Italia: xè za crisi o la ga ancora de rivar?

[dido76]

Mularia, visto el periodo de crisi,disemo, mondiale me piasesi saver cosa pensè voi al riguardo.

Secondo voi, semo za in piena crisi? O semo pena agli inizi? O proprio no la ne sfiora sta crisi economica?

Mi,personalmente,credo che da noi la crisi xè za iniziada abbondantemente, ma purtropo la ga ancora de pegiorar...

le fabbriche sta iniziando a chiuder e,de conseguenza, ghe xè persone che resta senza lavor e senza stipendi con famiglie da mantenir e spese de sostener...la cosa che più me fa gaver l'idea che el pezo devi ancora rivar xè i mutui....credo che tra un po' la gente no riverà più pagarli e le banche inizierà a gaver problemi...da altre parti xè qualcosa che xè za suceso e ga avudo non poche ripercusioni...no credo che noi riveremo evitarlo per molto tempo.

spero de sbagliarme ma no penso che basterà el 2009 x uscirghene...

[Stefano79]

Onestamente digo che no so.

Xe una crisi dela finanza mondiale che xe difficile preveder fin a che punto possi influir sulla vita reale de ogni giorno. Da quel che vedo in giro no me par de notar una grande differenza con 1 o 2 anni fa, quindi dalla famosa crisi innescada con l'11 settembre e con l'avvento dell'euro. Co sento i tg me par sempre che i esageri...addirittura paragonarla alla crisi del 29 me par eccessivo, là iera veramente fame nera (almeno in america) no iera soldi per far la spesa, i negozi no gaveva merce ecc. Me par che el solito hobby italico del catastrofismo stia influindo non poco sulla percezion de sto problema.

Con questo non nego che se tratti de un periodo brutto, ma non savesi dir "quanto" brutto. No son un economista e quindi posso solo giudicar a naso

[babatriestina]

per mi xe crisi, ma la xe de passaggio nel senso che i cicli economici va a alti e bassi. Ghe ne go visti de simili.. no so se no ghe xe volutamente allerte. No go visto la crisi del 29 ma me par che no semo a quei livei.

[diego]

Che ghe sia crisi penso sia indiscutibile. Se per tutti i paesi che sta meio de noi xe allarme rosso,immaginemo cosa vol dir per un paese con el più alto debito pubblico in Europa e (quasi) mondiale. Volerà dir qualcosa l'aumento de cassa Integrazion ,l'aumento dei licenziamenti dei precari e non solo. Onestamente no la vedo sai ben.

[cucciolina]

Per el momento voto che el pezo ga ancora de rivar anche se, come disi la mia omonima Baba, periodi de crisi e de crescita xe ciclici.

Quel che posso dir xe che l'Italia xe in crisi. Basta veder le diverse aziende (anche grosse) che sera in Italia

[Ikeya]

se la rata del mutuo se ga sbasà mediamente de 175 euro, i prezzi (folli) delle case sta andando zo, la gente se compra cagade come Wii, Playstation, Iphone e robe simili... dove xè sta crisi?

crisi sarà quando no gaveremo de magnar... se dopo se decidi de no magnar per acquistar cagade, la xè un altro discorso...

Edited January 12, 2009 by Ikeya

[cucciolina]

se la rata del mutuo se ga sbasà mediamente de 175 euro, i prezzi (folli) delle case sta andando zo, la gente se compra cagade come Wii, Playstation, Iphone e robe simili... dove xè sta crisi?

crisi sarà quando no gaveremo de magnar... se dopo se decidi de no magnar per acquistar cagade, la xè un altro discorso...

Xe de veder CHI fa ste spese però. No se pol andar a spulciar persona per persona se xe in crisi o no, però se pol veder chi ga perso el lavor, se pol veder le aziende o i negozi che sera. Per quanto posso veder mi non vivemo sull'isola felice che ne vol far veder qualchedun...

[Ikeya]

bastava che te andassi de MediaWorld per le feste (specialmente in quel a Monfalcon)... e no me par che quel negozio la vendi beni de prima necessità...

chi ga perso el lavor o xè in cassa integrazion xè chi che za prima iera precario o gaveva problemi de soldi, ma quelle situazioni la no xè stade certamente creade da sta "crisi", ma piuttosto da leggi spudorade approvade da un governo con notevoli interessi in merito... chi desso sta mal, prima no stava sicuramente ben...

tutti parla de sta "crisi" ma dei 10.000 esuberi de Alitalia o del debito pubblico che continua a salir no se preoccupa nissun... e xè fatti molto più pericolosi de sta "crisi"

Edited January 12, 2009 by Ikeya

[Nona Picia]

Mi che son otimista digo che la crisi xe de passaggio. Del resto tutto xe de passaggio.... Quanto che durerà el passaggio no so e gnanche fin dove che riverà la crisi no so. So solo che go imparà che i giornalisti in un senso o nell'altro i xe diventai sempre più catastrofici, capaci de tramutar un temporal in un tornado, però resta sempre el dubio: "Magari stavolta i ga ragion". Mi no go visto la crisi del '29, me ricordo un poco de quel che iera la crisi dopo la guera, dove con 1/2 litro de late bevivimo cafelate in 7 e el iera cussì amaro, ma cussì amaro.....Per el momento stago ala finestra.....

