Ferruccio in strada....

[Kimy]

Sta mattina son usci de casa un fia in ritardo e quindi ge davo de accelerator per rivar sul lavor in tempo decente e de evitar il ritardo... Tutto ben fin la prima curva, la de drio chi te trovo? Una macchina che procedi 30km/h e la frena per non superarli Vardo meio e dal lunotto vedo un veceto con il capel in testa e la me salta in mente "Ma xe mai possibile che li devo beccar sempre mi e sempre co go furia?" Fato sta che el andava de un lento e naturalmente co lo volevo superar sto disgrazia se butta in mezzo alla strada o l'accellera neanche farlo apposta... Meno mal che ga gira prima e non me lo son tegnu fin al lavor, ma che rompidura ogni volta li becco mi...

Da questo episodio me xe salta in mente de verzer sto sondaggio che non vol esser contro i vecieti che guida, non voio offender nissun, xe solo per capir se xe vero che un vecieto con il capel in testa drio al volante xe veramente un problema alla circolazion o xe solo una leggenda metropolitana...

[basketteam]

confermo la teoria dei veci col capel....

ma secondo mi xe proprio el capel...

ve spiego come son giunto a questa conclusion...

un giorno tornando da Capodistria me trovo davanti una macchina che procedi ad un'andatura che definiremo imbarazzante... tra i 20 e i 30 all'ora in galleria de aquilinia... guardo dentro e scorgo la sagoma de un tipico "pilota con capel" tanto che ghe fazo a Francy, ma ti guarda, no xe una leggenda, xe proprio vera la storia dei veci col capel... nianche finì de dir e sulla curva subito fora della galleria sta macchina va in mezzo alla strada evitando 2 frontali nel giro de 5 secondi solo per intercessione divina...

finalmente quando la strada se slarga metto la freccia, me affianco e... sorpresa... no iera un VECIO COL CAPEL, ma una VECIA COL CAPEL

l'unione delle due disgrazie donna al volante (me scuso con le donne che guida ma a parte le eccezioni che conoso ed effetivamente esisti de solito la donna la volante no xe propriamente un asso) e autista con capel no riduci l'effetto ma lo aumenta in maniera esponenziale...

[babatriestina]

Go avudo un problema a votar.. la seconda no go problemi: no go mai furia o per lo meno zerco de no gaverla co son in auto, che no xe bona disposizion de animo de guidar.

ma la prima no go trovado el opzion che gavessi votado, cioè "Molto spesso sì".

Ma no posso colpevolizzar tuti i veceti solo perchè ghe ne xe zerti che va veramente a 30 al ora, saria come colpevolizzar tuti i motociclisti per i tanti che me supera in galleria a 70-80 al ora passando oltre la dopia strica, o piantandomese davanti al semaforo rosso.

per questo go ripiegado sula mancanza de rispetto...

de solito po co se ga furia xe per andar sul lavor e no se se ga alzado bastanza presto e a quel ora i veceti no dovessi esser ancora in strada

Po i irrita assai ma no i xe pericolosi , se no se comincia a guidar pericolosamente per nervosismo. No i ghe va adosso a nissun e no i se scinca sul muro, e ganca no i tampona. semai, fa rabia perchè se i vien tamponai i dovessi eser dela parte dela rgion.. va a dimostrar che i xe de intralcio ala circolazion!

E po, qualche volta che gavevo el capel, in machina no me lo go sempre cavado..

[molly]

con o senza capel no cambia... xe tantissime persone anziane alle quali no i dovesi rinnovarghe la patente (go rispetto per lore come persone ma non come guidatori... compresa mia nonna povera ) e no xe solo per el fatto che le va lente (se fossi solo quel e le se metti a destra, se le sorpassa e po' bon) ma el fatto xe che le xe pericolose sul serio... l'altro giorno iera una vecieta con una cinquecento che xe entrada in galleria de Piazza Foraggi e la ga continua no so per quanti metri ad andar co le riode contro el marciapie e le ga iniziar fumar proprio... iera una spuza de gomma brusada che no ve digo... ciò e se ghe sciopava una gomma? mi in scooter me go tegnu a debita distanza ma questa podeva farse sul serio mal eh...

e ne go viste tante... anche ieri iera un vecieto che per girar in galleria ga invaso la corsia de sinistra per girar poi a destra :S

o ancora l'altra volta iera un altro che camminava in mezzo a due corsie in via carducci... e volevo superarlo ma no savevo se metterme sulla corsia de destra o sinistra perchè sto qua zigzagava :S

ovvio no tutti xe cussi... xe certi anziani che xe in gamba anche a 80 anni.. ma non tutti purtroppo... e ripeto che i dovesi esser più severi nel rinnovarghe le patenti.

