Legge regionale aperture festive

[Damia]

Premessa: ieri pituravimo casa con due amici tuto el giorno.

Alora oviamente ghe ofrimo la "merenda".

Ok iera le due...andemo al McDonald al Giulia. Serà el giulia e anche el mcdonald.

Paninoteche per strada serade.

Rivemo alle torri, che pensemo che el pian dei ristoranti devi eser per forza verto.

E el xe verto...PERO'

solo perchè xe una delle giornate scelte de apertura.

Sicome gavemo visto i cartei delle aperture festive gavemo domandà.

Praticamente quando ghe sarà le chiusure domenicali sarà serà tuto, anche i loghi per magnar...e ancora pezo, ANCHE EL CINE!

[Stefano79]

Me par el minimo, i lavoratori gaverà diritto a un giorno de festa in comune per la loro vita, no te par? Fossi per mi serasi tutte le domeniche, tanto in cine se pol andar benissimo in un giorno lavorativo dopo zena

[Damia]

A parte che el nazionale resta verto le domeniche (quindi...un cine gà + diritto e uno no)

Ti te va in cine in giorno de lavor. Mi quando lavoravo lunedì venerdì no andavo mai in settimana, perchè onestamente iero stanca e sopratuto in inverno me piaseva andar in cine de domenica pomeriggio (e come mi tanto). E nemmeno i fioi va in cine in giorno de lavor in settimana. Anzi...spesso te sa quando te li porti? De domenica Mattina.

El giorno de riposo i lo gà a turno in ogni caso.

E STORICAMENTE cine e ristorazioni xe sempre stai verti nei giorni de festa (persin Nadal sa?)

E te lo disi una che de domenica lavora.

Edited January 26, 2009 by Damia

[Stefano79]

So che esisti i turni, ma cusì a mio avviso no se riva ad aver i propri spazi. Iera za una discussion su sto tema da qualche parte, pena la trovo le uniso

Riassumendo quel che gavevo scritto, secondo mi le robe sta ciapando un brutto andazzo, tutti vol tutto verto sempre, pensando solo ai propri interessi. Anche mi tante volte co passeggio de domenica me piasesi veder qualcosa de verto, ma dopo, pensandoghe ben, capiso che no saria giusto, perchè qualchedun altro doveria rinunciar alla domenica per mi.

Deso mi capiso i servizi essenziali, ma un cine no lo xe. Inoltre in un centro commerciale se te verzi el cine dopo verzi anche i baretti, e dopo se iniziasi a verzer qualche negozio.....finchè la domenica diventeria un giorno lavorativo come un altro. Per questo se xe stadi costretti a intervenir legalmente con le leggi regionali.

Se tutto el mondo se metesi a lavorar a turni perchè tutti vol sempre tutto, allora saria la fine del mondo. Niente più vita sociale, l'omo diventasi una macchina da produzion e basta. E tutto questo.....per no saver rinunciar al cine alla domenica

[Ghost]

Argomento delicato ma in buona parte concordo con Stefano. Anche chi lavora in un cinema o in un ristorante ha diritto ad un giorno di stop...

Utopicamente il bello sarebbe che grazie alla tecnologia ed ad una equa distribuzione del reddito tutti riuscissero a lavorare part time.

Ma nel mondo reale c'è qualcuno in cima alla piramide che accumula ricchezza spremendo chi sta sotto e facendolo lavorare quanto più possibile e pagandolo quanto meno possibile per ottenere il massimo guadagno.

Quindi purtroppo le leggi che limitino quete cose serve, in quanto il datore di lavoro ha il coltello dalla pate del manico e terrebbe aperto 7 giorni su 7.

[arska]

mah. Chi che lavora nei setori del intratenimento, ristorazion, e simili SA e DEVI lavorar proprio nei momenti in cui i altri no lavora.

No pol eser diversamente, xe semplice senso comun!

Chi lavora in sti setori gaverà un giorno de stop.. el emrcoledì, per esempio. Ma no ghe vedo niente de strano che lori lavori quando mi me la spasso.. xe prprio la origine dela esistenza del suo lavor!

