el hotel eccélsior

[Zithara]

Xe sta spesi mesi e mesi de lavori e xe stà verto de novo el hotél eccélsior in Riva.

Bel, bel , bel. Belisìmo per una Trieste.

Xe Hilarij Clinton che pianzi ancora per gaverse roto el brazo e no gaver pudù vignir dormir in una camera a l'eccélsior.

Quel che no se capissi perchè prima dei lavori de note iera bastanza iluminà, la faciata coi faretti color naranza no iera el massimo ma qualchidun malevolo dixi meio che tuto scuro come desso.

I infissi de prima iera ororosi, cussì i xe sta tuti cambiadi.

Pecà che quei novi xe identici dei precedenti o forsi ncora più tristi. Comunque prima a el restoràn e la holl no iera proprio ssai luminade de note, quindi i ca cambià : desso xe diretamente scuro. buio pesto, solo una lume fioca la porta de entrata

Portixina, che xe uguale per luso e anpieza con quela dele poste de Valmaura. Bon che per trieste ga quatro stele, con una porta similare altrove no se riveria ala seconda......

La sera un poco de ciaro ma poco, per le do finestre a lato de sta porta ( dir vetrate xe una forzatura , viste le dimension, che le go pì grandi mi a casa). Pel resto buio pesto, come se fossi capitada una disgrazia e fossi serà per luto.

Xe che i voleva ripristinar l'atmosfera del 1900. Questo spiega el scuro, che in quela volta iera lumi a gas.No se capissi perchè alora i gabi meso un aredo che par roba del 1970 ricuperada che un altro hotel butava via per rinovo, Ma col'inesto de lampadari a sofito enormi a forma de bala, quei che se usava solo nei ani otanta. Che menti !

Un maldisposto poderìa dir che un paga zentinera de euro el leto, po' torna in hotel le undese de sera , e l'hotel fa gara col zimisterio per chi xe meno inluminà e più triste. Però davanti i ga meso piante. Palme ? Buganvile ? Ibiscus ? No stemo scherzar. Albereti de magnolia de una tristeza impresionante, e za mezi sechi, che no li bagna.

Soloi doveria spostarele un poco qua e la per coverzer le macione indelebili che ga lassà sul sgrato le struture che xe rimaste nei ani che i lavorava, e xe sai bruto de veder

Mentre prima se notava che tra la holl e el restoràn iera poca armonia, iera stili diferenti, desso xe sta risolto.

Le finestre sul lato principale, quele tra la hol e el restoràn, deso le fa de trait d'union tra i do stili, con el noto metodo de usar un terzo stile , ancora diferente: le xe ocupade de ufici dove che i tien l'archivio de aministrazion.

Cussì chi de fora pasegia el se vedi i armeroni tipo ufficio comprado al reparto redamenti del mercatone, i computer, i faldoni e le carte. Bel, originale, e de sicuro ga costà poco visto el basso livel dei armari.

Cussì oltre quele de restoràn, che i studa per sparagnar, dopo le sete de sera na' altra bela serie de vetrate che resta completamente scure , visto che i ufici xe seradi.

No so se nova moda che i pasanti che pasegia davanti un hotel de luso posi amirar ,inveze che sale e saloni, cartolari e faldoni , ma devi eser un'idea strepitosa e inovativa, per quel che no la capimo.

Per adesso no xe gnanca a Cannes o Nizza hotei fati cussì, l'ultima volta che iero iera iluminadi a festa, tute le vetrate le dava sui saloni lusuosi iluminadi a giorno, de fora iera le tende rosse bordò e le sedie e i tavolini de luso incontenibile. Pensa che mone sti francesi, ma un giuorno i capirà ....solo spetemo che un de lori pasi per l'eccelsor e ne rubi le idee....

Trieste xe proprio trieste, se pol ciamar architeti anche de parigi e londra, e vignirà solo che erori e mancanze, xe una zità de tochi de xxxx a tuti i livei .....

[dido76]

curiosità: come el xè dentro?le stanze? el servizio?el magnar?

i vol far un centro wellness per tuti: come procedi i lavori???

[arska]

se devo dir no lo go mai vardado ben però ste critiche me par un atimin esagerade. Dio, magari vardandomelo per ben, cambio idea..

