Piaza Venezia

[SaRtO]

E meter Mikeze e Jakeze in P.za della Borsa no eh?

[ciano de giarizole]

E meter Mikeze e Jakeze in P.za della Borsa no eh?

Te dirò, no saria una cativa idea. No credo però che i resisteria ale intemperie.

No so chi de voi li ga visti quando i xe stai esposti dopo el restauro: me sembra che i gabi rivado a fermar i dani del tempo, ma no son convinto che i resisteria ancora sai se esposti ala piova, ala bora, al'inquinamento ect etc etciù.

Vero xe che bisognasi trovarghe un bel posto, magari in camera de comercio (no saria la sede ideale ma almeno se li podesi veder.

Ciano de Giarizole

[Starlite]

De Michez e Jakez parlemo QUA nela discusion-sondagio aposita

[Starlite]

Da come scrivi oggi el Piccolo par che sia ormai deciso...

a primavera dovessi cominciar i lavori de riqualificazion de piazza Venezia...

niente Massimiliano, via el Nettuno che tornerà in piazza della Borsa,

e in piazza Venezia riva una statua completa de Monsignor Santin.

Sarà allargada la piazza de un 4 metri, messe almeno 4 panchine, pavimentada in piera bianca per contrastar con el grigio delle rive. Sparirà 2 alberi sul lato mare per dar visibilità alla nova statua per chi passa sulle rive.

Per quanto riguarda la viabilità: la 10 continuerà gaver capolinea dove che xe adesso, i taxi occuperà uno spazio esattamente dalla parte opposta dove xe l'edicola, sparisi diversi posti macchina.

La via Cadorna tra la piazza Venezia e via S. Giorgio diventa a senso unico inverso rispetto a come che xe adeso, per cui chi arriva da via Lazzaretto Vecchio andarà drito immettendose in via Cadorna anziché via Diaz.

La via Diaz vien chiusa al traffico tra la piazza Venezia e la via S. Giorgio in modo da allargar la zona pedonale de za esistente de via Torino e far un novo tratto pedonale davanti all'entrata del museo Revoltella.

Costo: 600 mila Euro previsti de cui 200 mila solo per la realizzazion della statua de Santin.

Sul ricollocamento de Massimiliano gaveva espresso parere favorevole el consiglio circoscrizionale.

Contro la statua de Santin se iera espressi i nipoti de Santin che vivi a Trieste invitanto el Comun a spender quei soldi (200.000 euro no xe pochi) in opere caritatevoli.

[cucciolina]

Bah.... Quoto el pensiero dei nipoti de Sanin. I soldi se podeva utilizzar altrimenti e i podeva ricollocar là Massimiliano senza problemi.

[arska]

sta statua, qualchidun sa come che la saria? che prima de giudicar, saria de veder.. Xe de dir che el fato che no i meti Maximilian me lo spetavo

[diego]

Che i metti la statua de Santin no xe che me fazi sai felice, e questo penso posi valer per i Triestini veci come mi. Saria una storia lunga e piena de perchè. Bon, al limite no occoreva meter niente e lasar la fontana . Personalmente la statua de Massimiliano me gaveria piaso de più.

[babatriestina]

Meter a posto la piazza, OK, perchè la xe trascurada. Spostar la fontana del Mazzoleni in Piazza della Borsa, forsi anca sì, che dove che la xe la xe un poco sacrificada ( vederemo come e quando che i la rimetterà in Piazza dela Borsa. meo un Nettuno che motociclette...

Cavar alberi? forsi do.. se vardè le vece cartoline della piazza con la statua de Massimilian, vederè che no ghe xe GNANCA UN ALBERO. El monumento svettava in una piazza senza verde. Come che el stassi adesso? per ricrear el atmosfera, se dovessi taiat i alberi.. pecà!! e coi alberi, go paura che el restassi sofigado.. li lo lassassi a casa sua , a Miramar, libero de inquinamento, col gesto come se el disessi Benvegnui a casa mia!

Santin??? ghe xe za do busti in giro, farghe una statua xe bori sprecai, e me par che i la fazzi solo che per impedirghe el ritorno a Massimilian. Se i nipoti ( che xe de sinsitra, se ben ricordo..) sugerissi de dar in beneficenza, penso che i gabi fato una bona proposta. Chi che vol far la statua a Santin, che i fazi una sottoscrizion, chi che vol che paghi e che i la metti al vescovado, o anche a Monte Grisa che xe la cesa che ga voludo lu!

Ma me sa che qua no ghe xe interesse per un o per l'altro, ma solo i soliti becamenti fra destra e sinistra.

Quel che no go capido xe la storia dei ferai stile antico, che adesso in Piazza i xe za antichi... far e disfar xe anche un lavor, ma me sa che ghe guadagna solo che i costruttori.

