Sport o gioco?

[Stefano79]

La discussion sul curling me ga portado a questo interrogativo

Nei ultimi anni vien aggiunte sempre nove discipline alle olimpiadi, invernali e non. Alcune de queste fin a qualche anno prima veniva considerade non più de semplici giochi o passatempi. Quindi me chiedo a che punto un semplice gioco pol esser elevado al grado de "sport".

Mi go sempre pensado che per sport se intendi un'attività che richiedi un certo livello de prestazione fisica (de fadiga muscolare insomma), ma a giudicar da certe nuove discipline olimpiche (vedi curling, ping pong ecc) me sorgi qualche dubbio. Go capido che ghe vol sempre una certa abilità manuale per questi giochi, ma allora dovesi andar alle olimpiadi anche Subbuteo, Mora cinese e Call of Duty

Cosa pensè a riguardo?

[cenerentola82]

El subbuteo xe sport. Esisti anche el cmpionato.

Triestina

Ale olimpiadi invernali del 2002 iera anche el bridge come sport dimostrativo e xe sta domandà de far partecipar anche i scacchi.

[Stefano79]

El subbuteo xe sport. Esisti anche el cmpionato.

Sì, savevo. Conosevo un mulo che fazeva gare a livello nazionale

Ma te se lo immagini come sport olimpico? Voio dir...mi son qua che schicchero i omini con l'ongia, e magari un metro più in là xè Yuri Chechi che ghe lassa l'anima sui anei...no so...mi me sentirìa in imbarazzo

[trert]

beh.. cossa vol dir.. giogar a subbuteo e vinzer ga un valor, come pol gaver un altro valor yuri chechi coi anei..

xe livei diversi de preparazion.. xe tattiche e tutto el resto, xke no pol esister? saria solo una medaia in più, miga che te ghe va a cavar qualcossa ai atleti dei sport più "fighi"

[Stefano79]

Certo che ga un valor, ma la mia domanda iera diversa. Se pol definirlo uno sport? Mi credo de no, devi esserghe un confin tra zogo e sport! Se no veramente pol andar ben qualsiasi roba: briscola, tresette e s'cinche in salita....anche là te ga soddisfazion a vinzer, ma non per questo me sento uno sportivo. No so se go reso ben l'idea

[cenerentola82]

Per mi el zogo xe quando che te se diverti.

El sport quando che te devi vinzer.

[cucciolina]

Secondo mi dipendi dalla definizion....

Fazendo una breve ricerca, go trovado questo

"Lo Sport è l'insieme di quelle attività, fisiche e mentali, compiute al fine di migliorare e mantenere in buona condizione l'intero apparato psico-fisico umano e di intrattenere chi le pratica o chi ne è spettatore.

Lo sport può essere praticato singolarmente o in gruppo (sport di squadra), senza fini competitivi oppure gareggiando contro altri sportivi. In quest'ultimo caso si parla di agonismo sportivo.

Il termine sport deriva dall'inglese, ma risale a sua volta dall'antico termine francese desport: divertimento, svago"

Se parla de attività fisiche e mentali, quindi anche i scacchi e el bridge xe sport.

D'altra parte, visto che son dell'ambiente , posso dirve che esisti la FIGB (Federazione Italiana Gioco Bridge) e la FSI (Federazione Scacchistica Italiana). Xe le cosiddette discipline associate al CONI. La FITeT (Federazione Italiana Tennis Tavolo) invece xe una Federazion del CONI a tutti gli effetti.

Altro no so

[Stefano79]

Grazie per la precisazion

Allora anche le attività psichiche rientra nella definizion de sport.....Quindi uno che studia matematica e che passa el pomeriggio a risolver equazioni, se pol considerar uno sportivo No se finisi mai de imparar

[trert]

se te consideri la matematica, un gioco.. si!

[tuxav]

chi mejo de Cucc podeva spiegar queste diferenze?!?!

Pero' x mi sport ghe vol che sia ativita fisica, che ghe sia sforzo, alenamenti fisici non psichici... no penso che un zogador de scachi x vinzer va a farse le corse o in palestra... quindi no vedo come se pol clasificar i scachi come sport... xe un zogo punto e basta.

Quindi, x mi, mentre nel sport la parte fisica e quela mentale ga una notevole importanza, nel zogo la parte fisica pol anche eser ignorada...

Se questo no fosi vero, conoso + de qualchidun qua dentro de cui no fazo nomi che podesi propor come sport olimpico el solevamento calici o lancio del bocal...

deto questo, el curling xe nojoooosooooooooooooooooooooooooooooooooooo...

[trert]

no comment..

[tuxav]

@trert: te se ga senti' tira in causa??? :D

[gigits]

IL SUBBUTEO UN GRAN GIOCO!!!

[Delio]

"Lo Sport è l'insieme di quelle attività, fisiche e mentali, compiute al fine di migliorare e mantenere in buona condizione l'intero apparato psico-fisico umano e di intrattenere chi le pratica o chi ne è spettatore..."

Se parla de attività fisiche e mentali, quindi anche i scacchi e el bridge xe sport...

Mi penso che se intendi attività fisiche e mentali contemporaneamente, anche mi penso che quele solamente mentali no se possi considerar sport (anche se so de casi de doping nel bridge... )

[dsedera]

Mah, mi no saveria dir quale che xe la diferenza tra sport e giogo (anzi, volendo poderia dir la mia ma me astengo per no ferir nisun!!!).

Poso però contarve cosa che disi mia fia de 15 ani (azura de patinagio artistiso) che se alena, somando ore de pista coi patini, ore de palestra, ore de coreografia, zirca quatro-zinque ore al giorno, ai sui amici: "e ti che sport te fa? beh, mi zogo a calcio!" e ela "te vedi che ti te zoghi, mi no, mi fazo uno sport!"