Sacrifice" vien considerado generalmente Heavy Metal, ma a mi sta clasificazion me lasa un poco perpleso. I li paragona ai Black Sabbath.... mah?? Intendemose, xe un disco discreto, ma mi sento forsi più influenze Jethro Tull. Comunque no me sembra tuta sta novità per l'epoca, nè tantomeno niente de apocalittico. I dixi che iera particolari i loro concerti live, veri spetacoli. Praticamente tuti i critici che scrivi de lori i devi averli visti dal vivo, ma mi no go avudo sta fortuna. Diria un disco da conservar e scoltar ogni tanto, ma no li meteria tra i migliori. Poi magari, trovando la giornada giusta... chisà.

(la copertina da amazon.com)