Modificato 9 Dicembre 2006 da babatriestina

[Starlite]

A giorni parti i lavori preliminari de indagine in piazza Venezia. Sarà recintada la piazza, istituido un divieto de sosta sul retro. Sarà valutada l'estension delle radici dei alberi per veder come proceder alla posa delle piere durante i lavori de riqualificazion che dovesi partir entro l'anno.

Intanto sembra deciso lo spostamento del capolinea della 10 in via Mercato Vecchio.

[arska]

...e la statua?

[giuli]

la resta là

[Ikeya]

che bel cussì sarà ancora più facile trovar parcheggio per mi che son seralista al Carli

[666]

Intanto sembra deciso lo spostamento del capolinea della 10 in via Mercato Vecchio.

i bus dove i girera'? a ocio me par stretta per far inversion a u (almeno credo)

[Renè]

Ragazzi, qua no se tratta de question fontana , Massimiliano ecc.ecc. El punto della question che noi trasformi quel poco de verde che xe in quella piazza in un'altra oasi de cemento. Semo la città che forsi ga più macchine(in proporzion) de tutta l'Italia, con le vie urbanisticamente vecie ,per cui strette e non adatte al casotto che xe adesso, se rubemo ancora quel poco de verde che xe.......

Straquoto..

Aministrazioni fameliche e architeti senza cultura e rispeto per le grandi ed armoniche (e storiche) architeture del passato, i ga zà fato scempio total dele piaze citadine e dela zona urban de citavecia e no rivo manco a imaginar quali altre cazade i farà a San Giusto visto che i vol far un ascensor o qualcossa del genere per el previsto parchegio sotostante..

Co la scusa che xè de meter a novo..i sta rovinando TS. Posibile che no i rivi a rimeter a novo rispetando le robe come che i ga fato a regola d'arte per le palazine al'inizio del'ex Opp e le case de Rena vecia sora el Teatro roman? Bisogna proprio cambiarghe i conotati e ficarghe cuboni de calcestruzo che più che una piaza citadina me ricordano le megalopoli de Blade runner?

[giacomin]

Tornando a parlar della statua del nostro Max un mio amico ga avudo un'idea che la podè trovar quà

Cossa pensè?

....personalmente son un poco scettico....ma tentar non nuoce

Modificato 1 Marzo 2008 da giacomin

[Starlite]

:s'ciopado: :s'ciopado: :s'ciopado: :s'ciopado: :s'ciopado:

ACCORDO TRA COMUNE E SOPRINTENDENZA

Massimiliano in piazza Venezia entro Natale

La statua sarà spostata da Miramare per tornare alla sua collocazione originaria

di PIETRO COMELLI

Entro Natale la statua di Massimiliano d’Asburgo sarà ricollocata in piazza Venezia. Andrà a completare la riqualificazione dell’area dominando con la sua imponenza, che le permetterà di superare in altezza gli alberi, l’intera zona davanti alle Rive. Non è una boutade, questa volta il Comune fa sul serio.

Accantonate l’idea di dedicare una statua al vescovo Santin e la volontà di mantenere in mezzo alla piazza la fontana del Nettuno, infatti, proprio ieri mattina il sindaco Dipiazza e l’assessore ai Lavori pubblici Bandelli si sono seduti attorno a un tavolo con il soprintendente Di Paola e l’architetto Anselmi, che segue il cantiere in piazza Venezia, per definire la fattibilità di un’operazione piuttosto delicata e complicata.

C’è da spostare dal parco di Miramare, attuale dimora dell’arciduca Massimiliano d’Asburgo, una statua alta 8 metri e trasportarla - possibilmente intera - fino alla nuova destinazione. Ma soprattutto bisogna trovare l’accordo con la Soprintendenza sul nuovo contesto di piazza Venezia. «C’è la piena disponibilità, adesso confezioneremo un progettino - dice Bandelli - ripristinando nella sua piena storicità il monumento. La Soprintendenza è d’accordo». Traduzione: troveranno spazio anche il basamento, le parti lapidee e i corpi accessori quali fanali e cancelletto di delimitazione della statua. Tutto come una volta.

Accanto alle mappe di un tempo, saranno i lastroni in pietra ancora esistenti a individuare il punto per la ricollocazione esatta. «È la base di appoggio originale, forse serviranno alcuni micropali per stabilizzare il monumento. Ma la decisione presa dal soprintendente e dal sindaco, anche dopo gli interventi delle settimane scorse (leggi l’invito alla ricollocazione del sottosegretario Roberto Menia, ndr) è di avanti tutta. Andremo così a presentare una variante al progetto - dice l’assessore ai Lavori pubblici - che in ogni caso non andrà a rallentare il cantiere. La consegna è prevista a Natale».

Servirà ovviamente una «seria riflessione», affidata ai tecnici, su smontaggio e trasporto del manufatto che necessiterà di una speciale gru. Un’operazione che sarà addebitata al Comune, proprietario del monumento custodito nel parco di Miramare che è invece di competenza della Soprintendenza. «La statua è in perfetto stato di conservazione. Un tempo era completamente nera - ricorda Bandelli - mentre dopo il restauro è diventata di colore verde. I costi? Non saranno pochi, ma abbiamo un ribasso d’asta sui lavori della piazza e poi casomai i soldi saranno stanziati dall’amministrazione comunale. La decisione è ormai stata presa».

