Tifoso laziale morto dopo scontri in autogrill

[SandroWeb]

Dal sito della Gazzetta....no go parole

MILANO, 11 novembre 2007 - Una persona è morta dopo uno scontro tra tifosi in un'area di servizio lungo l'A1, nel territorio di Arezzo. Secondo le prime informazioni la vittima sarebbe un tifoso laziale. Non è ancora chiara la dinamica di quanto accaduto e le responsabilità sulla morte del tifoso. Sembra secondo quanto emerso la vittima sarebbe stata raggiunta da un colpo di pistola. Tutto è avvenuto nell'area di servizio di Badia al Pino dove si sarebbero scontrati tifosi della Lazio e della Juventus. Sul posto è intervenuta la polizia. Il presidente della Federcalcio, Giancarlo Abete e quello della Lega, Antonio Matarrese, stanno valutando con il ministro dell'Interno, Giuliano Amato, la possibilità di rinviare Inter-Lazio in programma oggi alle 15. Intanto la Snai ha sospeso l'accettazione delle scommesse sulle partite del campionato

[666]

se quel che i ga dito se vero,ovvero se el tipo che se morto el iera conosudo dalla polizia perche gaveva precedenti per tifo violento

NON ME NE FREGA NIENTE

[arska]

storia strana.. vedaremo se salta fora qualcossa de più.

[Colaussi89]

Volessi saver meio la faccenda, nn saria la prima volta ke la Polizia proteggi i loro agenti, x ora nn mi esprimo

[80 revival]

Mi digo che se gavemo fermado el campionato per Raciti,xe giusto farlo anche per la morte de un tifoso.Cmq no se pol morir per una partida C***O!!!

[tinuviel]

a prescinder dal fatto che "no se pol morir per una partida"... una roba xè se succedi in stadio o nelle vicinanze, un'altra se i se da lignade fora, adirittura due tifoserie che no se incontra quel giorno. Però... come disi Arlon me par sai strano, no me ricordo de casi de ultras che se spara (forsi me sbaglio). Coltellade si, pistole no...mah...

[iaga]

Che no sia stade sospese le partide xè vergognoso.. ovviamente l'importanza de un poliziotto e quela de un tifoso xè diverse.

Xè de veder ovviamente come xè andade le robe, son sempre stada una che pensa che se i tifosi va per far casin, xè giusto che i vegni punidi. Ma in un autogrill no xè solo tifosi-teppisti, xè tifosi amanti del calcio e persone de passaggio.. Me par disgustosa tutta la situazion che se sta creando in sti anni..

[Maurice]

Citando uno striscion apparso a Parma:

"LA MORTE E' UGUALE PER TUTTI"

[Kimy]

No parole.... xe una roba che fa veramente tristezza... Che sia omo in divisa o semplice cittadin, non fa differenza, se ga spento una vita inutilmente e questo non ga senso...

[bronza coverta]

Certo, una vita in meno per una partida de balon, vol dir tristezza assoluta e xè proprio ai confini della realtà.....

Comunque, visto che questo forum ga la prerogativa de esser molto democratico, e lo gà dimostrà, adesso digo la mia:

No me ne frega niente se la colpa xè de un tifoso o de un poliziotto o de un povero mona che passava la per caso e no gaveva un ca**o de far che romperghe i co***i ai altri, o un psicolabile, o un tossico, o un imbriagon......

Adesso, 1 xè morto!

Inutili tante parole, e messaggi de cordoglio e stop alle partide e 10 minuti de ritardo, anzi no 15, questa partida no se gioga, quela si, questa forsi, processi al calcio, alle società alla polizia,....

Basta, veramente basta! Me go rotto le @@ de 'sto "calcio".

Tante parole, promesse etc....ma fatti zero!!!!!

Gavemo visto che con i tornelli xè tutto a posto, e questo basta!

Politici, dirigenti e qualunque altro personaggio de spicco e con el potere in man, no ga mai fatto niente de concreto per bloccar 'sti str**zi che ga' voia solo de far longhi e de sport no i capissi una mazza!