Se no i vol, che i cambi mestier.

Dito questo, son d'acordo se tute le altre categorie sta serade un giorno ala setimana. Anzi, lo ritegno sacrosanto pei lavoratori.

Tropi diritti gavemo dado via nei decenni pasadi, mancassi anche questo.

[zalzi]

Quindi purtroppo le leggi che limitino quete cose serve, in quanto il datore di lavoro ha il coltello dalla pate del manico e terrebbe aperto 7 giorni su 7.

Guarda che non esistono solo i grandi capitalisti. Nel commercio, nella piccola impresa e anche nella ristorazione il datore di lavoro di norma lavora quanto e più dei dipendenti. E non mi dire che in compenso guadagna di più, perchè non sempre è vero, se vai a guardare il lordo dello stipendio.

Ciò detto, son d'accordo con Arlon: quando che i altri xe liberi, i ristoratori lavora. Me par ovvio.

[dido76]

savè cosa me ga sempre fato rifleter de tuta sta cagnara che i fa qua de noi x le domeniche chiuse???

udine: centri comerciali verti ma negozi chiusi!!! per el cine no so, penso che el restava verto.

koper: el centro comercial vicin l'hobi: chiuso de domenica dopopranzo...

a parte monfalcon con l'emisfero verto e el bennet poco + in là, disemo che solo noi gavevimo i centri comerciali verti. quindi quando i parla che la gente anderà in altri posti me vien de chiederghe: dove???

sia chiaro che anche mi, se me capita de gaver bisogno de qualcosa de domenica, savendo che xè verto, vado e ciogo o ale tori o al giulia...ma se fosi chiuso rimandasi al primo giorno utile.

dir che la domenica servi i negozi verti me par esagerado...se poi i se la zoga disendo che i manda la gente casa alora +tosto che i cambi i orari de chiusura serale e te fa + turni...ma se no ricordo mal ale tori tenir verto de + no ghe serviva sai tanto che i ga ridotto drasticamente l'orario da quando i le ga inaugurade.

[Damia]

qua erò se confondi "verto de domenica" e lavorar 7 su 7.

Una roba no vol dir l'altra per forza...

e volessi veder se da prossima setimana, estate compresa, tuto se ferma de domenica (perchè se el lavorator gà bisogno dela domenica, gà bisogno TUTI i lavoratori)

Niente verto, nessun local, bar, ristorante, pub, tabachin, giornalaio, benzinaio, negozio, centro commerciale.

E questo a sto punto val a Trieste come a Lignan, de inverno come d'estate.

(PS anche quando i centri commerciali a TS no esisteva...el cine de domenica iera sempre verto)

Edited January 27, 2009 by Damia

[molly]

mi son d'accordo chenessun devi lavorar 7 giorni su 7 ma per questo esisti i turni.

che piuttosto sia maggiori controlli su contratti e turni!

per non parlar delle persone che lavorava solo i weekend e quindi ghe fazeva comodo sia verto. non gavè idea de quante commesse (tipo mia zia de 54 anni che lavorava de smolars i weekend.. e altre come ela) xe stade licenziade per sta storia della chiusura domenicale :S

e che i cinema e i posti dove se magna sia serai me par una ca**ada, ghe perdi tuti (anche perchè xe da sempre che se stadi verti, anche co i negozi iera serai la domenica. non vedo perchè sta roba controproducente :S)

[molly]

scuse.. doppio post.. no so come go fatto :S

Edited January 27, 2009 by molly

[arska]

me chiedo: sta lege la ga fata Illy o i novi?

