A Trieste s'invecchia male...

[_titti_]

gà comincià a tirarghe col baston? ma semo fora??? che schifo de gente...

[babatriestina]

ve devo dir che se in bus incontro un col baston e el/la me domanda el posto, no go alcuna esitazion a lassarghelo, e no zerto perchè go paura che el/la me daghi zo! se po ghe xe vizin un posto libero, ben bon, me sposto mi! ma de solito co vedo veceti col baston, me alzo prima che i me domandi, con tutto che go i cavei grigi anche mi. Magari senza offrirghe el posto, che magari i se ritien ancora giovini e resta mal.

Inveze, sempre per i posti in bus, una roba che no me va zo xe co vedo pien de gente in pie, mi, ma anche più veci, e mame ( più raro noni) che sta in pie per lassar in sentòn i fioluzzi de 4-5 anni. Cossa imparerà sta mularia?

[Nona Picia]

Te dirò che a volte xe più semplice far sentar i fioi pici che no sentarse noi col fio in brazo, un per de borse e cussì avanti. Parlo per esperienza personale, perchè mi metevo la picia e ela me tigniva la borsa dela spesa e mi fazevo meno fadiga. Comunque , parlando de autobus, mi go provà no i muli, ma i "cari" veceti no proprio vecissimi che co iero incinta col primo fio in brazo i me ga fregà el posto che una signora giovane me lassava e quando de nona andavo con la picia de 1 anno e mezzo mastruzada contro el pal e nissun de lori che ne dava posto, salvo protestar quando in un autobus mezo svodo i la ga vista sentada e da notar che co la ga visto el "nono" rivar vizin la ghe ga lassà el posto e la gaveva 3 anni e mezzo quela volta.

[_titti_]

se po ghe xe vizin un posto libero, ben bon, me sposto mi!

Però semo sempre là..se ghe xè un posto libero vizin e una persona pretendi che un'altra se alzi perchè la vol el "suo posto", questo dimostra solo quanto maleducada riva ad esser la gente. Avanza pretese che xè fora del mondo. E certe robe appunto mi le gò viste solo qua.

Se dopo inizio a contar quel che succedi sul mio lavor... xè veramente robe ufo. Certe robe mi neanche me passa per la testa! Poco de far... ghe xè veramente troppa gente maleducata nella nostra bella città.

Edited October 7, 2009 by _titti_

[Damia]

se xe per un bon motivo, basta chieder gentilmente. A mi me xe capitada una signora che gentilmente la me gà chiesto el posto, con quel davanti libero, perchè la doveva eser nel verso giusto in bus (che adeso no me ricordo qual che xe). Gentilmente la gà chiesto e mi me son spostada. La me lo gavessi ordinà, la iera ancora in pie.

Me ricordo co' iero picia, mia mamma me fazeva sempre alzar per le persone anziane. Fato sta che gavevo 10 anni (me par) e i me gà messo el gesso sul brazo. Bus strapien (iera la sei, e iera agosto), e la me gà fato sentar per no ciapar tropi colpi. Riva un veceto che me ordina de alzarme (ma proprio in malo modo...) Mi de picia...me fazo per alzar...e mia mamma la me fa "NO, sta sentada" e la ghe gà zigà de tuto al mato, che 1) no xe modi de chiederme de alzarme e pena dopo la ghe gà fato notar che gavevo el gesso sul brazo.

[fra_fre]

inveze go notado che tuti...tuti ma proprio tuti xe taanto educati con le donne in cinta...se alza mezo bus...o addirittura se xe fila in gabinetto del local i te fa andar x prima... a volte penso de aver la lebbra x così tanta generosità!!!

[zalzi]

inveze go notado che tuti...tuti ma proprio tuti xe taanto educati con le donne in cinta...se alza mezo bus...o addirittura se xe fila in gabinetto del local i te fa andar x prima... a volte penso de aver la lebbra x così tanta generosità!!!

boh. mi go fatto tre gravidanze e go notà l'esatto contrario de quel che te disi ti.

sarò che go sfiga e i me xe capitadi tutti a mi.

cmq...in bocca al lupo.

[fra_fre]

grazie! volemo parlar dell'educazion che poi se traduci in disponibilità del personal dei ospedai???!!! aiutooo!! disponibilità zero! comprension zero! pazienza zero! e questo val + o meno x tutti: giovani e veci! che triste...+ de una volta tra un'ecografia e visite me go sentì come un'aliena...butada là... scazzadi a darte spiegazioni, stanchi, rabiadi...boh??

[zalzi]

grazie! volemo parlar dell'educazion che poi se traduci in disponibilità del personal dei ospedai???!!! aiutooo!!

Dipendi da chi che te trovi. Non te me crederà, ma go trovà anche persone non solo normali, ma addirittura cocole.

Anche tante str***e però.

Te pol sempre provar con la tecnica che go adottà mi un per de volte.

Partindo dal presupposto che i specializzandi xe là per imparar e no per lavorar autonomamente, ma solo sotto la supervision de uno specialista, e che cusì non xe, quando me go becà un'ecografista che pareva una muleta delle medie, per evitar de far note ghe go domandà: "Mi scusi, ma lei è un'ecografista o una specializzanda?" Che xe come dir: "So che te sta fazendo una roba che non te dovesi far, per cui vedi de trattarme ben.". Ga funzionà: la xe stada gentilissima e quando che la se ga blocà con l'ecografia, la ga subito ciamà uno specialista.

(Cmq da qualche parte dovesi eser una discussion sul Burlo.)

Edited October 10, 2009 by zalzi

[Stefano79]

Meno mal che almeno sto tipo de problemi no me tochera mai

[Damia]

oh beh no xe ecografie te fa solo da incinta eh stefano?

Mi inveze stupisso tuti e ve digo che al magiore, al centro prelievi xe due infermiere stracocole! (anche se devo dir nisuna xe cafona..) Una xe un donnon cavei curti curti grigia, massiccia...l'altra una signora aui 40-45 sempre cavei corti e bionda.

[silviottola]

L'altro giorno no go fatto far la fila a una mula incinta (la iera all'ottavo e cariga de dolori alla schiena perchè el picio se posa proprio là, poreta) e me se saltade alla gola un quattro veciaze malefiche...

Se vedi che passa i anni e no le se ricorda più cosa vol dir...

[666]

e me se saltade alla gola un quattro veciaze malefiche...

mi me difendo dalle crodighe metendo carta sul vetro divisorio del posto guida e ascoltando musica (senza le cuffie).......non so perche' ma se metto i iron maiden o i metalica non vien nessun a domandarme niente

[Nona Picia]

mi me difendo dalle crodighe metendo carta sul vetro divisorio del posto guida e ascoltando musica (senza le cuffie).......non so perche' ma se metto i iron maiden o i metalica non vien nessun a domandarme niente

Me sa che anche ti te invecerà mal......

[Renè]

mi spero de finir de vecio (se no moro prima.. vate ti saver che doman magari esco de casa e me casca na cometa in testa) senza deventar un crodigo, anca perché a mi le crodighe le me piasi solo in tel la jota!!!!

Alèèèè Alga (Marina Alga, studentessa del Nautico che nel 2067 la sarà depositada a l'Itis, come ex capitana de corveta)