Posto macchina

[assist]

Ciapo l'ultimo episodio che me xe capitado stamattina alle 3 ma che ormai per mi xe una consuetudine.........me son trovado el posto auto bloccado da un'auto senza un'indicazion dove reperir el proprietario ( iera de un rumen cmq ). Go ciamado i caramba e praticamente ierimo rivadi che se stava carigando l'auto con el carroattrezzi e i tipi xe spuntadi fora per spostar l'auto.

Ghe xe proprio della gente incivile..... lasar un foglio e scriver 2 righe xe troppo studio; dopo me riva scuse come " e no go visto...ma iera solo per 2 minuti.....dovevo far la spesa......ma mi vegno de opicina ( e chi se ne i****a)......ahahah mi dispiace......te podevi sonar el clacson che venivo zo"

Volevo saver chi come vivi sto tipo de situazion e se come mi ga el desiderio de vendetta che pol esser soddisfatto con una rimozione totale dell'auto ( riverò un giorno a far rimuoverne almeno una! )

[SandroWeb]

Mi go un garage che moltissime volte xe bloccado da auto con le 4 frecce o, ancor peggio, da machine che se posteggia non rispettando i limiti del passo carrabile.

Premettendo che per entrar go uno spazio in larghezza ridotto all'osso e che 10 metri più avanti go i bidoni delle scovaze che no me permetti de far manovra in un colpo solo, molte volte me trovo in difficoltà nell'entrar o nell'uscir. Per fortuna in sti anni go ciapado una certa pratica quindi non go troppi problemi (chi xe venudo fin sotto casa mia se sarà fatto un'idea ).

In molte situazioni se rischia de diventar cattivi: l'unica "arma" a mia disposizioni xe la rimozion forzata, ma bisogna spetar abbastanza tempo prima che rivi el carro dei municipali, con tutti i disagi che podè immaginarme. In passato go fatto portar via diversi auti, ma la situazion par non esser cambiada più de tanto: l'ignoranza de certi automobilisti o, ancor meio, la strafottenza e l'indifferenza verso un passo carabile xe a dir poco scandalosa.

[saretta]

Mi de solito sono un pò el clacson ... ma se entro 5 minuti non riva nessun ciamo i vigili e carroattrezzi e op op via via! E dopo che i me vegni dir qls.. non posso cercar la gente in giro per el mondo...

Quando per es. lo fazo mi, pochissime volte, meto un foglio con scritto dove son.

[assist]

In molte situazioni se rischia de diventar cattivi: l'unica "arma" a mia disposizioni xe la rimozion forzata, ma bisogna spetar abbastanza tempo prima che rivi el carro dei municipali, con tutti i disagi che podè immaginarme. In passato go fatto portar via diversi auti, ma la situazion par non esser cambiada più de tanto: l'ignoranza de certi automobilisti o, ancor meio, la strafottenza e l'indifferenza verso un passo carabile xe a dir poco scandalosa.

Ma xe giusto esserlo cattivi ad un certo punto di fronte a queste inciviltà.......mi come sta gente no fazo e meto un foio con scritto dove trovarme se xe problemi. Mi no me incazzo se un me lasa un biglietto, quel lo accetto perchè vol dir che la persona xe civile e intelligente: a quei non ghe dirò mai niente anzi, mi anche le ringrazio quando capita, purtroppo sai poche volte.

[assist]

Mi de solito sono un pò el clacson ... ma se entro 5 minuti non riva nessun ciamo i vigili e carroattrezzi e op op via via! E dopo che i me vegni dir qls.. non posso cercar la gente in giro per el mondo...

[Stefano79]

Go ciamado i caramba e praticamente ierimo rivadi che se stava carigando l'auto con el carroattrezzi e i tipi xe spuntadi fora per spostar l'auto.

Ma a quel punto i se ga becado almeno la multa immagino...el carroattrezzi no vien a gratis

[Stefano79]

Comunque, uno dei motivi per cui no me ciogo l'auto, xè proprio l'incubo del parcheggio. Qua de mi (Commerciale) el parcheggio xè un miraggio, dovesi per forza affittar un box e me costasi una follia.

[assist]

Go ciamado i caramba e praticamente ierimo rivadi che se stava carigando l'auto con el carroattrezzi e i tipi xe spuntadi fora per spostar l'auto.

Ma a quel punto i se ga becado almeno la multa immagino...el carroattrezzi no vien a gratis

I ga pagado l'intervento del carroattrezzi sicuro perchè go visto, dopo no so perchè co go messo via l'auto go chiesto se podevo andar via e quindi li go lasadi la con i caramba.

[babatriestina]

Una volta me go propio arabiado, gavevo la machina in un garage che me costava de afito un ocio dela testa, me trovo un camion tranquilo piazzado davanti che blocca tuto mentre che el sta scarigando. Ghe digo Per favor, la se sposta che devo andar fora? e el mato me rispondi Mi de qua no me movo. Ben, me giro e vedo un a coppia de vigili urbani a poca distanza. Vado de lori e ghe digo Vardè che quel camion xe su un passo carraio e se rifiuta de spostarse. risposta E cossa la vol che podemo far noi? no ghe go minaciado de denunciarli a loro e ghe go dito che , forsi, se i ghe minacia una multa, el mato se sposta... nel fratempo per fortuna el mato se ga spostado

Questo sarà stado una decina de ani fa.

[SandroWeb]

Ben, me giro e vedo un a coppia de vigili urbani a poca distanza. Vado de lori e ghe digo Vardè che quel camion xe su un passo carraio e se rifiuta de spostarse. risposta E cossa la vol che podemo far noi?