[babatriestina]

eco qua un breve servizio i giorni del apertura, son stada una sera e la mattina dopo. Ma i do saloni del pianoterra, el salon e la cosiddetta sala pompeiana no i me li ga fatti veder, e gnanca el ristorante, perchè i li ga mostradi solo che ai VIP del rinfresco de inaugurazion.. e a chi che xe rivado a ficar el naso la prima mattina!

ben bon, mi me lo ricordo sia prima dei restauri del anni 70 e dopo, za i ga cambiado.

El ingresso inveze che la vecia grande hall che i ga trasformado in salon-bar, i lo ga fato strento e moderno:

e se ariva in sto salon, che podè veder con diverse luci, arredado sui toni del celeste e del grigio

con dei gran bei lampadari de Muran

La gran novità xe la biblioteca, in una sala verso la corte, col fondo scuro e nero e mobili anche quei de veludo celestini e grigi, con tocchi de rosso. Mi la definiria però moderna, nonostante i mobili imbottidi

el ascensor xe liberty, pien de speci anche dentro

e i scaloni xe de marmo, qua xe dal primo e el secondo pian

i anditi del primo pian ga dele finestre a vetrate colorate stile liberty

e mobili in stile settecentesco no de gran qualità

alcune sale del primo pian xe per sale conferenza

questa xe proprio moderna e spèoglia

i ne ga mostrado un per de camere, immagino le più lussuose

ecco, questa xe una prima idea, se volè altro, domandeme, o anche sul forum atrieste gavemo fatto un servizio molto più esteso ( sumCulex xe un appassionado!)

[cucciolina]

Mi diria che schifo no me fa Però saria de veder i prezzi...

[arska]

disemo che, a parte la libreria iper-kitsch col stramazo a acqua in centro che de grand hotel no ga proprio niente, el resto no me par cussì mal.

[Nona Picia]

Ecove acontentai......

Edited July 29, 2009 by Nona Picia

[Nona Picia]

Scuseme per l'enormità dela foto....cussì vedè meio!

[zalzi]

me piasi sai la biblioteca, el bagno invece lo trovo proprio bruto.

nel complesso, no me par cusì mal.

[Starlite]

500 euro... senza prima colazion...

[Stefano79]

Le stelle xe veramente una ciolta pel fiocco. Convenzioni regionali e...soprattutto...politiche. Qua a Trieste pareria che ghe sia degli standard altissimi per le stelle, ma in giro pel mondo go visto alberghi ad UNA stella che iera meio de quei a TRE... E soprattutto go visto alberghi a CINQUE stelle costar quasi CINQUE volte meno de questo.

Se qualchedun me sa spiegar el rapporto qualità/stelle/prezzo me fa un favor

[Puntina]

Ecove acontentai......

Scusatemi se mi permetto.

E' il mio lavoro

I 500 euro a notte si riferiscono comunque ad un prezzo massimo giornaliero.

La tabella all'interno della stanza sulla porta e' fittizia, ma obbligatoria

La camera mi sembra strano sia venduta senza colazione (piu' facile sia inesistente una mezza pensione o completa)

anche se a Venezia come Starhotels gia' 15 anni fa il servizio ristorazione era gestito da esterni (Rist. Le Maschere )

ma comunque pagato alla Reception.

In sostanza la Starhotels dava un tot....a persona per le colazioni, pranzo e cena al gestore della ristorazione.

Belle le foto, ma gli interni vorrei vederli di persona.

Penso che Trieste abbia bisogno di strutture cosi', non con i 500 euro a notte, ma se li vale la doppia puo' essere pagata

da 180 a 250 euro bed and breakfast (escluse le suites)

[Stefano79]

ma se li vale la doppia puo' essere pagata

da 180 a 250 euro bed and breakfast (escluse le suites)

No scusa, un bed&breakfast a 180 euro a notte??? Anche se el prezzo che te disi ti xe la metà de sto qua...ma come te giustifichi una cifra simile? Ga forsi servizi aggiuntivi inclusi? Per dir...adsl inclusa nel prezzo, telefonade incluse, frigo bar con le bevande gratuite ecc...e anche cusì saria troppo.

Oppur se paga solo la posizion fronte mare e el fatto che "per poco" no ghe veniva Hilary Clinton?

Una simile mentalità esula dal mio modo de pensar.

