SandroWeb Posted November 30, 2006 Report Posted November 30, 2006 Leggevo stamattina sul piccolo....el rifugio animali Astad xe stado posto sotto sequestro perchè, da quanto se evinci, no rispetta le norme igieniche e le numerose bestioline vivi tutte fracade le une con le altre. I responsabili del rifugio disi che tutto ciò no corrispondi a verità... Son andà all'Astad diverse volte per dar un piccolo contributo per i mici e i bubi (come diria Cucc )...son rimasto un poco scioccado.... Quote
molly Posted November 30, 2006 Report Posted November 30, 2006 mi son andada tante volte su a trovarli e portarghe pan... no me par che i sia trattai mal... certo le gabbie xe picie e el spazio xe poco... ma del resto almeno li fa uscir tutti i giorni e i ga un tetto sotto el quale star... eh ciò se i xe stretti xe perchè i xe in tanti poveri... Quote
Starlite Posted November 30, 2006 Report Posted November 30, 2006 ...son rimasto un poco scioccado.... dal posto in se' o dala notizia? Quote
SandroWeb Posted November 30, 2006 Author Report Posted November 30, 2006 ...son rimasto un poco scioccado.... dal posto in se' o dala notizia? Dalla notizia....savevo che i gaveva problemi de sovraffollamento (ma d'altronde la gente porta le bestiuze su de lori perchè tante volte no i sa dove portarle) ma no pensavo che i se ciapassi una denuncia Quote
molly Posted November 30, 2006 Report Posted November 30, 2006 un zerca de aiutar le povere bestie e se ritrova una denuncia... ma ve par normale? inveze de darghe aiuto a ste persone li denuncia... Quote
Starlite Posted November 30, 2006 Report Posted November 30, 2006 scuseme, ma se xe effettivamente sovraffollamento le bestie no sta ben, i savera' quala che xe la capicita' de accoglimento? se vien superada diventa sovraffollamento, quindi vol dir che no te pol piu' trattar ben le bestie dopo no so come che funziona effettivamente le robe Quote
Stefano79 Posted November 30, 2006 Report Posted November 30, 2006 Ok, però per molte bestie l'alternativa xe la strada... No xe che son animalista, però esser cusì fiscali su chi se impegna per far del ben me par esagerato ecco... Ma me par a mi o ultimamente i se sta accanindo sui rifugi per animali? Vedi anche quell'altra discussion dove i diseva che i vol espropriar un canil... Quote
SandroWeb Posted November 30, 2006 Author Report Posted November 30, 2006 El discorso xe che a lori ghe riva cani e gatti a sbruf, teoricamente no i xe in grado de preveder quante bestiuze i ghe porta su. Xe anche vero però che, se i comincia a esser in tanti, no i dovessi più accoglierli per no rischiar el sovraffollamento...a priori però no i lassa in strada nisun, quindi.... Quote
molly Posted November 30, 2006 Report Posted November 30, 2006 eh appunto... cosa i devi far? lasarli per strada? povere bestie... certo se saria più gente che inveze de comprarse el cagnetto de razza de mille euro o el persian de 500 euri adottassi quei che xe in canile/gattile saria sai meio (eh oggi go varda quanta gente vendi e compra gli animali e son incavolada ) Quote
trert Posted November 30, 2006 Report Posted November 30, 2006 la mia ex lavorava all'astad come volontaria.. oltre a dei "piccoli" (per modo de dir piccoli) problemi che la ga avudo con il personale problemi de sovraffollamento no ghe iera sai.. ok che i preferiva tignir un do cani in più piutosto che lassarli in strada.. però.. Quote
babatriestina Posted November 30, 2006 Report Posted November 30, 2006 Mi son andada spesso al Astad, a portarghe giornai veci, a darghe una pettinada ai gati col pel ingropado... la mia meravigliosa Minou la go ciolta propio al Astad e no so ancora adesso come ringraziarli de gaverme dado un tesoro simile! per questo la notizia me ga dado tanto dispiazer.l El Astad xe una fondazion privata, ancora del 1960, per ingrumar bestie de casa ( no randagi!) che la gente no podeva tegnir a casa. chi che ga adottado una can o gato del Astad disi che le le più cocole bestie che ghe sia. I ga una casetta abbastanza grande e un gattil, certo, i xe pieni de cani e gatti e i cani , che xe 1/4 dei gatti, xe rumorosi e alquanto spuzzalenti . Ma i par felici! I xe bastanza ben nutridi, lassai bastanza liberi: i xe boni, i te cori incontro scondinzolando e vardandote con quela espresion che ga solo che i cani, come per dirte: te son ti el mio paron? che te vien de pianzer a no poderli cior tuti I gati xe anche sovraffolai, el veterinario passa ogni giorno e fa quel che pol, ma xe de più le bestie abbandonade che quele adottade. Coosa far? co per esempio i ga trovado la picia gatta Luna, una persianina col pel tuto ingropado, abandonada in una gabbia davanti ala porta del Astad? e go visto mi