Morto Béjart

[babatriestina]

Xe morto a 80 anni Maurice Béjart, grande coreografo de balletto moderno.

dificile descriver la sua arte, perchè balletto moderno xe tante varianti.

El gaveva avudo per tanti anni a Bruxelles el Ballet du XXème siècle, famoso per aver fatto coerografie come l'uccello di fuoco, simbolo della libertà ( e visto che el iera rosso fra celesti, el vegniva preso anche a simbolo dle comunismo, che quela volta iera de moda fra i intellettuali), el sacre du printemps, e el famoso Bolero, dove una ballerina- ma podeva anche esser un ballerin omo- balla sono su una pedana circolar, sul ritmo ossessivo e ripetudo de Ravel, come un invito a una danza a tutti, alla fin el gruppo intorno al palcoscenico sali e sofiga el tutto.

Tanti ballerini ga ballado con lu Eric Vu An, Jorge Donn, la Savignano.. una tecnica che partindo del classico stirava le lineee creava posizioni diferenti, spesso in tension.

El ballet du XXème siècle xe stado una sola volta a Trieste, al Rossetti, per un spettacolo nei anni '70 portado... dela Democrazia Cristiana! in occasion de festival de l'amicizia, che voleva farghe concorrenza a livello alto culturalmente ai Festival de l'Unità (questo me par che el Piccolo no lo ga miga ricordado ).

Mi go visto anche sti balletti a venezia nel 74 o 75, el iera alora in crsi mistica oriental e i balletti iera ispirai del Iran ( alora pre Khomeini) e del India ( balletto Bhakhti).

Po, come se el gavessi za fato tutto, el ga serado sto balletto, proibindo anche per diritto de autor la riproduzion no autorizzada dele coreografie, e el se ga trasferido a Losanna dove che el ga averto el Ballet de Lausanne e con quel el xe anche vegnudo a Trieste.

però gavemo visto le vece sue coreografie al Verdi anche in occasion dela visita de una compagnia giapponese, che gaveva el permesso de ripeter alcune dele sue coreografie famose.

El cartellon de un dei sui ultimi spettacoli a Losanna, ottobre 2005