[dido76]

forse ve sfuggi una cosa però: i cine vien eventualmente chiusi de domenica perchè la legge regionale xè per i "negozi" con + de 400mq...e disi che se se tratta de attività allì'interno de un centro comerciale,anche se el negozio xè + picio, vien considerado tuto el centro nel suo insieme e quindi rientra anche el negozio che no ga quei famosi 400mq.

adeso però ghe xè un ricorso in ballo,xkè l'outlet de palmanova ga becado 30mila euro de multa per eser rimasti verti el giorno dela befana, e lori difendendo el fato che i xè composti da singoli negozi con chiusura setimanale e tuti soto quei 400mq, i disi che i pol restar verti.

la causa, a seconda del risultato, pol far cascar la lege regionale.

no stemo poi confonder trieste con lignan o grado...o se lo fa sempre o mai ...quele xè località turistiche che d'estate fa el pien e xè dichiarade tali anche...quindi xè,ahinoi, normale che i gabi negozi verti de domenica.

qua i se lamenta dei negozi chiusi la domenica,ma quando le navi rivava de lunedì e i gaveva la posibilità de tenir verto perchè i negozi iera chiusi???

far la spesa de domenica: un'abitudine che xè diventada normale,ma apunto trieste ga questo da quando ga verto el giulia,prima, e le torri dopo...co no iera el giulia gaver i negozi chiusi la domenica iera normale e come fazevimo???o come fazeva la gente prima de noi???

forsi però el discorso va posto diversamente: quando i me dimostrerà che el gaver le domeniche coi negozi chiusi equivalerà a spender soldi nele cità vicine perchè là xè verto, alora poderò anche iniziar a pensar che sia utile gaver verto quà....xkè rendeve conto che la disputa xè solo su questo, no sul fato che la gente gaverà el centro chiuso e quindi no poderà far la spesa o comprar qualcosa de domenica: a lori se voi no podè comprar qualcosa x voi no ghe cambia, se inveze lori no ga l'incasso eco che i alza la vose e i disi: i va a spender in slovenia o in furlania....cosa che ve assicuro la vedo dificile dato che x esempio città fiera xè da anni che la domenica xè verto solo nei ristoranti, deso anche nel supermercato, e nel cinema...ma ga da sempre i negozi chiusi !!! ora,x quanto fora convegni far la spesa (se po' se va de carefour no xè paragoni) penso che un triestin no andarà far la spesa a udin de domenica

mi lavoro su turni,e se me capita de domenica de eser libero pol anche eser che vado a farme un giro per le torri o el giulia e che compro qualcosa, ma se so che xè chiuso no me cambia sai e fazo altro.

[Damia]

Per mi iera assurdo anche la chiusura el lunedì, però apunto xe i negozi in città.

Quei che podessi anche adesso tinir verto...ma che cmq i decidi de serar.

Ma se volemo discuter sui costi xe un conto.

Se però ragionemo sul fato che xe giusto o meno aver la domenica libera per i lavoratori alora abi pazienza ma no vedo perchè un triestin (per dir) gà + dirito de un gradese, opur un comesso de intimissimi dele torri (altro esempio) gà + diritto del barista in centro città.

Cioè se xe giusto riposar la domenica per la commessa dela coop no vedo perchè no lo gabi de eser per gli altri.

Dopo di che mi anche lavoro a turni e no vedo sto trauma a lavorar la domenica a dir el vero. Per cui me vien complicà capir chi che se tanto lamenta...tuto qua. (e fin tre mesi fa lavoravo lun-ven)

PS: e tra le varie robe comunque trovo assurdo che el cine e el pian dei locai vegni chiusi.

Robe che per tradizion da sempre xe verti de domenica.

Edited January 27, 2009 by Damia

[Stefano79]

Se però ragionemo sul fato che xe giusto o meno aver la domenica libera per i lavoratori alora abi pazienza ma no vedo perchè un triestin (per dir) gà + dirito de un gradese, opur un comesso de intimissimi dele torri (altro esempio) gà + diritto del barista in centro città.

Cioè se xe giusto riposar la domenica per la commessa dela coop no vedo perchè no lo gabi de eser per gli altri.

Qua te ga ragion, i diritti dovesi esser uguali per tutti, a prescindere se uno vivi in zona turistica o meno.