No voio con questo darghe la colpa de una pistolettada ai tifosi scadenadi, tra tutti xè sempre qualche mona, e no voio nianche esaltar l'eventuale pugliotto che forsi gà sparà (cussi' i disi fin adesso...vederemo se vien fora la verità), consideremo pero' che la legge (se legge podemo ciamarla....) ghe imponi ai pugliotti de far de tutto per fermar i delinquenti (anche de no spararghe se prima no i ghe spara lori) ma se per fermarli i ghe devi dir:brutto cattivone, fermati perchè quello che stai facendo non è corretto, e se i ghe strenzi troppo le manette i vien indagadi per lesioni, e se i ghe metti le manette drio la schena i pol incorrer in sanzioni perchè xè lesivo per la dignità della persona, e se per difenderse senza armi de qualche scalmanà (ve posso garantir che mi, qualche fulminà lo go visto e el xè una brutta bestia de calmar e per tegnirlo, in 6 de noi fazevimo fadiga) se lori xè in 2 de pattuglia e i ghe tira una sberla o un canotto, i va finir in longhi...cossa volè che i fazzi? che i disi; bon bon, scolta, dame ti 4 pugnoni in tel muso cussi te se calmi e dopo te pol andar????

Ripeto, no voio neanche difender l'operato dei sbirri! Xe un lavor difficile, lo so, ma in qualche frangente qualchedun de lori se senti 'sai sceriffo....

Pero' volessi capir una roba...

Come mai, noi semo tanto intelligentoni e tuti i altri xè mone, e guardemo tanto all'EUROPA ma dall'Europa non prendemo neanche un piccolo spunto visto che in Europa, paesi come Inghilterra che gaveva el problemissimo Hooligans, i xè rivai a trovar la soluzion perfetta, tanto de gaver i stadi con le tribune direttamente sui campi senza recinzioni, e fora dei stadi oltre a qualchesburton no succedi piu' niente???

No i ga fato nessuna magia, i gà aumentà le pene e soprattutto chi che vien portà dentro, no ga benefici de nissun tipo, nel senso: te gà ciapà 2 anni??? e due anni te se li fa tutti, in scuro e no esisti buon comportamento o altre menade...el buon comportamento te lo dovevi aver prima, no in canon....xè troppo facile...e quel che xè importante, i gà responsabilizzà fin ala esasperazion, tutte le società......i tuoi tifosi fa casin? vol dir che no te son sta capace de gestirli opur te sa chi che vien in stadio per far casin (savemo tutti che logni società conossi i sui pollastri....) inveze de lassarlo fora, te lo gà lassa' far i suoi comodi...e zo' multone e squalifiche.....

........................................................

Madòòòòòòòòòòòòòò............son talmente incazzà e stufo che no so' gnanche cossa e perchè scrivo......

Scuseme, forsi iera solo un mio sfogo per questo calcio de me**a....(magari no tutto el calcio....ma se no se pol piu' andar tranquilli con la famiglia e i fioi allo stadio a mostrarghe cossa che vol dir el sport.....vol dir che semo messi sai mal).................

Sorry.

Bronza incazzada!

[bronza coverta]

E adesso xè Luciano Moggi che a Buona Domenica me fa la morale e me disi quala che xè la verità.............

Ma per favor, finimola!

Ognun de voi gaverà la sua version, giusta o sbagliada, che mi rispettero', ma son talmente schifado che no go nessunissima voia de ripescar el discorso. Per mi el xè definitivamente chiuso!

[Kimy]

Il grosso dei problemi deriva dal giro de pila che ge xe drio... Con tutti i soldi che gira solo in una partida de serie A la domenica, tra stadio, dirette televisive, sponsor e altri mazzi una persona normale ge vivi 10 anni fazendo lo sborron...

Che i cominci con le mega multe a società e ai tifosi pene severissime, dopo vedemo come i se comporta...

