Crolla el tetto del Befed

[SandroWeb]

Dai scampoli de notizie che go podudo scoltar, par che alle 15 e 30 se gabi sentido un boato là del Befed, con el conseguente crollo de tutto el tetto

Mi me chiedo: se sta roba fossi successa de sera quando xe gente? Certo che xe de darghe la medaia a chi ga fatto i lavori de ristrutturazion, sempre se non se tratta de qualche altra causa

[iaga]

No go parole..

[saretta]

Brutta storia..veramente! Meno mal che iera svodo...

Cmq sai mal x ki se gaveva occupa de ristrutturazioni.. meio che scampi!

[tuxav]

eco apunto mejo che scampi si.. anche se tanto no i ghe fa niente...

e dopo i se domanda xche no i combina niente ala baia de sistiana... tsk.. se no i xe nianca boni de far un cubo de cemento armato xe mejo che i vadi zogar co i Lego...

mi no capiso niente, qua ghe volesi un ing. dei materiali (o futuro) che ne spieghi come/cosa xe suceso e magari anche un architetto che aiuti sto povero ing a far le robe un poco mejo ...

adeso me domando quanti secoli pasera' prima che i fazi de novo qualcosa in quel posto.....

[Starlite]

mi no capiso niente, qua ghe volesi un ing. dei materiali (o futuro) che ne spieghi come/cosa xe suceso e magari anche un architetto che aiuti sto povero ing a far le robe un poco mejo ...

Ahem... sarà colpa del architetto

[tuxav]

x mi xe colpa dei ing. dei materiali petesoni...

[tuxav]

si pero' nisun che se preocupa dela fine che fara' i polli!!!

t

[Matt]

xe robe assurde.

mi desso no so cossa sia successo esatamente, ma che crolli el tetto cussi, all'improvviso xe roba sai strana..el potnil de sistiana, volendo una spiegazion semi-logica la pol gaver...ma el solaio de un local pubblico, me par impossibile...se capitava de sera, iera C***I brutti....

[Vico]

Dovevo andarghe la prossima settimana ...

AloHa

Vico

[SandroWeb]

Go sentì de gente che za stasera gaveva de andar al Befed...me vien i brividi pensar alla strage che podeva venir fora...

Bye

[Ale#11]

Un dei pochi locai boni...e crolla el tetto!

Per fortuna no iera gente..

[Mulotriestin]

Tornavo dal friul dopo una pasquetta passada e smagnazar e bever...passo daventi al befed e vedo tre volanti della polizia, tre mezzi dei vigili del fogo e un casin de gente intorno ..gavevimo capì che iera successo qualcossa de grave ma no se capiva cossa.. pò son rivà a casa e gò sentì el tg...l'unica roba che me vien de pensar xe che meno mal no ghe iera nissun dentro senno iera la vera strage!!

Mi no me intendo de ingegneria ma me vien el dubbio che co i gà ristrutturà i gà tirà via con troppa leggerezza qualche colonna poi la piova de 'sti giorni e tanti mesi de vibrazioni della musica gà fato el resto..cmq per fortuna xe andada ben!!!

CIAUUU

[Giada]

Mi stago veramente parecchio mal perchè al Befed ormai ierimo de casa, conossevo tutti i camerieri, go fatto là festa de laurea e Capodanno, me ciapa mal pensar cossa che saria potudo succeder se....

Fatto sta che a mi me par SAI STRANO. Uno, perchè in fin dei conti no xe che i ga fatto chissà che lavori de ristrutturazion, la struttura (colonne comprese) iera la stessa del machiavelli, prima Big Ben, che xè là in pie de più de venti anni de quanto ne so. Due, perchè se gaveva de crollar no spettava quasi un anno. Tre, perchè xe successo proprio quando che no iera nissun... quattro, perchè iera el local che andava de più qua a TS, città dove notoriamente ogni iniziativa de questo genere mori in meno de un anno perchè i tira casin in vari modi.... mi me spuzza.....

[Matt]

go vardà el tg, e solo oggi go cisto come xe la situazion!

a dir poco disastrosa...una spiegazioon, credo che sia sai dura de trovar, ma de quel poco ch ego imparado in 5 anni de scola, podessi dir che oltre al cedimento strutturale,( colpa delle fondazioni forsi? spostamenti estremamente lenti che ga portado al distacco ede queste e conseguente allargamento dell'interasse delle colonne e quindi crollo del solaio).

ora, no so esattaente quanti anni gaveva l'edificio; go letto prima una 20ina, beh...xe sai pochi, se podessi considerar una costruzion ancora "nova" o perlomeno recente, quindi saria de escluder anca el collasso del cemento armado (che se fatto ben inizia a dar problemi dopo 100 anni)a meno che no sia stado fatto mal equindi de sto punto, avanza la mia ultima ipotesi, ovvero che co i ga tirado su el local, qualchidun ga fatto le robe alla c***O, col risultado che gavemo visto...

ma rimani troppe stranezze, se i ga ristruddurado, un anno fa, allora forsi i podeva corgerse...no so cossa dir...xe una brutta roba

no so se son rivado a spiegar molto ben...ma ghe go provado

[Starlite]

Bisognasi andar la e veder de vizin.

Secondo mi xe sta fato mal inizialmente qualcossa, propio co i ga fato l'edificio.

No so che lavori de ristruturazion che i gabi fato...

Cemento armà se xe ben fato dovesi tignir ssai ben come che disi Matt.

Xe come se deso me se verzi el pavimento e me trovo in brazo del mato che abita soto de mi

No saria bel

[SandroWeb]

(CUT)

Xe come se deso me se verzi el pavimento e me trovo in brazo del mato che abita soto de mi

No saria bel

(OT)

In tal caso metti una rede de sicurezza, cussì te son cautelado ti e xe cautelado anche el povero cristo de sotto

[assist]

Proprio un bel casotto quel de ieri si! Come ga dito in tanti e xe quel che penso anche mi: meno mal che no iera nisun all'interno sennò veniva fora un disastro.

Cmq....chi me spiega el perchè la polizia stradale ga chiuso la costiera, o per lo meno, iera necessario chiuderla tutta? gavevo apena pasado sistiana e stavo per immetterme in costiera appunto e iera la pattuglia che fazeva el blocco.

[Mulotriestin]

Dalla foto del tetto crollà che go visto sul Piccolo gò notà un particolare inquietante...se vedi sai pochi feri dentro el cemento armato!!Me vien el dubbio che cò i gaveva costruì el tetto i iera andai in economia. .ga guantà fin che gà guantà e ieri...PATAPUNFETE!!

Vederemo cossa che i ne conta nei prossini giorni sul giornal...

CIAUUUUUUUUUUU

[Mulotriestin]

Cmq....chi me spiega el perchè la polizia stradale ga chiuso la costiera, o per lo meno, iera necessario chiuderla tutta? gavevo apena pasado sistiana e stavo per immetterme in costiera appunto e iera la pattuglia che fazeva el blocco.   

I gà blocca el traffico perchè a un certo punto se gà sentì forte odor de gas e petrolio...iera i tubi che se gaveva rotto e perdeva gas alla grande...iera el ris'cio che s'ciopi tutto per aria per quel i gà blocà tutto!!

CIAUUUU