I ga riaverto el campanil de San Giusto..

[Renè]

Finalmente de qualche tempo i ga riaverto el campanil de San Giusto..dopo che el iera sta serà per parechi anni, credo per la mesa in sicureza. Oltre che una bela vista panoramica, me ricordo che iera dele bele robe de veder anca lungo la scaleta interna che porta suso (magari la mitica Babatriestina ga qualche foto). Mi ghe son 'ndado solo una volta in vita mia, nel'ormai lontan 1984. Son stado con la scola nel '90 ma no fa testo perché i ne ga portà solo un tochetin per mostrarne dele colone e dei basorilievi o qualcossa del genere, come go dito poco più sù. Ghe tornerò presto pena rivo pasar de quele parti.

In tel la foto sotostante..veduda panoramica de Trieste dal campanon:

[giuli]

Wow, che bello!

grazie per la news

[arska]

no son mai sta.. ma ghe andasi stravolentieri col tempo giusto al tramonto..

[babatriestina]

me xe recente? perchè mi xe ani anorum che no ghe vado, ma ffdf gaveva postado foto del campanil l'anno scorso:

qua, sul suo forum e iera april 2007

Mi finisso sempre in cesa, e ogni volta scopro qualcossa de novo, prima o dopo anderò sul campanil, ma al de là del panorama, che xe anche del Castel, e dei bassorilievi interni e le campane de vizin, no xe po tanto che me appassioni.

[Nona Picia]

Un tre anni fa iero proprio al porton del campanil per comprar un libreto e se podeva andar anche su.

[danielita]

Anche mi, anche mi vojo andàr!!!

[Nona Picia]

Anche mi, anche mi vojo andàr!!!

Vegno con ti!!!!!!!! :D

[danielita]

Anche mi, anche mi vojo andàr!!!

Vegno con ti!!!!!!!! :D

Bon, andemo insieme, cussì te me fa coragio cò andemo su per i scalini (son sai pigra)!

[molly]

anche mi voio andarghe.. no son mai stada fin su

[Nona Picia]

Xe assai bel, el panorama xe de favola. Mio marì ghe xe sta de recente e ga fato bellissime foto. Mi iero de muleta e me piasessi tornar.

[Renè]

Ga ragion babatriestina e me scuso veramente per el topic improprio..me pareva che el campanon fussi verto da sta scorsa estate, però ciaramente me go sbaià visto che ffdf de l'altro forum triestin el gaveva zà postado un dò ani prima alcune foto scatade dentro e in zima al campanon steso. Mi che raramente paso davanti la ciesa de San Giusto perché de solito rivo o de drio e po' continuo vanti per via del castel, o rivo suso de via Capitolina e po' vado là del castel o poi comunque sempre zò per la riva de via del castel..quindi go fato caso solo per caso (scuseme el zogo de parole) al porton verto, con tanto de vendita souvenir per turisti ed afini e salita sul campanil. Casomai per non render inutile o invalidar propongo ai moderatori de spostar la discusion in t'una su San Giusto se la esisti, senò comunque che i vedi lori come refarla.

Per chi no ghe xè mai stado in alto, ghe consiglio veramente de 'ndarghe. El panorama xè veramente ssai ssai bel. Ripeto, son stado sù solo una volta de picio con mio papà, in tel la primavera del 1984, però me ricordo bastanza ben, anca perché ricordo sopratuto el teror che gavevo che iniziassi a sonar le campane nel momento che semo suso! Tra le altre particolarità, proprio alcune campane con bei fregi, lavorade ssai ben dai mastri campanari, credo de Barcola ma no volessi dir monade..me afido sempre ala sapienza de babatriestina Saludoni

[danielita]

Ripeto, son stado sù solo una volta de picio con mio papà, in tel la primavera del 1984, però me ricordo bastanza ben, anca perché ricordo sopratuto el teror che gavevo che iniziassi a sonar le campane nel momento che semo suso!

Ah, mi me xè tocà cò gavèvo un oto anni che ga tacà sonar le campane proprio cò iero in zima del campanìl de San Marco a Venessia. Robe che me ciapi mal!

[Nona Picia]

Per chi no ghe xè mai stado in alto, ghe consiglio veramente de 'ndarghe. El panorama xè veramente ssai ssai bel. Ripeto, son stado sù solo una volta de picio con mio papà, in tel la primavera del 1984, però me ricordo bastanza ben, anca perché ricordo sopratuto el teror che gavevo che iniziassi a sonar le campane nel momento che semo suso!

Anche mi ghe iero su co gavevo un 14 anni. Gavevo compagnà là dei parenti austriaci e co ierimo su (iera mesogiorno) ga tacà sonar ala grande tute le campane. No ve digo che concerto!

[Nona Picia]

Go fato un "furto" nel'archivio de mio marì e go ciolto un per de foto dele campane......Purtropo niente panorami perchè iera foschia....

I bassorilievi

Le campane

[Nona Picia]

[danielita]

Orpo! Che grandi che xè le campane! Viste de zo le par sai più picinine!