El Trenin dele Rive

[Renè]

Chi se ricorda del "Trenin dele Rive"?

Fin al 1983, ghe iera sto' picio treno merci che dal porto vecio trasportava material vario, fin a S.Andrea (o in Sacheta) passando atraverso le Rive de Trieste.

El trenin iera sempre precedudo de un mato co' la bandiereta che segnalava ai pedoni de spostarse.. e quanti incasinamenti ogni volta, coi auti che tante volte i iera fermi in mezo ale sine!!!!

Fin a un vinti e passa anni fa, se podeva ancora veder i scambi rotondi in fero, dele sine, davanti ala Stazion Maritima e in Sacheta.

Tempi eroici e zà lontani, sopratuto con le automazioni de ogi!!!!

Qua soto ve posto un dò foto, risalenti al milenovezentosetantaun:

*************************************

*************************************

Alèèè Alga!!!!

[dido76]

le sine i le ga tolte pochi anni fà

[arska]

Sai roba, le foto le me ricorda de tempi quando che un porto e una cità gaveva la (magari minima, ma iera) posibilità de lavorar ben.

[Nona Picia]

Mi me ricordo ben del trenin del rive e anche del pinguin Marco che ghe caminava davanti! Mio fradel per andar a scola spesso e volenieri saltava su sula locomotiva, col permesso del guidator, naturalmente....

[babatriestina]

ciamelo picio trenin! el iera longhissimo, el andava appunto a passo de omo e ovviamente al altezza de campo marzio el taiava el traffico in due : tuti fermi a spetar che el passi.. ma se per caso un baul gaveva lassado parcheggiada la macchina sule sine, fermi tuti a spetar!

no ve digo la gioia co passavo de là, cola mia 500, che la se incastrava nelle sine e iera difficilissimo vegnir fora. le sine credo che sia ancora, sotto l'asfalto, coem tute quele dei tram.. credo de gaver ancora qualche foto de co le affiora.

E la piattaforma girevole, vizin dela Pescheria? un odor de pesse parzo che vegniva el voltastomigo, me par ancora de risnetirlo co passo per de là..

papà me contava che una volta qualchedun gaveva provado a domandar de cavar el ometto che lo precedeva a pie cola bandieretta: impossibile, perchè el dipendeva de almeno tre ministeri!

[Renè]

In straritardo, grazie baba per le preziose info.

Me le ricordo ancora le piataforme girevoli (i scambi, in pratica) che desso le xè soterade, co' na butada de cemento armado (la sagoma rotonda se pol veder tutora).. de picio me divertivo a dindolarme de sora, sicome le se moveva.

Modificato 19 Luglio 2010 da Renè

[babatriestina]

In straritardo, grazie baba per le preziose info.

Me le ricordo ancora le piataforme girevoli (i scambi, in pratica) che desso le xè soterade, co' na butada de cemento armado (la sagoma rotonda se pol veder tutora).. de picio me divertivo a dindolarme de sora, sicome le se moveva.

No so se se riferiva propio a questo, ma mama col passava me cantava una canzoncina che mi go sempre associado a quel trenin:

ec-co il tre-no, lun-go lun-go

che per-corre la cit-tà

....

ciùf ciùf ciùf ciùf

co-sì va