Le mie foto migliori su Flickr

[Giada]

Go finalmente fatto una galleria come che Dio comanda delle mie foto migliori su Flickr. Le trovè all'indirizzo http://www.flickr.com/photos/giada/.

I link diretti alle gallerie tematiche xe: Around the world - Flowers, Animals & More - Varie ed eventuali.

Se ve va de darghe un'ociada e lassar qualche commento o darme qualche consiglio qua, son contenta :-)

[arska]

Questo me ricorda che go qualche centinaio de foto de vardar/sistemar/uploadar. E no xe mai tempo

cmq, spetacolare "smilzo the cat" e anche la Conciergerie noturna xe sai cocola.

Solo una roba... te prego, no esagerar con le cornisi! In certi casi le ghe sta ala perfezion (magari con un caratere stra-neutro), ma in tanti le riscia de distrar dala foto in sè, che xe pecà

[tuxav]

mi me piasi sai quele de strasburgo, in particolare el tramonto. Bele anche tute le altre dei particolari... i gatti si ok bei ma ... me paisi de + le altre

Sai originali certe inquadrature.. me piasi una cifra veramente!

unica pecca forsi i colori, in certe penso che el WB sia cannado, in certe i verdi xe ipersaturi da sembrar quasi impastai (sul mio monitor) e in certe anche i rossi xe tropo saturi... certe ga dele dominanti blu o magenta... vardando le foto una vizin l'altra se nota sai queste diff de color.. pero' se rimedia facilmente in caso... che regolazioni te ga fato in genere?

PS: anche mi concordo con le cornici.. su certe sta benon, su altre distrai... tipo quela del tramonto a strasburgo xe oro, e anche su quele che ga un taio 'quadrato'.. su tante altre no...

[Giada]

I colori sul mio monitor no xe malaccio! Cmq no go praticamente fatto regolazioni. Concordo che le cornici a volte va ben altre no, ma no gavevo voia/tempo de decider su quale metter e allora go messo su tutte :-)

Grazie comunque dei complimenti! Me fa piazer visto che son una principiantissima!!! tra l'altro quella del tramonto a Strasburgo xe stada un vero colpo de c*** :-)

[tuxav]

I colori sul mio monitor no xe malaccio! Cmq no go praticamente fatto regolazioni.

ah.. colpa de nikon alora....varda ti cos'che combina... :D :D

tra l'altro quella del tramonto a Strasburgo xe stada un vero colpo de c*** :-)

no, no xe solo c** xe bela come composizion e esposizion anche

spetemo le prox foto alora dagheee :daghe:

[trert]

grande giada!

che spetacolo el tramonto a venezia coi lampioni!!!

e anche el gato "palino" ga dei colori proprio profondi..

complimenti te ga zata! nei tramonti soprattutto

[Giada]

Graaazie

Cmq riflettevo sul fatto che molte de queste foto xe stade fatte semplicemente ciapando in man la Casio e scattando in automatico... compreso el tramonto a Venezia! (no, là veramente iera anche un filtro rosso :-))

Quindi se pol far foto belle anche senza aver una macchina eccelsa... lo so, go scoperto l'acqua calda, però son contenta visto che la Nikon se la ga riciolta la mamma de mio moroso e per un poco gaverò solo la compattina casio (che comunque la permetti de regolar praticamente tutto e de lavorar completamente in manuale).