Altopiano del Montasio

[tinuviel]

come podeva mancar una nostra escursion da cussì tanto tempo?

per dir el vero, za un per de settimane fa gavemo fatto qualcosa de "tranquillo" dalle parti de Ramandolo ma, almeno le mie de foto, xè vegnude malissimo...

allora, domenica scorsa semo andai in giornada sull'altopiano del Montasio. A Sella Nevea se ciapa una strada (in inverno la xè chiusa... giusto per dir quanto bella la xè ) che riva in un ampio parcheggio nell'altopiano del Montasio. Da qua inizia un bel sentier, piuttosto larghetto, che porta al rifugio de Brazzà. Sarà circa una ventina de minuti de camminada, anche scarsi.

Rifugio piccolo ma pittoresco, te vien accolti dal paron de casa in maniera molto calorosa

ad qua parti vari sentieri, noi gavemo scelto quel per la Cima de Terrarossa.

No el xè particolarmente impegnativo, purtroppo, però el tempo no iera dei migliori, quindi no se gavemo fidado de rivar fino in cima...

Salindo per el sentier, se ga un magnifico paesaggio davanti, l'altopiano molto aperto, con le montagne ancora innevade che lo circonda (tra questi, xè el monte Canin e el Jof di Montasio). Purtroppo el tempo iera nuvoloso, i colori non rendi...

per la gioia de Tuxav posto anche sta foto qua, giusto per darve l'idea della situazion...

Modificato 6 Giugno 2007 da tinuviel

[tinuviel]

ma la roba in assoluto più bella de sto posto, xè la fauna

xè pien de marmotte, ma xè difficile vederle da vicin perchè le xè sai timide

però i paroni in assoluto xè i stambecchi, se ne vedi a decine, e i vien tranquillamente a pochi metri de distanza veramente bei e tanto cocoli

solo un per de foto che a mi me piaseva sai, in attesa che el mio compagno de viaggi metti le sue, che sarà, come al solito, decisamente migliori delle mie

noi xè teneri??

Modificato 6 Giugno 2007 da tinuviel

[arska]

cio, proprio bel sto logo!

[babatriestina]

Che cocoli, cussì pici i stambecchi! mi son stada là sia per andar sul Montasio che per far el sentiero attrezzato Leva ( diversi anni fa) e proprio su sto sentiero, che taia el Montasio a mezza costa, iera settembre, nebbia, quei davanti de mi iera più avanti, i altri indrio, me sentivo sola nela nebbia, e a un zerto momento me go visto di fronte emerger nela foschia un per de grandi corni.. ciò pareva el diavolo!! e iera un gran stambecco :-)

[tifone]

Ma che bei gli stambecchi Posti stupendi,bravi bravi

[tuxav]

Grande Tinuviel belisime le foto dei stambecchi ... e anche del paron de casa che no lasava mai in pase nisuN :D peca' per l'ultima foto che el sogeto rovina tuto :D

adeso toca a mi....

apena rivai iera ancora un poco de sol .. ma no ga dura tanto purtropo

le nuvole cominciava a adensarse e fazeva dei gioghi de luce sai bei...

durante la caminada iera diversi fiori con colori veramente stupendi, che forsi solo in giugno riva a eser quando el sol no li ga ancora brusai...

questa no so cosa xe.. podesi sparar.. xe una genziana forsi? coregeme

[tuxav]

qua inveze xe i nostri amici stambecchi... tropo cocoli veramente... i se lasava avicinar in una maniera incredibile....

caminando drio una roccia xe spuntadi dei corneti e forsi lui no ga capi cosa fazevo mi la.. ma el se ga fida'

forsi el gaveva solo fame alora rampigandose el xe 'nda magnar un poca de erba... anche lui sempio perche con tuta l'erba che iera sul sentier .. ocoreva che el se rampighi fin la ?!?!?