[Kimy]

A si gavevo dimentica questa... Volemo metter quei che ciapa la superstrada in controman? Mi un per de settimane fa me xe capita de far quasi un frontale sul uscite dei Grandi Motori, mi uscivo e un vecieto con capel in pien controman zo per l'uscita che il me lampeggiava e zigava... Me ga toca quasi buttarme in graia, dato che lui pensava de gaver piena ragion e non se ga sposta minimamente...

[Stefano79]

In linea de massima xe vero

Per la seconda domanda, co gavevo el scooter e iero de furia in genere capitava de trovar traffico, ma mai el vecio col capel, per fortuna

[cucciolina]

Diria che xe el mio incubo I xe proprio periocolosi!

Mi in auto me trasformo. Da cusì me trasformo e comincio a parlar ostrogoto con sti veceti davanti...tipo così

[saretta]

i veceti con capel o senza xè micidiali!!!!

a parte che i va lenti.... lenti.... mi go capi che lori non ga furia, ma non te pol nianche crear un traffico bestiale x questo...

i xè indecisi sulle manovre... o meglio, o i le fa subito e ben, o te sta ore de drio a spetar che i la fazi...

e dopo xè quei spudorati, li ciamo mi, che i te fa de tutto: me xè capità, ma ancora anni indrio, che cercavo posteggio... bon iera un veceto prima de mi e me lo go fregà... ouu l'omo ga comincia a farme el gesto dell'ombrel!!! a farme le faccine xkè lui ga trova prima de mi!!!! allucinante!!!!

[b-chris]

El capel no xe un aggravante, semplicemente la maggior parte dei veci gira col capel in testa perchè i xe imbacucai tutto l'anno! ( i gira con giaca e camisa tuto l'anno e dopo d'estate con 40° gavemo i collassi per strada )

No xe ca..i , oltre una certa età tempo de reazion e decision se allunga de morir. I dovessi farghe l'esame della guida ogni anno , visto che da un anno all'altro uno pol peggiorar in maniera esponenziale.

Me dispiasi che i perdi l'autonomia ma dopo i neopatentati xe la seconda categoria a rischio. Dopo brontoleremo che xe i autobus pieni de veceti rompiscatole

Una volta go becà anche mi uno come quel che gaveva visto molly, galleria de montedoro, gomme contro el marciapiede per mezza galleria, fumera e spuzza de brusà. Co lo go superà iera el veceto che rivava appena oltre el volante col cappel e coi guanti da pilota!!!

[Maurizio72Ts]

Mi in auto me trasformo. Da cusì me trasformo e comincio a parlar ostrogoto con sti veceti davanti...tipo così

confermo e sottoscrivo ....no ste mai andar in macchina con ela (se no gavè fato prima testamento )

Per quanto riguarda el sondaggio go votado per: Sti giovani non ga più rispetto per la vecchiaia... e per Non go mai furia (anche se questo ultimo no me riguarda tanto...no go la patente )

Modificato 6 Dicembre 2007 da Maurizio72Ts

[bronza coverta]

si, che li beco.....ma solo co go' furia.....

se no, no xè witz....

e quando che trovo quei "full optional", con la scatola de salviete e el cagneto de peluches che ghe bala la testa, sul lunoto posteriore.....alora semo a posto.....xè meio che ciamo casa, che no i staghi in pensier......rivo 'co rivo.....

[Kimy]

e quando che trovo quei "full optional", con la scatola de salviete e el cagneto de peluches che ghe bala la testa, sul lunoto posteriore.....alora semo a posto.....xè meio che ciamo casa, che no i staghi in pensier......rivo 'co rivo.....

