TRE METRI SOPRA IL CIELO

[pinaard]

Ieri sera fazendo zapping per tv me son fermado su Italia 1 e iero sto film. Tra un dialogo e l'altro lo go iniziado a vardar e ala fine poso dir che me ga sai piaso. Cosa ne pensè voi? Lo ga visto qualchedun o iero l'unico mona che ga spetado cusì i Griffin e Mai dire reality?

[mula alabardata]

lo go in dvd, ma no lo go ancora visto...

cmq go senti parlar molto ben, sia del libro che del film...

doveria esser una storia de amor, vero?

se xe così credo che me piaserà sai...

[Matt]

Go letto le prime pagine del libro,perchè lo gavevo sotto man, ma no me piaseva sai come iera scritto,magari continuando iera mejo.

El film lo go visto al 90% ma no ieri (no me perdo la maledizione della prima luna,anche s elo go za visto due volte!) e no me piasi.

La storia proprio no la tegno e tantomeno la mula protagonista,no me piasi come recita.

[saretta]

Prima go letto el libro e poi visto el film....

el libro xè 1000 volte meio! el film xè bel, me ga fatto pianzer come el libro, ma come sempre nei film manca pezzi che in questo caso xè vitali per capir la continuazion che i sta girando.... e che xè nel secondo libro "Ho voglia di te"..

orami xè un mito...

e penso che per qualsiasi romanticona xè el max trovarse scritto da qualche parte quela frase!

[Cazzaballe]

e penso che per qualsiasi romanticona xè el max trovarse scritto da qualche parte quela frase!

Mi la odio quella frase perchè la scrivi tutti..

Meio dediche de frasi personali..

[molly]

de cosa trattava???

[basketteam]

e penso che per qualsiasi romanticona xè el max trovarse scritto da qualche parte quela frase!

Mi la odio quella frase perchè la scrivi tutti..

Meio dediche de frasi personali..

si esatto troopo inflazionada, cmq bel el film

[davidin]

..penso che sia un de quei film..che no guarderò mai...un pò come Titanic...

[tommy781]

visto tempo fa...non male come film, trama troppo esasperata come sempre ma almeno belle moto come al solito vorrebbero riproporre la realtà giovanile ma esasperando troppo le storie le snaturano e le rendono inverosimili, comunque il tipico film che piace agli adolescenti e alle ragazze.

[pinaard]

visto tempo fa...non male come film, trama troppo esasperata come sempre ma almeno belle moto come al solito vorrebbero riproporre la realtà giovanile ma esasperando troppo le storie le snaturano e le rendono inverosimili, comunque il tipico film che piace agli adolescenti e alle ragazze.

Mi te dirò inveze che son un mulon che ga 23 anni ma me ga piaso lo steso. Sai sai cocolo, e qualchedun altro dela mia compagnia ga dito lo steso

[lilli]

personalmente non me xe piasù per niente... xe el classico film pero' che credo possi piaserghe ai piu giovani...ste storie travagliate... el moroso che tratta malissimo la morosa e piu che la tratta mal piu sta stupidina se innamora!!!

el mulo cattivo che però ga un cuore enorme...

sogno storie d'amore piu tranquille

[rix]

e penso che per qualsiasi romanticona xè el max trovarse scritto da qualche parte quela frase!

Bon...la pol esser anca romantica quanto te vol..però se la ga un minimo de coscienza come minimo ghe da un fracco de mazzate al mulo..Ve posto qlk foto cussì vedè come xe diventà quel ponte

http://img154.imageshack.us/img154/8286/1161624ol2.jpg

http://img152.imageshack.us/img152/9794/1161634sw7.jpg

http://img144.imageshack.us/img144/4360/1161636tm3.jpg

Sinceramente me sta talemnte sui c****i sta roba che ora dovrei cominciare (ovviamente non da solo)una raccolta d firme per farlo ripulire. Moccia si è gia reso disponibile a mettere la prima firma...forse el se senti un pochino in colpa

Per quanto riguarda el film: secondi mi xe bastanza bel..nel senso che mi no lo go vardà pensando a tutto quello che xe nato dietro (palloncini, peluches, magliette, ragazze drogate da sto film, scritte etc etc.) lo go vardà zercando de analizzar el film in se per se...E apparte qualche pezzo TROPPO romantico no xe affatto mal

[trert]

[MOD]riiiiiiix.. ridimensiona!! ricordite la prossima volta!! [/MOD]

[saretta]

scusa rix ma le scritte sui muri xè in tutta Italia non solo a ROma... xè sempre stade e sempre sarà! te ga voia a rispulir tutto....

Mi non disevo che la frase me paisessi dedicata su un muro... ma anche a parole ga el suo effetto!

[Matt]

Mi non disevo che la frase me paisessi dedicata su un muro... ma anche a parole ga el suo effetto!

Quel che disi i altri e anca mi, xe che no ga senso dedicar una frase scopiazzandola da un film o da un libro o da qualsiasi altra parte.

La sarà bela, sarà romantica, ma no xe originale, no la xe sentida.

La xe solamente copiada

per mi se un dedica frasi del genere vol dir che no ga "sentimenti" nel senso che no ga la capacità de tirar fora parole sue da dedicar a una persona.

scuseme el mega OT, rimedio disendo che no me ga piasso anca perchè i fa veder el mulo come un figon, quando xe solo che un delinquente.

se un prova ad avvicinarse alla mia auto e me accerchia con le moto spaccandome i finestrini, e poi se incazza se freno per far cascar un de quei sulla moto...allora no xe tuto a posto...el faria una brutta fine

[rix]

scusa rix ma le scritte sui muri xè in tutta Italia non solo a ROma... xè sempre stade e sempre sarà! te ga voia a rispulir tutto

Si, ma prima de quel film, quel ponte iera lindo e pinto...

[Maurizio72Ts]

visto anche questo lo scorso fine settimana (grazie ala Telecom me son fato una cultura sui film ) e me ga piasso tantissimo.