Dopo di che mi anche lavoro a turni e no vedo sto trauma a lavorar la domenica a dir el vero. Per cui me vien complicà capir chi che se tanto lamenta...tuto qua. (e fin tre mesi fa lavoravo lun-ven)

Immagina de aver un turno de lavoro dove te ga festa martedi e mercoledi. Inveze tuo moroso ga un turno con libero giovedi e venerdi. Quando ve vedè? Quando gave diritto a star insieme? No gavesi nianche un giorno libero per voi. Per no parlar dei turni notturni.

Ed oltre al discorso famigliar, saria la fine de qualsiasi forma de aggregazion umana extralavorativa.

Posso farte el mio esempio, son appassionà de sub e son iscritto a un circolo subacqueo. Qaundo xe verto el circolo? Dalle 19 alle 21:30, perchè a quell'ora la maggior parte della gente ga fini de lavorar e pol andarghe, anche gli stessi addetti all'apertura, visto che nisun lo fa de profession, ma come dopo lavor. Deso immagina che tutti lavorasi a turni. No ghe saria nianche un giorno, nianche un intervallo orario della settimana in cui se pol verzer perchè xe liberi tutti. Questo significasi la chiusura. E questo val per qualsiasi tipo de associazion umana, credime.

Secoli de storia ne ga portà a trovar un ritmo lavorativo con delle pause COMUNI, e xe fondamentale che resti cusi. Almeno per el discorso del lavoro serale/notturno.

Edited January 27, 2009 by Stefano79

[Ghost]

Su questo argomento sono in linea con Stefano.

Non è solo una questione sindacale o di equa ripartizione delle ore di lavoro. Ma una questione sociale, e se si vuole religiosa.

E una questione di avere 1 giorno libero per tutti in modo da stare assieme.

Domenica e giorno di stop intrasettimanale hanno due valenze diverse.

1 giorno di stop alla settimana con turni serve per permetterti di usufruire di servizi che trovi chiusi in altri giorni.

La domenica è per star con la famiglia, andare a messa o dormire perchè la sera prima si è andati fuori con gli amici.

La domenica è sacra. Se la togli ti ritrovi con situazioni tipo il "non riuscire a passar eun giorno con il patner/famiglia" o non poter andare a messa (che per un credente è un fastidio).

Non è bello obbligare a scegliere tra rinunciare al giorno "della famiglia"/"di Dio" o rinunciare al lavoro.

Finchè è una cosa che riguarda solo servizi essenziali e turnisti, adeguatamente retribuiti per il disturbo, è una cosa accettabile.

Ma qua stiam parlando di applicare questa situazione a tutto il terziario... servizi essenziali e non, divertimenti, trasporti, negozi... la maggioranza della popolazione italiana.

Edited January 27, 2009 by Ghost

[molly]

mi saria d'accordo se però se garantiria lavor per tutti.

invece come ve disevo mia zia (54 anni, con tanta esperienza alle spalle de vario genere ma per via dell'età nessun la vol. e giuro che xe vero, non me invento!) xe rimasta disoccupada dopo sta legge perchè non i pol far più i contratti weekend! e come ela tante altre ex commesse.

saria allora de trovar una sistemazion anche per lore!!!

ah per farve capir.. quei che fazeva contratti weekend iera Smolars, Dem e Bottega verde.

Edited January 27, 2009 by molly

[Stefano79]

Bon ma questo xe un altro discorso, qua xe per via dell'età. Se mi go 30 anni e go difficoltà a trovar lavor, figuremose uno/a de 54!

El mio iera un discorso su cio che comporta sta "mania del tutto verto sempre".

[arska]

continuo a dir: xe demenziale dir che un nel setor de turismo, intratenimento, ristorazion, ecc.. seri co' i altri no lavora. Al caso, el contrario..

[Stefano79]

continuo a dir: xe demenziale dir che un nel setor de turismo, intratenimento, ristorazion, ecc.. seri co' i altri no lavora. Al caso, el contrario..