Probabilmente tutto questo vien fora perchè gavemo il ql troppo pien e i media non ne da tregua, non xe telegiornale se noi parla de calcio...

semo sempre la xe troppa pila in ballo, troppi interessi economici porta a denigrar la vita... Qua stemo parlando de calcio, ma nei ultimi anni gavemo assisti a altre facende fatte de soldi che ga mazza tanti de innocenti, ma se sa i soldi comanda, e mille in più o mille in meno non cambia, basta che certi gabi il ql pien... il resto non conta....

[Beck's]

Mi digo che se gavemo fermado el campionato per Raciti,xe giusto farlo anche per la morte de un tifoso.Cmq no se pol morir per una partida C***O!!!

Come non esser d'accordo.

Comunque anche mi son stufo de uno sport che me imponi de venir perquisido prima de vardar una partida. Sarà un due anni che me son rotto de andar in stadio..

[marcoxii]

la violenza se la trova dappertutto e se trova modi e metodi x far violenza in qualunque parte...purtroppo....

[saretta]

mi non go parole per quel che xè successo oggi, soprattutto dopo aver sentido la dinamica dell'incidente...

Rissa davanti a un autogrilll... poliziotti nell'autogrill opposto.. per farse sentir accendi le sirene e i spara in aria..Un poliziotto ga sparà stando dall'altra parte della carreggiata!

Ma se rendemo conto??? e se in mezzo iera un picio con la mamma? podeva lasarghe le penne chiunque!

Fatto sta che una pallottola ga ciapà sto povereto ... e i lo ciama tragico incidente??? per mi xè omicidio e basta!

cosa ancora più grave i se permetti de dir che essendo un tifoso a morir el calcio pol andar avanti....

tra tifoso e poliziotto che mori non xè differenza, xè due vite che non xè più.

Se te fermi el campionato per un poliziotto te lo fermi anche per un tifoso, non xè ca**i che tegni.

Mi son stufa de tutta sta che xè in giro, gaver paura de andar in stadio, a sto punto anche in autogril....

Ieri in stadio a mi i me perquisiva anche le mudande se i podeva, e altri riva a far danni come quei che se ga visto a bergamo? Saria ora de divider i tifosi dai delinquenti!

[Kimy]

Ma una roba me sfuggi, se sparo in aria vol dir che sparo verso il ciel e magari con un angolo de circa 90° rispetto al terren... Come xe possibile che sparando in aria ciapo un tipo che xe senta in macchina e per di più nel autogril di fronte? Sa che sfiga te ga de gaver...

[tinuviel]

dopo aver sentì mejo quel che xè successo, provo ancora più tristezza. Qua iera solo do macchine che stava litigando, no iera pulman de ultras che se stava massacrando. Me par inconcepibile che se tiri fora un'arma in una situazion del genere.

No me par possibile che, se te spari in alto, el proiettile, ricascando, uccidi qualchedun... no so, me par sai sai strana come situazion.

Certo, quel che xè sucesso dopo xè assolutamente deplorabile, ma se sa che i ultras cogli l'occasion ogni qualvolta che la polizia fa una ca@]##a per unirse e far casin. Ma le scene viste a Roma, ancora più che a Begamo, fa vegnir i brividi.

[vco_neroazur]

il myspace del ragazzo....

gabbo

R.I.P.

[erlobo]

No go parole.

E la tristezza più grande xè che, con tutta probabilità, no sarà l'ultima volta che sentirò notizie compagne perchè el morto, almeno uno, scampa ogni anno in sacrificio al Dio Calcio.

Poi podemo parlar de quanti mone par no accorzerse de niente continuando a fomentar guerriglia fora dei stadi, o quanta poca freddezza gabbi i poliziotti (ma ricordemose, come disi Bronza Coverta che quoto in pieno, che a volte anche lori i ga giustamente paura quando che i xè in due contro duecento..anche se no sembra questo el caso..), ma fin che no cambiemo con la società basada sulla violenza (gavè fatto caso a quante notizie de cronaca nera ultimamente apri i telegiornali?) no cambierà nè andar in stadio, nè in discoteca, nè tornar a casa col treno, nè andar studiar a Perugia...(etc.)