[cucciolina]

Ma son d'accordo con ti però non se pol sottovalutar un situazion mondiale che ga colpido ANCHE l'Italia.

Basta l'esempio della Motorola de Torino e così molte altre aziende italiane. Prova a cercar con google le aziende che ga chiuso o rischia de chiuder. Xe incredibile!

[Starlite]

Mah... sento de gente che ga perso el lavor perché iera a termine e no xe sta rinnovà per via che l'azienda iera in difficoltà.

Xe diverse aziende che metti in cassa integrazion, anche qua de noi in region.

Però dall'altro lato xe sempre gente che spendi più de quel che pol permetterse comprando wii, tv al plasma a 1200 pollici, iphone eccetera tutto a rate...

In definitiva... credo che xe ancora ampi margini de peggioramento, anche se la situazion no xe de oro.

Ma soprattutto no credo che sia un evento eccezionale che no podeva esser previsto e che no se gavesi podudo za far qualcosa prima che succedi...

[arska]

Altri paesi de meno, ma in Italia iera za crisi nera.

Sociale, sopratuto (diferenze tra richi e poveri, lavori precari, ecc).

Spero proprio che la duri, e che la sia dura, specialmente per quei che i soldi li ga perchè i ga fato i furbi. Me spiasi per quei che ghe rimeterà come i vari casaintegrai, ma el zogatolo per mi se ga abondantemente roto, e xe bisogno de rifondar un poche de robe per farlo partir meio de prima.. e questo xe un ragionamento che fin a deso nisun paese se ga sentido de far.

Se inveze la se risolvi "vivacchiando", per mi se pol za prepararse a un'altra, ben pezo, tra 10/15 anni max.

[arska]

Ma soprattutto no credo che sia un evento eccezionale che no podeva esser previsto e che no se gavesi podudo za far qualcosa prima che succedi...

Sta crisi iera za ampiamente prevista da chi de dover, da almeno 5 anni. I unici che no saveva? I banchieri (come no). E quei che no se informa, o quei che pensa ai complotti, o quei che segui i tg.

Però dall'altro lato xe sempre gente che spendi più de quel che pol permetterse comprando wii, tv al plasma a 1200 pollici, iphone eccetera tutto a rate...

E questi la pagherà, e pesantemente.

Ricordo che el fator scadenante (ma no la causa, eh) xe stada proprio la svendita del credito nei stati uniti e no solo.

Prima riva i mutui.. dopo el resto (carte de credito, finanziarie, usurai).

Per no parlar se comincia a ceder el sistema del valor dei soldi, che no xe un svilupo de escluder. Là saria la fine del capitalismo vera e propria.

Anche per ste ragioni, penso che se gabi roto el zogatolo e el pezo gabi de rivar.. però xe de dir che per el microcredito l'italia xe tra i paesi più virtuosi, statistiche ala man (lasando star l'europa del nord..).

Sai pezo, per dir, spagna (che però sta ciapando provedimenti tosti) e regno unito (lori i xe in longhi come i stati uniti, se no pezo).

Vedaremo de qua a un per de anni, come saremo..

Edited January 12, 2009 by arlon

[Stefano79]

I unici che no saveva? I banchieri (come no). E quei che no se informa, o quei che pensa ai complotti, o quei che segui i tg.

Praticamente 3/4 de Italia allora

[Stefano79]

Mi concordo con Ikeya. La crisi xe, ma la gente, soprattutto in Italia, no sa rinunciar ai vizi e alle mode.

Semo onesti, gli italiani piuttosto sparagna sul magnar comprando in discount, ma l'auto ga de esser rigorosamente nova. Anzi, se xe disposti a far puf per l'auto. Conoso precari disperadi che no i vedi l'ora de trovar un altro lavor perchè senò no i riva a pagar la rata dell'auto, ma se rendemo conto??

E ovviamente l'auto ga de esser rigorosamente nova, certo, ghe mancasi altro...l'usato xe da pezzenti

Stesso discorso per cellulari e vestiti, cioè tutto quel che servi ad apparir. Per el resto se resta con 0 euro in banca, che se te capita un qualsiasi imprevisto te son fregà. Xe cusì che se comporta la maggior parte della gente.