Quel no, ma la moda dei centri commerciali sta influenzando anche gli altri settori. Se parlemo nello specifico dei ristoranti allora son d'accordo con ti. Ma l'apertura de un centro commerciale, con tutte le spese che ne deriva (pulizie, vigilanza, guardiafuochi ecc) solo per el cine e 2 baretti pesa. Quindi pian pianin se ga inizia anche a verzer qualche negozio...domani due, dopodomani tre.........finchè se ga verto tutto. Allora no va più ben. Stesso discorso per l'apertura serale de tutti i negozi in certi periodi dell'anno. Prima iera solo un'eccezion natalizia, deso za diventa troppo frequente: a Nadal, co xe saldi, a caso ecc...manca solo farlo anche per comprar le puttanade de Halloween o de carneval

Digo solo de tornar a come iera un 15-20 anni fa, prima del boom del Giulia, che xe stado el precursor del cambiamento de mentalità della gente, almeno qua a Trieste.

[Ikeya]

ma come mai in Svizzera i lavora 42 ore a settimana e i ga scioperà quando i voleva ridurghele?

e perchè allora no seremo anche i ospedai, visto che de domenica xè meio no lavorar? poveri medici, anche lori ga diritto!

ripeto che secondo mi xè una dele tante cagade che vegnerà fatte da sta giunta regionale per limitar Trieste... perchè quei dell'ex Jugoslavia i vien spesso de domenica e cussì fazendo magari i andarà fora in Friul...

e za come xè desso un turista che riva a Trieste de domenica no ga dove andar... figuremose dopo sta legge ad-minchiam!

per quanto riguarda i centri commerciali... se ciama semplicemente CONCORRENZA, una cosa che in Italia, fin dagli inizi della Repubblica, xè sempre stada limitada a favor de pochi...

i negozi pici fallissi perchè spesso xè gestidi da gente incompetente, che decidi de verzer un esercizio convinta de ciapar bori al 100%... ma basta vardarse un attimo attorno e sveiarse un attimo per capir se una tipologia de negozio va o non va verta in un determinato tipo de zona... ad esempio se verzo un negozio de elettrodomestici in mezzo a una zona pedonale xè ovvio che fallirò... come se verzo un negozio de abbigliamento a Borgo San Sergio o in via Baiamonti... eppur de gente che fa cussì ghe ne xè tanta, e dopo che no i se lamenti se i perdi la casa perchè ghe la ga dada come garanzia...

ad esempio se vardè el negozio de vestiti davanti alle torri ghe ga solo guadagnà de quando che xè el centro commerciale, perchè passa de la tantissima gente che prima nemmeno se sognava de girar in quella zona... e ga un target giovanile, visto che alle torri passa tantissimi giovani... se i tegnissi roba de veci saria za morto e sepolto!

Edited January 28, 2009 by Ikeya

[Damia]

Dopo di che mi anche lavoro a turni e no vedo sto trauma a lavorar la domenica a dir el vero. Per cui me vien complicà capir chi che se tanto lamenta...tuto qua. (e fin tre mesi fa lavoravo lun-ven)

Immagina de aver un turno de lavoro dove te ga festa martedi e mercoledi. Inveze tuo moroso ga un turno con libero giovedi e venerdi. Quando ve vedè? Quando gave diritto a star insieme? No gavesi nianche un giorno libero per voi. Per no parlar dei turni notturni.

beh no gò de immaginar.

Mi lavoro su turni.

Capita che lavoro sabato e domenica.

E anche nei notturni.

se vedemo la sera a cena, de dopopranzo se lavoro de matina de sabato e domenica (o de matina se lavoro de pomeriggio), de giorno se lavoro de note.

Adesso no fazo attività, ma perchè gò trope robe in ballo (scuola guida, casa nova, turni straordinari).

ma dopo ricomincio a far altre robe.

Se te se sa organizzar...

[Damia]

Su questo argomento sono in linea con Stefano.

