Faccia tosta si o no?

[cucciolina]

Vedo sempre più spesso che la gente ga una faccia tosta incredibile. Ciamassi a casa della gente alle 21 de domenica per una question de lavor se no xe urgente? Ghe sorridessi a 1500 denti ad una persona che no podè veder? Ghe correggessi degli appunti ad un collega se nessun ve ga chiesto niente? Ciolessi mai la sedia de un altro tavolo senza chieder "posso"?

Queste xe robe a cui mi rispondo no, no, no e ancora no. Ma ghe ne xe molte altre da far. Insomma, in definitiva, gavè faccia tosta o no?

[SandroWeb]

mi non la go. Ma spero un giorno de rivar a gaverla. La vita me sorriderà de più

[picia_tata]

eh mi no ..

[babatriestina]

Go votado "altro" perchè no so, dipendi de cossa che se intendi e de cossa che se tratta. se xe una roba che son convinta, posso andara vanti indipendentemente dei altri, ma no per principio.

Ma ve prego de notar che "Faccia tosta" xe un termine prettamente italian, e in triestin se disi Muso roto

[molly]

nella maggior parte delle situazioni purtroppo no.. ogni tanto ghe volesi ma non xe nella mia indole evidentemente :S

[Damia]

Mah...no, gò facia tosta, ma no in sto senso.

Perchè quel che te scrivi ti no xe nianche facia tosta...xe a volte mancanza proprio de riguardo verso le persone.

[danielita]

Go provà a far el muso roto, ma no me riesci in nissuna maniera. No son abastanza sfaciata e invezze de parèr muso roto, par che son maleducata.

[cucciolina]

@Damia

In che senso te ga faccia tosta ma no per ste robe? Per quanto me riguarda la faccia tosta xe sfacciataggine. Mi no ciamassi mai a casa una persona alle 9 de sera de domenica per una question de lavor de nessuna importanza. Go el cell e te me ciami là se proprio te vol (anche se cmq no lo faria lo stesso se no xe urgente).

Me piasessi gaver qualche esempio per chi disi de gaverla così rivo a capir

[Damia]

alora...chessò facia tosta perchè magari no me fazo intimidir...

No xe che digo me secca dir...

(tipo ala barcolana mi ghe gò domandado senza problemi a un vigile del fuoco dele robe che me interessava saver...)

Mi se posso evito de ciamar i colleghi che sia domenica o che i sia malai o che sia in ferie. No perchè me manchi facia tosta apunto (che forsi mi lo ciamo + coraggio che facia tosta) ma perchè mi gò riguardo per le persone.

Pecà che so che no xe ricambiado visto che a mi i me ciama anche per pu**nade...i me gà ciamà ani fa per dir con 39 de febre per saver che francobolo usar...

E te dirò...no xe nianca question de telefono de casa o cellulare.

O ben te son reperibile opur mi ragiono che te son casa tua e te gà dirito de goderte casa tua (o de riposar o de star mal anche)

Insoma...mi no so che lavor te fa...ma no penso che iera qualcossa che no podeva spetar el lunedì matina...

Per dir sorider a 1500 denti a chi no te soporti...anche là...per mi no xe facia tosta...ma ipocrisia. E no, mi no lo fazo.

Anche se poi mi son estrema. Mi conosso varie persone che lo fa, chi perchè pensa che sia diplomatico, chi perchè ala fine ghe convien...

E domandar la sedia...beh là inveze la ciamo bona educazion domandar se posso cior una sedia dal tuo tavolo

(questo per risponder ai tuoi esempi..)

[cucciolina]

Anche mi credo sia ipocrisia in un caso e maleducazion nell'altro. Ma nello specifico quel che intendevo mi xe questo: la faccia tosta e/o muso roto lo ga chi fa qualcossa e mi rivo a domandarme tra mi e mi: "che coraggio te ga???".

Esempio: che coraggio te ga a telefonarme a casa de domenica sera per una roba de nessuna importanza? Che coraggio te ga de correggerme una relazion senza che nessun te gabi chiesto niente? Che coraggio te ga de portarme via la sedia dal mio tavolo senza domandarme se te pol? Ecc ecc.

Domandarghe ad un pompier robe sulla Barcolana e/o sul suo lavor no credo sia faccia tosta. Se te ghe domandavi che misura de mudande el porta forsi iera faccia tosta sfacciataggine insomma.

No so se me son spiegada

[Damia]

Si dai...ciamemo le stesse robe in maniera diversa.

Alora...in quel senso NO, mi no gò quela facia tosta...

Forse coi coleghi...ma perchè mi son in una situazion particolare per cui spesso el mio lavor se basa su lavor degli altri...e quel gà de esser giusto, sennò dopo xe dolori per tuti

Al pompier...dio...gavessi anche podudo ^^ ma in realtà che gò chiesto notizie de un libro che gavevo leto sul Picolo che gaveva fato el comando locale qua con le foto degli interventi....

