porta serada a ciave

[babatriestina]

Go visto che a casa dei mii amici xe diversità de impostazion sula ciave dela porta del bagno, vulgo cesso. Qualchedun lassa la ciave dentro, ma altri ga bagno e cesso senza ciave, che un no ghe ciapi mal o se seri dentro... come gavè voi a casa e come preferì? per mi no xe dubbi, me piasi serarme, a meno de no esser sola a casa, a volte el gato ga el permesso de entrar e andar fora..

[Nona Picia]

Mi go votà 4, ma no se matematicamente esatta la risposta: go bagno e WC separati e in bagno no go ciave o altro, mentre in gabinetto gavemo una seradura, credo che se disi a scrocco, che però no chiudemo mai, anche perchè la xe dura.

[davidin]

allora mi go le ciave sulla porta e solitamente no me chiudo...però se xe ospiti ovvio che me chiudo dentro...

[tinuviel]

me chiudo quasi sempre

un poco de privacy almeno in bagno ghe vol! Xè l'unica porta della casa che vien usada la ciave

[trert]

mi no la go su un cesso (quel che uso) ma la go sui altri due, dove solitamente xe affluenza de ospiti.. in quei me sero, in quel mio in primo pian no!

[lilli]

mi go le ciave e non me chiudo mai. a meno che nn sia gente a casa...ospiti...etc etc

[saretta]

non la xè ma la volessi tanto....

quando iero picia mia mamma ga tirà via tutte le ciave e desso nn le trovemo più.... quindi ..

[molly]

go messo dipendi. Nel senso che la ciave xe ma dipendi se xe gente o no a casa. Se xe gente ovvio che chiudo... sa che imbarazzo se questi i entra

[orannez]

Mi go la ciave, ma tanto come xe fatta casa mia se vedi se un xe in bagno, per cui no la servi...

[ale79]

anche mi come quasi tutti se xe gente in casa me serro se no lasso verto...

[Starlite]

la ciave xe e me sero quando no son solo a casa

quando son solo laso diretamente la porta spalancada

[mula alabardata]

mi go la seradura.. me de la ciave neanche l'ombra!

quindi... la laso sempre verta!

[iaga]

Dipendi..

bagno su generalmente aperta, chiusa ogni tanto per farme la doccia... a volte anche porta spalancada (anche se i miei xè nel pian de sotto )

bagno zo sempre la porta chiusa e spesso a ciave.. a casa mia xè facile pensar che uno (mamma o papà ) se ga dimenticà la luce verta in bagno.. quindi i pensa che sia libero.. e quindi i entra

[marella :-))]

A casa mia si vede se c'è qlcheduno in bagno , quindi c'è la chiave ma non se usa mai.Quando son sola neanche la chiudo

[arska]

la xe ma lasso verto, dei! E de chi dovessi gaver paura?? Che tanto nei X-files no xe che i entrava proprio da porte e finestre

[babatriestina]

co iero picia, se serava con un cadenaz. Iera el mio rifugio co fazevo qualcossa che no dovevo e mama se alzava per darmele. De solito arivavo a rifugiarme e a tirara el cadenaz propio el momento che la girava la maniglia.. per anni go avudo el incubo che arivavo, ma no arivavo in tempo a serarme.. eeh, mama iera bona e me voleva ben, ma la gaveva una idea ben ciara de come dovevo comportarme...

[assist]

la ciave xe e me sero quando no son solo a casa

quando son solo laso diretamente la porta spalancada

Concordo assolutamente, mi fazo uguale

[Stefano79]

Mi al posto della ciave go una levetta tipo cesso pubblico Sero sempre, anche quando son solo a casa. Xe un istinto naturale trovar un rifugio co se fa i bisogni

[merlodegraia]

anche per mi de picia el bagno iera un rifugio privatissimo.... poi cambiando casa no gavevimo la serratura nel novo bagno,ma visto che iera el vetro sulla porta,se vedeva co iera qualchedun dentro.....adesso che stago sola,go due gatti e la cassettina xe in bagno,quindi la porta xe sempre verta,co la xe serada vol dir che xe qualchedun dentro e quindi niente chiave!!!!

[giuli]

La chiave c'è ma non ho motivo di usarla...

[Beck's]

Mi non la go, ma me va ben così. Xè più bel andar in bagno col ris'cio!

[dolby]

mi no sero mai... e cosa stramba anche nei cessi pubblici go la tendenza a non serarme.

[tifone]

Mi go la ciave e me sero sempre,almeno la voio esser tranquillo ah

[Ghost]

C'è la chiave e mi chiudo.

Siamo in troppi a casa nelle ore di punta rischio un irruzione ogni 30 secondi.

Certe cose le voglio fare in traquillità.

Sopratutto ora che c'è la moglie di mio fratello per casa, o mia nipote che se può apre la porta e viene a chidermi di giocare quando sono occupato in ben altre mansioni.

Una volta anche il cane apriva la porta. Un giorno avevamo ospiti Olandesi ed ha aperto la porta alla giovane oladesina così incauta da lasciare la porta non chiusa.

Quel giorno se meritato doppia razione di biscotti

Scherzi a parte almeno per quando ci sono gli ospiti la chiave dovrebbe esserci, poi chi è in bagno decide se chiudere o lasciare aperto.

[gigits]

la porta si chiude...