Quantomai sconvolgente. In questi casi i municipali xe bastanza schizofrenici: me ricordo una volta che gavevo un auto davanti al passo carrabile, go becado una patuglia che girava proprio nella stessa via che abito mi. Alla mia richiesta de assistenza, i me ga dito de ciamar el comando per far venir el caro attrezzi a far la rimozion, al limite quel che lori podeva far iera una multa.

No rivo francamente a capir perchè lori no pol, in un caso come questo che go appena descritto, ciamar direttamente el comando per chieder la rimozion ma devi esser sempre el fruitor del passo carraio a farlo...

Cambiando discorso, pararia che i gabi aumentado el numero de carri attrezzi per le rimozioni. I tempi de attesa rimani gli stessi (10 giorni fa li go ciamadi e alla mia domanda de quanto tempo dovevo attender, la tipa me fa "eh se devi liberar quel che xe in via giulia"...cazzarola che bella risposta professionale)

[iaga]

Mi in teoria non dovessi gaver problemi de parcheggio.. ma se rivo a casa intorno l'ora del petes, allora devo spetar che finisi sta ora prima de trovar un buso. I amici dei partigiani, che vien da soli in auto, e che i devi posteggiar più vicin possibile, i piaza l'auto e i va a incarigarse. Co i finisi i torna a casa e mi go un posteggio libero nelle vicinanze de casa. Ah.. in teoria gavessi anche mi un passo carraio, ma par che a nisun ghe interessi, i se meti anche in doppia..

[gigits]

a Trieste xe un grosso problema il posteggio

[tifone]

Ma anche se non te li ciami i urbi i pol far la multa se vedi una macchina sul passo carraio?Sembreria de sì,forse se ga bisogno de bori e anche se xè el paron del passo carraio non pol metter la macchina....

[Starlite]

Mi go la fortuna de gaver el posto sotto casa che xe un'area privata del condominio

[trert]

che i devi posteggiar più vicin possibile, i piaza l'auto e i va a incarigarse. Co i finisi i torna a casa e mi go un posteggio libero nelle vicinanze de casa.

come darghe torto..

mi no go proprio sti problemi, go 5posti auto.. ma quando vado a lavorar me fa impazzir la situazion inversa: chi ga el box che el lassa l'auto fora e occupa un posteggio

[Kiriranshelo]

mi sul lavor go problemi de parcheggio se rivo dopo le 7.40... prima de quell'ora almeno un posto vicin lo trovo.

tornando a casa inveze go el parcheggio interno.. purtroppo a volte succedi che qualchedun se parcheggia in divieto (xe tutto el lato della via in divieto) ma non in divieto in modo da non intrigar (che saria anche possibile visto che nissun se parcheggia su quel lato della via).. in divieto in modo che el muso della macchina sporgi un po sulla stradina privata.. quel poco che basta per non rivar a entrar/uscir...

[tuxav]

mi xe imposibile che trovo postegio (per postegio intendo almeno un posto in divieto su una fermata del autobus, no pretendo un postegio regolare) .. infati adeso la postegio de sera in foro ulpiano che i ga fato una convenzion a 30 euro/mese dale 19.00 alle 09.00 del giorno dopo.. ottimo xche cusi vado a lavorar e co torno la meto la.. mal che vadi pago un'ora... mejo che girar come un zurlo x 1 ora.... sab e domenica xe piu facile trovar postegi quindi la poso anche lasar fora...

[cucciolina]

Mi per fortuna no go sti problemi. Go due ingressi del garage e almeno se spera che un dei due sia libero

Mai successo che i sia occupadi tutti e due, per fortuna

[giacomin]

Fin qualche anno fa, no gavevo grossi problemi per trovar posto ma, vuoi l'apertura del'ufficio postale, la palestra sotto casa e, anche se non proprio vizin de dove che abito le Torri , che comunque le "incasina" a largo raggio, me son comprado un box in quel posteggio che i ga fatto drio la ciesa de S.Giacomo. Me son "disanguà" perchè xè dei prezzi "vergognosi" però, ve posso assicurar che go guadagnà in salute

[assist]

Fin qualche anno fa, no gavevo grossi problemi per trovar posto ma, vuoi l'apertura del'ufficio postale, la palestra sotto casa e, anche se non proprio vizin de dove che abito le Torri , che comunque le "incasina" a largo raggio, me son comprado un box in quel posteggio che i ga fatto drio la ciesa de S.Giacomo. Me son "disanguà" perchè xè dei prezzi "vergognosi" però, ve posso assicurar che go guadagnà in salute

Giusto per farse un'idea, quanto te ga costado el posto tuo? Onestamente essendo in affitto, non conoso sai i prezzi de vendita.

[giacomin]

Giusto per farse un'idea, quanto te ga costado el posto tuo? Onestamente essendo in affitto, non conoso sai i prezzi de vendita.

Go pagado 25.000 euro (ivato) perchè go prenotado el posto quando iera ancora in costruzion; l'ultimo i lo ga vendudo a 35.000

NB: i me ga dito che son fortunà, che visti i prezzi in giro no xè che go pagado assai .....mah

[assist]

Stica!!!! Certo che questi ga un bel senso dell'umorismo a dirte che te ga speso poco: xe pur sempre 50 milioni de vecchie lire

[giuli]

Purtroppo i prezzi son questi

[pinaard]

a Trieste xe un grosso problema il posteggio

Eh già... Mi za de giorno soto casa go problemi a trovar posto (una volta 45 minuti go zercà...), per no parlar de sera! Imposibile che la ciogo se torno dopo le 22, perchè no trovasi un buso. Nianche se la volesi meter sule striche, sui pasi carabili, sui divieti de sosta o sul scalin. Tuto full