aiuto scannerizazioni..

[tuxav]

domando aiuto ...

questa foto fata con una velvia 50 e scanerizada (minolta dual iv) xe vegnuda un skifo, go tenta in tanti modi de refarla ma le diferenze de contrasto/colori tra la diapo proietada e la scanerizazion xe enorme... ok che sara' anche imposibile farle uguali ma qualchidun sa aiutarme a scanerizar mejo ? esisti dele bone regole/principi/regolazioni? mi oltre che contrasti e luminosita no rivo capirghe de + pero' ... de curve & co no capiso unca... secondo voi se riva a refarla? come?

[trert]

beh.. el fatto che te la ga postado in picio no iuta molto.. infatti el massimo che go rivado a far usando el hotoshop xe stado questo:

come ben se vedi go modificado solo el fiume, l'unico elemento facile da modificar senza alerar la qualità dell'immagine.

per far ciò me son zogado con vari strumenti:

shadow/highlight, nei quali te pol eliminar le ombre (più te elimini, più sgrana la foto) ed i punti de luce.

poi go cambiado el bilanciamento del color..

credo che el scanner te gabbi messo un poco troppa saturazion.. no so, penso

[polpetta]

o la foto di per sè la xe venuda fora cosi..o per mi durante la scannerizzazion el scanner che tira su l'immagine ga sballà i livei [l'equilibrio tra chiaro e scuro] ...

Trert ga sistemà un poco.. ma xe comunque un pecà quell'ombrona in pien foto..

ps. te ga usà el polarizzator?

[Stefano79]

Con quanti dpi te la ga acquisida? Prova ad aumentar quei...

[trert]

el numero dei dpi aumenta la risoluzion, non la qualità dell'immagine.. i colori non centra..

[cocal]

Ciao a tutti...

son novo, ma me son zogà parecchio col scanner e le dia e xe brute bestie... xe due soluzioni:

o un scanner Nikon da 600 euri o più... cosa che mi no go fato, ma se te vol dovessi ndar ben...

o te devi star 'sai tento in acquisizion de regolar i parametri (contrasto e luminosità) in modo de aver l'istogramma più esteso...

No basta, ahimè, regolarli dopo... Se te servi dritte, comunque a disposizion!

Ciao

Andrea

[tuxav]

Ciao ominimo

xfeto, weekend provero' a rifar la scanerizazion de quela foto seguendo i tui sugerimenti sul istograma e dopo vedemo cosa vien fora

Grasiiie

[trert]

oh.. benvenuto cocal!

ma AV te son rivado a tirar fora qualcossa de decente da quell'immagine dopo le prove de quella sera?

[tuxav]

no... no go riva meter man.... devo ancora meter in pratica i vs consigli

sto weekend spero de farghela

[babatriestina]

A proposito de scanner.. ,mi go un epson 1260 de un per de anni fa, che me permetti anche ( con tempo e pazienza) de tirar su diapo e pellicole negative. Tuti disi che dela negativa vien meo che dela stampa, e me par logico, anca se forsi col mio scanner no rivo a ciapar proprio tanto ben, uso per le negative 1200 e ghe meti un minuto.. i me disi che ghe xe speciali scaner per diapo, ma mi diapo no go..

ma go ritrovado quasi tute le negative de papà, dal 1950 in poi, paressi; un scatolon de foto e rullini, sopratuto bianconero! a volte xe meo del rulin che de l'album che le xe tute tacade e che quasi disfo l'album per pozarlo sul scaner.

Ma... go trovado le negative dei primi colori de papà, formato 6 x 6 dela sua vecia Rolleycord ( unica reflex che go ciapado in man, ma a ottica fissa, la iera de prima dela guera!) . Come se scanerizza quele che no ga la forma dela finestrela aposta? Se le meti sul piano, se tira su e po in fase de elaborazion se usa el comando inverti? me par che vien bastanza porcheria.

Andar in un negozio specializado e darghe de far a lori? e chi?

nissun xe andado a far sti lavori de "archeologia fotografica"?

[polpetta]

prima de andar in negosio...mi te consiglieria de provar a far come te ga dito..

meter sul piano con un per de fogli bianchi de drio x darghe una base omogenea e poi invertir in post i colori.

se non te son soddisfatta dei risultati te se pol sempre rivolger a un laboratorio e credo che lori non i gabbi problemi a farte sta acquisizion.