[Puntina]

ma se li vale la doppia puo' essere pagata

da 180 a 250 euro bed and breakfast (escluse le suites)

No scusa, un bed&breakfast a 180 euro a notte??? Anche se el prezzo che te disi ti xe la metà de sto qua...ma come te giustifichi una cifra simile? Ga forsi servizi aggiuntivi inclusi? Per dir...adsl inclusa nel prezzo, telefonade incluse, frigo bar con le bevande gratuite ecc...e anche cusì saria troppo.

Oppur se paga solo la posizion fronte mare e el fatto che "per poco" no ghe veniva Hilary Clinton?

Una simile mentalità esula dal mio modo de pensar.

Quando digo Bed and Breakfast, intendo servizio camera doppia e colazione in Hotel **** (90/130 euro a persona)

Se parla de 4 stelle o forse Superior (mi no so')

Prova a veder su una guida qualunque i prezzi de Venezia.

Te me dira' eh eh Venezia!!!!

Nel 1993 a Venezia e te poso dir anche che l'Hotel 4 Stelle iera el Metropole Riva degli Schiavoni

la doppia in BED AND BREAKFAST costava 490.000 lire.(16 ani fa)

Mia sorella a Selva Val Gardena ga paga' per una sttimana 4**** 160 euro la doppia al giorno

Comunque certo xe' che in tanti Hotel de lusso te bechi tante impirade che la meta' te basta!!!!! ma Trieste che no diventera' mai Venezia, ga' bisogno de strutture simili.Forza Trieste Turistica e non....

[Stefano79]

Prova a veder su una guida qualunque i prezzi de Venezia.

Te me dira' eh eh Venezia!!!!

Nel 1993 a Venezia e te poso dir anche che l'Hotel 4 Stelle iera el Metropole Riva degli Schiavoni

la doppia in BED AND BREAKFAST costava 490.000 lire.(16 ani fa)

Mia sorella a Selva Val Gardena ga paga' per una sttimana 4**** 160 euro la doppia al giorno

E mi in 3 stelle a Zilina in Slovacchia ai piedi delle montagne (con parcheggio custodito e night al piano terra, "servizo femminile non incluso" ) go pagà 30 euro a testa. Voio dir...alla fine xe ovvio che esisti posti più cari de Trieste, ma el mio commento punta proprio su sta politica assurda dei prezzi.

Son pena reduce da un viaggio tra Austria - Svizzera -Italia in zona St. Moritz e grandi laghi (Lugano, Como, Maggiore e Garda). Bei posti, niente da dire, ma visti i prezzi no ghe rimeterò mai più piede in vita mia. Oltre ad una certa cifra no se paga più per un servizio, ma per ingrassar a dismisura qualche imprenditor. Quindi per mi i pol morir tutti de fame, Eccelsior incluso

[Zithara]

Le camere sarà anca bastanza bele ma no ecezionali ( e ormai xe tanti hotei ghe ga camere bele , senza tanti clamori e spese milionarie anche a lignan xe hotei de 3 stele che te resti a boca verta de tanto bele camere)

Edited August 3, 2009 by Zithara

[Zithara]

Quel che scrivevo, ( se qualchidun legessi ) xe che el hotel de fora xe lassà al scuro e l'aspeto che el da xe triste.

Edited August 3, 2009 by Zithara

[Zithara]

Ora me dixè che el prezo de 500 euro xe el masimo praticabile, quindi vol dir che costerà un poco manco, forsi solo 400 o 350..

Ovio che se se tien prezi basi de uqlche parte ocori sparagnar...e lori sparagna sul'aspeto esteriore.

..questo spiegheria perchè i tien scuro de note come al zimisterio, e che davanti xe i infissi de uficio postale o che no sia un geranio o altro su la faciata, che no sia bandiere colorate che sventola, che no sia un bar on tavoli all' aperto, che le tendine striminzide davanti la porta le ricordi più quele de la tabacheria rionale che quele de un hotel de lusso. Ovio che se se tien prezi basi de qlche parte ocori sparagnar...

Ma vedo che nisun ghe par strano che sia tignù de sera quasi scuro, ne che sul fronte principale ghe sia uficio con in bela vista fotocopiatrici e schedari inveze de un bar o de una lounge vista mare, come gaveria fato mi...nisun se lamenta oltre a mi .....quindi i gaverà fato ben,

Vederemo cossà dirà però i turisti, se sarà, che vien de altre zità, indove i hotei de lusso ..... i xe un poco diversi.

Questi sì che xe intern che pol giustificar costi milionari e mesi de lavor

Un poca de iluminazion e un bar de fora fa ssai più luso che scuro e svodo.

