El problema de fondo xe che se fa ancora confusion sul valor delle statistiche. In campo cambia i avversari, i quintetti che i avversari metti in quel momento, le diverse tattiche applicade, altrimenti anche due squadre che zoga una contro l'altra gavessi sempre el stesso risultato. Quindi i report, le statistiche semplici o avanzade, permetti l'analisi corretta a chi le varda tignindo contemporaneamente conto del contesto in cui le xe maturade, e anche le pol indicar quai xe stadi i obiettivi raggiunti a quai no. De sicuro no pol dir "con quel xe meio" o "con quel xe pezo" in ottica futura, pol dir "contro quel quintetto, o eventualmente contro un quintetto de quel tipo, Tizio ga reso più de Caio". La base per far dei report paragonabili ai fini statistici xe che i parametri devi esser i stessi, e nel basket no lo xe mai. Per cui xe bel gaver le statistiche, mi me diverto a leggerle e te ringrazio per metterle, bisogna però ricordarse sempre la reale importanza che le pol gaver. Xe diverso Bossi che disi che xe de zercar el tiro che rendi de più, quel xe un obiettivo, dal vardar i 100 possessi (estremizzando, Iannuzzi xe entrà, ga segnà e xe andà fora, un eroe, lassemolo in campo 40 minuti). Chi xe del mestier varda i dati e sa quala xe l'importanza da darghe, noialtri inveze se dividemo tra quei che pensa che sia legge e quei che no li varda minimamente, sbaiando entrambi.  30 anni fa, parlando de tutto un altro argomento con un che se vardava tutti i dati e che se reputava esperto proprio per el fatto che li leggeva, me iero fatto sazie ridade delle sue conclusioni (e lo podevo far, visto che i dati li ciolevo e scrivevo mi). No perché la sua analisi dei dati fussi matematicamente sbaiada, ma perché semplicemente no podeva conosser el valor e l'importanza o el reale significato de quel che leggeva, e questa ignoranza de base lo portava inevitabilmente a risultati sbaiadi nel concetto anche se corretti dal punto de vista numerico. E parlo de un settor in cui i dati iera realmente paragonabili, i parametri de confronto iera standardizzadi, quindi mille volte più abbordabili de robe che coinvolgi el fattore umano e condizioni sempre diverse come che succedi inveze nei sport. El basket de sicuro no xe el mio mestier, e proprio per questo so che no me pol esser sufficiente legger dati, tabelle e statistiche per poder dir de gaverghe capì qualcossa. Xe altri in grado de darghe la corretta importanza ai singoli dati, de sicuro no i xe sul SdS, noi podemo solo zogarse in attesa della prossima partida. 

Son una sentenza

Vinta.

Bravo johnson

Son una sentenza