yko Inviato 2 Luglio 2004 Segnala Condividi Inviato 2 Luglio 2004 Spesso se senti dir che 'l triestin se lamenta sempre. Forsi xe anche vero, ma se vardemo meio la nostra realtà quotidiana qualche ragion de sentirse maltratai ghe xe. I palazi intorno xe quei de l'epoca, fine '800, primi del '900, loghi storici, 'l vecio borgo teresiano. I architeti de 'na volta gaveva le idee ciare. Si cari trestini, ve parlo de una piaza, anzi de quel che xe restà ... Feve 'n bel giro, 'po fermeve in piaza Vittorio Veneto e se 'rivè a no' vomitar, provè spiegarghe ai oci quel che i oci se rifiuta de capir. No' meto in dubio che in 'stà cità le machine bisogna pur meterle de qualche parte...ma questo xe vandalismo. Ve ricordè piaza Perugino? Prossima vitima campo S. Giacomo. In tute le cità (Italia, Europa) i centri storici vien serai al trafico, qua i fa 'l contrario. Ve saludo. Vado a farme una caminada in galeria Sandrinelli, par de no, ma la dentro xe 'ssai meno gas. Cita Link al commento Condividi su altri siti Altre opzioni di condivisione...
SandroWeb Inviato 2 Luglio 2004 Segnala Condividi Inviato 2 Luglio 2004 Innanzitutto un cordiale saluto a yko per el suo primo post nel nostro forum Quel che te ga scritto xe molto vero: personalmente no rivo a capacitarme del perchè nell'ultimo decennio ghe xe stada una corsa sfrenata alla costruzion de posteggi e garage sparsi (ma serviva veramente? Forse sì, forse no...). Ad esempio, iero ancora fioluz quando go visto sparir tutti i alberi e el verde de piazza Perugino (una volta abitavo da quelle parti, quindi quella zona la conosso bastanza ben) per far posto al mega parking che xe tuttora. Quanto a p.za Vittorio Veneto, son proprio curioso de veder come sarà el risultato finale... Bona giornata e prosperità a tutti Cita Link al commento Condividi su altri siti Altre opzioni di condivisione...
Starlite Inviato 2 Luglio 2004 Segnala Condividi Inviato 2 Luglio 2004 Dunque... me uniso al benvenuto a yko Per quanto riguarda el resto... mi penso che parcheggi servi.... xe una marea de auti... basta vardarse in giro... MA... nianche mi no me sta ben che i li fazi in centro città , rovinando le piazze. Anche mi stavo vizin piazza Perugino co iero picio e me ricordo come che iera la piazza ssai piu' bela de quel schifo che xe adesso. Piazza Vittorio Veneto.. parcheggio inutile secondo mi farlo la, nei progetti pero' xe previsto el giadino pensile su quele strutture metalliche che i ga messo... vederemo... xe questo el problema... i fa iparchegi con de sora la piaza nova ma no i meti mai verde.... Perche' no i fa un mega parchegio soto piazza Foragi? La xe zona de accesso alla città gavessi più senso... un riva mola l'auto e ciapa el bus... e sora la piazza piu' verde posibile... La piaza xe grande e se rivassi far un bel lavor se i volessi.... Via el piu' posibile i auti dal centro! Solo mezi publici, e biciclete, e tram Insoma... a caval del secolo se sta svolgendo lavori de lifting per la cità e questo xe ben... ma no xe ben che i li fazi mal... Cita Link al commento Condividi su altri siti Altre opzioni di condivisione...
*Chiara Inviato 2 Luglio 2004 Segnala Condividi Inviato 2 Luglio 2004 xiao a tutti ganzo il vostro dialetto... peccato che non capisco tutto... faccio già fatica a capire l'italiano...figuriamoci del triestino cmq siete tutti molto simpaticiiiiiiiii ciaooooo e bacini bacini bacini Cita Link al commento Condividi su altri siti Altre opzioni di condivisione...
yko Inviato 2 Luglio 2004 Autore Segnala Condividi Inviato 2 Luglio 2004 cara chiara, chiedi e ti sarà tradotto! ciao Cita Link al commento Condividi su altri siti Altre opzioni di condivisione...
SandroWeb Inviato 2 Luglio 2004 Segnala Condividi Inviato 2 Luglio 2004 xiao a tutti [OT] Ciao mitticca, ben arrivata pure a te Cita Link al commento Condividi su altri siti Altre opzioni di condivisione...
polpetta Inviato 2 Luglio 2004 Segnala Condividi Inviato 2 Luglio 2004 international FORUM!!! saluto i nuovi arrivati ciao yko ciao *chiara Cita Link al commento Condividi su altri siti Altre opzioni di condivisione...