La gente vol tutto subito, e questa sarà la sua rovina. Mi son dell'idea che se go ciogo, e se no go no ciogo, stop. Mutui no ga de esister, se non per l'appartamento, che xe l'unica roba veramente necessaria che ga ormai un prezzo irraggiungibile. Ma co sento gente che accendi un mutuo per andar in ferie, allora veramente vol dir che sta crisi se la meritemo, e me auguro che la sia devastante.

Edited January 12, 2009 by Stefano79

[Ikeya]

el problema xè che la maggior parte della gente che se ritrova sul lastrico ga butà via soldi per anni e anni per cior monade...

vedi un'amica de mia mama, che no riva a fine mese però ga 2 cellulari e 4 tv...

[diego]

Bisogna comincia a dir (per verità) che i ultimi dati dell'istat ga confermado l'incremento per solo due generi de consumo: Tecnologici perchè xe l'unico articolo che ga avudo un calo de prezzi bastanza grande. El secondo xe i beni de lusso. Forsi xe troppo facile far de ogni erba un fascio disendo che i taliani no sa rinunciar a certe "comodità". Me son imparado a no scoltar i "luoghi comuni" e comunque zercar de conoser la realtà su fatti "conosudi". Se uno xe stupido e fa puf o resta senza una lira per voler "sembrare" pol esser condannabile. Ma resta un fatto personale.Ma el stupido xe in Italia, in America e in tutto el mondo. Altro discorso xe inveze constatar e toccar con man la crisi del Paese Italia. No xe miga de far tanti discorsi, basta verzer le pagine de qualsiasi quotidiano o guardar qualunque TG per capir che qualcosa de particolare sta succedendo . Nella speranza che questo qualcosa no peggiori ancora. Quando se parla de 1 milion e mezzo de disoccupadi no se parla de telefonini o Play Station. Se parla de Operai, giovani e veci, che resterà in strada. Se parla de famiglie che no ghe vanzerà più de cior el "superfluo". Se parla de un economia in affanno ,Piccole e grandi reatà che faseva profitti e creava reddito . Ma sopratutto dava occupazion. Se questo no se vol veder allora podemo cantar anche la canzon " va tutto ben madama la marchesa. No occorri esser geni della Finanza e dell'economia per sentir che spira un ventisel fraddo che xe de sperar nol se tramuti in BORA scura.I precari alla fine del mese de settembre del 2008 ga raggiunto quota 2.812.700. Xe el 12 per cento del totale degli occupadi in Italia. Dal 2004 al settembre 2008 i xe aumentadi del 16,9 per cento. Ben 5 volte de più dell'incremento registrado dai lavoratori dipendenti a tempo indeterminato che xe cresudi, nello stesso periodo, del 3,1 per cento.Volevo solo dir che se questa crisi doveria aggravarse una fetta consistente de questi precari reterà in braghe de tela.Senza diritti e senza nissun salvagente (vedi Welfare).E no meto nella lista i quaranta/cinquantenni che se resta in strada i vien esclusi dal mondo del lavoro in maniera totale. La storiella de RIQUALIFICARLI servi solo a impinirghe la bocca ai Politici. Certamente Treiste resta un isola "felice" economicamente parlando. Ma l'Italia no xe e no se fera a Trieste.

[Ikeya]

Dal 2004 al settembre 2008 i xe aumentadi del 16,9 per cento. Ben 5 volte de più dell'incremento registrado dai lavoratori dipendenti a tempo indeterminato che xe cresudi, nello stesso periodo, del 3,1 per cento.

http://it.wikipedia.org/wiki/Legge_30/2003

no digo altro

se fossi stade fatte assunzioni a tempo indeterminato, molti de questi no gaveria podù esser licenziadi...

e soprattutto ghe xè tante grandissime aziende che no assumi se non a tempo determinato con contratti de pochi mesi...

un esempio xè le Assicurazioni Generali, che a fronte de un utile de 4 miliardi de euro, assumi quasi solo esclusivamente a tempo determinato...

Edited January 13, 2009 by Ikeya

[Damia]

se la rata del mutuo se ga sbasà mediamente de 175 euro, i prezzi (folli) delle case sta andando zo, la gente se compra cagade come Wii, Playstation, Iphone e robe simili... dove xè sta crisi?

crisi sarà quando no gaveremo de magnar... se dopo se decidi de no magnar per acquistar cagade, la xè un altro discorso...

Per mi el "problema" xe diverso.

