foto panoramiche

[dido76]

mularia...me piasi sai le foto panoramiche con vista tipo a 360°...come se le fa de bel?

mi me se capità de veder l'altro anno durante la barcolana un tipo con un accessorio tipo obiettivo supplementare su una reflex digitale...macchina puntada verso l'alto e via a far la panoramica...ma no gavevo mai visto roba simile...

mi go una reflex dela minolta...go per el momento solo l'obiettivo de serie...+ in là farò zonte de obiettivi...però el panoramico me ispira sai...me spieghe come se fa de bel?

grassie

[tuxav]

esisti dei software za nele machinete digitali (me par che la olympus ga qcosa) o xe dei sw che te lo permeti de far dopo...

se inveze te vinzi una loteria te pol cior una hasselblad panoramica ma no credo rivi a 360.. pero' metendlo insieme...Hasselblad

[arska]

oviamente per bele foto te ocori una panoramica, mejo se a obiattivo rotante.. a mi me piasi perchè costa poco le Horizon (model 202), russe .. decisamente oneste.. son ancora tentado de ciormene una, xe che le xe enormi e go paura che quele+cavalletto no me le portasi mai drio.

[arska]

eccola

dopo xe anca el model novo, la S3 pro.. ma no so come che la sia in quanto a qualità

[tuxav]

figone.... in efeti su ebay no le costa una asurdita' e in un zaino le trova facilmente posto ... certo che pero te devi sempre gaver un trepiede con ti .. xe un poco complica' .. pero'... te me ga stuziga

[trert]

poi dipendi se te vol far panorami semplici a 180° te posso consigliar vari programmi.. (anche el photoshop con un due plugin xe ottimale)

mentre se te vol far animazioni quicktime a 360gradi.. scolta arlon e tuxav (x capirse el risultato xe questo QUESTO)

[trert]

KAIDAN

questo xe el sito dove i vendi tochi x far panoramiche utilizzando una reflex digitale comune (nikon d100 nel caso dell'esempio)

[arska]

figone.... in efeti su ebay no le costa una asurdita' e in un zaino le trova facilmente posto ... certo che pero te devi sempre gaver un trepiede con ti .. xe un poco complica' .. pero'... te me ga stuziga

mi al caso rimando a sta estate.. ma no xe dito che no me cavi el sfizio.. hehe

cmq montar le foto a 180 o 360 gradi con un software NO xe la stesa roba.. ve poso asicurar

[dido76]

grassie x le risposte...

el mato che go visto mi gaveva una roba simile a questa:

http://www.kaidan.com/Detail.bok?no=101

mi no go una digitale...preferiso la reflex

mi go una minolta dinax4...xè stado sempre el mio sogno e co go podu permettermela me la go comprada...

se un domani cambierò macchina ciolerò una reflex digitale...la digitale compatta no me intripa

chiaro che l'obietivo panoramico xè + che un sfizio visti i costi...

x i software so dei plugin si per photoshop o affini...

vabbè...el panoramico resterà un sogno a lungo termine

[babatriestina]

Ben, visto che dei errori se impara molto, ve conto el mio unico tentativo de far una panoramica ( Piazza Goldoni):

go ciapado la mia modesta Canon A70 e go impostado el programma panorama, po tegnindola in man go scattado 3 foto girandola un poco alla volta. Po go scarigado le 3 foto sul Pc e con un programin de fotoritocco go tentado de meter insieme: Xe vignudo una roba cussì cussì, ma coi seguenti problemi:

1 fazendo a man le foto no iera tute propio ala medesima altezza per cui al momento dela sovraposizion i tochi no combaciava, go sporcado le giunture con un poco de clone.. Eror mio: dovevo scatar col trepiede

2 le tre foto, essendo fate in direzion un poco diferente, gaveva luce diferente, per cui i 3 tochi ga esposizioni diferenti e el pavimento cambia tonalità de grigio. eror mio: no dovevo far esposizion automatica, ma almeno dopo la prima, espor manualmente in modo che le 3 foto sia esposte precise.

