[Pagelle] Triestina-Albinoleffe 2-3

[Maurice]

Agazzi : Ancora lui a rendere la farsa semplicemente una baracca... Se a genaio el svolerà via (per somma tristezza de una tifosa in particolare) sarà de capirlo. Bravo,bravo,bravo. Nei 1 contro 1 veramente insuperabile. Voto: 7

Cottafava: MAH... cossa dir? Ogni tanto el vien fora con ordine, ogni tanto perdi la bala, ogni tanto el xe distratto, ogni tanto controlla che qualchedun no ghe ciuli la morosa in tribuna. Comunque quantomeno dignitoso. Voto: 5,5

Brosco: Se valutemo che xe del '91, se valutemo che comunque de testa no xe facile superarlo, se valutemo che oggi iera un naufragio, diria che se pol far el stesso ragionamento del compagno centrale. Voto: 5,5

Nef: Sinceramente un rientro che se ga fatto sentir. Ordine, anticipi, prova anche una conclusione (de testa,ovvio),ma purtroppo ancora un poco in ritardo de condizion. Ciò ghe costa qualche svarion, ma xe el miglior terzino che gavemo in rosa da un per de anni a sta parte. Tignimoselo stretto... Voto: 6

Sabato: El secondo gol xe opera sua, el terzo invece pure, xe lento, impacciado, terrorizà de sbaiar dopo esser sta sommerso de fischi e soprattutto inadeguato come terzin. E questi xe i aspetti più positivi eh! Voto: 3

Gissi: La domanda xe: PERCHE'? Voto: 4

Princivalli: Capitano, per quanto se danna lui e el suo picarin in schiena ancora no riva a far ordine, ogni tanto el frega anche baloni, ma no xe sicuro un regista. E no xe ai livei del scorso anno. Ma go l'impression che 'Cagotti gabi le sue colpe. Voto: 5

Testini: Xe una garanzia. Tanta corsa, discreto dribbling, riva sul fondo e... buh! Po se contemo l'espulsion de pampel che ga ciapà. No se sentiva el bisogno, sinceramente... Voto: 5

Tabbiani: Mi lo ciamo "Anticalcio", ogni finestra de mercato spero i lo sbagazi da qualche parte, lo trovo lento e impaccià. Oggi (e in generale in ste ultime partide) pareva Zambrotta dei anni d'oro e soprattutto un cuore enorme. Sicome credo no sia sta miracolà in do settimane, alora xe de ringraziarlo. Un mulo d'oro che ogni tanto se inventa numeri come l'assist per Godeas (!!!). Mestierante, ma d'oro. Lui ghe la ga messa tutta. Va premià e ciaparse i applausi oggi no iera facile. Bravo Luca... Voto: 7,5

Della Rocca: Se no fossi sta cussì presuntuoso in ste settimane no saria cussì mal disposto verso de lui che comunque ga zogà una partida a tratti fastidiosa (colpi de tacco!) e se magna un per de bele occasioni. Nel finale iera un 3 a 3 che ziga vendetta. Voto: 5

Godeas: A Mantova iera sorretto da un bel centrocampo e ga fato 24 gol. No doveva salir lui in prima persona a centrocampo per cior la bala sperando che qualchedun se movi e lo 'iuti. Invece adesso xe costretto ad allontanarse dall' area per cior la bala e tante piade. E dei lanci lunghi irritanti per lui ne volemo parlar? No se pol sperar fazi tuto lui. Supportà el faria sfracelli (el gol del 2-2 xe la conferma). Intanto le fantasticherie va a una coppia con Pablo... Voto: 6,5

Volpe

Magliocchetti

e

Sedivec

Senza voto... La causa sta qua sotto

Lu-CaGotti: Grande comunicatore, bravo, colto, simpatico. Ma come allenador Dio ne salvi. E ghe fazi trovar un lavoro che no sia el mister. No te pol far i cambi a 10' dala fine con la panchina che traballa,dei, dei,dei.... Spero sia stada la sua ultima meraviglia. Lo ricorderò come una dele persone migliori che gavemo avudo come mister (abisso tra lui e Maran), ma come el pezor allenador. Anche pezo dela banda de Tonellotto... Voto: Volemo sparar sula croce rossa?

[Capitano]

Ciò, bravo...

Te me trovi d'accordo su tutto !!! Soprattutto su Tabbiani, mi lo ciamo "scarpetta de ghisa" ... Oggi un grande, l'unico che ga da el cuor, applausi meritatissimi, bravo.

Testini xe sta penalizzà dal nervosismo, el suo lo fa sempre. So che a tanti no ghe va zo, però per mi xe meio gaverlo con che contro...

D'accordo su Princi, sto anno nol ghe xe proprio ... forse una doppia responsabilità troppo grossa, paron del centrocampo e capitano...

Forse te ga esagerà con Sabato ... 3 ?? mi ghe dassi 1 !! xe una roba allucinate, inguardabile, penoso, ridicolo.

Mi a Gissi ghe dassi 9 !! Per non gaver idea de cosa sia el giogo del calcio el xe ancora troppo bravo.

FORZA POVERA UNIONE

[picia_tata]

(per somma tristezza de una tifosa in particolare)

Chi xe?? :pianto:

concordo su tutto , bravo principino