Le panchine de Piazza Venezia e le altre...

[Jazz]

Go letto sul Piccolo de oggi una potente "sfuriata" de Paolo Rumiz che se rabiava nell'editoriale che i ga cavado le panchine de Piazza Venezia...

El tutto me ga fatto rifletter anche perchè quelle panchine iera un posto de ritrovo storico per i triestini che stava in effetti andando a farse benedir, ma non per colpa dei barboni - motivo per cui le ga cavade, ma a causa delle varie gestioni cittadine che non ghe ga mai dado smalto a quella bella piazza.

Ve consiglio de legger quell'editoriale e saria curioso de saver cossa pensè anche voi

[tinuviel]

l'editoriale no lo go letto, ma i ultimi anni li go passadi tanto in quella zona, prima per l'università poi per lavor. Disemo che xè anni che quella piazza, nonostante i la gabbi emssa a posto dal punto de vista estetico, la xè in man a drogai/alcolizzai/matti... No credo che toglier le panchine servi a qualcosa, anche perchè, spesso i se senta per terra. Iera da affrontar in qualceh altro modo el problema.

[Stefano79]

Cavar le panchine no xe una soluzion, no xe giusto che paghi tutti per colpa de pochi.

[cucciolina]

Cavar le panchine no xe una soluzion, no xe giusto che paghi tutti per colpa de pochi.

Che colpa ga i pochi? De andar a dormir sulle panchine?

Appena legio l'articolo te digo la mia, Jazz

[Stefano79]

No, ma tinuviel parlava anche de tossici, alcolizzai e matti.....quei intendevo

[arska]

Cavar le panchine no xe una soluzion, no xe giusto che paghi tutti per colpa de pochi.

a parte questo, xe assurdo che i cavi panchine un poco in ogni cità.. che un per poderse sentar ga de sentarse in un bar (=pagar).

Per mi cavar panchine xe in un certo modo sbasar el livel dela qualità dela vita in un posto, ofrir un servizio in meno .. oviamente per chi aministra xe la question più facile, se cava anca i (minimi) costi de manutenzion, cossa voler de più?

[tinuviel]

xè vero Arlon... mi go usufruido tantissimo delle panchine de Piazza Perugino, quando gavevo un per de ore de buso all'università (e in via Tigor le aule studio mancava). Purtroppo, piazza Venezia xè "messa mal", ma le panchine no pol vegnir tirade via!

[babatriestina]

Rumiz sul Piccolo se ricorda de quando che su quele panchine se sentava lu e el vedeva Randone, el presidente dele Generali!

( e cussì adesso i barboni se trasferirà su quele de Piazza Hortis, che bel cambiamento!) i faria meo a darghe aqua ala fontana che xe suta de ani!

[cucciolina]

Go letto l'articolo. Mah, in linea generale son d'accordo con lui ma xe alcuni punti che proprio no me ga piasso. Tipo el passo in cui el disi che piazza Unità se ga trasformado in un posto per baracchette per vender luganighe Mah

Cmq se i voleva risolver el "problema" i se ga sbaiado de grosso. Adesso solo i lo ga spostado. Cossa cambia? Niente diria...

[Ghost]

Quoto Cucciolina.

Sono contro la rimozione sistematica di panchine, come fanno in molti paesi di veneto e Lombardia (hanno iniziato una brutta moda).

Ma Piazza unità sta bene come sta adesso. Non si può fare l'intera citta a "misura di vecchio" con panchine in ogni canton.

[666]

prima i proibisi de sentarse sulla scalinata della chiesa ora i taia le panchine.....

[cucciolina]

[MOD] A cosa te se riferissi? Te dovessi metter un titolo più esplicativo Se te parlavi de piazza Venezia xe za una discussion verta qua [/MOD]

[Maurizio72Ts]

credo che el se riferiva all'articolo del Piccolo in merito al fatto che i ga tolto (anzi segado) le panchine nel rion de S.Giovanni.

[cucciolina]

[MOD] Ah ecco. Allora saria magari de unir le due discussioni e metterghe un titolo adeguato Ma mi no go poter qua quindi spettemo Starlite o Sandro [/MOD]

[Bonovox767]

prima i proibisi de sentarse sulla scalinata della chiesa ora i taia le panchine.....

Ma ti lamenti di cosa?

Se parli della chiesa di S.Antonio in Ponterosso, fanno bene a non lasciare degli anarchici o pseudotali a bivaccare su quello che è comunque un luogo sacro, pisciando negli angoli dell'esterno della scalinata!