e difatti adeso el se domanda.. cosa fazo? vado zo ? salto? o no salto??? :D aiutooO :D

go mille miliardi de altre foto dei stambecchi perche' no me xe mai capita de incontrarli ... anche le marmotte xe stade simpaticissime anche se no le se lasa avicinar e fotografarle iera dificile.. consiglio veramente a tuti quei che ghe piasi de far un giretto in sto posto, sopratuto fin che no xe tropo caldo ... rivar a veder i animali liberi nel silenzio de quei monti xe stada una roba belisima!!! :D

[Giada]

Uffa, qua la lotta per el maggior numero de vacanzine/gitarelle annuali se fa ardua Però prossima settimana vado a Vienna e in agosto de novo a Parigi

Cmq come al solito foto figone e posti figoni!!! Solo che Sandro (mio moroso, no el boss ) me fa notar che secondo lui, visti i corni, no xe stambecchi ma camosci Mi no capisso un cavolo de bestiuzze montanare quindi lasso ai posteri l'ardua sentenza

[tuxav]

me fa notar che secondo lui, visti i corni, no xe stambecchi ma camosci Mi no capisso un cavolo de bestiuzze montanare quindi lasso ai posteri l'ardua sentenza

anche noi gavevimo el dubio, difati gavemo domanda a dei tipi che caminava per el sentier e tuti ne ga dito che iera stambechi, e sula descrizion del posto (http://www.sentierinatura.it) vien dada proprio come carateristica la presenza de sti cocoli animaletti..

Vardando le foto in rete secondo mi xe stambecchi (pici, no adulti, i corni ga ancora de creserghe ) .. ma speto che qualchidun piu esperto confermi o meno :D

[Nona Picia]

Brava Tinuviel, le tue foto dei stambecchi xe sai cocole, ma le tue descrizioni xe veramente bele!

Le foto de Tuxav, come al solito, le xe super, no ga bisogno de comenti, ma de complimenti!

[giacomin]

Complimentandome per le foto, confermo che xè stambecchi, i camosci xè questi

PS: no steme zigar, la foto no la go fata mi

[babatriestina]

confermo anche mi che xe stambechi, coi corni pici perchè xe principio de stagion. Se però passè verso Forcella Lavinal de l'orso, più a destra , verso el Jof Fuart, mi là go incontrado spesso anche camosci, più paurosi.

E el fior xe propio una genziana ( acaulis, per la precisazion)

[trert]

cavoli!!! che figada le foto el fior sfogado in diagonale xe tropa roba.. piacevolissimo lo sfuocato..

beati voi che gave visto ste bestiuze.. ghe ndaro anche mi!!

[Stefano79]

Favolosi veramente sti stambecchi

[tuxav]

con un poco tanto de ritardo meto qua un per de foto fate sto inverno sempre sui Piani del Montasio, una caminada facile facile che partiva dal postegio de sella Nevea fin ai piedi del sentier che dopo va al rif. Brazza'.....

iera per fortuna una bela giornada de sol e no freddo...

un poco ventosa e con qualche nuvola che se stava alzando...

e da qua se vedi el gruppo del Canin ...

questa xe una foto che go prova' far montando el filtro digradante al contrario no so se piasi o meno ma mi prova'

e per finir iera le orme de qualche bestia che saltelava nela neve..

speremo de tornar presto da quele parti

Modificato 3 Maggio 2008 da tuxav

[giuli]

Che bel effetto rinfrescante vedere le foto con la neve dopo una giornata così..calda

Bellissime come sempre

[Mamo]

Complimenti vivissimi per ste foto, veramente stupende, ve giro in sti giorni foto della mia terra Peruana cosi podere ver i ghiacciai temperadi, cusi li ciama perche qua meno de 10 gradi no ghe xe mai...

Massimo

[tinuviel]

grande mi iero più intenta a zercar de no intoparme piuttosto che a far foto

comunque... bellissime come sempre

Xè veramente una bella camminadina de far nella neve, circa due orette e mezza in leggera salita, niente de difficile (sempre mejo scarpe adatte e un per de bastancini, che no basta). Unico "problema" xè che xè un po' de traffico ... de triestini in gita