più de un arivar cola cheba del propio gatto, disendo "no lo podemo tegnir", magari per i fioi, o perchè i veci va in casa de riposo, e li go visto abbandonarli cole lagrime ai oci.. solo se penso me ingropo ancora.. spero che i risolvi e che i dissequestri, perchè se no.. xe pezo el tacon che el buso... e spero che i mii amici gati del Astad: Scandulin, Luna, Grigion, Fragola... sia comunque assistidi.. ve metto un per de foto questo xe el ingresso dela palazzian dove che xe i cani qua xe i gatti nela zona gattile, a sinistra Grigione, un rosso e a destra la picia Luna e questo xe el mio amor Scandulin, quasi norvegese, cocolo, affettuoso, lo ciolessi subito se no gavessi za Minou gelosissima a casa e 4 randagini ormai stanziali in giardin Quote
_titti_ Posted December 1, 2006 Report Posted December 1, 2006 Anch'io spero dissequestrino l'astad...i cani non risultano nè denutriti nè maltrattati fisicamante!! Il problema per la guardia forestale è l'assenza di una conduttura fognaria adeguata (c'è scritto oggi sul piccolo) e per loro, il fatto che il giardino sia pieni di escrementi non raccolti, equivale ad un maltrattamento..!! Ma io mi chiedo..queste persone accolgono cani e gatti per non lasciarli in strada..invece di cercare di dargli una mano gli mettono sotto sequestro il rifugio? Che fine faranno in caso queste povere bestie? E poi..in quasi tutti i canili e rifugi c'è il problema del sovraffollamento! Ma mica li chiudono tutti! Altra considerazione..sono d'accordo con Molly..molte persone preferiscono comprare un cane di razza per mille e passa euro..e i canili sono pieni..che tristezza.. Quote
iaga Posted December 1, 2006 Report Posted December 1, 2006 Mi la penso diversamente, per un'esperienza personale.. Gavevimo deciso de cior un can de piccola taglia che staghi in giardin, insieme a gas (el mio tesoro). Mi e mia mamma gavemo fatto el giro per tutti i canili/rifugi.. all'astad la tipa (veterinaria e parona de casa, de quel che go capido) ne ga mandà via, senza can, tirando fora un casin de scuse.. ..tra cui, che non la podeva darne un can de piccola taglia perchè nol podeva star fora in giardin tutto l'inverno, ma quei de picia taglia devi star in appartamento.. e altre che adesso no me ricordo (quando là de lori i cani de picia/media/grande taglia sta tutti fora in giardin anche d'inverno). E secondo mi, questo xè el motivo per ciaparse i soldi e magnarseli, invece de dargheli tutti ai animali per farli star ben (a seconda del numero de animali, ga tot soldi). Poi.. mi el giretto dentro lo go fatto.. e el posto no me ga fatto sicuro una bella impression.. me ricordo ancora che iera do cani che stava distiradi vicin l'ingresso della "casa" e che i me vardava con dei oci tristi, che voi no gavè idea.. noi gaveva neanche la forza de alzarse Iera tutto sporco (non el giardin, quel no centra) ma l'interno dove xè le "gabbie" tutto per terra sporco de escrementi e mangime.. me ga fato rabiar perchè con tutti i soldi che ghe riva da offerte private (oltre a quelle statali e/o regionali, no so) noi xè in grado de tegnir quelle povere bestie in una condizion migliore. Invito tutti, quando la situazion se gaverà risolto, ad andar a veder dentro come che xè veramente la situazion. Anche mi son per protegger i cani che no ga paroni, ma de punir chi li sfrutta per vantaggio esclusivamente personale. Quote
cucciolina Posted December 1, 2006 Report Posted December 1, 2006 Mi go ciolto la mia Lea all'Astad el 23 dicembre del 1988 e per 17 anni la xe stada mia sorella. Semo cresude insieme e la go persa poco più de una anno fa Mi no ghe vado da quella volta là perchè me se strinzi el cuor. Volessi portar a casa tutti quanti e, ovviamente, no xe possibile. No so cosa dir in merito alla vicenda. Non so le reali condizioni de vita dei animaletti che vivi là. Certo xe che, comunque sia, i xe accudidi e sfamadi. Quindi spero solo che la situazion se sblocchi el prima possibile. No posso sentir ste robe Quote
mula alabardata Posted December 2, 2006 Report Posted December 2, 2006 se i li sfrutta e i li maltratta (o semplicemente non li cura ) allora xe giusto prender provedimenti... se invece xe un poco de sovraffollamento e li tratta ben.. beh, meio aver do cani in più in un spazio picio che no lasarli in strada... cmq no son mai andada e no posso giudicar! Quote
molly Posted December 2, 2006 Report Posted December 2, 2006 iaga: te devi gaver becca una persona pazzoide mi son nda tante volte e tante volte i ne voleva conzar qualche cagnetto senza problemi (xe che zercaimo un giovine... e non ne gaveva neanche un quelle volte...), l'unica roba che i me ga dito xe che poi ogni tanto xe de riportargheli la per accertarse che i sta ben... pecca che no go spazio per un can... altrimenti a sta ora gavesi za riempi la casa. El can che poi mia mamma se ga ciolto lo ga giusto giusto salva che stava per esser soppresso (e iera cucciolo - metticcio) Quote
