Trieste nascosta

[mula alabardata]

no so se iera meio verzer sta discussion qua o in Trieste..ma alla fin fine xe un libro e scrivo quà...

gavemo ciolto sto libro x Nadal e devo dir che xe molto cocolo.

xe raccontade 400 curiosità della nostra città: degli aneddoti su robe che magari vedemo ogni giorno senza saver la loro storia, o su robe che no prima no gavevo mai senti parlar...

xe a colori con tante foto e ogni aneddoto xe descritto in una facciata...

lo consiglio x tutti quei che ama la nostra città e vol saver tutto de Trieste!

[SandroWeb]

Xe un libro molto bel...go avudo modo de leggerlo l'altro anno e devo dir che xe un must per chi ama la propria città e vol scoprir tante piccole robe che pochi sa.

Oltretutto quest'anno xe uscida una versione aggiornada del libro con tante pagine in più...feghe un pensierin

[trert]

za Jazz gaveva parlado de sto libro: QUA!

mi lo go, lo go letto e me son fatto circa metà dei posti illustradi con tanto de resoconto fotografico, però adesso xe fredin e speto primavera per finir el gireto.. chi che vol unirse..

[mula alabardata]

oh..scuseme... no gavevo visto che Jazz gaveva za parla de sta roba...

cmq mi go la version nova,quella che xe uscì da poco..

[SandroWeb]

oh..scuseme... no gavevo visto che Jazz gaveva za parla de sta roba...

cmq mi go la version nova,quella che xe uscì da poco..

Te me savessi dir el numero de pagine totali? Cussì me fazo un'idea de quanto xe cambiada la nova ristampa rispetto a quella che go mi

[mula alabardata]

xe più o meno 462 pagine..

cmq in copertina xe scritto "edizione ampliata con 30 nuove schede"

[SandroWeb]

Ben bon allora xe semplicemente 30 pagine in più

Grazie

[mula alabardata]

già.. penso proprio che sia cusì!

prego!!

[tifone]

I me lo ga regalà per Nadal,xè proprio interessante per chi che ghe piasi conosser un poco de più la nostra città e i suoi angoli più nascosti,gò quasi fini de leggerlo.Me son reso conto che a Trieste bisognassi camminar con il naso all'insù per non perderse tutte queste bellezze architettoniche.

[Maurice]

Lo ga comprà mio papà... me lo farò dar de lui

[saretta]

Dopo gaver letto le voste info penso proprio che con l'anno novo, cioè da domani, andarò a ciorlo, perchè sai me incuriosisi saver robe nove sulla nostra bella city.

[lucius]

se prospetta interessante.

http://www.linteditoriale.com/schede/tsnascosta.htm

quassu le info

[Maurice]

Dopo gaver letto le voste info penso proprio che con l'anno novo, cioè da domani, andarò a ciorlo, perchè sai me incuriosisi saver robe nove sulla nostra bella city.

Xe talmente tante le robe che no savemo!

[babatriestina]

Bel libro! me lo son fata regalar anche mi per Nadal e lo go za finido!

vien voia de aprofondir e de fotografar.. però no xe proprio tuto tuto giustissimo, ghe go trovado qualche eroretto e omission, insomma se impara moltissimo ma no stelo ciapar sempre tuto per oro colado.

presempio, me domando perchè el palazzo de via SS Martiri, che el lo ciama la Ca Rezzonico triestina, ( a proposito, tanto tempo che no passo de là, el xe sempre in restauro?) no capisso perchè che nol lo ciami come tuti Palazzo Artelli, che lo ga fato nel Otocento sti Artelli vegnui de Venezia ?

[saretta]

Lo go ciolto, xè una figada!!! troppo bel e troppo interessante! gaverò cosa legger, go già da un'ociada cmq, e xè robe che non gavessi mai pensà!

[Juliet]

cocolo libro

cmq a pag. 95 xe un eror: la cesa xe stada sconsacrada el 13 dicembre 1784.

il 24 giugno ma del 1782 xe el primo decreto de sopression.

e per finir la punta...alcune robe dell'antico assetto xe legibili nei vani interni.

pag.392 per completezzadell'informazioni l'edificio xe la canonica della ex cesa de san sebastiano e rocco.

so son iritante...con le mie punte sorry