CiaoCiao, Adieu, Aufidersen, Goodbye

[Damia]

bene..dopo quasi due settimane de dubbio a causa della macchina..........

Domani si parte!!!!!!!!!!!!!!!!!!!!!!!!!!!!!!

Germania....arrivo!

Non vedo l'ora!!!

Ci rivediamo tra 8 giorni!!

[ivana]

bene..dopo quasi due settimane de dubbio a causa della macchina..........

Domani si parte!!!!!!!!!!!!!!!!!!!!!!!!!!!!!!

Germania....arrivo!

Non vedo l'ora!!!

Ci rivediamo tra 8 giorni!!

Gute Reise!!!!!

Schoenen Urlaub!!!

dov'è 'sta benedetta notifica di risposte?

Modificato 8 Agosto 2008 da nonna ivana

[picia_tata]

ciao.. bone vacanze .. fa tante foto e pena te torni posta tutto.. meraccomando !! divertite ..

@ nonna ivana : guarda la foto che ho postato.. (cliccaci sopra )

Modificato 8 Agosto 2008 da picia_tata

[Ghost]

Buon viaggio!

[Stefano79]

A presto

[ivana]

ciao.. bone vacanze .. fa tante foto e pena te torni posta tutto.. meraccomando !! divertite ..

@ nonna ivana : guarda la foto che ho postato.. (cliccaci sopra )

Leggo solo ora!

Ho guardato la tua indicazione, ma non c'era la terza opzione, per questo non sono riuscita a spuntarla!

Grazie comunque!!!!

Buona notte a tutti!

[ivana]

ciao.. bone vacanze .. fa tante foto e pena te torni posta tutto.. meraccomando !! divertite ..

@ nonna ivana : guarda la foto che ho postato.. (cliccaci sopra )

Leggo solo ora!

Ho guardato la tua indicazione, ma non c'era la terza opzione, per questo non sono riuscita a spuntarla!

Grazie comunque!!!!

Buona notte a tutti!

adesso c'è!!!!

[Damia]

Eccome tornadaaaaaaaaaaaa (vabbè sabato notte a dir el vero )

Allora...bel me son rilassada....bei posti, pecà el tempo ballerin.....

Se ve interessa....de sotto el diario de viaggio

Allora

Partenza sabato 09/08 alle 10.

Decidemo de passar per la Slovenia, andar su per l'austria e girar per la germania

La strada xe stada bastanza tranquilla, semo stai fermi in coda solo vizin al tunnel St. Michael in austria un'ora. Noi però se gavevimo appena fermado in area de servizio, quindi no xe stà sai traumatico! Tra l'altro noi viaggemo sempre col frigo per cui gavevimo de bever....de magnar. No gavemo capido el perchè della fila, gavemo ipotizzado che i centellinnassi l'entrata al tunnel.

Arrivo la sera alle 21.00 circa (mi gò preparado venerdì focaccia e pizza che xe duradi fin lunedì a pranzo...).

Fattoria a Schwangau, a due passi dai castei de Fussen.

Camera bella, con l'arredamento tipico de montagna. Due cioccolatini ritter come benvenuto sui cussini. La camera gaveva un bel balcon, un armadio, comodini. In bagno no iera savoni e savonette, in compenso sugamani de spugna (no come in certi posti che te meti el telo che no suga niente) e anche un bel fon. Niente televisor (che cmq no xe che ne interessassi sai). A disposizion comune degli ospiti un frigo col freezer (che ne xe stà utilissimo)

La signora che ne gà accolto la sera parlava solo tedesco, ma me son fata capir anche mi che de tedesco no so niente (mio moroso invece qualcossa sa).

La fattoria xe vizina alla strada ma no te se accorzi neanche.

De mattina te senti solo useletti e le campane delle mucche, de notte nianca quel!

Le due mule dela matina parla ben inglese e le xe sai cocole. Colazione a buffett abbondantissima, man man che vien magnada la roba, le mule porta altro. Pan (bianco, nero, de sesamo), marmellata (pesche, fragole, ciliegie), miel, burro, formaggini vari, salumi e formaggio taiai de fresco, yogurt naturale e alla fragola, musli, riso soffià, macedonia, succo de frutta. Bevande calde i te chiedi ogni mattina cossa te preferissi (caffè, the, cioccolata).

Sempre a disposizion de tuti gli ospiti, un frigo a parte dove te pol cior bevande varie fresche e vizin bevande a temperatura ambiente. Gò visto anche una griglia in giardin.

Domenica: semo andai sul Zugspitze che xe la cima + alta della germania (45 euro andar e tornar!). Vista splendida...se andè vestive sai ben perchè su xe tra i 5 e i 7 gradi!!!

(ovviamente parcheggio a pagamento, 2.5 euro).

Giretto per Fussen (negozi serai....) e cena al Gasthoff Krone. Bel posto, stile medievale. Cibo bonissimo e porzioni gigantesche...i te porta el bavariol inveze dei tovaglioli che i meti direttamente al collo. Menu in italian e camerier che parla anche un poco de italian. Conto: due piatti (costine e agnel) , due birre, un dolce (frittelle di mele): 38 euro.