iaga Posted December 2, 2006 Report Posted December 2, 2006 La persona pazzoide che go becado xè quela che xè stada intervistada per el servizio del telegiornal de tele4.. no xè una a caso! Quote
babatriestina Posted December 2, 2006 Report Posted December 2, 2006 No xe question de pazzoidi... ghe succedi spesso che gente che ghe ciol una bestia, dopo un poco ghe la riporti perchè no la ghe va ben, un poco come co se fa un acquisto che se ghe porta indrio col scontrin. Un anno fa ghe xe nato a Fragola, una magnifica gatta che co la go vista abbandonada la me pareva de razza, ma no la ga un carattere facile, digo mi che go zercado de pettinarla, che la xe a pelo longo! la xe ancora là. Ghe xe un racconto dei anni '70, ispirado a una storia veraì: una siora triestina, che gaveva i nipotini qua per l'estate, ga ciolto un can al Astad perchè i pici se diverti. Co xe arivado el autunno, i nipoti xe tornai dove che i viveva e la baba ga riportado el can al Astad. La xe stada molto criticada, per sta povera bestia che credeva de gaver trovado una famiglia e inveze xe stado scarigado come un zogattolo vecio. Per questo al Astad i xe diffidenti e i fa domande prima de affidar. Mi devo aver ispirado fiducia, perchè per Minou nissun me ga domandado gnente. Xe vero che per le vaccinazioni ghe le fazzo far propio alla stessa veterinaria che cussì la la vedi. Se firma una carta che se se impegna a tegnir ben la bestia e se se dovessi lassarla, a riportarla de lori e a no abbandonarla. Quote
iaga Posted December 2, 2006 Report Posted December 2, 2006 Beh.. sicuramente el can no me xè sta dado perchè non ghe iera le intenzioni de darmelo dall'inizio. No ghe xè mai sta dito che el can lo volevimo in prova, e per chi me conosi, sa che le mie intenzioni verso i cani no xè sicuro quele de trattarli mal. El can non voleva esser dado in affidamento.. come che ghe iera anche successo anni fa a mia mamma (prima de andar a cior el boxer la iera passada de là). E le condizioni là dentro no iera delle migliori. Son contenta se i ghe fa qualcosa ai paroni del posto, ma no sicuramente ai cani.. E cmq l'accoglienza no iera delle migliori.. (se mi son la parona de quel posto, e vedo dei futuri paroni per i miei pici, fazo de tutto per farli sentir a loro agio e darghe più tempo possibile per veder come che xè i cani o gatti che sia.. e sicuramente provvedo a mantener più pulito e darghe più cura a quei cani.) Quote
molly Posted December 2, 2006 Report Posted December 2, 2006 eh riguardo alla pulizia posso ammetter che scarseggi... ma penso sia normale vista la quantità de animali che xe la dentro... mi penso che i gaveria bisogno de maggior aiuti piuttosto... o de maggior spazio Quote
iaga Posted December 2, 2006 Report Posted December 2, 2006 Mi volesi saver in realtà quanti soldi che ghe riva tra donazioni private, tra la raccolta nei supermercati, tra i sostegni pubblici.. e quanti de quei che vien spesi per la manutenzion e el sostegno de ste povere bestie.. dopo che vien fora ste cifre, ESATTE, e non stimade.. allora se pol pensar de valutar (tutti eh! mi compresa) el lavor che vien fatto. Xè facile dir che bisogna farghe l'applauso a chi fa sto lavor, se dopo se guadagna sora. Quote
molly Posted December 2, 2006 Report Posted December 2, 2006 ma nei supermercati no i fa la raccolta de scatolette... no go mai visto de soldi per quel chiedo... Quote
Nona Picia Posted December 2, 2006 Report Posted December 2, 2006 Mia go avù 4 cani: un pastor tedesco comprado in negozio e dopo 3 trovatelli dell'Astad, due iera sorelle e una ga durà 8 anni perchè i me la gà invelenada , l'altra la go avuda per 13 anni e la iera "sorela" de mio fio più picio. L'ultimo mi lo ciamavo benevolmente "el re dei bastardi" perchè el iera intelligente furbon e ruffian e el me ga durà 15 anni. Posso dir che co iero all'Astad per ciorli, go visto che i iera sempre ben tratai e curai, cani e gatti. Me sa che ogni tanto i se inventa una per far veder che anche lori lavora (mal). Quote
babatriestina Posted December 2, 2006 Report Posted December 2, 2006 questo xe el sito del astad, no xe pubblicado el bilancio, comunque. http://astad.altervista.org/index.html Quote
Nona Picia Posted December 2, 2006 Report Posted December 2, 2006 Cara babats, no savevo che el tuo gato gavessi un suo "sito"! Quote
Recommended Posts
Join the conversation
You can post now and register later. If you have an account, sign in now to post with your account.