Centro assistenza Canon: dove?

[SandroWeb]

Dunque, ve pongo el mio quesito, visto che voi bazzichè con le macchine fotografiche come mi bazzico coi server

Go una Canon Powershot A85 e da qualche tempo go qualche noia per impizarla: in pratica xe come se el tastin on/off no rivi a far contatto, chissà dio.

Volessi portarla a farla veder, ma no go capido se a Trieste xe un centro de assistenza Canon oppure no...sul sito ufficial no go ben capido se xe de ciamar a Milano per poi farse dir dove poder andar...

Qualchedun che ga avudo un problema del genere me pol illuminar?

[mula alabardata]

te ga scelto proprio el periodo in cui el gran promotor Canon xe in vacanza x far sta domanda??

[tuxav]

No son esatamente come funziona xche' no me xe mai capita', cioe me xe capita ma con una machina vecia de 20 anni quindi la garanzia iera legermente scaduda

In teoria te dovesi portarla dove te la ga comprada e dopo se rangia lori a spedirla fora, ma mi provasi a sentir Canon e domandarghe come funziona. Qua a TS centri asistenza no ghe ne xe, tuti parla ben de un centro assistenza de Peschiera Borromeo me par. go anche senti dir che nel periodo de garanzia canon manda a prelevar la machina e te la riconsenga a spese sue, no so se questo val per tute le machine o se solo per le reflex o se solo per i profesionisti che lavora.. prova a ciamar

In ogni caso se no xe una roba super urgente mi spetasi verso meta setembre in modo de darhge tempo ai centri asistenza de smaltir el lavor acumula in estate se no te risci de restar senza macchina tropo a lungo.

In ogni caso fate un gireto su: CanonClub Italia e forsi te trovi qualche risposta piu detagliada

PS: quel altro me par che sia in giro per le birrerie del friul a impetesarse ... bah

[SandroWeb]

Qua a TS centri asistenza no ghe ne xe, tuti parla ben de un centro assistenza de Peschiera Borromeo me par.

Infatti...go varda sul sito Canon e pararia che el centro più vicin sia a Padova...cmq appena go un poco de tempo fazo un paio de interurbane

[Nona Picia]

Qua a TS centri asistenza no ghe ne xe,  tuti parla ben de un centro assistenza de Peschiera Borromeo me par.

Infatti...go varda sul sito Canon e pararia che el centro più vicin sia a Padova...cmq appena go un poco de tempo fazo un paio de interurbane

L'assistenza del Canon xe in via Petronio, più o meno all'altezza de via Piccardi, sul lato sinistro vegnindo proprio de via Piccardi. Spero de no aver sbaglià incrocio.

ciao ciao

[SandroWeb]

Grazie Anche Tifone me diseva de andar a veder in via Petronio, next week fazo un scampon

[trert]

ecome

come disi tuxav.. anche mi no go mai avudo (tocadina de maroni) sto problema e quindi no me son mai chiesto.. ma no go capido.. la xe in garanzia?

[assist]

Grazie Anche Tifone me diseva de andar a veder in via Petronio, next week fazo un scampon

Si si conoso el posto....el negozio se ciama Gramaglia, xe subito girado l'incrocio da via piccardi in via petronio, sulla sinistra

[SandroWeb]

ma no go capido.. la xe in garanzia?

Uhm me par che no lo sia più, sempre se la garanzia xe de 1 anno...controllerò!

[tuxav]

uhm ma come mai no el figura nei centri canon? sul sito no i scrivi niente... qualchidun ga mai porta' qualcosa la ?

mi no me fidasi de portar la, almeno che telefonando a canon lori me daghi l'ok.

Cmq su Questa pagina xe l'elenco dei centri asistenza.

[tifone]

ma no go capido.. la xe in garanzia?

Uhm me par che no lo sia più, sempre se la garanzia xe de 1 anno...controllerò!

Se te la ga comperada senza partita iva la garanzia xè de due anni.Mi ghe go portado la stampante canon in via Petronio,adesso no saverìa dir se xe ancora associado alla canon,pol esser che ghe gabi tirà via la convenzion?

[tuxav]

acquisti con p.iva xe un anno de garanzia, come privato xe due... questo son abb. sicuro ...

probabile che in via petronio el centro assistenza sia per stampani fotocopiatrici & co mentre per fotocamere no.... unica xe ciamar canon

[giuli]

Un Canon "professional" Store è in via dell'Istria 8 da Attualfoto [ 040-771326]... magari loro sanno dirti come fare..

[trert]

beh, ma attual i te aiuta.. però no i ghe meti le man sora se xe problemi de malfunzionamento solitamente..