saretta Inviato 3 Luglio 2004 Segnala Condividi Inviato 3 Luglio 2004 Wow benvenuto ai nuovi arrivati! Cosa dir dei parcheggi..delle piazze.... Gavemo bisogno de tutti e due ma non nel modo che i sta fazendo lori. Gavemo tanto bisogno de parcheggi..... ma anche de ritrovar el verde in città (che effettivamente xè molto poco). Ma credo che anche x chi fa i lavori sia molto difficile conciliar le due cose. A chi darghe a priorità ? Sui parcheggi de piazza Vittorio Veneto, seconod mi non xè sai de dir, i xè super utili, per chi abita la sicuramente de più e anche x chi lavora. Se pense una volta esauridi i posti sulle rive.... altri parcheggi non xè e tutti se metti a rischio multa! Mi per esempio i me ga porta via la macchina xkè iero messa un pò fora dalle strisce del parcheggio.... (180 euro de multa + carroattrezzi!!!!!) Se go de rischiar altre multe preferiso mille volte de più che i me fazi un mega parcheggio sotto qualche piazza! Per el verde cosa dir...me faria paizer che ghe ne fossi de più....ma anche quel che xè non xè che sia tenudo sai ben! Quando vado fora de mio moroso e vedo tutti i giardini ben tenudi che ga lori, me vien nostalgia, perchè de noi non xè così. Ma gavemo una città e non un paese..... in città la vita xè più frenetica. gavemo più case..metallo...monumenti.. Ma qua finimo in un altro discorso... Insomma mi non son contraria ai parcheggi xkè ripeto se i li fa vol dir che servi!!! Me piasessi anche a mi che fossi più verde in giro... ma non se pol aver tutto! Bon go fini el monologo ciau a tutti...buon weekend petesoni! Cita Link al commento Condividi su altri siti Altre opzioni di condivisione...
yko Inviato 3 Luglio 2004 Autore Segnala Condividi Inviato 3 Luglio 2004 Putele e muli grazie per el "benvenuto", però no' me comprè con do moine.(scherzo) Senza far diventar la discussion un sondaggio: posteggi si-posteggi no-, mi li voio- ti forsi anche- lori no'se sa, ecc. ecc.... Mi, nel primo post, volevo solo parlar de bona volontà . Me spiego: scava pur 'n buso, frachighe dentro 300 cassoni de fero, 'po coverzi tuto, godite la mega-opera ma sora...si proprio sora, te prego in genocion no' meterme un toco de Rozzol Melara tra i palazi del '800, se no in do ani te me mandi a remengo dozento de storia..e me toca spiegarghe ai mii amici austriaci che de ste parti i architeti e i progetisti prima i passa in osmiza dopo i se meti a disegnar... Go leto che 'n per de voi se ricorda ben la piazza Perugino... DOVE XE FINIDA la vecia(originale) ringhiera in fero batù?, e la mitica fontana?, e i fanai de l'epoca? ... Per quanto riguarda el verde..stendemo una pietosa straza e lassemo perder. Metropoli come Roma e Milano xe camere a gas super incasinade ma alberi e giardini te se li trovi in ogni canton!!! ...quà no' se trata de chi governa la cità (neri o rossi) ma de CULTURA!!! Cita Link al commento Condividi su altri siti Altre opzioni di condivisione...
Starlite Inviato 4 Luglio 2004 Segnala Condividi Inviato 4 Luglio 2004 ]Saretta: No digo cheno servi posteggi... va ben far posteggi per chi abita, ma chi se movi in centro con l'auto per lavor (e no ga bisogno de portarse drio niente altro che una valigetta/borsa) podessi anche usar el bus... Magari te disi che el servizio de us fa schifo... ma xe un circolo vizioso... i trasporti publici no se li ciapa perche' xe lenti? Ma i xe lenti perche' xe trafico.. e el trafico lo fa le macchine private... varda le auto private che te vedi girar per città ... la maggior parte ga 1 persona dentro... Insoma... se fossi meno auti saria piu scorevole e el servizio publico saria migliore... per questo digo via i auti del centro, a meno quei de chi che ghe abita.... yko: e me toca spiegarghe ai mii amici austriaciche de ste parti i architeti e i progetisti prima i passa in osmiza dopo i se meti a disegnar... Eh... el problema xe che i progestisti e i architeti no xe austriaci... ma soliti 'taliani ...quà no' se trata de chi governa la cità (neri o rossi) ma deCULTURA!!! Parole sante... ma non tutti lo capisi e i pensa che sia solo politica ciau Cita Link al commento Condividi su altri siti Altre opzioni di condivisione...
dcobau Inviato 19 Luglio 2004 Segnala Condividi Inviato 19 Luglio 2004 interessante sto topic, me intrometto anche mi anche perche, in fin dei conti, tuto el mondo xe paese. Anche de noi (per quei che non me conosi son dal'Australia e stavo in via Sette Fontane, un poco piu in zo de pza Perugino) xe sti problemi. Xe el mio parer personale che la gente diventa sempre piu pigra. Piu facile xe comprar una machina meno gente camina o ciapa el transporto publico. Se dovesi impararghe ala gente che caminar non fa mal, anzi xe sai piu san che girar in machina. So che xe anche gente che abita lontan da dove che i lavora (e i sara anche in tanti) ma per farve un esempio scolte sta qua. Dove che lavoro mi iera parchegio gratis fin a un do, tre mesi fa e el iera sempre pien. Fato sta che i ga instala le machinete per comprar i biglieti per parchegiar tuto el giorno o solo per un poche de ore (lavoro vizin a un shopping centre tipo le vostre torri). Bon, per farla breve, adeso el parchegio xe sempre mezo svodo. Morale? Ala magioranza dela gente non de ocori la machina. I la usa solo perche non de comoda de caminar come che se fazeva una volta. O me sbaglio? saluti Dave Cita Link al commento Condividi su altri siti Altre opzioni di condivisione...
yko Inviato 19 Luglio 2004 Autore Segnala Condividi Inviato 19 Luglio 2004 Caro Dave, no' te se sbagli! ciao Cita Link al commento Condividi su altri siti Altre opzioni di condivisione...
