Tempi di attesa al pronto soccorso

[SandroWeb]

Verzo sto post per confrontarme con chi ga vissudo l'"esperienza" de spetar n ore in pronto soccorso.

Oggi pomeriggio xe capitado che go dovudo portar a Cattinara mia nonna: nulla de grave, ma a causa de un piccolo malor la gavemo portada su per una visita neurologica (come ne gaveva dito de far el medico de base).

Risultato: semo stadi là dalle 16.45 alle 21.45 circa, el tutto per far l'accettazion, la prima visita, la visita del neurologo e la TAC. Aggiungo che non iera troppo casin a Cattinara oggi (nessun codice rosso, per dirla in breve) ma xe comunque sempre 5 ore, de cui 2 orette (se non de più) de tempo morto.

Adesso, mi non so quanto sia realmente l'attesa media per una situazion come questa, però xe una roba che me ga fatto rifletter.

[Stefano79]

Mi co me son cromà in scooter i me ga portà in ambulanza a Cattinara. Per carità, no iero in pericolo de vita, ma gavevo pur sempre un ginocio insanguinà che podeva anche esser rotto e i brazi coverti de rusoni insanguinadi. Go spetà un'ora e mezza prima de esser visità

Me vien de pensar che l'ordine de visita sia in base a quanto uno ziga de dolor......mi de carattere no son uno che fa scenate e anche se me fazeva mal go zercà de restar composto.....La prossima volta me metto a urlar come un tenor e vedemo quanto speto :D

[tuxav]

te capiso benisimo mi me xe capita' l'altro anno de spetar dale 16 ale 2 de note x una roba che no iera urgente.... iera anche capita un codice rosso ma cmq l'attesa dentro xe snervante.

Devo dir che co te son la te mandasi a remengo tuti pero' a freddo son riva ala conclusion che chi lavora la se fa veramente el c*l tuto el giorno e no li invidio, anzi li ammiro. Certo i pol sbagliar nel ciamar le persone o i se pol 'dimenticar' qualche roba picola, ma se xe robe gravi penso che semo in bone man.... mi no gavesi coragio de far quel lavor la... quindi solo amirazion... anche se, ripeto, co te son la te li mandasi a cantar

[Tonio]

un giro se iera fato mal mio fradel, e siccome stemo a sistiana gavemo deciso de portarlo a Monfalcon... el se iera fato male a balon, gavemo spetado in PS 3 pre, con la caviglia che iera grande quanto la sua coscia....

a sto punto gavemo deciso de andar al burlo e lì, gavemo spetado pochissimo, perchè xè vegnù fora che iera una bruta frattura del perone, e che iera tipo scomposta...

meio el burlo del monfalcon, anche se gà rimesso a posto l'osso prima del gesso a mano senza anestesia....lo gò sentido urlar fin corridoio...

comunque meio trieste de monfalcon...

[tuxav]

La prossima volta me metto a urlar come un tenor e vedemo quanto speto biggrin.gif biggrin.gif biggrin.gif

se te fa cusi e son mi l'infermier te conzo una martelada in testa cusi dopo i te ricovera subito de urgenza :D :D

[babatriestina]

Perchè sè andai al pronto soccorso de Cattinara! mi co go problemi vado al pronto soccorso del Maggior!

Un mese fa, un zenocio arremengo, e gnente de urgente, solo che no povevo camianr e volevo esser sicura de no eserme rotta, son andada verso le 9 de matina e a ora de pranzo iero a casa: un pochi de tempi morti sicuro, ma evidentemente iera gente che gaveva più urgenza de mi. La sola roba che me go ben guardado de far xe stado rientrar col autoambulanza, perchè quela per portar a casa no ga nissuna priorità e me ricordo mia povera mama che ga spetado una volta 4 ore , finida la visita, fin tarda sera, a Cattinare, per farse riportar a casa con un brazo ingessado e un' incrinazion al bacino : no i fazeva che portar suso motociclisti e automobilisti sc'incai!

[trert]

mi son cascado col motorin e iero tuto un sangue e a monfalcon seppur iera sai gente i me ga fatto entrar quasi subito, i me ga pulido e dado un do garze e fatto spetar per meterme apposto tutto per buh.. 30min! no posso lamentarme ecco!

