Multa in viale raffaello sanzio

[mygraph]

Ciao muloni! Xe la prima volta che scrivo sul forum, anche se ve go letto parecchio in 'sti anni...

Come de sicuro savè già, a Trieste ghe xe una legge che disi che te devi controllar l'auto parcheggiada almeno ogni 48 ore. Quindi vol dir che non podè lasar l'auto parcheggiada in strada per più de 48 ore, senza darghe un'ociada, perché nel caso de lavori i pol portarve via l'auto anche se la iera parcheggida correttamente.

Mi go parcheggià l'auto in viale raffaello sanzio all'altezza della Posta a san giovanni il 13 luglio. Non iera el divieto de sosta. La mattina dopo il 14 luglio verso le 10/11 del mattino vado in auto a prender una roba e non iera divieti. Non passo più per l'auto fino al 16 luglio e non la xe più. Noto per terra le nuovissime strisce bianche dei parcheggi e fazo due più due: i la ga portada via (prma delle 10). Però mi i segnali de divieto non li go mai visti, e quindi non i ga spetà le 48 ore previste.

Qiel che me chiedo xe: qualchedun ga visto quando i ga messo i segnali del divieto? qualchedun ga becà la stessa multa?

In autorimessa i me ga dito che iera tante macchine sequestrade quel giorno. Xe tutti con la testa sulle nuvole che non vedi i divieti?

grazie per l'aiuto!

mg

[666]

el 14 luglio alle ore 6:00 de mattina SICURAMENTE iera i cartei de divieto e iera scritto che i partiva dal giorno 15 (quel giorno gavevo la 12 e gavevo portado la macchina su de mattina e go visto i cartei de divieto che partiva dal giorno dopo ,questo la del campo de calcio, la della posta credo che iera uguale), per quando riguarda che la gente non vedi i cartei basta far un giro per citta.......

[babatriestina]

e se te son in viaggio in treno o in aereo, e te ga lassado la machina in strada, perchè no xe nissuna legge che imponi de tegnirla in garas, men che meno co se xe via?

Ghe xe nato a mia cugina al Lido de venezia, la abita là, la ga el permesso de residente, la la parcheggia al posto bon, la metti el contrassegno e la va via in treno. La torna dopo una settimana: macchina portada via col carro attrezzi, pagar de ciorla e multa perchè dopo che le xe andada via i ga messo el avviso de spostarla perchè i doveva ripitturar le stricche! la ga pagado perchè i ghe ga dito che ricorrer xe radighi, ma la xe inc **** nera!

[Stefano79]

Fa ricorso, xe l'unico consiglio che posso darte. Anche se a Trieste vinzer un ricorso xe come vinzer al Superenalotto...

[Stefano79]

Secondo consiglio: scrivighe alle segnalazioni del Piccolo, no servirà a niente ma xe meio de niente.

P.S: Benvenuta Se te vol te pol presentarte QUA

[cucciolina]

Ma infatti! Se te son in viaggio come te fa a controllar la macchina???? Che i la porti via, se la intriga, ma non dar la multa ah!

P.S. Benvenuda anche da parte mia

Modificato 5 Agosto 2009 da cucciolina

[mygraph]

el 14 luglio alle ore 6:00 de mattina SICURAMENTE iera i cartei de divieto e iera scritto che i partiva dal giorno 15 (quel giorno gavevo la 12 e gavevo portado la macchina su de mattina e go visto i cartei de divieto che partiva dal giorno dopo ,questo la del campo de calcio, la della posta credo che iera uguale), per quando riguarda che la gente non vedi i cartei basta far un giro per citta.......

Ciao a tutti e grazie per le risposte e i benvenuti! Non speravo tanto!

Temo che il toco del campo de calcio i lo ga fatto prima e quindi quelle date xe diverse rispetto al toco dalla posta in zo (verso cità). Anche perché sui miei cartei scriveva che partiva dal 16. Mi el 14 go spetà la nove per un cinque minuti e iero proprio dove (più tardi secondo mi) i ga messo i segnai grandi come la casa. Me fa strano che non li go visti. Ma tutto pol suceder.

Quel che xe sicuro xe:

a.) farò ricorso

b.) xe assurdo che uno non possi andar in ferie, o magari (fazemo corni) esser ricoverà in ospedal, senza rischiar de pagar quasi 150 euro tra rimozione e multa.

Non so voi, ma 150 euro che se ne va perché a lori ghe gira de piturar le striche de parcheggio a mi me pesa. Soprattutto adesso col mutuo. Poi, come diseva Cucciolina me par assurdo che devo anche pagar la multa. Ma se la iera regolare!

In comun i ga dito che non controllar la macchina ogni 48 ore xe "equiparabile allo stato di abbandono dell'autoveicolo". Epperò. Mi che per risparmiar/non inquinar/non impazzir drio i parcheggi, vado a lavorar in autobus son praticamente una criminale. Anche perché tantissime volte trovo parcheggio lontan dal tragitto che fazo per andar a cior l'autobus e capita che non vedo la macchina da domenica a domenica.

Ma sti signori che i fa le leggi che prevedi con tanta leggereza de mollar sberle de 150 euri i se rendi conto che non tutti gavemo le paghe che i ciapa lori?

Ve aggiorno sui sviluppi. Grazie a tutti e grazie.

Modificato 7 Agosto 2009 da mygraph

[666]

se te ga ciapado la multa per :

Art. 7 > Commi 1, lettera a), e 14 - Divieto di sosta per esigenze tecniche e di pulizia.

se i cartei iera presenti 48 ore prima(come previsto dal c.d.s.) se dura che te vinzi el ricorso,al limite fallo al g.d.p., che se te lo perdi non te radoppia la multa

ciao

[cucciolina]

In comun i ga dito che non controllar la macchina ogni 48 ore xe "equiparabile allo stato di abbandono dell'autoveicolo".

Ma scandaloso! Xe el classico esempio de mancanza de buon senso della legge. Vara, no so cosa dir se non che te auguro che te rivi a vinzer

[Nona Picia]

No ne resta altro, se dovemo partir senza la macchina, de romperghe le scatole in comun perchè che i ne disi se in quel toco de strada i da de piturar striche o far lavori in un futuro più o meno prossimo......