Golfoblu Inviato 13 Agosto 2004 Segnala Condividi Inviato 13 Agosto 2004 bon, prima de tuto un ricordo a Piazza Perugino, no son rivado a vederla dopo el mismas, ma la ricordo ben, apunto con la ringhiera de fero, la fontana, e le bancherele con le venderigole ( parlo del 60 ) mia zia abitava in via Severi 3, dopo la xé andada a Sistiana e desso in Foro Ulpiano. A dirve el vero l'eser umano el va a seconda del'ambiente dove el se trova, mi che son abituá in una mega citá con 15.000.000 (milioni) de abitanti, ogi me fá un poco de rider quando vedo Trieste ( cussi picia ). l'ultima volta mi giravo in lungo e largo a pie, iero a casa de un mio mia zio in Vicolo Osp.Militare e andavo in "centro" a pie, mia zia la volevo che ciogo el bus. Magari stassi mi in una citá cussi comoda e con tuto vizin e boni autobus. Credo peró che xé giusto le lamentele per mancanza de verde. ciau Fabio Cita Link al commento Condividi su altri siti Altre opzioni di condivisione...
Starlite Inviato 14 Agosto 2004 Segnala Condividi Inviato 14 Agosto 2004 Magari stassi mi in una citá cussi comoda e con tuto vizin e boni autobus. E nonostante ciò gavemo un trafico dela madonna... tropi de lori usa l'auto quando se podessi per bon andar a pie in lungo e largo... i la mola in divieto de fermata davanti el porton dove che i ga de andar e intriga roba de mati creando ancora piu' trafico Cita Link al commento Condividi su altri siti Altre opzioni di condivisione...
yko Inviato 14 Agosto 2004 Autore Segnala Condividi Inviato 14 Agosto 2004 Pigrizia e monade in testa. Scartemo quei che devi per forza usar la machina per lavor( po' va a capir quanto per forza?) resta la stragande magioranza che i riva in centro per spese e remenamenti vari... Come disi Fabio, per un che vivi in una metropoli xe ridicolo veder gente che ciol l'auto per far tre kilometri. ...colpa dei buoni benzina?? Cita Link al commento Condividi su altri siti Altre opzioni di condivisione...
Starlite Inviato 14 Agosto 2004 Segnala Condividi Inviato 14 Agosto 2004 No credo che la benzina agevolata la influisi ssai da questo punto de vista, almeno spero... Credo che sia proprio pigrizia Cita Link al commento Condividi su altri siti Altre opzioni di condivisione...
Golfoblu Inviato 17 Agosto 2004 Segnala Condividi Inviato 17 Agosto 2004 me par che Starlite gá un poco de razón, magari anca mancanza de abitudine, ma comunque zerte robe bisogna anca capirle e zercar de vegnir fora. me ricordo quando iero sai picio, 4 / 5 anni (56 / 57), mia nona stava in Greta e de estate un per de volte andavo al bagno ai Magazini Generali (me piaseva saltar sul ponte de fero sora i binari )con mio zio, e vegnivimo zó a pie pasando per el bosco, rivavomo driti lá, le volte che son torná son andá col bus, semplize e fazile. Ve propogno se volé, verzer una discussion in off topic ( fora tema...in triestin..), per scambiar informazioni / curiositá dele citá estere, senza far longhi, dove sta i muli triestini come mi, che le conossi ben e zercar de veder un poco le particolaritá dela vita che xé in giro. Per esempio quanti km de area gá Trieste, in lungo e in largo.......Faro a Borgo S.Sergio.....Molo Audace ala Cava.....i limiti xé questi..???? Sentimo cossa disi la muleria....!!!! ciau Fabio Cita Link al commento Condividi su altri siti Altre opzioni di condivisione...
Starlite Inviato 17 Agosto 2004 Segnala Condividi Inviato 17 Agosto 2004 Ve propogno se volé, verzer una discussion in off topic ( fora tema...in triestin..), per scambiar informazioni / curiositá dele citá estere, senza far longhi, Verzi verzi pur Cusì confrontemo come che xe le robe... Me ga piaso l'inciso "senza far longhi" Cita Link al commento Condividi su altri siti Altre opzioni di condivisione...
Messaggi raccomandati
Partecipa alla conversazione
Puoi pubblicare ora e registrarti più tardi. Se hai un account, accedi ora per pubblicarlo con il tuo account.