[SandroWeb]

Perchè sè andai al pronto soccorso de Cattinara! mi co go problemi vado al pronto soccorso del Maggior!

Per le TAC cerebrali xe solo a Cattinara...

[Ghost]

Quando sono andato a catinara per il mio incidente (polso rotto e 2 costole incrinate) son entrato alle 8:00 verso le 10:00 mi hanno fatto visita preliminare e lastre e mi hanno detto "vada la maggiore che l'ortopedico e la". Son andato al maggiore e verso l'una avevo il gesso.

Abbiamo addirittura l'ortopedico a turni su a catinara o al maggiore

[SandroWeb]

Abbiamo addirittura l'ortopedico a turni su a catinara o al maggiore

Già...quella volta che mi ruppi l'anulare della mano destra ero prima destinato a Cattinara, poi han cambiato strada perchè il turno era proprio al Maggiore

[gigits]

te capiso benisimo mi me xe capita' l'altro anno de spetar dale 16 ale 2 de note x una roba che no iera urgente.... iera anche capita un codice rosso ma cmq l'attesa dentro xe snervante.

Devo dir che co te son la te mandasi a remengo tuti pero' a freddo son riva ala conclusion che chi lavora la se fa veramente el c*l tuto el giorno e no li invidio, anzi li ammiro. Certo i pol sbagliar nel ciamar le persone o i se pol 'dimenticar' qualche roba picola, ma se xe robe gravi penso che semo in bone man.... mi no gavesi coragio de far quel lavor la... quindi solo amirazion... anche se, ripeto, co te son la te li mandasi a cantar

anche per me le attese sono sempre state molto lunghe! bisogna armarsi di tanta tantissima pazienza!

[dido76]

mi quele poche volte che nei ultimi anni go frequenta el pronto socorso per qualche acciacco me go premunido prima e me go porta drio qualcosa de leger...go sempre spetado dalle 3 alle 5 ore...2 balle allucinanti

[molly]

mi una volta dopo un incidente (i me ga investi con una vespa) son anda per farme controlar de non gaver danni al ginocio e schiena che me fazeva sai mal... e go dovu spetar 8 ore... da mezzogiorno alle sei

per mi xe poco personal altrimenti non se spiega...

capiso che i ga de far passar avanti chi ga veramente robe gravi (e xe più che giusto) però 8 ore me par trope... penso

poi una volta a Cattinara per punti in testa inveze go speta poco... i punti subito (visto che perdevo un casin de sangue) i raggi inveze dopo tre quarti d'ora circa

però ve conto questa: iera sta infermiera che se comportava in modo stronzissimo con mi... e non capivo perchè... el dott. ghe chiedi cosa me xe successo... e la disi incidente in scooter... e mi replico che no, xe che go batu la testa sul faro de grignan (e non ste rider ) e sta qua la ga cambia completamente atteggiamento, dopo la iera tutta cocola...

discriminazioni anche a seconda de come un se fa mal... ma vara ti...

meio star sempre ben va

[iaga]

Mi go accompagnà una volta un mulo.. che gaveva problemi col ginocio (me par.. no me ricordo più)..

Me ricordo che iera domenica e che no iera codici rossi durante la nostra attesa.. prima de noi iera un 3 persone de cui una muleta che no rivava a caminar, senza genitori ma coi amici (rimasti fora del PS).. la saltellava de qua e de là senza i soldi per telefonar in cabina (ghe li gavemo dadi noi) e senza che i dottori ghe gabbi dado una carrozzina o un baston o qualsiasi roba. Le ore de attesa no me ricordo quante che iera, però iera tante.. e i dottori iera dentro che ciacolava.. (co se verzeva le porte te vedevi che in fondo iera sti dottori che ciacolava)

E co finalmente ghe ga fato i esami, per spetar le risposte gavemo spetà un'eternità.

