Triestina-Bologna 1-3

[SandroWeb]

Brutto rovescio interno....

A breve la cronaca

[SandroWeb]

Ecco qua:

http://www.elsitodesandro.it/index.php?ind...iew&iden=54

[Jazz]

Stavolta non son proprio d'accordo con la tua cronaca Sandro: la Triestina xe stada enormemente penalizzada dall'arbitro che ga fisciado a mio avviso in modo scandaloso a senso unico per el Bologna. Due gol loro (el secondo e el terzo) iera nettamente irregolari e nel primo tempo ghe xe stadi due rigori per noi, quel da ti citado su Testini ma quel ancora più netto su Lima, che el xe stado cinturado platealmente pochi minuti dopo. El rigor del Bologna ghe stava tutto. Mi go visto una Triestina comunque vogliosa e in salute, nonostante tutto. Le difficoltà in difesa derivava dal fatto che oggi gavevimo 3 giogadori su quattro che iera alti oltre 1.90 e quindi non se podeva sperar che i fossi fulmini de guerra. El Bologna xe una bella squadra, ma el risultato xe bugiardo. Credo che un pareggio ghe stava tutto.

[Maurice]

Quoto pienamente Jazz...xe l'esatta analisi che go fatto anche mi

[SandroWeb]

Secondo mi xe de divider i torti arbitrali (sarà un caso che ancora no gavemo avudo un rigor a favore dopo 16 giornate? e sarà ancora un caso che xe svoladi quasi el triplo dei gialli a nostro sfavor rispetto al Bologna? questo comunque lo go rimarcado...) con quel che se ga visto realmente in campo. Sul piano dell'impegno profuso dei nostri no go niente da dir, cussì come no go niente da dir su quel che ga fatto el Bologna (ga tirado 3 volte in porta e ga fatto 3 gol...cinici ma bravi a sfruttar a pien quel che i ga creado).

Quel che digo mi xe che ieri Agostinelli ga capelado a metter alcuni titolari in campo: Gorgone in assoluta difficoltà (no me ricordo un solo passaggio giusto fatto da lui), Eliakwu come sempre ga girado a svodo (posso capir che, in prossimità del mercato de gennaio, se gabi voludo testar le attuali capacità del neretto...però affidarghe metà del peso dell'attacco a un mulo che sta fazendo parecchia baruffa col balon e che ga fatto praticamente una sola azion degna de nota, forse xe stada una scelta rivedibile).

E poi...gavemo gestido malamente i possessi-bala: savendo che lori iera praticamente insuperabili centralmente, forse gavessimo dovudo zogar più sui lati...roba che go visto far solo in un paio de occasioni.

Sicuramente le sviste de Demarco ga pesado tanto nell'economia della partida (bastava che el dassi el rigor sul fallo de Testini e la partida saria cambiada), ciò non togli che a mio avviso gavemo fatto parecchia difficoltà a proporse in avanti, con i soli Graffiedi e Testini a renderse pericolosi.

Purtroppo el fatto che semo tuteladi pezo de una rispetto a bologna, juve, napoli ecc. xe palese, oltre che vergognoso....ora voio veder cossa salterà fora contro el genoa...

[dez]

L'arbitraggio xè stado scandaloso (complimenti a 90° minuto che ghe gà dado 6 a De Marco, vederemo la Gazzetta...), non solo x i singoli episodi ma x tutte le piccole robe durante i 90 minuti (punizioni de ripeter x la posizion sbagliada del balon, ammonizioni, "vantaggi", bale in campo segnalade come fora e viceversa, rimesse laterali - sul quasi autogol de lori nel secondo tempo el gà dado rimessa dal fondo)...bisogna anche dir xò che el se ga visto che el Bologna xè una squadra de altra categoria x la tranquillità con cui i gà gestido la partida (i saveva zà el risultato? ), x el fatto che i vinzeva bona parte dei contrasti e che iera cmq + "fisici"...x quel che riguarda l'Unione sta vignindo fora la mancanza de un centrale "veloce" (come se diseva dall'inizio dell'anno) e gà pesado un casin la mancanza de Mignani; continua a mancar un finalizzator pericoloso in area (ieri Graffiedi gà fatto un partidon, ma mancava un a cui el podeva passarghela x metterla dentro)...i manca se se vol puntar ai playoff sto anno, se se continua con l'idea iniziale della salvezza sto anno e playoff in 3 anni allora avanti cusì e costruimo x el futuro...x quel che riguarda le scelte de Agostinelli el gà confermado la solita squadra a parte Eliakwu (che sia stada la sua ultima possibilità?)...Gorgone completamente fora fase, Marchini no iera el solito (appena vignù fora dell'infortunio, ma non gavevimo altri) e neanche Testini no gà brillado come el solito...d'altra parte la nostra forza xè sulle ali e anche lori xè sai ben messi là, quindi x "contenerli" diventava + difficile andar in avanti...