Non è solo una questione sindacale o di equa ripartizione delle ore di lavoro. Ma una questione sociale, e se si vuole religiosa.

me dispiasi ma come no aceto ingerenze su altri argomenti anche qua la religion devi farse de parte (come per fecondazione, aborto, e tuto quel che gà a che far con la religion). Stato xe una roba, religion un'altra.

E una questione di avere 1 giorno libero per tutti in modo da stare assieme.

Domenica e giorno di stop intrasettimanale hanno due valenze diverse.

1 giorno di stop alla settimana con turni serve per permetterti di usufruire di servizi che trovi chiusi in altri giorni.

No, me dispiasi ma el giorno de "stop" come te lo ciami ti, xe un giorno de riposo per mi come un altro.

La domenica è sacra. Se la togli ti ritrovi con situazioni tipo il "non riuscire a passar eun giorno con il patner/famiglia" o non poter andare a messa (che per un credente è un fastidio).

a meno che no te lavori 24 ore te gà varie messe sia de domenica che negli altri giorni eh?

Ma qua stiam parlando di applicare questa situazione a tutto il terziario... servizi essenziali e non, divertimenti, trasporti, negozi... la maggioranza della popolazione italiana.

proprio volendo nel terziario NON esisti servizi essenziali sa?

Volessi veder se a vita i serassi tuti i servizi del terziario ogni domenica.

(e anche la ristorazion perchè anche quela NO xe necessaria).

Un poco andassi ben...ma dopo?

QUante famiglie va a pranzo fora de domenica?

(e stefano...sopratuto se te gà fioi, domenica a pranzo no xe uguale de sabato sera)

[Ghost]

Io ho vissuto per 28 anni senza usufruire di negozi o locali la domenica... non mi pare che siano tanto "essenziali".

Riguardo domenica e religione se hai letto tutti i topic che tirano in ballo la chiesa sai bene che sono un acerrimo oppositore delle ingerenze della chiesa ma tirare il ballo la questione in questo frangete mi sembra un po ridicolo, anzi un ingerenza alla rovescia.

La chiesa non deve incasinare la vita ai laici ma anche i laici non devono far la stessa cosa ai credenti.

[Nona Picia]

Premetendo che mi son una che no lavora fora de casa e che per quasi 60 anni dela sua vita ga visto chiusi tuti i negozi de domenica, trane pan carne e late che iera verti la domenica matina fin quando che no xe vignù el boom dei congelatori,per cui a mi i negozi verti de domenica no me interessa, devo dir che cine bar e ristoranti iera sempre verti domeniche e feste comandade.

ogi come ogi mi continuo a far la spesa durante la setimana, anche perchè no go problemi de tempo, ma soprattutto per abitudine.Però chi che ogi lavora e che per tanti anni ga usufruì dele aperture domenicali, ga anche lui la sua necessità e abitudine. E no xe giusto che tanta gente sia mandada via del lavor con la scusa che de domenica xe chiuso el negozio e se lavora meno. Per cui sarìa più dacordo per le aperture domenicale che ogi xe quasi una necessità per tanti opur per un'alternativa de orari prolungadi durante la setimana per tenir quei che perderia el lavor a causa dele chiusure. Per quel che riguarda la messa, al sabato sera e prima del qualsiasi festa religiosa tranne Nadal (che però ga la messa a mezzanotte) capodanno e forsi Pasqua

ghe xe la messa prefestiva e ala domenica le messe serali in diverse ore, per cui anche questo saria un probblema risolvibile.

Con questo però no voio dir che xe giusto che tanta gente lavori de domenica e per le feste e tanta inveze se la spassi in giro. Però se no lavora el comesso, perchè devi lavorar un dotor o un ristorator o un operator de cine? O un autista de autobus o un pilota o un conduttor de treni o autoambulanze o un poliziotto? E perchè quei del centro, che co riva le navi xe quasi sempre serai, sì e quei altri no?

Dove xe la GIUSTIZIA CHE DOVERIA ESSER UGUALE PER TUTTI anche per el lavor?

Edited January 28, 2009 by Nona Picia