[MONTAG]

Questo è un episodio mi lascia molto perplesso.

Quello che ho colto sentendo i vari servizi il colpo è stato sparato da un 50 metri, ha sorvolato 2 corsie dell'autostrada con eventuali macchine che transitavano, ha rotto il finestrino e ha colpito il giovane tifoso della Lazio al collo. Da notare che il ragazzo era seduto sul sedile di dietro ma tra altri 2 passeggeri.

Il poliziotto che ha sparato ha esploso 2 colpi e ha 10 anni d'esperienza.

In ogni caso sarà molto difficile provare sia la volontarietà che l'imperizia.

Sul paragone con Raciti ed eventuali mancanze di rispetto io c'andrei piano: vediamo la prossima settimana quello che succede e poi se ne può parlare.

Su quei signori che hanno spaccato la vetrata a Bergamo invece non ho dubbi: sono solo delinquenti ingiustificabili e non capisco perchè devono essere tollerati.

[cucciolina]

No go seguido benissimo l'evolverse della storia perchè iero via, però me sento de far alcune considerazioni:

1. Prima de usar qualsiasi arma, saria bel accender el cervel (spesso non succedi)

2. Xe mia opinion personal, ma non vedo perchè fermar el calcio per un tifoso morto (per tragico sbaglio o per atto volontario non lo so). Non so se me rivo a spiegar, ma perchè se devi fermar un campionato per un "incidente" avvenudo a km de distanza dallo stadio ore prima che inizi la partida? Se lo stesso tifoso moriva in un incidente stradale, saria stado lo stesso? No capisso, onestamente.

3. Xe successo che nel derby de basket a Gorizia oggi ghe xe stado 1 minuto de silenzio per sto ragazzo. Mi a tale minuto de silenzio non go partecipado per diverse ragioni tra le quali quelle che non so cosa sia successo veramente e non me sentivo de partecipar al lutto de una persona quando non go tutte le notizie atte a capir cosa xe successo.

4. Xe triste perder la vita in sto modo!!

5. Qualchedun me saveria dir come la polizia che iera nell'altro autogrill se ga accorto della "semi rissa"? Qualchedun li ga ciamadi? E se li ga ciamadi non iera poi "semi"... No so, mi non voio santificar qualchedun e demonizzar qualchedun altro prima de saver come e cosa xe successo stamattina.

[dez]

Mi digo solo una roba...vista l'assurdità de quel che xè successo spero che vegni fatta chiarezza e che el colpevole vegni punido, non come xè successo in passato; se questo "tutore dell'ordine" gà sparado "per sbaglio" (zà scriverlo me par assurdo!) evidentemente non fa x lui quindi saria meio metterlo ad una scrivania e non farghe veder una pistola gnianche in lontananza e zà che ghe semo dovessimo chiederse se sbaglemo qulacosa nella "formazione" delle nostre forze dell'ordine visto che non xè la prima volta che se parla de "agente inesperto"...purtroppo xè una tragedia e quel che dà più sui nervi xè che la xè assurda e anche in sto caso la vien strumentalizzada, che tristezza

[Cazzaballe]

Clima assurdo.

Mori un poliziotto e se ferma el campionato.

Mori un tifoso e se ritarda de dieci minuti........?!?!?!? MA STEMO SCHERZANDO??

Me fa pensar che quella volta de Raciti iera una punizion al mondo ultras, non qualcosa per commemorar l'agente o altro. E che adesso xe morto un tifoso e no ghe frega niente de rinviar le partide perchè tanto... Xe un tifoso!!!!!!!!!!! Quindi dieci minuti per far finta de non esser indifferenti e amen... Che paese de schifo che xe l'Italia! In sti casi me vergogno del nostro paese! Go una rabbia dentro che no finisi più, xe sta ucciso un mulo de 26 anni!!! E el bel xe che xe sta ucciso MENTRE STAVA ANDANDO VIA IN MACCHINA!!!! Non mentre faseva casini! STAVA ANDANDO VIA! Questo xe OMICIDIO e quel poliziotto ga de passar el resto della sua vita in galera, non devi uscirghe mai!

