30 anni fa l'elezion de Karol Wojtila

[Starlite]

El 16 ottobre 1978, dopo la morte prematura de Albino Luciani (Giovanni Paolo I) dopo soli 33 giorni de pontificato, veniva eletto a papa el cardinale polacco Karol Wojtila.

[SandroWeb]

Grande Karol

[cucciolina]

Che gran persona! Me xe venudi i brividi a rivardar sto filmato anche se non son credente.

[Starlite]

Volevo zontar... "se sbalio, mi corigerete" ma me par che no'l gabi sbalià un colpo... e se lo digo mi...

[babatriestina]

Mi go un per de ricordi de quei giorni:

1 che mi go messo tanto a pianzer co xe morto Papa Luciani, che me pareva propio una gran bona e brava persona e de quel che el gaveva dito nei pochi giorni de pontificato el gaveva tutta la mia approvazion.

2 che iero in una festa in un giardin a san Vito e improvvisamente gavemo sentido sonar el Campanon de san Giusto e gavemo dito Qua i ga eletto el papa, che po tanti , co ga sentido pronunicair Voitìua ga dito ara che i ga eletto un African!

3 che sula Cittadella, al se sbalio mi corrigerete, Carpinteri e Faraguna ga ripescado la Maldobria col Abate Mitrato di Cracovia, che disi Parlare italiano è facile, è come parlare latino: Siamo in magna tempestate o magna procella, e co vien tempesta sul serio el prega la Madonna nera .. no me ricordo in che libro, xe quel che el abate se scandalizza che i marineri bestemia, ma co vien proprio brutto tempo i se metti a pregar.. e alora co torna el bel el disi Biastemano, biastemano, sia lodato il Cielo o roba simile..

[Nona Picia]

El giorno dela morte de papa Luciani, ala matina presto gavevo la radio verta e iera solo musica classica, go verto la tele e anche là solo musica classica, po me ga telefonà mio marì e el me ga dito che iera morto Luciani. Incredibile quela giornata....

E quando xe sta eleto papa Giovanni Paolo II, al momento no iero sai convinta, anche se el se gaveva presentà simpaticamente, ma col passar del tempo go dovù ricrederme!

[fra_fre]

che persona splendida.....ciao!

[Bobo]

per me lui resterà non un papa, ma IL PAPA... ciao karol ovunque tu sia!