Carso vesti' de rosso...

[tuxav]

Stamatina go fato 4 passi con l'idea de far un per de foto ale foie rosse che sta circonando el carso ormai da tanto e che cambia tonalita' e color ogni giorno.. xe un spetacolo unico.... quindi prima che rivi el fredo e la neve meto qua un per de foto:

Questa xe una foia de no so cosa (se qualchidun me disi cosa xe son contento! Sommaco? ) che gaveva ancora un poche de joze de umidita' sora...

..ormai tuta la vegetazion se adegua al color rosso...

anche se qualche macia gialla qua e la resisti...

magari sconta e in ombra...

altre foje xe piu' fortunade e se trova za bele sute sul sol che sti giorni scalda 'bastansa...

altre foto se vole le xe sempre la.. sul mio sito de TempoDiaframma

Adeso spetemo la neve!

[cucciolina]

Xe sommaco questo

Come sempre splendide foto AV

[babatriestina]

Xe sommaco questo

Come sempre splendide foto AV

Rhus cotinus, nome preciso del sommaco.

bele foto, oggi vado anche mi in Carso col CAI, spero de far anca mi qualcossa. ve consiglio, se gavè ocasion, de passar anca in quei do o tre boschetti con latifoglie ( intorno a Basovizza, verso i campi de golf) che xe anche i faggi cole foie che cambia color

[Nona Picia]

Come già detto altrove, bravo Andrea!

[molly]

che bei colori!!!!

[Stefano79]

Bele come sempre

[assist]

che belle ste foto

[arska]

(OT) haha pensavo che fosi le foto del primo magio :D

[tuxav]

ahahah arlon, anche mi co go scrito el sototitolo go pensa' de scriver che no se tratava del 1.maggio in efeti.. :D

[uzzy]

che belle, te me ga fatto voia de andar a far una scampagnada

[trert]

che figada!! posterò anche mi qualcossa..

[giuli]

Bravo Andrea!

Bellissimi colori!

[diego]

Braaaavissimo e stupende foto Tuxav, el Carso in Autunno se vesti de un abito rosso stupendo. Xe certi punti e con una luce particolare par che el ciapi fogo.

[babatriestina]

Ecco le mie de stamattina, i colori xe quei, senza ritocchi. No xe solo che el rosso,a nche i gialli no scherza

[tinuviel]

muli miei, ste foto xè bellissime!!! L'autunno ga dei colori veramente stupendi! Ghe ne go za "rubada" una per el mio desktop

[babatriestina]

questo xe un albero cole foie che butta in violaceo, e i semi

Vieenii, c'è una strada nel bosco..

le querce diventa gialle

[babatriestina]

zonto do, una perchè finalmente me par de gaver cominciado a padroneggiar la messa a fogo manual,

e l'altra perchè la me piaseva, xe la signora Michelini, capo del gruppo TAM del CAi, che organizza gite naturalistiche, la sa tuto su fiori e piante del Carso, ma la foto me piaseva per el contrasto fra ela a colori decisi e la Val Rosandra drio invece nelle foschie autunnali

[Nona Picia]

Bele, bele, bele!

[diego]

X babatriestina .Te son un mito, bravissima

[mula alabardata]

mi invece ve propongo un due foto autunnali che go fatto una settimana fa sulla napoleonica:

logicamente ga colori molto più bei la prima..

infatti la xe stada gentilmente un poco modificada

me sa che doverò iniziar a imparar anche mi a sbisigar con photoshop...

[mula alabardata]

e qua altre due.. sempre colori un poco smorti però..

[tinuviel]

effettivamente, meio la prima Ma bele tute!

PS comunque la linea dell'orizzonte se vedi ceh xè un poco modificada ...

PPS e se non la xè...boh, mi la vedo che la se staca bastanza, anche se sta benissimo!

[trert]

ma le ultime due xe el stesso cespuglio!!

[mula alabardata]

ma le ultime due xe el stesso cespuglio!!

eh go ciapa el cespuglio, lo go ritagliado e lo go messo in due foto diverse x veder che effetto fazeva!

cmq pol esser.. ma iera le più decenti che gavevo.. le altre ga colori ancora pezo con l'orizzonte stranissimo [no so quanto el xe sta modifica nella prima foto.. ma anche nell'originale el iera sai strano.. ]

[mula alabardata]

questa xe un'altra.. anche se non ga el sommaco autunnale che caratterizza le altre.. ma a mi me piasi..

forsi anche xkè devo ancora imparar a far foto de sole foie o de soli alberi.. xkè nella massa me vien troppo incasinade..

e questa son mmi all'opera!!

[ma logicamente ste foto non le go fatte con quella macchina! ]