Ma perché vado a votar?

[miguelsonmi]

No xe un sondagio veramente politico.

I fa un saco de sondagi sul voto, ma questo no credo i lo gabi mai fato. I dixi sempre che in Italia xe molti che vota rispeto a altri paesi, ma mi me chiedo: se vota per convinzion o per paura?

Ghe pol eser chi vota per convinzion de partito, chi per convinzion de programmi, ma mi credo che molti voti per paura, paura dei programmi o dei partiti "avversari", un voto de difesa, insoma.

Questo sondagio, per quanto poco significativo el posi eser, me pol dar za un'idea se sto pensiero xe sbaiado o ga una certa parte de fondamento.

(mi no rispondo, proprio perché me interesa l'opinion dei altri, ma penso che almeno el mio se podesi definir un voto de difesa, no certo de convinzion)

[Rolf]

vado perche' anche se i me li ga' frantumai alla grande tutti quanti el ca*****r non lo sopporto proprio piu'.

Per la verita' i me fa profondamente schifo tutti quanti indistintamente, chi piu' chi meno, ma se vado a votar e vinzi quel che go votado, se un doman el ne tradisi lo posso ciapar per le canne della gola, alzarlo de peso e darghe una ginociada forte forte nelle b***e. Se non votassi el me podaria sempre dir:"E ti cos te vol, no te ga neanche vota''"

[Stefano79]

Alla fine nisun schieramento me convinci del tutto, ma vado a votar perchè lo sento come un dovere. Se tutti se ne fregasi, no governerìa nisun e le robe andarìa ancora pezo. Alla fine bisogna aver el coraggio de sceglier...no digo el migliore, ma almeno el meno pezo

[cenerentola82]

Xe per una soma de motivi:

perchè un programa me par meio del'altro anche se in fondo nissun me convinzi in pien, perchè un candidato me par più affidabile del'altro, per evitar che vinzi quei che ga obietivi che no condivido, perchè in fondo xe un dirito / dover.

Ala fine no me pongo el problema, vado e basta.

[Beck's]

Vado perchè, nonostante el sitema bipartisan appiattisi le posizioni dei schieramenti, un certo personaggio non lo tegno veramente più. Non vado oltre.

[Giada]

neanche mi un certo personaggio no lo sopporto proprio più... go bisogno de aria un poco nova (anche se no son del tutto convinta neanche dal candidato dell'altra parte, ma, come che disi in molti, se scegli el meno pezo...)... vado a votar per questo motivo. Stavolta lo sento come un dovere molto più delle altre volte.

[puromalto]

Voto xchè lo sento un dover nei miei stessi confronti.

Cioè no posso lamentarme, incazzarme etc etc quando vedo certi personaggi nei dibattiti politici (in particolare uno...) e dopo no votar! Devo dar el mio contributo se voio dei cambiamenti.

Dopodichè che molto spesso me tocchi votar "turandome el naso" xè un altro discorso....e podessimo discuter x mille anni sulle qualità dei nostri politici (de tutti gli schieramenti)....

[trert]

generalizzando mi voto per no darghe el voto ai altri.. disemo: ghe lo dago al meno pezo..

[cucciolina]

Mi più che un dover lo sento come un esercizio del diritto personale.

Ma disemose la verità....avendo un'idea politica ben precisa voio anche evitar che vadi su i altri

[MONTAG]

Ho sempre votato tranne una volta, perchè in quella occasione non potevo fare di meglio per motivi contingenti. Esprimere la propria opinione è una bellissima libertà della quale fino a quando il rincog..onimento non sopraggiungerà non voglio privarmi. Lo sento più come un dovere verso me stesso che nei confronti dello stato.

[diego]

Quoto Cucciolina, secondo mi xe inaccettabile la frase qualunquistica i xe tutti uguali, pol anche esser ma, come cittadino de questo Paese Democratico finchè posso esprimer ua mia preferenza go l'obbligo morale de farlo.Voio dirve una robetta , ga ve mai pensà che quei signori che xe a Roma perchè noi li gavemo mandai, xe dei nostri stipendiadi. Digo questo perchè se mi,fantapolitica,andaria al Governo zercheria de far una legge che ghe permetti al Cttadino/i de poder Licenziar qualunque politico che no ga assolto el compito che noi ghe gavemo demandado

[romanowar]

Non credo che il problema sia rappresentato dai personaggi. Personalmente uno dei due mi causa reazioni sconclusionate solo alla vista e l'altro ... mi piace un po' meno di una volta.

Il problema, comunque si vedano le cose, sono i programmi! A mio modo di vedere, le proposte di uno schieramento (e il modo da loro proposto per risolvere i problemi attuali) si scontrano con le mie aspettative e convinzioni mentre mi sento più "in linea" con quanto proposto dall'altro schieramento.

Quindi, secondo me, il programma assume una rilevanza preponderante. Uno può anche dire "i xe tuti uguali" ma spero che nessuno dica che anche i programmi sono tutti uguali!

