Idea cattivella

[SandroWeb]

Stavo pensando a una roba da vero amministrator cattivo: poichè vedo che molta gente vien qua solo per zogar, gavevo una mezza idea de cavar via i record de chi non ga MAI postado un messaggio nemmeno per presentarse e per saludar la comunità. E, visto che alcuni primi posti dei zoghi xe occupadi da utenti de sto tipo, tale idea podessi tramutarse nella realtà molto, molto presto....

[assist]

Wow......che spietato che son!

eheheheh.....scherzi a parte, son d'accordo con ti!

Ma quanti xe i record dei "fantasmi"?

[SandroWeb]

Non tanti, a dir el vero: xe due record ligadi a un utente bannado, poi 3 o 4 ligadi a gente che no ga mai scritto.

[Stefano79]

Grande Sandro! Te se ga sveiado sul piede de guerra oggi?

D'accordissimo

[assist]

Non xe tantissimi.....cmq me sta ben!

OT/ go fato quela ricerca che te me gas consigliado: 114 utenti xe el risultado /OT

[cucciolina]

D'accordissimo!!!! Mi digo....almeno saluda, no?

Sandroweb spietatooooooo

[tifone]

Bella idea ma dopo non se risolvi niente,un fà un messaggio e dopo el sparisi per sempre,bisogneria che el fazi almeno un messagggio al mese sennò te son fora de pignatta

[arska]

beh, saria bastanza giusta come roba.

e ghe zonto: "uaz, uaz, uaz"!!

[assist]

Se non vole andar in off topic dato che questa cosa podesi portar a vecie considerazioni, podè far riferimento anche a questa discusion qua.

[dido76]

purtropo no so cosa risponder...son de parte...me sa che un record lo ga mia morosa che no ga scrito

[trert]

mi diria che xe una bona idea.. anche perché no xe cocolo.. se un zerca un sito con gioghi online xe molti altri fatti SOLO per quel..

FAVOREVOLE!

[polpetta]

concordo con ti (Sandro) e tutti i altri.. e... trert ga dito anca una roba giusta.. se un vol zogar soltanto basta che vadi nei siti appositi!

[Maurice]

Appoggio el capo in questa decision...solo che,come ga za dito qualchedun, podessi esser che un posta una roba a caso e poi el zoga e basta....

[Maurice]

Quoto de sta discussion un messaggio de Abel che me pareva interessante

Anche se son fresco fresco su stò forum, provo ad azardar el mio pensiero.

Premetto che mi solo scrivo, e anzi no go ancora provado i zoghetti.

Ma obligar la gente a scriver per usufruir de un servizio che comunque xe gratuito me sembra ridicolo; questa gente che saria obligada a scriver i cominceria a scriver cavolade (volevo scriver altro ma no so se se pol...) e i faria diventar stò forum una discarica da pensieri senza senso, che però ghe permeteria de continuar a zogar. La gestion de le discussioni diventeria allora difficoltosa (per i moderatori e/o admin vari).

Perché, allora, non distinguer le registrazioni? Per dir: Tizio se registra solo per zogar e, inveze, mi me registro per usar el forum (e naturalmente me permeté anca de zogar  ).

Credo sia inutile dar la caccia alle streghe (al di la del fatto della sfida tecnica de crear un script che stabilisi chi xe più o meno un leecher...), anca perché me par che questo sia un servizio (forum e zoghetti) gratuito.

Me racomando, no mazeme de insulti, mi la penso cusì, ma sò che se voi che comandé...

Ad ogni modo: Love and Peace!

[trert]

xe stado fatto el tutto? xke mi go trovado ancora un pochi de record..

Gold Miner de aria

Zoo Keeper de _titti_

Puzzle Bobble de flo

[assist]

xe stado fatto el tutto? xke mi go trovado ancora un pochi de record..

Gold Miner de aria

Zoo Keeper de _titti_

Puzzle Bobble de flo

E volesi anche aggiunger anche CONE CRAZY de Totano.

[Stefano79]

Eh, anche alcuni miei record me xe stadi fregadi da gente cusì

Sandro, daghe de scubia

[SandroWeb]

A dir el vero no xe stado fatto ancora niente....ma provvederò (a meno che chi che ga 0 post e contemporaneamente ga un record, no se metti a scriver in pianta stabile...ma dura la vedo)

[dido76]

ehm...el record de zoo keeper xè de mia morosa...pasarme el record a mi xè posibile???

[trert]

che la inizi a scriver.. xe più semplice

[SandroWeb]

che la inizi a scriver.. xe più semplice

Straquoto

Oh intanto el record de Totano xe stado cavado

[saretta]

sandro uomo duro dalle regole dure!

xè giusto che te fazi pulizia de robe che non servi! bravo!

[iaga]

Per quanto riguarda el record de Zoo keeper, diria che non val ne passarlo a dido ne che _titti_ se metti a scriver..

..me piaseria tornar prima!

[trert]

questo xe un altro discorso.. zoga!!

[SandroWeb]

Confermo quanto detto:

SE, IN BREVE TEMPO, I POSSESSORI DE RECORD NON COMINCERA' A SCRIVER SUL FORUM IN PIANTA STABILE, D'UFFICIO VEGNERA' CAVADI I LORO PUNTEGGI