Vipiteno

[dido76]

l'altro mese me go fato un giro in montagna...gavevo de cambiar aria e son anda a Vipiteno un per de giorni...eco quà...un paio le go fate con el telefonin, le altre le xè fate con la compatina tuto in automatico e via

xè sta el primo giro fato completamente in solitaria in montagna con la moto

imortalado l'arivo sul Monte Croce Comelico...per mi za una piccola conquista...causa i miei problemi con le curve in moto

(fata con iphone)

(fata con iphone)

dopo 300km eco la meta

(fata con iphone)

questa xè la vista dala stanza del'albergo in cui go riposado

(fata con iphone)

questa xè la famosa torre in centro a Vipiteno

(fata con iphone)

quà go abitado per i miei primi 3anni de vita

veniamo giù dai montiiii...dai monti del tiroloooo questò xè l'interno dell'Outlet a Brennero

(fata con iphone)

[dido76]

anni e anni che passo a vipiteno (purtropo no con la stessa frequenza de quando iero picinin ) e no me ricordavo questa casa...o meo...no savevo che iera una dei monumenti artistici + pregevoli del tirolo

passeggiata lungo un percorso pedonale/ciclabile nel verde e vizin el fiume

vista sui monti

vista sui castei che se vedi da vipiteno

Castel Sprechenstein (Castel Pietra) e Castel Reifenstein (Castel Tasso)

vista del percorso pedonale/ciclabile...insoma del sentier

e caminando se pasa anche a fianco de questo campo de balon...da quela tribuneta go visto el Milan,el Napoli, e la Juveeeeeee

[arska]

ben fata, Sterzing e tuta la Hochpustertal xe sai bei posti...!

[M4st3r]

Te ga fato el passo della Mauria x arrivar fin la? xè bele strade...

... ah dimenticavo, xè un SV 650 la moto x caso?

Modificato 6 Giugno 2008 da M4st3r

[dido76]

Te ga fato el passo della Mauria x arrivar fin la? xè bele strade...

... ah dimenticavo, xè un SV 650 la moto x caso?

no no,niente mauria...e la moto xè l'sv650s si

[dido76]

go fato un gireto su un passo...son anda sul Passo Giovo...altra tappa che me ga dado sodisfazion...mi con le curve go seri problemi...eser rivado cmq in cima me ga fato felice

al'inizio la conferma che el passo xè verto (savevo xkè ghe xè un sito internet con l'apertura e/o limitazioni dei passi e ghe gavevo dado un'ociada via iphone)

el ciel azuro mostra che xè bel tempo...e se vedi che inizia ad eserghe la presenza de neve salindo su x el monte

un tributo ala mia bela motina

fin lassù devo ancora andar

:foracolcul: ghe la go fataaa

Modificato 9 Giugno 2008 da dido76

[dido76]

queste xè per far veder come xè le curve che porta al passo...quela casa che se vedi ga un bar in cui logicamente se ferma tanti motociclisti prima de rivari in zima o co torna in zo...e mi logicamente pasando de la go fato una dele mie solite ""bele"" curve...i mati penso sta ancora ridendo (no me go ferma nel bar,logico )

da là se pol anche sciar

xè un continuo via vai de moto (ghe xè anche dei pazzi che vien su o va in zo come i fossi in pista...

questo xè l'altro versante che porta poi fin Merano...per el ritorno go fato questo versante poi però...

per rivar fin Vipiteno el navigator me dava de ciapar l'autostrada e mi no gavevo voia de spender...quindi son tornado indrio x l'unica strada che me consigliava... :doh: denovo el passo Giovo...insoma da mai fato in moto a 4volte (tra salir a scender e risalir e ridiscender)...no ghe ne podevo + del passo però go anche avudo incitamenti da gente in auto

cmq scendendo go visto questi che se zogava coi modelini

e questi che inveze zogava col parapendio

cmq fin merano son arrivado ...purtropo per vari motivi iera tardi e no go podù farme un giro...

[M4st3r]

ok, te me ga dà spunto x un novo giro, grazie.

oh, ora vedo che Merano xè vizin a Lana, mi e Stefano semo passai de la con un scooter 100 che gavevo anni fa .

Oh, me raccomando con la moto, allenite! te devi cavar via el segno dalla gomma de drio!

[_titti_]

toh...me iero persa sta discussion...me par de conoser sto posto... belle foto....

[bronza coverta]

bravissimo Dido!

'Sai bei posti!