[Nona Picia]

Mi personalmente le due volte che son andada in PS cola crocerossa, no go spetà gnanche 5 minuti, pur non essendo tropo grave, ma me ricordo che mia mama (la gavea quela volta 84 ani) per una farttura al polso, la ga spetà da mesogirno ale 9 de sera. Po' mio fio co se ga roto l'osso del colo, el ga dovù spetar pei ragi fin quasi mezanote perchè la machina iera rota e dopo in ortopedica no iera posto e i lo ga messo in neurologica. E una cugina de mio marì la ga spetà de mesogiorno fin ale 6 de sera. Comunque semo fortunai perchè almeno no i ne manda via.E po dotori e infermieri el più dele volte i xe ciapai pel colo.

ciao ciao

[Starlite]

Mi me xe capita' piu' de una volta de accompagnar qualche familiare in pronto soccorso. Una volta go perso tutto el giorno dale 9 ale 18 per accompagnar prima zo al maggiore, dopo su a cattinara perche' no me ricordo cossa iera de turno la, per dopo tornar zo perche' serviva un'altra visita che iera de turno zo...

No iera mai robe gravi devo dir, pero' go sempre perso parecchio tempo anche se no iera gente grave che ne passava davanti.

Xe snervante dover spetar la senza saver quando i fa le robe...

xe la roba pezo...

ma spero sempre che se xe una roba grave le robe i le fazi immediatamente...

[ziaroberta]

ok, da adetta ai lavori me sento ciamada in causa, anche se no go mai lavorà in pronto socorso e anzi me ne guardo ben visto l'opinion che la gente gà dei quei posti, basta legger le righe qua sora

me par che tuti vol tuto e subito, vol una visita completa in pochi minuti e 5 ore per una TAC e una visita neuro che par sai roba (me dispiasi, sandro, ma mi la pensa cussì)

no xe el pronto socorso el problema. se el se ciama PRONTO SOCORSO xe un motivo, e el motivo xe che dovessi servir per le robe URGENTI. e basta!!!!

per el resto DOVESSI ESSER un medico de base capace de distinguer una storta da una frattura, ma la gente no va dal medico perchè primo no sa distinguer e secondo perchè ..... ghe secca far la fila e terzo perchè anche quando va dal medico la risposta xe (come per la nona de sandro) la vadi in pronto socorso

no xe facile lavorar in quei posti, sopratuto adeso che la gente ga imparà che se pol domandar i dani se no i te cura ben. e cussì per pararse el cul i te fa far tanti esami inutili e le file se slonga, se no i sa cosa che te ga, perchè magari no te ga niente, i te rimanda da un altro specialista che no trova niente nianche lui, finchè quelchedun trova che te ga un brusco in un ocio e alora te fa mal el ginocio. ti te va a casa tuto contento e el mal te pasa solo in un per de giorni. intento te ga intasà el pronto socorso, ma in un pomerigio te ga fato tanti esami che se te ciolevi apuntamento te dovevi spetar 6 mesi

no, no xe el pronto socorso el problema, ma quel ch ghe sta intorno

[Stefano79]

[...] se el se ciama PRONTO SOCORSO xe un motivo, e el motivo xe che dovessi servir per le robe URGENTI. e basta!!!!

per el resto DOVESSI ESSER un medico de base capace de distinguer una storta da una frattura, ma la gente no va dal medico [...]

Son d'accordo che el medico de base no dovesi aprofitar del pronto soccorso per robe che no servi. Ma xe anche de dir che i ricevi la bellezza de 2 ore al giorno (d'estate solo una) e sabato e domenica niente.....Se uno ghe capita una qualsiasi rogna nel weekend, no pol far altro che andar in pronto soccorso!

I ga de assumer più medici, poco de far...xe inconcepibile che uno devi far ping pong tra Cattinara e el Maggiore perchè uno xe de turno qua e l'altro là. Anche perchè se uno no ga la macchina come fa? El se fraca sulla 22 magari con un legamento rotto? Mah...

[molly]

beh non gavè tegnu conto dei costi...

per esempio mi che son sta butada soto dalla vespa... andando in pronto soccorso go risparmia soldi (raggi gratuiti, te paghi solo el ticket)... poi i me xe stai rimborsai ma non podevo saver se i me saria stadi rimborsadi o meno...

se se va in privato se paga bastanza de più...

e chi non ga soldi xe giusto che possi aver assistenza comunque...

poi come disevo giusto che passi avanti chi ga sul serio urgenza...ma non xe giusto però far spetar dalle otto ore in su.... xe tutta mancanza de personal... come sempre manca soldi anche per quel... non se scampa ... e ve disi una che lavora con i ospedai quindi sa

[Stefano79]

e chi non ga soldi xe giusto che possi aver assistenza comunque...

