La Turchia

[miguelsonmi]

Go visto che nisun ga ancora dedicado un capitolo de questa sezion ala Turchia. Cusì ghe ne aprofito subito.

Comincemo con Istambul, alias Costantinopoli dei tempi che furono. Una foto clasica, tanto per render un pocheto l'atmosfera. La cità xe dominada da importanti (e belisime) moschee.

[miguelsonmi]

Eh sì, moschee no ghe ne manca. Chi le ga contade dixi che in cità ghe ne xe tra le 500 e le 600. La più famosa xe la Moschea Blu (in Italia i la ciama anche Moschea Azzurra), fata costruir dal sultano Ahmet. Me par sia l'unica al mondo ad aver ben 6 minareti. Per capir el nome, basta entrarghe. Per el momento ve meto una foto de l'esterno.

Oh, xe tute dia scanerizade, poi ridote zercando un compromeso tra la dimension e la qualità de imagine, stando (giustamente) dentro ai fatidici 75 kB. Se la foto xe rica de particolari qualche volta l'impresa risulta più dificile. So che comunque se pol far de meio, ma portè pazienza, stago usando tuto strumenti novi.

Per adeso me fermerò qua, rimandando le sucesive ai prosimi giorni (e no sarà solo Istanbul ). El mio obietivo saria de convincerve a vistar sto belisimo paese , situazion internazionale permetendo.

[trert]

molto bella la prima!!

consiglio: leggi QUA

gavemo spiegado come uppar le immagini su imageshack (te le pol meter grandi fin ad 1mega, ma el mio consiglio xe meterle su a 800x600 e circa 150kb max..)

la seconda xe sai granulosa!

bei bei sti posti

[miguelsonmi]

Te ga ragion, vederò de usar imageshack.

Se devo giudicar ste due mie foto, no son proprio sodisfato. La seconda, come te dixi, ga tropa grana e anche con la prima no son rivado a render la dia come in proiezion. Zercheremo de far meio, almeno spero.

PS: go sotituido la seconda imagine con una su imageshack. Son rivado a eliminar un poco de grana, anche se ancora no xe come volesi.

[miguelsonmi]

La città de Istanbul se estendi sule due rive del Corno d'Oro, unida da un paio de ponti. Se da una parte domina la Moschea Blu, l'altra xe dominada dala Torre di Galata. El traffico xe leteralmente caotico.

Se poi se va nele vie del centro, dove xe i mercati, al caos dele machine se sostituisci quel dele persone, una marea de gente indafarada, insegne per ogni negozio, roba de esaurimento nervoso, almeno per noi europei...

Un personagio tipico de quei tempi (parlo del 1979, no so se el esisti ancora) iera el "venditor de acqua" (in Turco acqua se dixi "su").

Quel che manca ovunque xe la pulizia, la merce xe esposta senza protezioni e chi la toca no ga certo le mani nete. Anche questo che vendi acqua, tanto per far un esempio, ga do biceri che no credo i vegni mai lavadi. Mi no me fidasi a bever da lori, e voi?

[miguelsonmi]

Questa xe una foto cui son afezionado . Sto muleto che volesi comprar, ma che el mostra le tasche svode, mentre el mato che vendi el se grata la testa perpleso... "e adeso cosa fazo? ghe lo dago lo steso?", me fa sai tenereza.

[trert]

me piasi sai le ultime due.. molto belle ed umane..

per quanto riguarda la grana, se te vol in pvt o nela sezion foto te spiego come cavarla..

[tuxav]

Ehila che bele foto !!!!

a parte le prime che me piasi sai, quela che forsi in asoluto me piasi de piu' xe l'ultima ... col muleto che sembra che el zerchi in scarsela 4 soldi x comprar quele robe de magnar

Sai bele!

complimenti!!!