[arska]

oh, finalmente una scelta furba

[giuli]

Ci sarà una bella processione il giorno che la spostano

[dido76]

Ci sarà una bella processione il giorno che la spostano

che pattuglia aerea i fa pasar stavolta?

[Nona Picia]

Forsi i ciamerà la banda dei carabinieri!

[arska]

Forsi i ciamerà la banda dei carabinieri!

Saria una scena da comiche, i carabinieri che fa la procesion a Maximilian hahaha

[Starlite]

Quando i parlava de far la statua de Santin sul Piccolo iera ogni giorno segnalazioni contro de questa e a favor del ripristino de Massimiliano.

Adesso xe da parecchi giorni che i pubblica segnalazioni contro el trasferimento de Massimiliano...

[Nona Picia]

Mi me domando cossa che i spera de ottener metendo Massimiliano denovo in piazza Venezia, che gnanche mi che son vecia me ricordo de lui là, mentre in parco de Miramar el xe a casa sua. Per mi i podessi spender i soldi del trasloco in qualcossa de altro, magari in una festa paesana per la fine dell'estate, cussì certe persone gaverìa comunque de brontolar...... :grin: :grin:

[Zithara]

In efeti con tuta l'amirazion che un pol gaver per masimiliano, che sicurò gaverà fato più robe bone per Trieste ala setimana che i politici in tuta la loro vita, e no risulta gaver fato robe danose, al contrario de lori, el fato de spostar el monumento no gavarìa senso, visto che za el xe, e nisun necesita gaverlo propio sotocasa.

Xe de dir che se ghe sarìa dei turisti, questi sarìa indirizadi per de là con quela de veder el monumento e i farìa sto itinerario. Che xe quel che a Trieste manca, i turisti vista la piaza unità no i ga un altro punto de interese e magior parte ciapa e finisi el "giro" vedendo solo la piaza.

Toca dir che no xe un altro monumento che stimoli a far do pasi in un altra direzion.

Zerti vol visitar la catedrale e el castel, ma i ciapa la machine e i va su , i vedi che no xe poi niente de speciale e i continua verso la jugo.

Dificile che un turista ciapi e vadi a pìe per le salide de zitavecia visto che no xe ne scale mobili ne tapì rulàn....... i xe stadi fati anca a Regio Calabria, dove secondo i rediti i doverìa patir la fame, ma no i esisti in una Trieste, che a parte figurar undicesima nei rediti ( nisun ga ricordà che nei ani novanta iera la terza provincia, visto la economia qua la sta ancora su co le rendite rimaste dei rediti guadagnadi dei nostri noni ) pel resto xe bori solo per magnar i politici e cazzarne robe inutili.

Logico che se sarìa i turisti, visto che se ghe fa reklam de i Asburgo de Sisi e robe compagne, prima roba i farìa l'itinerario de la piaza granda per cavana po in via torino e infondo a piaza Venezia a veder sto monumento. Che xe come a Parigi tuti se femo a pie 2 km. del Louvre a place de la Concorde solo per veder quel picio obelisco che ne xe più bei e grandi in altri loghi, ma xe segnà come roba de veder e se va a vederlo..

Logico che doverìa eser negozi che vendi pacotiglia de souvenir con Sisi, Carlota e Masimilian, de Franz Josef se ocori. E la torta de l'Imperatore, e i ciocolatini a forma de castel de Miramar. Sarìa i sonadori vestidi de setecento austricaco.

Insoma se fosi i turisti, sarìa come nei loghi che sfruta el turismo in tute le maniere.

Ma i turisti no xe, e i triestini finchè i esisterà ( no sarà per tanto) no i xe in grado de farli vignir gnanca pagando ( la nostra region la fa reklam in maniera tanto insensada e inutile e senza quasi gaver risultati cussì che comunque coi soldi nostri ghe costa in propaganda mal fata circa 40 euro per ogni turista che xe rivado a dormir anche una sola note, per poi andar in yugo. Afari de oro !

Quindi no esendo turisti e podendo preveder che mai no i sarà, fioi mii, lassè la statua dove che la xe, smetè de butar soldi in propaganda turistica che no savè far, e lassè almanco morir la zità in silenzio e pase

[Starlite]

Xe de dir che se ghe sarìa dei turisti, questi sarìa indirizadi per de là con quela de veder el monumento e i farìa sto itinerario. Che xe quel che a Trieste manca, i turisti vista la piaza unità no i ga un altro punto de interese e magior parte ciapa e finisi el "giro" vedendo solo la piaza.

Beh credo che sia proprio questo el motivo per riportarlo nel luogo de origine. Pur Sissi xe tornada in piazza Libertà...

Nonché riportar el Nettuno nel luogo de origine suo.