Rischio mareggiata

[SandroWeb]

Secondo le previsioni, dopo el slavazon de ieri, xe previste altra piova sia per oggi che per doman. I metereologi disi che tutto questo, unido al vento de libeccio, podessi crear facilmente una mareggiata.

Preparemo i trombini....

[molly]

una mareggiata... beeel

[arska]

con perturbazioni atlantiche? Come xe posibile? De quel che so mi, doveria girar in libeccio o sciroco (dal Africa), per poder far maregiade serie.

[davidin]

Preparemo i trombini....

e braccioli...

per mi pol anche venir una bela mareggiata..basta no me rovini i weekend...

[molly]

ieri mia mamma me ga dito che se se podeva butar zo per via commerciale col canotto tanto iera alta l'acqua (sembrava un fiume in piena ga dito)

[giuli]

e non solo via Commerciale...

basta guardar sul giornale le foto delle Rive

[Stefano79]

Ieri iero a Veglia a sommozzar e ne xe andà de lusso. Ciel coverto, ma el mar iera liscio come l'oio e niente piova Go senti che qua inveze la piova ga fatto un disastro in centro...

una mareggiata... beeel

Eh, nianche tanto bel. El libeccio xe el vento de SW, e data la posizion de Trieste xe quel che fa più danni sulla costa. Per fortuna xe raro a Trieste, ma l'ultima libecciada forte de un paio de anni fa ga completamente distrutto la scogliera del terrapien de Barcola e ga fatto seri danni anche a quela della pineta. Certo xe un bel spettacolo de veder, ma dopo metter le man al portafoglio xe un poco meno bel

[molly]

iera un beel ironico

[tuxav]

sul sito del osmer xe le imagini del radar de fosalon che mostra se / dove/ quando/ quanto piovi..

eco el link: Osmer Radar Fossalon

[Renè]

Speremo ben per doman ara

Go de andar far dei esami per la mia alergia al poline e no volessi già che ghe son eser costreto a farme pure la patente nautica!!

[arska]

Fossalon Caput Mundi!

[Nona Picia]

con perturbazioni atlantiche? Come xe posibile? De quel che so mi, doveria girar in libeccio o sciroco (dal Africa), per poder far maregiade serie.

I ga dito che ogi saria sta libeccio dopopranzo (no so a cche ora), anche a ora de pranzo i ga ripetù!

Edited May 28, 2007 by Nona Picia

[arska]

Se vedi che la la xe za finida qua xe ancora che piovi ..

[marcoxii]

ieri ciò iera robe de matti

vado zo in marina con la 9

e ciò el conducente a un certo punto(via Mazzini) ne fa..."signori me dispiasi ma mi oltre de qua no rivo andar avanti"...scendo e vardo la fine de via mazzini....altro che via mazzini...Via del Rio Dele Amazzoni!!!!!'ca mastela!!!!

mai visto na roba compagna in vita mia!!!

[Cazzaballe]

Che bel viver sulla punta piu alta de prosecco.... ve laso a voi le mareggiade, mi stago tranquillo quassù

[Nona Picia]

Noi ierimo de quele parti in ristorante, nel culmine del bruto tempo ierimo al coverto, ma ancora un poco l'acqua entrava nela veranda e certe strade co tornavimo indrio le gaveva ancora fiumisei de acqua che coreva.

Credo proprio che nianche a Proseco sarìa sta bel esser in mezzo ala piova in quei momenti!

[molly]

ieri go avu la bella idea de ndar in città in scooter... iera anche bel tempo fin circa le cinque e quaranta co in città ga inizia ad alzarse un vento gelido, xe riva un nuvolon nero/grigio e poi l'acquazzon... risultato: son tornada a casa slavazada però almeno no iera acqua alta stile Venezia

[666]

ma xe vero quel che ga scritto el piccolo oggi? ossia el paron de una pizzeria su le rive tutto inca..vola'( perche ghe vigniva acqua dentro el local anche per i cessi ) ga dito che i ga sbaglia la pendenza dele rive , ossia invese de defluir l'acqua verso el mar la va verso l'interno?

[babatriestina]

la pendenza dele rive xe cussì de quando che i la ga imbunide un poco più de un secolo fa. Semai, xe de veder come che xe fati i tombini adesso, no xe più quei in corispondenza del marciapie ma una specie de fenditura in mezzo ala pavimentazion, che de solito se impinissi de ciche butade dentro. ecotelo per esempio in Piazza Goldoni

[arska]

ma xe vero quel che ga scritto el piccolo oggi? ossia el paron de una pizzeria su le rive tutto inca..vola'( perche ghe vigniva acqua dentro el local anche per i cessi ) ga dito che i ga sbaglia la pendenza dele rive , ossia invese de defluir l'acqua verso el mar la va verso l'interno?

anca a mi i me ga segnalado sta storia. No volevo crederghe, assurdo! (se xe vero) xe da *Dementi*

[molly]

i devi gaver sbaia qualcosa anche in piazza unità dato che ogni volta che piovi (e non parlo solo dell'altro giorno ma anche co piovi de meno) diventa una enorme pozzanghera :S

[arska]

E magari sti progetisti xe i stesi che vol far i postegi subacquei? (roba fatibilisima, e anca giusta. A patto de saverla far, però)

[dido76]

al di là de pendenze dele strade che se fosi vero saria de meterli a disfarle a son de pala e picon el problema grosso secondo mi xè questo:

pulir le canalete dopo che xè venudo zo un diluvio che ga fato danni e ga fato partir le lamentele dela gente no servi granchè...

lunedì passando in auto su strada de opicina, direzion obelisco, guardavo le canalete...le xè piene de tuto quel che xè venudo zo el giorno prima...chissà quando i pulirà e nel frattempo al prossimo diluvio altro fiume in piena verso city.

ok, xè fora del centro....però xè un segnal delo stato dele strade e dele canalete...

sto bruto tempo iera ben che preanunciado...anzi se le previsioni fosi stade giuste gaveria piovudo adiritura la setimana precedente x cui la ne xè andada de lusso...

se proprio "no i vol" pulir ste canalete perchè i ga de far altro """""""ok""""""" ma almeno che i ghe distribuisi a chi ga negozi a rischio maregiate dei grandi sacchi de sabbia o altro x tentar de blocar l'entrata de acqua (redi de pesca anche al limite cusì i sparagna sula zena dopo )