Xe vero ciò gavevo dimentica quella categoria, xo el top rimani Ferruccio col capel e accanto la moglie che xe ciga e ghe disi dove svoltar e dove andar...

[bronza coverta]

Xe vero ciò gavevo dimentica quella categoria, xo el top rimani Ferruccio col capel e accanto la moglie che xe ciga e ghe disi dove svoltar e dove andar...

Eco, bravo....che dopo la smonta a farghe manovra quando che i trova un postegio, e quando el tipo, in retromarcia, col paraurti, ga za storto la targa de la machina postegiada de drio, ela la lo avisa come che fazeva una volta i scovazini col camion......bam, bam....do' s'ciafe sulla carrozzeria e via......

[mikepaison]

te li becchi sempre co te ga furia!!!!

[bronza coverta]

te li becchi sempre co te ga furia!!!!

sempre e solo...se te ga furia....mi penso che i gà el scanner, i scolta le telefonade dei cellulari e quando che i senti che qualchedun gà premura, i decidi de farghe ciapar aria ala machina.....

[arska]

no go la patente )

Ma l'avatar de Wacky Races? :D

[Renè]

l'unione delle due disgrazie donna al volante (me scuso con le donne che guida ma a parte le eccezioni che conoso ed effetivamente esisti de solito la donna la volante no xe propriamente un asso)

I disi: Dona al volante..pericolo costante.

Però xè un'ecezion, anzi una diceria cativa. Le mule sa guidar ben ..in caso contrario le xè comunque cocole perché dopo l'incidente le te vien a trovar a Catinara coi ciocolatini :)

[MONTAG]

Non ho furia, ma i vecchietti col cappello esistono e...vivono tra noi!

[cassoggi.npc]

Oltre a darghe ragion a bronza, sul discorso del scanner per cellulari, esisti un noto studio, fatto in associazion con el mago de mago e el stroligo de gretta:

esisti el problema ma dipendi da capel e capel!

col tipo se el va pian, vol dir che el sta zercando qualchidun! (categoria pericolosa)

col tipo xe un probblema de vestibilità del capel, che nel gran parte del tempo ghe casca sui oci anche perche, o lo ga comprà co el gaveva i cavei longhi e el se apena vignù fora del barbier..... o lo ga coprà de una misura più granda (cussi dura de più).

col tipo probabilmente xe la machina che no va più de quel che la và

col tipo a candela (basco) de solito non dovessi esser probblemi de tappo (intralcio), salvo picie ecezioni (ndr).

altri tipi no me vien sù in stò momento, però xe vero che i esisti!!!!

[giuli]

Diria che xe el mio incubo I xe proprio periocolosi!

Mi in auto me trasformo. Da cusì me trasformo e comincio a parlar ostrogoto con sti veceti davanti...tipo così

IDEM

dichiaro guerra alle lumache

[fra_fre]

devo dir che vecetti e capel xe una combinazion terrificante.... quando go un davanti che me va a 30 km/h e x di più a zig zag e ogni tanto te vedi el conducente sparir in zo e dopo a destra e de drio... co lo sorpasso (xchè devo sennò i miei nervi scaturissi!! ) go sempre el terror de vardar dentro. vardo: chi scopro che xe? veccettA con capel e... ecco el tocco forte: ociai con lenti scureeeee!! grandeee!! perfetta combinazion de disgrazie.... me spaventa sul serio.

poi x quanto riguarda la seconda... la mia guida se pol definir "sportiva", x cui in realtà basta poco perciò che me infastidisso se go un davanti che ga magnà cagoie x pranzo e zena... che gabbio furia come che no...

[b-chris]

E come te li guardi sorpassando e i xe con i brazzi rigidi come se i fossi steccai? Gnnn

Sembra che i contrasti un volante dotà de vita propria

[bronza coverta]

E come te li guardi sorpassando e i xe con i brazzi rigidi come se i fossi steccai? Gnnn

Sembra che i contrasti un volante dotà de vita propria

...e de tanto strenzer el volante, i gà adiritura i polpastrei bianchi...........