( anche a cannes davanti i otèi del lungomar pasa la strada principal ma istesso, metendo rialzi, bele piante, baldachini, tetoie iluminade e altro, i ga fato dei dehors de mile e una note, se trovo metarò foto).

Queste camere pei mii gusti le xe più intime e acoglienti de quele del eccelsior, che xe ssai frede de aspeto

Sto ingreso no devi gaver costà poi milioni e almanco no par de entrar a le poste de valmaura o la banca del carso

Edited August 3, 2009 by Zithara

[Zithara]

disemo che, a parte la libreria iper-kitsch col stramazo a acqua in centro che de grand hotel no ga proprio niente, el resto no me par cussì mal.

Nissun dixi che sia bruto, el discorso xe che secondo quel che se legeva "il Savoia intende così tornare a essere «il più importante e lussuoso hotel dell’Austria Ungheria".

El discorso xe che "Dopo due anni di lavori e 21 milioni di euro ( circa 40 miliardi de lire ?) di investimenti" xe demoralizzante un risultato cussì modesto.

Poderìa dir solo che del risultado, no se vedi tanti milioni de euro, ........chissà se anche noi gavemo contribuido coi contributi publici, no me sorprenderìa.

Edited August 6, 2009 by Zithara

[167461]

Buongiorno a tuti

500 Euro xe el prezo massimo praticabile e devi esser esposto per legge. In realtà el prezo xe de solito molto piu' basso (xe cussi' in ogni albergo...), me son informà per dei miei conoscenti e semo a 180 euro per notte con colazion, un prezo che me sembra nela norma per un 4 stelle. In generale trovo che i prezi dei hotel in Italia sia molto alti per quel che i offri.

Saluti

Paolo

[Zithara]

Buongiorno a tuti

500 Euro xe el prezo massimo praticabile e devi esser esposto per legge. In realtà el prezo xe de solito molto piu' basso (xe cussi' in ogni albergo...), me son informà per dei miei conoscenti e semo a 180 euro per notte con colazion, un prezo che me sembra nela norma per un 4 stelle. In generale trovo che i prezi dei hotel in Italia sia molto alti per quel che i offri.

Saluti

Paolo

ah...

Per 180 euro doverìa eser iluminazioni che gnanca a Piedigrotta per la festa del patròn

[Zithara]

Edited August 6, 2009 by Zithara

[dido76]

ma la gente che ghe và se lamenta?disi che xè bel?disi che xè bruto?i ghe torna?

giusto x capir, anche xkè no servi far paragoni con hotel fora de ts...za el greif (che xè con una stela in + se no sbaglio) xè totalmente diverso me par.

starhotels no credo sia una catena de m@ne che buta su...se i ga fato cusì,penso che ala clientela che i gà, ghe vadi ben...

poi sarà de veder co i apri la zona wellness cosa sucedi

[Zithara]

ma la gente che ghe và se lamenta?disi che xè bel?disi che xè bruto?i ghe torna?

giusto x capir, anche xkè no servi far paragoni con hotel fora de ts...za el greif (che xè con una stela in + se no sbaglio) xè totalmente diverso me par.

starhotels no credo sia una catena de m@ne che buta su...se i ga fato cusì,penso che ala clientela che i gà, ghe vadi ben...

poi sarà de veder co i apri la zona wellness cosa sucedi

La zente che vedo xe soratuto quei per lavor che paga l'uficio e dei musi i ga più sonno che voia de goder la beleza del'hotel.

Come che no xe de vardar per paragon i hotei fora de trieste ? forsi i clienti riva a trieste diretamente de la luna o de le caverne ? chiunque fa un paragon coi altri hotei visti pal mondo e sarìa bel poder eser a la alteza con un hotel de luso. O soto el cartel trieste ghe scrivemo "siete entrati nela zità de seconda categoria e no ste aspetarve quel che xe altrove"

El greif steso no xe certo un hotel incantevole, nè spetacolare, nè ,se te son dà a veder ben dentro, ben rifinido.

Starhotels xe un'impresa commerciale che fa i sui afari e per far novo gaverà avù i sui sussidi statali milionari. Per la zona wellness, anca i duchi e anca el greif la ga, e dopo ani no go ancora parlà con una persona che sia stada, ste robe dei hotei le resta poco acessibili, me par...

Edited August 7, 2009 by Zithara