Deso sarà manifestazioni a Roma e a Milano.. Secondo mi anche qua succederà qualcosa sia perchè semo gemellai coi laziali sia perchè tanti come mi sarà stufi de sta me**a che se vedi sempre!

Spero sia fatta giustizia.. Ma so za che essendo in italia i parlerà de incidente e no i farà niente perchè ormai xe tutto un abuso assurdo de potere.... Dappertutto.

[Cazzaballe]

No go seguido benissimo l'evolverse della storia perchè iero via, però me sento de far alcune considerazioni:

1. Prima de usar qualsiasi arma, saria bel accender el cervel (spesso non succedi)

2. Xe mia opinion personal, ma non vedo perchè fermar el calcio per un tifoso morto (per tragico sbaglio o per atto volontario non lo so). Non so se me rivo a spiegar, ma perchè se devi fermar un campionato per un "incidente" avvenudo a km de distanza dallo stadio ore prima che inizi la partida? Se lo stesso tifoso moriva in un incidente stradale, saria stado lo stesso? No capisso, onestamente.

3. Xe successo che nel derby de basket a Gorizia oggi ghe xe stado 1 minuto de silenzio per sto ragazzo. Mi a tale minuto de silenzio non go partecipado per diverse ragioni tra le quali quelle che non so cosa sia successo veramente e non me sentivo de partecipar al lutto de una persona quando non go tutte le notizie atte a capir cosa xe successo.

4. Xe triste perder la vita in sto modo!!

5. Qualchedun me saveria dir come la polizia che iera nell'altro autogrill se ga accorto della "semi rissa"? Qualchedun li ga ciamadi? E se li ga ciamadi non iera poi "semi"... No so, mi non voio santificar qualchedun e demonizzar qualchedun altro prima de saver come e cosa xe successo stamattina.

Rispondo a qualche punto..

1. Quoto IN PIEN!

2. Non ga senso fermar el calcio per el tifoso, ma perchè se ferma per un poliziotto e non per un tifoso? Non xe uguali ste due persone? Una ga più diritti de un'altra? Più privilegi?

3. Scelta personale alla fine ognun xe libero de far quel che vol. Mi però digo che una persona morta xe una persona morta e mi gavesi partecipado..

4. Te sa si..

5. No go proprio idea...

[paladozza ritorneremo!!]

Come chi ga assoltà el coni a Roma, brusà autobus, tirà sassi, rotto vetrate a Bergamo xe za in galera o ghe anderà molto presto grazie a foto filmati ecc....vegnerà condannado per direttissima nei prossimi tre giorni, pagherà milioni de multa e per un periodo dai 3 ai 5 anni doverà andar in questura a firmar tre volte al giorno ogni volta che xe una partida....

E tutto questo xe giusto, nissun lo discuti!

Pretendo, che chi xe pagado per mantinir l'ordine e la democrazia nel mio paese e xe pagado con soldi de tutti visto che PER SBAGLIO ga tirà fora una pistola, PER SBAGLIO ga tolto la sicura, PER SBAGLIO ga sparado da 50 metri attraversando 4 corsie de un autostrada, PER SBAGLIO ga ucciso uno che iera sentà in auto, PER GIUSTIZIA VEGNI ARRESTADO E CONDANNADO PER OMICIDIO!!!!

Chi sbaglia devi pagar, tutti!!! purtroppo in questo paese non xe cosi.

La morte non xe uguale per tutti e la giustizia non xe uguale per tutti.

Sto paese, chi che lo governo, chi che lo mantien, chi che lo gestissi e chi che lo rappresente me fa sempre più schifo.

15 minuti de ritardo delle partide per lavarse la coscenza de un morto! vergogneve...