Cossa pensè della mancia?

[babatriestina]

Quale xe la vostra opinion sula mancia? al ristorante, del parrucchieri, al tassista.. dovuda? necessaria? anacronistica? xe o no un bakshish? mi no so...

[saretta]

mi non la laso quasi mai... za pago ... cos go lasrghe anche altro?

[Stefano79]

La mancia xe una cortesia non obbligatoria Se me sento de darla la dago, se no no

[molly]

se le cameriere xe cortesi ghe laso più che volentieri un poca de moneda... come ai muli cocoli portapizze... e co piovi i me fa passion e ghe laso un po' de più

so che in alcuni paesi xe dovuda la mancia... ma nel nostro per fortuna xe una roba facoltativa

[Giada]

Se i camerieri xe cocoli, e i me da un bon servizio, ghe la dago volentieri.

In un'occasion, invece, no transigo proprio, e cerco de catechizzar chiunque xe con mi... NO ESISTI CHE GHE LASSO LA MONEDA ALLE TIPE DEI BAGNI DELL'AUTOGRILL!!!

Quella xe una roba che proprio no concepisso!!!! Ghe DEVO (perchè se no te lo fa le te fulmina coi oci, ma mi neanche pel fiocco, tiro dritta!) dar la mancia perchè le ga netta el bagno? E no le ciapa una paga per quel? Un conto xe darghe una mancia a un camerier che te fa un sorriso, a una commessa che te dà un consiglio... ma in autogrill no esisti!!! Che invece de star là sentade a spettar la moneda, le poderia nettar un poco più spesso che a volte xe una palude, altro che un WC!!! E in quei casi la mancia xe assolutamente RIDICOLA!

[tinuviel]

anche mi penso che dipendi dal servizio che vien offerto... ma all'estero bisogna adeguarse ai usi locali, quindi xè più facile che là laso qualcosa.

@Giada: mi invece ghe laso sempre una moneda, dopo un servizio che go visto in tv (me par delle Iene, anni fa, ma non son sicura), dove i mostrava che le vien schiavizzade e che le ga una paga ridicola, se non le ciapa la mancia, le xè messe sai mal..

[mula alabardata]

se dago, dago nei locai.. ma se el servizio non me aggrada, o i xe scortesi, no ghe laso proprio niente!

in altri negozi non me xe mai capita de darghe...

e in autogrill, se go monedine a portata de man, ghe metto sempre un due!

[arska]

son contrarissimo. A meno che no sia favori particolari (tipo, no so, i me fa entrar col can anche se vietado, o cossa so mi), opur i fa solo che el suo lavor. E i soldi ghe li devi dar el proprietario, no pagar poco disendo "ma te se tien le mance" (sucedi, sucedi..)

Tra l'altro qua in Germania va "de moda" nei locai un poco più chic meterla za (5% in genere) nel scontrin.. oviamente xe tua facoltà chieder che i te la cavi.. ma se se senti un schifo, pararia che te son stado tratà mal, a farla cavar. E qua son doppiamente contro, perchè se diventa una roba regolare no xe più mancia ma "tassa", "coperto", ecc..

[trert]

la baba dell'autogrill cossa che le odio

povere.. in effetti se no le ga soldi.. però obbligar la gente me par sbaiado..

solitamente nei locai dago se xe una cena a due (arrotondo per far el signor quei 0.50/1 € in più) opur se semo in più de 7-8 e xe casin divider el conto

[giacomin]

Mi go comincià lavorar subito dopo le guerre puniche e quela volta le paghe le iera miserete.

Fazevo el sarto (che po xe el mio vero mestier fin che me son rovinà co'i bus ). De aprendista co ghe portavo el vestito a casa del cliente me fadeva saaai piazer co i me dava la mancia, e cussì me xè restada l'abitudine, de solito ghe lasso al postin che me porta pachi o lettere, in ristorante (se i xè cocoli) e più o meno a tutti i muleti che me porta qualche cossa. Quei inveze che no ghe la dago mai xè i scovazini e i spazzacamini che i te le vien domandar con quel stupido calendarieto. Lori proprio no ga bisogno de ste robe!!

PS: sto anno no li go visti..... perchè i me conossi o no i xè venudi nianche da voi?

Modificato 9 Gennaio 2007 da giacomin

[tinuviel]

PS: sto anno no li go visti..... perchè i me conossi o no i xè venudi nianche da vio?

OT sto anno non i xè vegnudi neanche da mi /OT

[tuxav]

alora.. forsi xche a TS la cortesia nei locai no xe el ns punto de forza, mi no laso quasi mai ... no so xche. no xe x i soldi ma x abitudine (forsi sbagliada). Del resto da noi xe diverso che nei USA dove me par che i camerieri vivi solo de mance o poco piu .... devo dir anche che no xe che vado speso in ristorante... e lasar mance in pizeria/pub no me vien naturale.. magari se te son in ristorante 'serio' e xe n un certo servizio alora si ....

per quanto riguarda i gabineti dei autogrill.. lasemo perder ! a duin xe de entrar con la cerata e i anfibi ... certo ga colpa le persone e non chi non li neta ma che devo anche dar la mancia x nudar nel.. *BEEP* no me par giusto troveria + giusto che i fazi pagar 50 cent obligatori e che i sia neti....

[Stefano79]

No giro sai per le autostrade. Ma nei autogrill italiani qua nei dintorni no me ricordo de aver visto le donne delle pulizie che chiedi soldi

Cosa ben diversa xe in Austria. La go visto che xe proprio obbligatorio e i esponi el prezzo fora Da un paese avanzà come l'Austria no me lo saria mai aspettà.