[arska]

no, no son bon.

Ma se vivi ben uguale, dei .. anzi..

[Starlite]

Diria de no Ma ne conoso diverse

[basketteam]

come per el mio cavalier :D :D

no ghe ne go assolutamente anche se tante volte me piasesi gaverghene un poca...

inveze conoso gente che ghe ne ga de vender...

[enrico89]

Go votà de no perchè per carattere non go la faccia tosta...però se i me fa girar le castagne anche si...

[Stefano79]

Disemo che devo proprio rabiarme saai con una persona prima de cavarghe el saluto. Poi xe anche el fattore tempo. Se incontro per strada certi miei ex amici anche se saludemo, perchè dopo anni el rancor no ghe xe più. Certo, non esplodo in baci e abbracci, ma un "ciao" de ordinanza non se nega ecco

[cucciolina]

Disemo che devo proprio rabiarme saai con una persona prima de cavarghe el saluto. Poi xe anche el fattore tempo. Se incontro per strada certi miei ex amici anche se saludemo, perchè dopo anni el rancor no ghe xe più. Certo, non esplodo in baci e abbracci, ma un "ciao" de ordinanza non se nega ecco

No go capido la tua risposta, Stefano Ti te ga faccia tosta?

[Stefano79]

Xe una domanda sai generica Considerando gli esempi che te ga fatto diria de no, però magari per altre robe un poco si Dipendi insomma...

[trixie]

no non la go e mai la gaverò

e me anche dispiasi perchè in qualche caso

la me gavessi servì a viver un meio certe situazioni

ma comunque come diseva nonna:

"ognidun ga de star ben nelle sue braghe!"

[arska]

mi penso una roba: anche quei che ga la facia tosta e dovesi votar "sì", i finissi col votar "no".

Incredibile, i ga talmente tanta facia tosta de rivar a dir che no i la ga

[cucciolina]

mi penso una roba: anche quei che ga la facia tosta e dovesi votar "sì", i finissi col votar "no".

Incredibile, i ga talmente tanta facia tosta de rivar a dir che no i la ga

Arlon...la tua statua equestre te la vol in piazza Unità o in piazza della Borsa?

Concordo pienamente con ti o forsi chi che la ga no vota

[Cinzia F.]

Diria de no... no se el mio modo de far ^__^

[Renè]

Ciò ma semo solo in dò a gaver votado SI'? Cavoli!!! Mi go votà sì.

Perché necesariamente no xè per forza una roba tuta negativa..per esempio mi de ragazin pur de incontrar un cantante preferido, no esitavo a scavalcar de gran cariera le transene del backstage, anca per darghe solo la man..se questa xè facia tosta, alora lo iero e lo son (anca se ogi no faria mai cussì).

Go la facia tosta de dir sempre quel che penso anca quando in teoria no se doveria..me go causà alcune inimicizie talvolta per eser schieto..ma preferisso eser vero che falso per comodità. Anca per rispeto a chi che go davanti in tal momento. No sicuramente per cativeria.

E poi certe volte bisogna gaver nela vita la facia tosta ad hoc, nel senso se servi, alora darghe dentro, sopratuto se xè per una bona causa (tipo qualcun che tenta de fregarme in qualche modo). Gaver facia tosta per zercar de conquistar con le proprie forze, lotando se servi contro le ingiustizie, per un'aspirazion, per un obietivo..credendoghe senza mai molar.

Anca le risposte a tono pol eser una facia tosta sempre considerando la probabilità del sbaglio e l'asoluzion dela scelta. Gaver facia tosta xè anca gaver el coragio de risponder afermativamente quando i te chiedi se te la ga, ma no penso sia facia tosta, bensì schieteza come che disevo prima. Parlo per mi oviamente.

Facia tosta pol eser zercar de simular el più posibile un ategiamento perlomen de cortesia davanti una persona che proprio no se soporta e la se incontra magari per strada. In pasato me xè capità..ma no penso se ciami facia tosta, ma gaver la facia come el c.. opur far bon viso a cativo zogo..ciamela come che volè!

Gaver facia tosta nela vita..quela positiva, indispensabile per superar momenti teribili e dificili co' un semplice soriso..un'unica arma talvolta contro un nemico oscuro aparentemente imbatibile..la grande risposta ala domanda "qual xè el sal dela vita?"

Renè Pepè

[Ghost]

no, no son bon.

Ma se vivi ben uguale, dei .. anzi..

Idem. Anche se di tanto in tanto sarebbe un abilità utile.

[tifone]

In genere no go mai faccia tosta ma se i me fa girar le bale allora la pol venir fora in tutto il suo splendor