Lunedì: hohenschwangau e neuschwanstein. Ghe xe vari parcheggi, tutti a pagamento. Quel + sotto val solo per sei ore, sora el ticket center ghe xe un parcheggio che per i stessi soldi (4.5 euro) te pol star quanto che te vol.

Se se riva de mattina la fila xe abbastanza gestibile (noi gavemo fato una 40ina de minuti). Se stè da quele parti vardè el tallocin della prenotazion dell'albergo perchè spesso i te dà el sconto. Noi infatti inveze dei 18 euro per tuti e due i castei gavemo pagado 15. I te dà l'orario de entrata anche in base alla lingua scelta.

Per HoheSchwangau i te dà 20 minuti per andar a piedi, ma ghe vol molto molto meno, in 5 minuti te son su.

Le visite xe solo guidate, e no xe la guida che parla in italian, ma i gà delle registrazioni che i fa partir man mano. Attenzion...no se pol far foto all'interno.

Semo scesi a piedi, volevo cior la carrozza per andar all'altro castel, ma iera una fila paurosa e no ghe la gavessimo fata a arrivar per la seconda visita (ghe vol circa 20 minuti per rivar su con la carrozza, oltre la fila, e almeno 40 per rivar su a piedi) e gavemo optado per el bus: i riva bastanza frequenti, 1.80 a testa per andar su, sta 10 minuti scarsi, e te arrivi a una decina de minuti a piedi dal castello.

Anche qua visita guidata col registrator e niente foto. No te gà sai de veder poi all'interno perchè no lo gà mai finido!

Dal castel semo andai al ponte de Maria, da dove te vedi una cascata e ovviamente el castel. Nel frattempo dal sol....xe rivadi prima i nuvoloni...e dopo un diluvio universale! Niente panico, su i poncho e zò a pie. Cmq gà diluviado quel tanto che basta che ne se gà completamente inzuppà i scarponi....e acqua fin soto i ginoci.

Passaggio in camera a cambiarse...spesa, e giretto per Fussen.

Martedì: tempo che miscia, direzione castello di Linderhof. Anche là rivemo presto, quindi niente fila in biglietteria (14 euro le entrate). Visita guidata anche là col registrator, niente foto all'interno. Devo dir che me gà piasso assai de + de neuschwanstein.... La fontana davanti al castel fa lo spettacolo d'acqua ogni ora. La piantina del giardin che xe tuto visitabile, la xe a pagamento. Noi gavemo fato prima...e la gavemo fotografada

Tra una roba e l'altra....gavemo fato quasi le 4 là. Gavemo cenà a una gasthoff a Schangau (schwangauHoff). Non male. Menu in inglese e camerier che parla inglese...accompagnamento musicale (musica popolare per lo +). Due piatti (due cotolette), contorno, birra, due dolci, 32 euro. Attenzion all'acqua che la costa el doppio della birra

Sulla strada da Linderhof e Fussen se gavemo fermado prima a visitar l'abbazia di Ettal, stile barocco sai bela, poi semo passai per Oberammergau. xe una picia cittadina ma sai carattereristica, con le case tute piturade. In centro del paese ghe xe negozio de roba de Nadal verto tuto l'anno e due negozi che vendi roba intagliata a man (moltissime su stile religioso e da presepe). Sempre là anche una bela ciesa, St. Peter e Paul.

Il parcheggio xe con disco orario.

E sempre sula strada semo passai a visitar la Wieskirche, che in estate la xe verta fin le 7 de sera (mentre tuto el resto xe verto generalmente fin le 6). Parcheggio a pagamento....la gente che va a messa riva tuta a pie dal paese.

Nelle ciese te pol fotografar, tranne che durante le funzioni religiose (e me par giusto!). Cena Da Haus Hetchen a Fussen (trovada su internet come consigli). No ne gà entusiasmado a dir el vero, cmq menu in italian e camerier che parla italian. Un piatto de spatzel (niente de eccezionale...) un insalata due birre, 16 euro.

Mercoledì: diluvio universale. Andemo a Monaco. Passaggio in Marienplatz in tempo per veder el carillon de mezzogiorno, poi visita alla residenz (dove inveze te pol fotografar ma senza flash), giretto alla Frauenkirche e poi a cior la macchina. Stavolta per far presto....gavemo parcheggiado in centro, 12.50 de parcheggio) e poi direzione Nymfemburg, che gà un bel parco. El sol finalmente fa capolino. Anche a Nymfemburg te pol far foto senza flash, no te gà l'obbligo de visita guidata. Gavemo finido alle 7 + o -. Andemo a curiosar la Lowenbrau per cena, ma visto che per una wienerschnitzel i vol 18 euro (contro la media dei 9.50) se dirigemo su altri lidi...e bechemo un ristorante sloven Visto che xe tardi e le cusine là sera prestissimo....andemo là. La lubianska me riservo de verificar (perchè un par de ricette le gavevo viste con l'ovo), fatta col l'ovo de fora (la saveva de frittata) e anche nel ripien. Cmq due secondi, due insalate, de bever, 33.50. Xe stà sai divertente là: gavemo comincià col tedesco, semo passai all'inglese. El camerier iera mezzo sloven e mezzo tedesco (come se dirà: germano-sloven? sloven-tedesco?). Quindi mio moroso gà fato prima e xe passà al sloven (e per quanto poco mi capisso de + el sloven del tedesco!!!). El camerier me portava la roba e mi ghe rispondevo in sloven e a mi me parlava in italian (qualcossa el saveva!). Quindi 4 lingue nel giro de un'ora!!! no ve digo el casin ghe gavevo in testa co' semo uscidi!!