[tuxav]

alora, nei autogrill in austria no se paga (almeno tuti quei che go gira' mi .. no digo de gaverli fati tuti ma penso piu de qualchidun si ) .. x esempio quel de arnoldstein xe praticamente un gabinetto a 4 stelle, gratis... enorme... quel de duin xe un campo de bataglia. Per no parlar del fatto che per esempio a Tarvisio no i ga l'acqua calda e de inverno no xe el max lavarse le man con l'acqua freda!!! e mi dovesi pagar x gaver un gabineto sporco con acqua freda???

nele stazioni/aeroporti in austria e germania go visto che xe i gabineti a pagamento, te paghi 50,80 cent ma cavoli te ga un gabineto come quel de casa ... mi preferiso pagar e gaver una roba neta che gaver la m***a gratis :D :D

[Stefano79]

alora, nei autogrill in austria no se paga (almeno tuti quei che go gira' mi .. no digo de gaverli fati tuti ma penso piu de qualchidun si )

Mi ne go fatti sicuramente meno de ti, ma in pulman per Budapest ad ogni tappa austriaca el bagno iera d'obbligo e iera de sborsar.....per carità puliti, ma se pagava.

[Manuela]

mi go comincia a capir el valor delle mance quando fazevo le stagioni, a parte gli italiani che non i te lassava neanche per sbaglio, i tedeschi inveze i ga sempre fatto i splendidi. o ancora meio co stavo a londra. parlemose ciaro! a parte l'italia il resto dell' europa xe tutti grandi signori

[Stefano79]

il resto dell' europa xe tutti grandi signori

Mah, mi go sentì dir el contrario. Quando andavo ogni anno in Dalmazia fazendo amicizia coi ristoratori, i me ga dito che i tedeschi no ghe lasava nianche una moneda de più No so, sarà cambià i tempi.....

[tuxav]

sara anche vero che el resto del europa xe signori.. ma anche el livel de servizio nel resto de l'europa xe mediamente + alto che in italia no digo che sia tuti scortesi ranzidi e scorbutici... go visto scene de camerieri che pur de becarse la mancia da turiste inglesi/americane i fazeva batude mone parlando un inglese tipo "nojo vulevam savua" .. mi spero che lore no ghe gabi lasa nianca un centesimo :D

[davidin]

mi la mancia ghe la dago a chi se la merita!!!

(per esempio: se xe bon de magnar, se xe la gentilezza-cortesia-pulizia nei vari servizi....)

[arska]

troveria + giusto che i fazi pagar 50 cent obligatori e che i sia neti....

OT, ma no son d'acordo. Xe un bisogno PRIMARIO, un dirito per tuti. E se mi poso (e se cori lo fazo) andar in graia o de lato del autostrada, le donzelle gaveria qualche dificoltà.

Far pagar per un bagno xe una vigliacada, me dispiasi. In austria no go mai visto, ma in Germania xe meno aree de servizio, ma più grandi. Dove de solito xe più de un bagno, e almeno un xe sempre a pagamento. El bagno per ricchi, ma se ga mai visto? Xe una de quele robe che no pagherò MAI. Piutosto fazo subito fora l'entrata, e magari me fazo anca veder dai veceti con la spuza soto el naso.. tanto, chi me vedi più là? (guerrilla marketing personale )

[Stefano79]

Quoto Arlon

[tuxav]

ok alora femo come in germania, uno a pagamento e altri free.. pero' quando te se trovi in stazion con zaini valigia borse sachi sacheti de inverno ... te aprezi el fato de poder andar in un bagno e poder pozar la roba pertera senza che la galleggi su un strato de roba liquida... che dopo questo sia dovudo a un che sta la e domanda la mancia e tien el bagno pulito, o che sia un cancel che te verzi dopo gaver meso la monedina.. poco cambia

el problema xe che qua i domanda la mancia e i gabineti xe speso sporchi... in austria nisun domanda la mancia e i xe neti ... qualcosa no quadra :D

[Manuela]

il resto dell' europa xe tutti grandi signori

Mah, mi go sentì dir el contrario. Quando andavo ogni anno in Dalmazia fazendo amicizia coi ristoratori, i me ga dito che i tedeschi no ghe lasava nianche una moneda de più No so, sarà cambià i tempi.....

pol esser che magari i restava affascinadi da una bela mula.... come mi... a parte questo te ga mai provado a girar per l'europa del nord?

[tinuviel]

. In austria no go mai visto,

Salisburgo, vicin el ponte principale, mi e mula gavemo pagado, no xè obbligatorio ma xè el piattin... e visto che te ga la signora che te verzi el bagno e che la controlla che el sia pulito (sia prima che dopo), me sembra una roba corretta lassarghe una mancia.

poi semo sempre là, la mancia là no te obbliga nissun, se el servizio xè bon, no vedo perchè no lassarghe! el fatto che dovessi esser el dator de lavoro a pagar de più l'addetto, xè sacrosanto, ma qua se va OT! e diventa un discorso sui diritti dei lavoratori...

[arska]

ma perchè xe sti incubi de OT in giro ? No xe OT, se xe quel l'argomento del topic, scuseme. E el svilupo dela società civile tramite el non sostentar sti mezi-parasiti me par una bona ragion per discuterghene.. (ogi parlo diretto )