3 se al posto dela giuntura xe passada una persona, evidentemente la xe in una foto e la xe spostada nell'altro. eror mio: evitar gente in primo pian.

Giusto??( meo che no ve posto la mia foto )

[trert]

tutto giusto.. cmq se te ga problemi de esposizion.. con photoshop te rivi ad esporle in maniera praticamente uguale.. senza problemi..

ma solo tre foto in una panoramica? quanti gradi te volevi far? convien scattar le foto sovrapponendo almeno de 1/4 le foto.. cussi el software riva a gestirse meio le sfumadure

[babatriestina]

tutto giusto.. cmq se te ga problemi de esposizion.. con photoshop te rivi ad esporle in maniera praticamente uguale.. senza problemi..

ma solo tre foto in una panoramica? quanti gradi te volevi far? convien scattar le foto sovrapponendo almeno de 1/4 le foto.. cussi el software riva a gestirse meio le sfumadure

Per cominciar, mi no go photoshop che me par assai complicato e me contento de un modesto photoimpact e anca la version 6 che xe vecia, ma per quel poco che fazo mi me contento.

Mi gavevo fato solo che 3 foto perchè me pareva che meno zonte che xe, meo xe...

Resta po el problema che messe tute insieme la foto final iera con una prospettiva strampalata.ben bon, dai ve la fazo veder, fin che la resta picia no la xe gnanca tanto oror. Ciolela a modello de come no se fa una panoramica ( ma meo che gnente..)

[trert]

refabilissima.. se te posti le foto in orig.. se pol provar.. (ovviamente link esterni)

[polpetta]

alcune foto panoramiche tacade in post work... la modalità panoramica della digitale [nikon coolpix] xe fenomenale

qua iero sula napoleonica...

e qua xe la queen elisabhet ...xe in controluce perchè stava andando verso tramonto..

[Stefano79]

... la modalità panoramica della digitale [nikon coolpix] xe fenomenale

Xe proprio quela che volesi cior mi

Vedo che la merita allora.

[trert]

el softwarin della coolpix (panorama maker) xe proprio cocolo.. fa anche panorami in verticale (palazzi) ed ampie vedute (tipo sudoku)

[Malto]

infatti, anche mi me trovo sai ben con Panorama Maker, lo uso sempre!

[trert]

cercando in rete go trovado vari programmini free.. però li go vardadi e i xe parecchio complicati (stile gimp)

un altro programma cocolo che go trovado (trial) xe stado photovista pamorama che crea con un plugin aggiuntivo le animazioni 3d per guardar le foto a 360°, molto interessante

[polpetta]

mi non go usa el panorama maker in dotazion...

ma un programmin del scanner che te consenti de far i panorami e altre cose.. el xe sempre sta ottimo per ste robe

[trert]

quando iera la fiamma olimpica semo andadi sul molo audace e pozando la macchina su una bitta+cavalletto (grazie polpetta), go ottenudo questa..

el programma usado xe panorama maker.. ma go giogado molto in post con photosho x uniformar el più possibile

[polpetta]

la te xe vignuda ben [pendente...ma ben!] ... [prego! ]

[trert]

disè che xe meio indrizarla? col ps no se sta niente.. ma mi me ga più de panoramica cussi

[polpetta]

diria che migliora un pochinin...sa.

[trert]

go trovado un programma che me piasi molto!!! The Panorama Factory 4.0

no xe per niente mal.. la modalità automatica xe un poco scadente, la semiautomatica xe figona e la manuale xe luuuunghissima ma perfetta!

go provado a far questa che iera particolarmente dificile xke xe 12imagini..

el risultato xe come xe vignudo fora dal programma! (lo go solo passado per PS x cavar la scrita dela demo del programma)

son proprio felice! l'unica roba o son mi m**a o no trovo el modo de far con quicktime l'animazion 3d..

altro pregio del programma xe che te spara fora imagini de qualità elevata (molto de più rispeto a panorama maker)

EDIT: dal anteprima no se vedi un tubo.. clicché sora!

[tuxav]

la foto e veramente sai ma sai bela!!!! :D :D :D complimenti!

te ga piaza la machina sul cavaleto? te pensi de stamparla?