Giovedì: finalmente bela giornada de mattina! quindi...scarponi in macchina (che finalmente se gà sugà) e via al parnaklamm. (un canyon con le passerelle) e me tiro via lo sfizio della carrozza che dal parcheggio te porta all'entrata. 3 euro a testa per la carrozza. A pie xe circa una mezz'ora. Entrata al klamm, due euro. Se ve piasi el genere...sai sai bel. No trovemo però le indicazioni per andar sul ponte che sovrasta la cascata.

Convien andar de mattina che riva sol nel canyon, zà alle due iera tuto in ombra. Se passa praticamente sotto la cascata per cui un kwey o un poncho pol esser sai utile!

Sulla strada del ritorno andemo a un Frielichtmuseum (un museo all'aperto). Cocolo, ma quel de Salisburgo xe moooooooooolto meio! Qua le indicazioni xe solo in tedesco, nol xe sai grande e i recinti con animali de fattoria te li vedi si...ma per lo + da lontan.

e anche qua comincia a diluviar!

Andemo a cena in un posto consigliado dalla trattoria (che ne gà avvisado...i posti economici dove magnar xe le pizzerie...gli altri posti gà prezzi normali). Menù in inglese, posto cocolo de veder in cima a un cucuzzolo.

Mi ciogo pesse (de lago), mio moroso carne, due dolci, de bever, 36 euro. (no me ricordo el nome ma ve lo metterò).

Venerdì, xe ferragosto. Diluvio universale. Tutto chiuso, verti solo i musei. Direzione...Deutch museum. Anche a Monaco xe tutti i negozi serai. Comunque...una fila che sembra spaventosa...ma se la cavemo con 50 minuti de fila. Anche qua gavemo el sconto col talloncin dell'albergo (da 8.5 a 7 a testa). Ah stavolta gavemo parcheggiado in periferia e gavemo raggiunto el museo in metro (che cmq per un giorno andata e ritorno xe 4.60 a testa). Cenemo in autogrill dove gavemo scoperto che ghe xe una specie de mcdonald del pesce (se ciama NordSee) che ne gà sai piasso! 26 euro due piatti de pesse, due bibite due dolci.

Sabato: causa tempo infelice...ne manca Fussen. Quindi paghemo la fattoria...(22.35 a testa per notte) e saludemo le mule che le scusa addirittura per el tempo infelice, e andemo a Fussen. Visitemo l'abbazia de St. Mang, el castel de Fussen e el museo de Fussen (3 euro i biglietti combinati).

Giretto per i negozi, pranzo al volo al Nordsee (9 euro per tre panini) e via verso casa.

Semo partidi + tardi del previsto...per cui non ghe la femo a rivar in tempo a Herrechiemsee....

Nel frattempo ciapemo anche una multa per eccesso de velocità... (el limite iera 100... ). Vabbè però devo dir che la polizia austriaca (te passi e ripassi el confin come niente...) gentili, cocoli, per niente aggressivi....35 euro de multa...e vabbè pace!

Anche qua...cena in autogrill in autostrada (30 euro), se fermemo prima del tunnel.

Nella direzion opposta alla nostra prima fila per el tunnel, dopo per incidente....ghe sarà stai circa 5 km de coda, macchine completamente ferme), ma noi nella nostra direzion no gavemo trovado neanche un metro de fila!!!!

Beh cossa dir?

Sai bel.

Torneremo (magari in altro...periodo). Ne manca la SachenHouse (che xe una residenza de Ludwig II in montagna, ma xe de far col bel tempo perchè te ghe rivi solo a pie....), un paio de vecchi castelli in cima a due montagnette (diria quasi colline) che ne sai ispirava...e ovviamente Herrenchiemsee!

[SandroWeb]

Bel giro e bellissimo viaggio...pecà per la multa

[basketteam]

cio sembra sai bel dalla tua descrizion...

se te ga metti anche qualche fotina che apprezzemo

bravi muli!!!

[Damia]

un piccolo estratto...

http://www.alfemminile.com/album/germania3

[cucciolina]

Ben tornada Damia! Caspita, che bel reportage

[Stefano79]

Bentornata

Deso volemo qualche foto però

[cucciolina]

Bentornata

Deso volemo qualche foto però

Le ga za messe QUA

[Stefano79]

Uh, grazie