Mattia Ombroso (C'era una volta il "Marameo")

[Renè]

Bondì a tute e a tuti

Stavolta volevo parlarve de un personagio inventado (e del giornalin che lo ospitò) molto simpatico.. Mattia Ombroso!

Ben cent'anni fa a Trieste, iera vignù fora un "giornalin satirico pupazzetado" (cussì vigniva definido in copertina) de nome "Marameo".

Sto giornalin direto de Carlo De Dolcetti, el riportava fati e cronaca pretamente citadina, sotoforma de batude ironiche e pungenti, vignete, fumeti e witz vari. Durò al'inzirca fin ala seconda metà dei anni '30. Al'inizio el iera anca velatamente iredentista. Soto le forche caudine de la satira (pitosto cativela) del "Marameo" finirono un po' tute le realtà del periodo triestin a caval tra i primisimi anni del secolo, fin al'avvento del fascismo.. da Ceco Bepe a Mussolini, dal famoso incidente del Tran de Opcina a l'Omo Vespa ecc..

Per un periodo el "Marameo" gaveva sponsorizado e difuso le canzoni d'autore del Festival dela canzon triestina (tramite dei suplementi del giornalin stesso, con i spartidi alegai) che zà in alora se svolgeva nela splendida cornise del Teatro Politeama Rossetti.

Dei tanti personagi che i vigniva proposti su codesto cocolissimo giornalin (che iera come na "Cittadella" ante litteram, solo n'atimin più pepada), Mattia Ombroso iera sicuramente un dei più seguidi e aprezadi, in quanto i suoi temi fazeva leteralmente sbelicar dale ridade gli ingenui e poco smaliziai letori de alora.

Sto Mattia Ombroso iera praticamente el classico studente svogliado, ignorante, mauco e ultraripetente. Ogni volta che doveva scriver lo svolgimento de un tema proposto in classe dal maestro, lo fazeva ala sua maniera, scrivendo per metà in dialeto triestin e per metà in lingua, fazendo cussì un gran casin co' un mucio de erori e missiando el tuto in un gran calderon!!!!

A mi ancora ogi me fa rider.. al'epoca come dito el iera aprezadissimo, ma forsi desso no farà più de tanto rider.. parlemo sempre de un tipo de comicità semplicisima in voga nei primi anni del '900, quando le tv no esisteva e bastava poco per far sorider la zente (e forsi de sto punto de vista rispeto a ogi, iera ssai meo!).

In sto spazieto-topic ve voio ripropor el bon Mattia, sperando de farve cosa gradida e fermando cussì anca su Internet (indove che no ghe xè praticamente nula sul "Marameo" e la sua storia), a futura memoria, un personagio e na testada storici che ga significado molto non solo per el divertimento dei triestini de alora, ma anca per la satira politica e social-cultural citadina de l'epoca!!

I temi scolastici di Mattia Ombroso

Tema: "Cosa sono i microbi?"

Elaborato di Ombroso Mattia:

I microfi sono quele picole bestioline invisibili che vivi in tel nostro proprio corpo che nianche no si sa come.

I microlchi è natti a Posta per inventare molte diverse malatie malsane cone la tisi tumbercolosevole, la febre giala, l'arogna, la colera, la scrofola e altre che è difficile di spiegare.

Se è caldo pol vignire la mossa di corpo perchè i mircobi vuol vignir fuori del corpo per prender aria, se è fredo alora è più facile che venga le buganze.

I mincrobi in'italiano si dice bacili col pec cuando che lui pretendi tropo.

I milcrobi è stati trovati fuori dei dotori medichi che lori ge aiuta la cariera.

Cuando che la gente no studiava tuto per il sutil, a nissuno ge vigniva i mincrobi per la testa ma dopo che è venute le squolle per studiarge sopra alora cuindi li luomini più scienziosi i ga scoperto per cosa che i servi e con cosa che se pol mandarli via.

Cuando che un luomo amalato el mori senza sapere percossa alora i dotori medichi i capissi a occhio nudo che dipende dai milscrobi dato che le medizine non ha servito niance a morirlo prima.

Per capissare, che razza di bestie che è i miltrobli ge vol la lente del microscopio essendo che lori è picoli che antrimenti no se li pol veder nance volendo. Se invece i mincobi sono più grandevoli si pol intivare che sia pulisi, ma se è bestie grandi come una casa, alora pol essere ance che sia elefanti.

Per no dare confidenza ai mincrobi bisonia tenersi neti. e disinfetarsi la vita.

Il padre osserva che il melio disinfetente che è sopra la tera è il suo bichier di vino essendo che lacua marzisi i pali.

Il sigor Sandro del piano di soto che ge taca pagare la tassa del can ho dito che è ancora una fortuna che i miscrobi è così picoli che no se li niance vedi percè se si li vedessi ne tocassi pagar la tassa aance su lori.

Mattia Ombroso

*****************************************

***********************************************************************

Alèèè Alga (Marina Alga, studentessa del Nautico con suo nono che legeva i pupoli del "Marameo")

[arska]