Per la panchina di S.Giovanni, non so se ci sei mai passato, ma era un ritrovo fisso per tossici ed alcolizzati, ed erano poste in concomitanza ad un campo giochi per bambini.

[666]

Ma ti lamenti di cosa?

Se parli della chiesa di S.Antonio in Ponterosso, fanno bene a non lasciare degli anarchici o pseudotali a bivaccare su quello che è comunque un luogo sacro, pisciando negli angoli dell'esterno della scalinata!

Per la panchina di S.Giovanni, non so se ci sei mai passato, ma era un ritrovo fisso per tossici ed alcolizzati, ed erano poste in concomitanza ad un campo giochi per bambini.

bel sistema x sistemar le robe che non va.....

allora probabilmente ora tochera le panchine dee piazza liberta

dopo quelle de piazza oberdan....

e quando finira le panchine....

[arska]

prima i proibisi de sentarse sulla scalinata della chiesa ora i taia le panchine.....

   

Ma ti lamenti di cosa?

Se se lamenta per do motivi:

1. che i tossici no xe che no i xe più, semplicemente TI e MI no li vedemo

2. che se MI voio sentarme no go dove sentarme..

3. che se la gente vol viver in strada, no vedo perchè no. Magari te li tien de ocio, e ala prima scovaza per tera o qualsiasi altra roba zo multe, ma perchè un no dovessi sentarse in giro se vol, po'? Tuti serai in casa, xe de star?

[Nona Picia]

Secondo mi i sega le panchine perchè no i ga voia de mandar i vigili a controlar o i vigili no ga voia de andarghe. E comunque credo che da quando esisti le panchine esisti i povereti che ghe dormi sora. Se i vol una cità "nobile" no xe taiando le panchine che i la gaverà!

[Stefano79]

Quoto Arlon.

[Starlite]

[MOD] visto che nonostante el richiamo della moderatrice la gente continua a scriver qua inveze che nell'altra discussion... go unido le due [/MOD]

[Starlite]

Cmq... come no son d'accordo sulla chiusura della scalinata de S. Antonio, perche' no risolvi el problema e solo da fastidio ai altri (e no stemo parlarne qua ma parlmeno nella discussione-sondaggio aperta a suo tempo )QUA) allo steso modo quel de cavar le panchine me irrita uguale.

El problema no xe le panchine, el problema semmai xe un problema sociale che va affrontado in tutt'altro modo. E se un amministrator pubblico no ga altre idee per affrontar questi problemi sociali allora xe meio che resti casa.

[diego]

Perchè dovemo sempre butarse zenere in testa per problemi che non esisti?Tutte le panchine de tutti i giardini , tutti i scalini de quasi tutte le chiese per decenni xe stadi doprai dai Triestini per sentarse o per temporanei Sit-in, con imbriagoni e punturai presenti .Sinceramente no go capido l'attegiamento de quel fenomeno che ga deciso de intervenir solo per intervenir, senza zercar de trovar una che sia una ,soluzion alternativa , sen non quella de eliminar o taiar.

[mula alabardata]

sulle panchine de piazza venezia no so cosa dir.. non so ben el motivo x cui le ga tolte.. solo contro i barboni? se xe così le podeva lasar.. che mal ghe fazeva no so...

ma quelle de san giovanni x mi i ga fatto ben!

iera tutti sti alcolizzadi che se sentava là e i se accampava la tutto el giorno...

non sarà la soluzion migliore, ma xe pur sempre una soluzion...

[Starlite]

non sarà la soluzion migliore, ma xe pur sempre una soluzion...

no rivo proprio capir che "soluzion" xe...

barboni, tossici e alcolizai inveze che la i se metera' de un'altra parte...

che "soluzion" xe?!?!?!?!

alora seremo el Giulia, perche' xe sempre alcolizai che ghe gira dentro...

[_titti_]

El problema no xe le panchine, el problema semmai xe un problema sociale che va affrontado in tutt'altro modo. E se un amministrator pubblico no ga altre idee per affrontar questi problemi sociali allora xe meio che resti casa.

Sono d'accordo! Non è questo il modo di risolvere i problemi!!

Ieri sul piccolo c'era un'altro articolo proprio su quest'argomento dove viene commentato da un'educatrice che se vogliono i tissici si siedono anche per terra.

La scelta di segare le panchine è stata davvero allucinante!!