[babatriestina]

provado: si e no.... le foto diventa riconoscibili, solo che messe sul pian del scanner dovessi ssai lavorar sul anteprima per regolar coma ciapairle,che lu automaticamente el me varda tuto el piano, con tanta zona bianca, per cui el se regola su una via de mezzo.. e po i colori xe ssai smorti, foto anni 50-60... le buta sul celestin, go ritocado un poco, e po sgraffi, sarà anca polvere... mi no le dopravo perchè me rabiavo: mi lavoravo ben per l'inquadratura quadrata, e po le labratorio, per far prima, me le stampava retangolari perchè cussì le iera standard... se no el voleva più bori... meo che gnente xe...

[polpetta]

bhe...certo che xe de lavorarghe in post scannerizzada... xe de ovviamente selezionar solo la parte che te interessa.. e automaticamente dovessi cambiar i parametri dell'aquisizion..

xe un lavoretto non indifferente.ma se te vol recuperar veci ricordi in digitale.. o cusi o pomì diseva quel...

fane saver come va le robe ok? magari posta qualcheduna se te pol..per farne veder cos che vien fora..

ps. ma se le xe quadrate non i le dovessi lassarle come che le xe? e nella stampa verticale aver le bande bianche? ...senza taiar la foto per intenderse.. .

[babatriestina]

Ecco qua: San zeno de Verona, anni Sessanta e rotti

la negativa (oviamente tuto rimpicciolido) scansion a 1200 e appena girada

po me acorzo che le doveva esser ala roversa e zerco de cavar un poco el celestine la go anche un ninin drizzada e taiada

Comunque ste prime foto a colori le gaveva colori ssai tenui: ecove una, scanerizzada dela stampa, a mi me par che vien meo dela stampa, almeno al livello che fazzo mi. Xe solo che me piaseva riveder le inquadrature quadrate originali ( quela dela foto son mi, un pochi de anni fa)

questa no xe stada per gnente ritoccada ( e mi go solo che un photoimpact6) e i colori xe quei dela stampa, ritocandole le vien un poco più vive

[polpetta]

mi go riva far solo sti ritocchini...

purtroppo co le foto le ga un certo tempo...non xe sai de far.. te cerchi comunque de riportar un poco fora el vecio splendor dei ricordi.

cerca de tignir ben i negativi d'ora in poi..

[babatriestina]

cerca de tignir ben i negativi d'ora in poi..

Cossa vol dir tegnir ben i negativi?

I mii xe tuti nele buste, in un scatolon serado, e po?

ancora un comento, mi per questioni de spazio fazzo tuto sempre in formato Jpeg, i me disi che se se dopra el formato RAW xe tuto altro, mi go provado un per de scansioni in formato Raw , e occupa tanto spazio, forsi se pol coreger meo, ma me domando se con imagini de qualità scadente come le mie vali la pena de doprar sti formati magnaspazio o no.

però xe bel scanerizar ste vece foto, che se le ingrandissi e se trova sempre qualche particolar che se gaveva dimenticado, cossa so, i mobili de casa dei genitori,el capelin dela nona, i fiori del giardin dei zii.. tuta roba che no esisti più... el vestito de mama co la iera giovine... mi coi calzettoni bianchi che me picava sempre un... solo che le montagne xe restade precise anche dopo decenni.

[trert]

bel lavoro polpy..

@babatriestina: il formato raw te lo usi per acquisir l'immagine e farghe modifiche senza che vegni fora quei disagi che te pol gaver lavorando coi jpeg (problemi de compression per esempio) ed evitando artefatti.. i raw te permetti de modificar molto meio l'immagine.. cmq co te ga finido tutte le correzioni e te son soddisfatta.. trasforma in jpeg!

[polpetta]

cerca de tignir ben i negativi d'ora in poi..

Cossa vol dir tegnir ben i negativi?

I mii xe tuti nele buste, in un scatolon serado, e po?

ancora un comento, mi per questioni de spazio fazzo tuto sempre in formato Jpeg, i me disi che se se dopra el formato RAW xe tuto altro, mi go provado un per de scansioni in formato Raw , e occupa tanto spazio, forsi se pol coreger meo, ma me domando se con imagini de qualità scadente come le mie vali la pena de doprar sti formati magnaspazio o no.

però xe bel scanerizar ste vece foto, che se le ingrandissi e se trova sempre qualche particolar che se gaveva dimenticado, cossa so, i mobili de casa dei genitori,el capelin dela nona, i fiori del giardin dei zii.. tuta roba che no esisti più... el vestito de mama co la iera giovine... mi coi calzettoni bianchi che me picava sempre un... solo che le montagne xe restade precise anche dopo decenni.

vol dir....continua cusi.. cos te vol che te digo...