La vie en rose

[babatriestina]

Xe al Excelsior, lo go visto ieri. Mi son sempre stada una appassionada dela Piaf, che go seguido co nei sui ultimi anni, po go ciolto i sui dischi, le sue biografie.. quindi son abbastanza esperta.. ben, devo dir che el film dà una bona idea dela sua vita. L'atrice la incarna ben, anche se mi no la gavessi fata cussì goba ala fine e cussì sgraziada de giovine... però zerti momenti che la xe in scena par veramente i filmati dei sui concerti... i ga saltado oviamante un pochi dei sui ( tanti) omini, in particolar i do maridi, ma la storia xe quela, perfin i vestiti xe simili a quei dele foto originali, i personaggi xe abastanza riconoscibili ( però no xe facile impersonar Marlene Dietrich!). Depardieu un magnifico Louis Leplée. un bel film, in complesso. Raymond Asso fato più bel de quel che el iera in realtà, e anca un poco Cerdan.

Per dir, saria de agiunger che ala morte no la iera solo che assistida de l'infermiera, ma anca del suo ultimo marì- morto un per de anni dopo in un incidente automobilistico.

[saretta]

ga de esser molto bel... chissà se gaverò tempo x andarlo a veder...