Alla fine diria che el risultado + giusto podeva esser una sconfitta, ma con al max 1 gol de scarto...adesso martedì sarà longhi, sopratutto xchè se no go visto mal xè stado ammonido Allegretti che iera zà diffidado...

[diego]

Disemo subito che el Bologna xe la più bella squadra vista a Trieste, i ga 11 giogadori de serie A che fa veramente veder calcio de serie superiore.Ghe dago ragion a Sandro su Gorgone e Ely. Quando go visto scaldarse tutti e due no capivo sinceramente questo cambio all'ultimo momento. E xe stado un cambio che no ga porta bei risultati. Gorgone pur essendo un discreto giogador ga i limiti che conosevimo za: Per Ely el discorso xe molto diverso e complicado,son sempre stado un estimador de Ely considerando anche la sua giovanissima età. e allora digo che Agostinelli ga sbaglià de grosso nel metterlo n campo contro una squadra come el Bologna.Se voleva esser un esame pre-mercato el me doveria spiegar con quale logica.El mulon devi esser lanciado in profondità con lanci a terra, in modo che su dieci volte che el scatta nove el se trova in fuorigioco, ma alla decima el trova sicuro la porta.Ieri i ghe fazeva lanci lunghi e alti, per favor....No me ga piaso assolutamente Lima, spero solo che sia una crisi passeggera, inoltre manca, ma xe cronico una punta forte fisicamente davanti e forsi xe de far un pensierin per un centrale stagno in difesa ,no staria mal.Sull'arbitro no voio dir niente, son ancora super incazzado me domando però a che c...o che servi el quarto omo in campo xe dopo quel che ga combinado sto arbitro , no vegnerà attuada nessun tipo de punizion.Leggendo i commenti su Internet, no go trovado uno che disi che l'arbitro ga avudo una parte decisiva nella vittoria del Bologna ai danni dei Greghi.El sistema calcio no cambierà mai, che se ciami Juve, Milan , Inter o Bologna. La legge del più "forte" influenza e no poco i arbitraggi.Adesso bisogna butar ste due parentesi negative drio le spalle e giogar alla morte contro el Genoa, che personalmente me fa più paura del Bologna.

[gigits]

brutto tonfo interno!

qualche decisione arbitrale un pò di dubbie!

[davidin]

dalla partida de sabato mi go visto che el bologna xe una squadra de categoria superiore..i me ga sai colpido a centrocampo..Amoruso-Mingazzini-Filippini veramente bravi, me ga fatto veramente una bella impression!!

dopo davanti i xe imprevedibili con Bellucci e Meghni...e de drio Castellini iera quel che teniva su la diga difensiva!

bella squadra si che probabilmante vinzeva lo stesso anche senza qualche favore arbitrale...el rigor no dà da su testini..la spinta su lima sul secondo gol loro...

l'Unione inveze ga fatto tutto sommato una bela partida...mi no gavessi messo dall'inizio Ely, partida importante e siccome femo più ben con Piovaccari iera meio schierarlo lui...e dopo gavessi messo Rossetti e no Briano, perdevimo e el "conte" xe meno offensivo de Rossetti che podeva darne una spinta un pò de dinamismo e tecnica in più...

cmq una sconfitta che pol starghe con una squadra più forte de noi!!!