...e da Vipiteno, becando la strada per andar in Val Ridanna, xè el paese de Stanga, dove che xè le cascate Gilf (monumento naturale)! El posto xè stupendo: praticamente se risali le cascate per un sentiero e dei ponticelli vertiginosi, fin a rivar sulla statale del passo Giovo. (Quando te son in zima, te traversi la strada e xè un rifugio che te offri un strudel con la panna degno del posto .....e no te digo la birra!!!! ). 175 metri de dislivel per circa 45/60 minuti de camminada con spot per far foto a dir poco eccezzionali! All'ingresso i avverti i visitatori che a causa delle violente cascate, xè una presenza maggiore de ossigeno e che pol succeder che giri la testa! Fenomenale!!!

[dido76]

giusto per far capir quanto alta xè la neve da quele parti deghe un'ociada al cartel

un tratto del centro storico de Vipiteno

volevo andar a farme un gireto su pel monte con la funivia...ma in quel periodo la iera chiusa per lavori dopo l'inverno

cmq là go visto queste due perle

bellissima sta jeep...tenuda cusì cusì però che bela...i la usa per portar i gomoni per chi che vol andar a far rafting sul'isarco

e questi quà becadi nel'ato de svolger el loro dover...i se fazeva foto un con l'altro...pizzigadi

Modificato 11 Giugno 2008 da dido76

[dido76]

cmq non podendo andar lasù con la funivia...

son anda nel ristorante-pizeria e me go magnado una piza con speck e salumi vari + un bicer grande de Spätzie

(foto from iphone)

dopo aver pranzado come un altri due paseti...vizin la funivia xè un parchegio che vien usado anche come mercato in certi giorni ben segnaladi:

per la gioia de qualchedun del forum eco un imagine del sedil dei bus che fa le trate extraurbane (me par che coleghi sia paesi sia posti de interesse turistico)

(si, xè recaro)

e cmq euro5 tute ste coriere che go visto

[dido76]

ancora un per de foto

da Sterzing xè varie pasegiade che se pol far dentro a boschi...questa xè subito fora dal centro

e me ga colpido sta caseta x i useleti fata in stile condominio

girando e rigirando però son rivado a bordo strada e co go leto el nome dela strada go scelto de andar via

altra vista del centro storico de Vipiteno

come vedè el 18maggio iera una bicicletada...bon,in varie parti de Vipiteno iera sistemade biciclete vece o tochi de biciclete verniciade che publicizava sta iniziativa

la meridiana che xè sula torre de Sterzing...se fè caso vedè sia l'ora legale che quela solare

Modificato 11 Giugno 2008 da dido76

[dido76]

questo inveze xè un punto dove se pol trovar camere libere e se pol telefonarghe o blocar la camera diretamente tramite sta machineta

caserma dei pompieri de Sterzing...

caserma dei pompieri de Gossensass - Colle isarco (vizin a dove go abitado i miei primisimi anni de vita)

precisazion: xè tutti volontari :clapclap:

Stazion dei treni de Colle Isarco, quà lavorava mio papà quando stavimo là

no savevo cosa magnar per zena...go fato un salto in una gelateria e go scioccado el mulo al banco...ghe go chiesto: 10 palline per asporto...la reazion me ga fato rider tuta la sera..." :cossaaa?: Quante????10 palline??? ma una pallina è quasi 100grammi...10 palline sono praticamente 1chilo!"...e mi gentilmente: "si, si...nessun problema"...insoma nol ghe credeva che volevo 10 balete de gelato...bon che no ghe go dito che le iera tute per mi

e se comincia

e dopo un pocheto vardando tv se finisi

Modificato 11 Giugno 2008 da dido76

[dido76]

l'ospedal de Vipiteno

(from Iphone)

purtropo xè rivada la partenza

dove iero alogiado...hotel Mezzaluna

e questo inveze xè l'ospedal vecio...dove che son nato miiiiiii ...adeso el xè chiuso e xè un museo dentro

(from iphone)

ciao Vipi...spero de rivederte presto

tornando verso casa la moto ga stabilido che xè + duro l'asfalto...evidentemente un pel de stancheza e go sbaglia una curva...fortunatamente la xè andada ben,son torna cmq casa in moto e poso contarla

(bona che iero con abigliamento super adato ad andar in moto)

(from iphone)

fine...no ve streso + con le foto de sti 6giorni a Vipi

le altre foto de sti giorni xè quà

http://good-times.webshots.com/album/563400943zqczwq?vhost=good-times&start=112

Modificato 11 Giugno 2008 da dido76

[cucciolina]

Yeah Bei posti e complimenti per le foto

[Roby]

Bel giro, mulon !