Mi gò conoscenti che no riva a fine mese. Infati i sta in case de emergenza del comun, dove el comun paga tuto (afito, bolete e robe cussì).

Epur...casa ghe xe sky, internet, telefono, tre telefonini, la ds...

[Damia]

Mutui no ga de esister, se non per l'appartamento, che xe l'unica roba veramente necessaria che ga ormai un prezzo irraggiungibile.

odio...mi gò fato per el dentista...che me par ancora + necessaria

[Ghost]

Su per giù e già stato detto cio che penso.

La crisi c'è e si vede per l'emoragia di posti di lavoro ed i problemi delle aziende.

Dall'altro alto lgi italiani sono restii a cambiare il loro stile di vita.

Un po per colpa loro, un po per media e TV che conotinuano sulla linea consumistica nonnostante sia cio che ci ha portato alla crisi, infine per il governo che invece che di dare aiuti strututurali aiuta se stesso ed "consiglia" algi italiani di far finta di nulla e di continuare a consumare ed investire in borsa.

Consiglio che limita le perdite ai ricchi ed accresce i rischi ai ceti medio bassi.

Personalmente preferisco evitar gli sprechi visto che per ora la crisi ha causato problemi moderati alla mia famiglia (ma problemi ne abbiamo avuti) e non si sa mai che in futuro la cosa non peggiori.

[Stefano79]

Un po per colpa loro, un po per media e TV che conotinuano sulla linea consumistica nonnostante sia cio che ci ha portato alla crisi,

Xe anche de dir che non esisti ancora un'alternativa valida al capitalismo. Tutti i grandi teschi dell'economia za i esci dalle università con le teste inquadrade. "Le regole del zogo xe queste, punto e basta. Podemo solo cercar de aggiustar el zogatolo rotto". Xe questo che me preoccupa, nessun nianche se sforza per trovar un sistema migliore.

[Ghost]

Un po per colpa loro, un po per media e TV che conotinuano sulla linea consumistica nonnostante sia cio che ci ha portato alla crisi,

Xe anche de dir che non esisti ancora un'alternativa valida al capitalismo. Tutti i grandi teschi dell'economia za i esci dalle università con le teste inquadrade. "Le regole del zogo xe queste, punto e basta. Podemo solo cercar de aggiustar el zogatolo rotto". Xe questo che me preoccupa, nessun nianche se sforza per trovar un sistema migliore.

Non è proprio vera sta cosa. Ci sono molte idee e proposte diverse dal capitalismo. (E non sto parlando di comunismo)

Il problema e che al potere ci sono i capitalisti e vogliono mantenere questo sitema perché permtette di accentrare un sacco di soldi nelle mani di pochi, e quei pochi sono loro.

Quindi a livello accademico dbattito c'è. Ma non esce dalle università, non arriva alla gente perché per quello c'è il filtro della TV (pochi leggono, acora meno si mettono a leggere pacchi di economia)

Per esempio esiste una corrente di pensiero per uno sviluppo equo e sostenibile che vegono dipinte dai media come una spece di utopia da ambientalisti ma in verità vanno ben oltre al mero ambientalismo.

Propongono solo un sistema di sviluppo controllato che eviti le spirali consumistiche ed autodistruttive proprie del capitalismo, mantenendo comuque un sistema meritocratico ed individualista.

Un mercato privato, ma regolato da regole ben definite. Regolamentazioni del lavoro, sul inquinamento, e sulla produzione stessa.

Chi ci vuol convincere che il capitalismo è insostituibile e solo chi con il capitalismo ci guadagna.

[arska]

mi go la impresion che el capitalismo se schianterà a breve con la imposibilità de creser al infinito.

La cresita e le crisi se alternerà, sempre più squilibrade.

Finchè a un certo punto se renderemo conto che ghe vol una decrescita controlada, poco dannosa, dove l'omo torni a eser el centro del sviluppo, no i soldi.

Oviamente, no go idea in quanti anni/secoli, questo posi suceder.

Presto, sperassi.

[Ghost]

mi go la impresion che el capitalismo se schianterà a breve con la imposibilità de creser al infinito.

La cresita e le crisi se alternerà, sempre più squilibrade.

Finchè a un certo punto se renderemo conto che ghe vol una decrescita controlada, poco dannosa, dove l'omo torni a eser el centro del sviluppo, no i soldi.

Oviamente, no go idea in quanti anni/secoli, questo posi suceder.

Presto, sperassi.

Vero che le oscillazioni sono sempre peggiori ma anche la richezza d chi sfrutta questo sistema continua a crescere.

Da solo non si spezza questo sistema perchè chi lo causa non vede effetit negativi e ci guadagna soltanto.

Edited January 15, 2009 by Ghost