La valle dell'Isonzo

[tinuviel]

Go messo un titolo generico, cussì poderò recuperar sto topic nel prossimo futuro, visto che gavemo intenzion de visitar altri posti lungo el fiume

Premessa: un mesetto fago visto un documentario de Alpeadria su "ponte sull'Isonzo", altrimenti detto Most na So?i, o anca Santa Lucia. E me ga veramente colpì! Cussì l'altro sabato gavemo deciso de variar un po' le nostre abituali mete, e dirigerse verso la Slovenia.

A circa 20 minuti dal confin de Gorizia, se trova sto paesetto, che dal qualche decennio se trova su un lago creado da una diga che ga fatto innondar i letti dei fiumi So?a (Isonzo) e Idrijca. Xè bellissimi colori, proprio perchè xè un lago ma ga acqua de fiume.

Iniziemo con una veduta del lago...

qua xè un toco de un battel

e qua un aveduta dell'Isonzo, dove sparisi el lago

Inutile dir che, grazie l'autunno, iera dei colori spettaolari!

e questo xè el ponte, dalla quale almeno una volta nella vita i abitanti del luogo se tuffa.

gavemo fatto anche una passeggiata nel paesin, che merita perchè xè molto cocolo, ga case particolari per esser nell'interno (le sembra quasi "costiere", ricostruide dopo la nascita del lago). Se se ga tempo e voja, xè anche dei musei, perchè i ga trovà tantissimi reperti archeologi, dall'età del bronzo (in ste zone xè nata la "cultura de Santa Lucia") al periodo romano.

[tinuviel]

Poco lontan, circa dieci minuti, xè Tolmin, cittadina sicuramente più grande e conosuda.

No gavemo girà per el centro, anche perchè perchè iera intorno all'ora de pranzo e voleimo andar a far ancora una passeggiata.

Xè una passeggiata molto cocola poco fora del paese, tranquilla, niente de impegnativo.

Nel parco nazionale del Triglav, se trova le gole (o forre) della Tolimka.

Dopo una breve passeggiata in discesa (10 minuti), semo rivade vicin al fiume...

guardando in alto, se vedi el Ponte del Diavolo

oltrepassando el fiume se sali un pochettin e se vedi la confluenza tra la Tolminka e la Zadlaš?ica.

Volendo, se pol proseguir in una direzion e andar a veder la "testa dell'orso". Noi semo andai verso el ponte del diavolo, prima se incontra l'entrata per la Grotta di Dante, ma no se pol andar dentro da soli, se vedi che le xè impegnative.

Dal ponte del diavolo se vedi un bellissimo panorama, in più, in autunno, el xè veramente spettacolare

se volè saver de più, qua xè el, link in italian per ste zone.

PS al ritorno gavemo fatto la strada interna slovena... veramente stupendo, se gavè tempo e voja de veder delle colline coloratissime

[tuxav]

:D grande Tinuviel !

i colori xe fantastici.... e anche le foto oviamente, quela del ponte e del ponte del diavolo su tute

gavemo avu una bela giornada de sol e caldo ... i colori autunali iera fantastici e merita toranrghe quanto prima... xe posti tranquilli e veramente poco abitai.. (tanto che x sicureza go fato benzina a Most na soci .. e go fato ben se no no tornavo indrio ) ...

le gole del Tolmika xe sai bele anche se in sta stagion xe za poca luce.. penso che el massimo sia andarghe verso giugno .. ma adeso xe el vantagio che xe poca gente Noi che semo FurrrrrrrrRRbi inveze de seguir la strada asfaltada che porta al ponte del diavolo semo 'ndai per un sentier che se rampigava dal torente fin al ponte... ma ga merita'

no vedo l'ora de tornarghe e 'ndar su fin Bovec e sul Vrsic !

PS: ocme mai nisuna foto dei germani?

[arska]

A Tolmin volevo andarghe in MTB!!! mai rivado... ma efetivamente par sai sai bela, come zona.

[babatriestina]

e se andè ancora più su, xe ancora più bel!! la val Trenta interna, dove che xe le sorgenti del Isonzo, col Grintavez in fondo!

anche intorno a Caporetto / Kobarid, no scherza, col monte Nero ( Krn) subito di fronte!

[babatriestina]

l'entrata per la Grotta di Dante, ma no se pol andar dentro da soli, se vedi che le xè impegnative.

ghe son stada una volta col CAI, prima o dopo trovo le foto: xe sopratutto assai fango, come che xe sempre in grotta: in principio xed una curiosa grotta che se comincia col andar in su!

po se va in zo, e ancora in zo,e ancora in zo, fra ambienti larghi e strettoie per scender, niente de spettacolare come concrezioni, a un certo punto me go stufado de andar in zo e al terzo quarto pian sototerra me ga bastado de star atenta dove che metevo i pie perchè xe sbrissevole e ogni tanto se vedi qualche buso, e con qualchedun altro son tornada fora! xe ancora el busto de Dante fora?

[marcoxii]

xe dei posti magnifici...confermo....

visti rivisti stravisti ma sempre magnifici e unici nella loro spettacolarità!

[giuli]

Che spettacolo!

siamo proprio fortunati ad avere posti bellissimi a poca distanza

l'altro sabato poi c'era una giornata splendida..l'ideale per fare foto

[babatriestina]

la Grotta di Dante,

go ritrovado le foto de 15 anni fa ala Grotta de dante, cussì vedè anche come va el scaner per negative:

per cominciar, mi col busto de Dante

po un toco de discesa in grotta

e ala fin, sempre mi apena fora, ben sporca de fango!

[tinuviel]

orpo! allora la xè veramente impegnativa!

Sinceramente... ehm.. no me ricordo del busto... vededno che no se podeva entrar, no semo salidi l'ultimo toco

[Number3]

anche mi son andado a Most na soci xè un posto stupendo e anche il giro in traghetto. Modificato 3 Febbraio 2008 da Number3

[arska]

uurrca che bela la prima!! sai roba!

[Renè]

posti veramente splendidi!!! Grazie per le belisime foto