Sicuro, nisun ga messo in discussion questo

Sul fatto che sia gratis...beh...i ne salassa la busta paga ogni mese per pagarli, tanto gratis no dirìa

[SandroWeb]

Tranquilla ziaroberta, la mia no voleva esser solo una critica al sistema de pronto soccorso (go el massimo rispetto della gente che lavora dentro, xe un lavoro difficile e pien de responsabilità, no posso quindi che dirghe "grazie" per tutto quel che i fa), quanto cercar de capir se i tempi xe realmente quei.

Per el caso che me xe successo ieri, se trattava cmq de una roba abbastanza seria, in quanto za una settimana fa iera successa la stessa roba (mia nona xe andada in svenimento 2 volte in sette giorni e la iera za al Maggiore l'altra settimana). Se se podeva evitar de andar, credime che no se fazevimo mezza giornata su

El discorso xe che el medico de base no gavessi podudo venir prima delle 19 (iera alle 15 che no la xe stada ben), ga consigliado quindi de portarla su per scrupolo (ed effettivamente la stava parecchio mal, iero bastanza preoccupado)

Ripeto ancora una volta: non volevo in alcun modo screditar l'operato de chi xe là, la mia iera una pura curiosità

Modificato 20 Giugno 2006 da SandroWeb

[SandroWeb]

Aggiungo comunque che xe la sacrosanta verità che va in pronto soccorso gente che no ga bisogno de cure urgenti...ne go viste giusto un paio proprio ieri.

Pienamente d'accordo sul fatto che saria de fustigar sto tipo de persone

[tinuviel]

el problema xè che, effettivamente, in pronto soccorso va tanta gente che no ne gavessxi bisogno. E che el medico de base spesso xè un scariga barili...

Gavevo 18 anni, estate, tutti i miei (pochi) parenti iera in ferie, me son storta de bruto la caviglia scendedno le scale de casa de mia sorela. Son rivada a tornar a casa con la macchina, go meso el jazo sperando che me passassi (me son storta innumerevoli volte la caviglia...). Ma el giorno dopo no rivavo neanche a meterla per tera cusì son andada dal dottor accompagnada da un vicin de casa e, nonostante fossi sicura che iera solo una storta forte, el dottor me ga mandà a cattinara. Me ga accompagnà sempre el mio vicin che poi xè andà via, i me ga fato pagar un ticket (e me ga prestà i soldi una sconosciuta mossa da pietà!!!!) de 60000 che no gavevo con mi (altri tempi...), dopo aver spetado 3 ore, i me ga fato i raggi e i me ga mandà al maggiore, la stessa che me ga prestà i soldi me ga offerto el passaggio (suo papà, anche ela iera ko con la caviglia), la go spetà altre 4 ore per farme meter una fasa e farme intossicar coi farmaci...sì, perchè quel furbon del dottor me ga dado de cior 4 aulin al giorno e mi, che no iero abituada, me xè vegnuda reazion dopo 3 giorni (e da quela volta no poso cior quel genere de anitdolorifici che me vien asma). Bon, son tornada a casa ale 7 de sera, sempre accompagnada dai sconosudi, e go dovudo spetar due giorni prima che tornassi a casa mia sorela e che la me portassi le stampelle, che no podevo meter el pie per tera...un'odissea!!!

[saretta]

In effetti quanto te speti dipendi dai casi urgenti che xè prima....

Mi sinceramente, quando son stada portada de urgenza dai miei per via dei reni, non go speta niente, i me ga fatt tutto e subito, e con molta accuratezza.

Devo dir però che forse sarà sta l'unica notte che non iera sai gente al PS.

Mentre quel che me toca lamentar xè che , quando goporta mia nonna, in auto perchè i me ga dito che l'ambulanza non i la movi a meno che non la sia in fin de vita, e ne ga fatto spetar ore in sala de atesa, con nonna che non stava nianche in pie, la iera piegada dai dolori e nn i ne gaveva npc

A sto punto digo, forse quanto te speti e come te vien trattà dipendi dai dottori de turno!

[SandroWeb]

Un'ultima roba volevo aggiunger: ieri gavemo cmq ciamado el 118 e ga deciso lori de portarla su per accertamenti