Sale prove a bon prezzo

[dido76]

ciao mularia, sicome + o - sono con un grupo de amici gavesimo bisogno de trovar un posto dove poder provar in santa pase e poder lasar la strumentazion...logicamente se posibile senza che questo dia problemi a gente intorno (basta za i locai a gaver problemi).

Semo in 5...gavemo strumentazion.

In sto momento provemo a musica55 che no xè niente mal solo che co ben finisi el tempo finisi le prove e inveze spesso saria la voia de andar vanti ancora x un bel po'.

Logicamente semo disposti a pagar un afito.

Grazie per le risposte anche giusto per info.

Tanto dopo vien a veder el posto eventuale i muli con cui sono che capisi + de mi

[Malto]

spero che te sia fortunà, a Trieste xe sempre un sacco de problemi con i nusi per sonar perchè LA GENTE SE LAMENTA SEMPRE. Preparite a soffrir e ad aver travasi de bile parecchie volte, anche se te trovi el posto per sonar. Mi te parlo dalla mia esperienza, go sonado per 10 anni a Trieste e xe stado terribile a volte, nonostante tutte le grandi soddisfazioni che me ga dado. A mio avviso la roba migliore xe trovar un posto in Carso o in zona industriale BEN LONTAN da case.

[Maurice]

Varda...xe una totale carenza de posti dove se pol sonar in pase....

Mi posso dispor soo dela sala prove a scola mia...e dopo sarà pupoli perchè no go posti dove sonar...

[mula alabardata]

mi savevo che un mio amico sonava da qualche parte in zona salita de gretta.. ma no savesi dirte ne dove xe, ne se xe un garage, ne come lo ga trova...

poi che mi sappio in oratorio ai salesiani i ga una saletta prove con tanto de strumenti. se paga una tot all'ora (adesso però no so ben quanto)

altro proprio no savesi!

[Cazzaballe]

A Prosecco vizin casa mia ghe xe i campi de calcio e iera una saletta che i la ga pena ricostruida.. Una volta i la affittava, e credo che i la affitta ancora per una sera o un pomeriggio.. Passa la magari e vedi cos che i te disi. Credo che sia de proprietà dela ciesa per cui te ga de chiederghe al prete.

[dido76]

poi che mi sappio in oratorio ai salesiani i ga una saletta prove con tanto de strumenti. se paga una tot all'ora (adesso però no so ben quanto)

altro proprio no savesi!

conoso straben quel posto che lo frequento da quando iero in fasce ...gavemo fato prove anche la per un periodo poi vari motivi ne ga fato optar x spostarse...adeso come go scrito femo a casamusica55 ma anche là fini el tempo xè de andar via...

[Jagger]

Xe i busi a S.Giusto,in via Donota alta,te pol lasar i strumenti ,il paron ghe abita de sora,...te laso il numero,mi gho sonado la' per 3 anni, senza problemi ciao

NdA: GO TOLTO EL NUM DE CELL PER MOTIVI DE SICUREZZA...PREGO DE COMUNICAR QUESTO TIPO DE DATO VIA MP

Modificato 15 Luglio 2006 da SandroWeb

[SandroWeb]

Per motivi de sicurezza e de privacy, consiglio de non postar numeri de cell in pubblico.

Consiglio inoltre de usar gli MP per comunicar dati del genere

[SandroWeb]

Sottolineo inoltre che a breve sarò costretto a cancellar quel numero de cell (come da regolamento della sez. mercatino). Metteve quindi d'accordo tra de voi in privè

[dido76]

Sottolineo inoltre che a breve sarò costretto a cancellar quel numero de cell (come da regolamento della sez. mercatino). Metteve quindi d'accordo tra de voi in privè

te ga fato sai ben

[the_furious78ts]

Chi conosi BUSI poco costosi per far prove? Magari con batteria za dentro?

[mula alabardata]

me par che iera za una discussion a riguardo...

[the_furious78ts]

non la go trovada....se te la trovi te me posti el link? grasias

[mula alabardata]

Eccolo!

[Stefano79]

Brava mula

[MOD] Provvederemo a spostarla in questa sezion, che me par più adatta Intanto sero questa [/MOD]

[the_furious78ts]

Muli, mi una volta provavo in Via Capodistria in dei garages....savè se i xe ancora adibidi a quel?

[Stefano79]

[MOD] Go unido le 2 discussioni [/MOD]