[CERCO] [SCAMBIO] Cartoline

[saretta]

Son collezionista de cartoline da tutto el mondo e volessi saver se qualcn ga, vol scambiar, vender o comprar cartoline. Go da tutto el mondo!

Grandi... piccole.. forme strane... e cerco sempre roba nova...

In caso... contatteme!

[tinuviel]

go appena letto sta discussion...se te me da un po' de tempo, vado in cantina a zercar quele che me ga mandado amici e amiche un po' da tuto el mondo, purtroppo alcune le go cestinade (per circa dieci anni go avudo corrispondenti dalla Siberia al Suriname) ma un poche le go ancora, te le dago volentieri!

[Stefano79]

Per mi le cartoline xe dei ricordi a cui son affezionà, me secasi darle via

[tinuviel]

penso de averghene dade via/buttade via a centinaia...come go scritto nel post precedente, go avudo tanti penpals per anni, questo significava ricever svariate cartoline ogni mese (oltre che a svariate lettere). Son rivada ad aver punte de 50 corrispondenti! (no chiederme come fazevo, adesso no rivo starghe drio a meno de 10). Conservavo anche tutte le lettere, poi me son trovada la cantina piena e go dovudo far un po' de selezion...conservar tuto saria stado impossibile!

[iaga]

Anche mi me iero persa questa discussion..

..anche mi fazo una specie de "collezion" de cartoline.. ma personali.. e quindi non cedibili

Xè bel gaver i ricordi dei posti dove te son sta e della gente che te ga scritto.. no podesi mai darle via.

[mula alabardata]

quoto tutto quel che ga dito gaia!

una cartolina pol esser un ricordo de un posto dove son andada mi oppur un ricordo de qualcun de caro..

[tinuviel]

certo...ma se no se collezionisti e ne gavè a centinaia el discorso cambia...soprattutto quando le xè mandade solo per mostrar come xè el posto...Anche mi go certe cartoline a cui ghe tegno, ma tante altre le xè solo messe là a far mucio...

[saretta]

ovviamente non intendevo cartoline a cui uno ghe tien, ma se te ga certe che te le lasi la tanto per far mucio.... mi son disponibile a cior!

Mi son collezionista quindi come disi mari xè diverso...