@diego: fosse così facile dimostrare che chi è al governo non ha assolto il compito demandatogli dal popolo sovrano, avremmo TANTI problemi in meno. E questo vale da qualsiasi parte tu possa vedere il problema. Un'idea giusta ma purtroppo irrealizzabile! Pensa se dovessi giudicare il caso TAV: se fosse possibile applicare il tuo intento il se ne dovrebbe tornare ad Arcore! Ma come la mettiamo con gli amici di Fausto che hanno fatto bloccare i lavori? Di chi è la colpa?

E questo è solo un "minimo" esempio.

[Ospite Andrea]

Alla fine nisun schieramento me convinci del tutto, ma vado a votar perchè lo sento come un dovere. Se tutti se ne fregasi, no governerìa nisun e le robe andarìa ancora pezo. Alla fine bisogna aver el coraggio de sceglier...no digo el migliore, ma almeno el meno pezo

quotooooooooooooo

[SandroWeb]

Mah...mi son sempre andà a votar perchè penso che el voto sia un diritto importante de ogni cittadin.

Pecà che i candidati sia bastanza miseri stavolta, ma questo xe un altro discorso

[babatriestina]

generalizzando mi voto per no darghe el voto ai altri.. disemo: ghe lo dago al meno pezo..

te ga espresso el mio pensiero

per i programmi, sì, li vardo, ma po tanto chi controla che i fazzi quel che i prometti? la carta se lassa scriver..

[saretta]

Non me pongo tanti problemi, anche se a volte me scoccia xkè mi della politica non me frega molto. Però so che xè un dover, che se non vado dopo i te fa pupoli, così anima in pase e vado votar

[manu68]

da quando go 18 ani no go mai mancà a una votazion,neanca ai referendum o ale europee e ghe vado fiera!

considero el voto un dover ma sopratuto un diritto,

xe l'uica arma che gavemo per cambiar le robe!!

e in piu' go un idea politica ben precisa e quindi fazo de tuto per sostenerla

e in piu' me piasi la politica...strano,lo so,lo so

[Starlite]

Mi go votà Boh

Perche' le altre risposte non me aggradava

Vado votar e bon, solo una volta no son anda' che stavo mal.

Sara' che cusi' almeno go l'impresion de gaver deciso o meno qualcosa anche mi.

Go maturado nel tempo delle idee piuttosto precise che orienta la mia scelta, (o, forsi meio, so quali xe le idee che non me piasi) e go anche cambia' modo de votar nel tempo.

Che dopo no cambi granche' votar o no... quel xe un altro per de manighe

E po' mi lo vedo piu' come un diritto che come un dover.

@Saretta: no go capi' chi te da pupoli se no te va votar

[The Rock]

no me son mai posto el problema, nel senso: vado perchè go delle idee e xe uno dei pochi modi che una persona ga per esprimerle...certo poderà esser troppo romantica come vision...ma che ghe sia ancora qualche ideale ke vadi difeso...beh su quel ghe spero...

[rix]

-Perché xe un mio dover de Italian

-Perché no voio che vadan su i altri

-Perché malgrado tutto ghe son ancora molti esponenti politici che son ancora degni d'esser chiamati tali (almeno dalla mia parte)

-Perché gli stessi citati sopra portano avanti tante mie idee e battaglie

[iaga]

Non vado a votar..

So che xè un mio diritto/dover.. ma non go trovà ancora el meno pezo da poder andar a votar.

[miguelsonmi]

Agiungo solo una roba che no xe stada dita, o xe stada dita solo in parte (però molto interesanti le varie oservazioni).

Vardemo i programi. Mi go dele idee ben precise su quel che me piaseria vignisi fato... solo che nisun dei due schieramenti le proponi!

Cusì me toca votar per evitar che vegni portade avanti le idee che reputo pegiori. Me par un voto molto ridutivo.

Credo che el voto (e la democrazia) sia una conquista che va difesa. Solo che non basta. Xe come se i me fazesi sceglier tra morir impicado o sula sedia eletrica. Poso anche sceglier, ma mi volesi no morir (se non per morte naturale).

Tanto per dir una banalità, tuti parla de sacrifici, ma poi i eletti xe sempre pronti a aumentarse el stipendio (esente da tasse). Ghe xe naturalmente punti più seri (no che questo no lo sia), ma altri discorsi no me interesa de afrontar su sto forum, che xe bel cusì. Però ghe ne xe tanti.

[Beck's]

I programmi xè roba de una volta.. adesso se fa propaganda e basta.

(miguelsonmi 24 marzo 2006, 22:03)

Credo che el voto (e la democrazia) sia una conquista che va difesa. Solo che non basta. Xe come se i me fazesi sceglier tra morir impicado o sula sedia eletrica. Poso anche sceglier, ma mi volesi no morir (se non per morte naturale).

Ahimè condivido. Secondo mi xè el stesso sitema bipartisan la causa de tutto ciò

[arska]

quoto in pien beck's

[gufo805]

xkè son convinto ke xe un dover anche se certe volte me vien el dubio ke non cambierà niente.