Pena de morte

[cenerentola82]

Forsii no xe el momento più oportuno per sto sondagio, perchè sul'onda emotiva de quanto successo nei ultimi giorni le valutazioni podessi no esser molto lucide e razionali, però ... lo fazo comunque.

[Rolf]

completamente favorevole, ovviamente per casi ben specifici tipo pedofilia o casi come questo di Tommy.

Son sempre stado favorevole in casi come questo, tanto che circa 25 anni fa me son giogado un importante posto de lavoro in una grossa compagnia (Generali) perche' go trovado un mona de psicologo che iera contrario alla pena de morte e non se gavemo proprio sintonizzado.

[tuxav]

Mi son contrario. Ghe volesi che le leggi vegni aplicade coretamente e che un no vegni fora dopo poco....

[cucciolina]

Me riservo de votar perchè ghe stago pensando. Stago fazendo sto tipo de ragionamento...

La pena de morte dovessi esser dada in casi gravissimi (pedofilia, omicidi, stupri, ecc). Quel che me blocca a votar per el "completamente favorevole" xe che la morte in sti casi xe una via d'uscita troppo facile. Uno devi pagar le sue colpe in modo adeguato. Forse più che la morte, volessi che i colpevoli de tali delitti soffrissi al pari delle loro vittime.

Quindi proporria un sistema carcerario durissimo a pan e acqua e ghe faria far lavori socialmente utili (tipo riparar le strade a gratis con tanto de bala al pie per 12 ore al giorno). Altro che tv, altro che "visite coniugali", altro che biblioteche, cinemi e così via.

Te ga commesso qualcosa de grave? Bene, te paghi per 50 anni in modo adeguato e senza sconti!

[Stefano79]

Go votado 2. Disemo che no xè una scelta da far a cuor leggero...e se esistesi un ergastolo che sia ergastolo, no ghe sarìa bisogno de altro. Ma per certi casi limite come quel de Tommy son d'accordo.

Quel che me dispiasi xè che la maggior parte della gente che la pensa come mi, dopo ga paura a confessarlo a livello pubblico per non esser bollada come violenta ed estremista. Se per esempio uno vien intervistado e ghe vien posta sta domanda, xè pochi che ga el coraggio de dir SI.

[Maurizio72Ts]

Completamente concorde con quanto scritto sopra da Cucciolina.

[iguanadan]

Mi son contrario. Ghe volesi che le leggi vegni aplicade coretamente e che un no vegni fora dopo poco....

come non quotare...

[cenerentola82]

Son sempre stada contraria, anche se legendo el giornal ieri no credo che me fossi messa a pianzer nel caso i li gavessi impicadi per la b..e.

El problema xe che quando se riva a sentir la necessità de strumenti come la pena de morte per far giustizia, vol dir che nel sistema de aministrar la giustizia ghe xe qualcossa che no funziona.

In america i ga la pena de morte epur no me par che la criminalità sia inferiore a quela de paesi dove sta pena no vien aplicada.

Dopo bisogna capir se se vol la pena de morte per "vendicarse" o per gaver un deterente contro reati analoghi. Nel secondo caso no funziona, perchè xe la certezza dela pena che fa da deterente, no la sua durezza.

[romanowar]

Sono da sempre favorevole alla pena di morte a condizione che venga messa in atto esclusivamente a seguito di una lista chiusa di eventi (tra cui pedofilia, violenza carnale, terrorismo) che determinino la morte di terzi incolpevoli.

Sarebbe interessante rifare il sondaggio tra un anno per valutare l'incidenza del terribile evento di Parma.

[trert]

favorevole in alcuni casi (come quei citadi da tutti..)

e aumentar le pene per i delitti e per violenze..

[J3n4]

contraria

forse sbaglierò ma credo che no semo noi quei giusti a decider chi pol viver o meno, se sà che nella storia molto spesso ghe xè stado chi ga approfittado del potere nelle sue mani, immaginemose questo....

ma rimetteria i lavori forzati o similare

te ga mazà un picio?te ga violentà na muleta?

bene!!

e adesso te patisi per tutta la tua vita, 24h al giorno a spalar M****, el sollievo de morir e no patir mi no ghe lo dago

[manu68]

contraria...

sempre stada contraria,anche adeso che saria facile eser a favor dopo quel che i ghe ga fato al picinin (e la tentazion la xe forte..de dir copeli!)

xe inutile come deterente e piu' che punizione me sa de vendetta e uno stato no devi farlo

ghe volessi un VERO ergastolo,dela serie se buta via la ciave e adio,te mori in cella purtroppo qua ergastolo vol dir che dopo 15 ani te vien fora e prima te ga permesi premio,uscite per nadal e pasqua ecc...

questo xe vergognoso!!!!!

[giuli]

Quoto Manu...

[assist]

Toglier la vita a queste persone no ga senso........secondo mi xe più efficace farlo pentir amaramente de quel che ga fatto in maniera lenta e dolorosa, sia psicologicamente che fisicamente.

Nonostante ciò, conosendome, penso che se gavesi mi avudo un fio e el gavesi fatto quella brutta fine, trovandome di fronte un dei colpevoli, ghe gaveria dado tanti de quei pugni che probabilmente el saria finido mal.

[pinaard]

Mi son estremamente contrario, ma per un semplice discorso: se qualchedun ga fato robe veramente brutali (ciapo esempio el picio Tommaso) ga l'obligo (e no dirito) de viver, e purgar fin all'ultimo. De lasarli marcir in canon con un toco de pan e un fià de acqua.

[saretta]

Mi son favorevole soprattutto nei casi de stupro, omicidio e de pedofilia! Cmq ecco solo per reati gravissimi!

pert el resto vaben el carcere a vita, e magari far come in arabia.. te rubi? te atio la man!

E scuseme mi son drastica, ma son contro la criminalità e la vioenza soprattutto ai innocenti!

[Rolf]

Mi son favorevole soprattutto nei casi de stupro, omicidio e de pedofilia! Cmq ecco solo per reati gravissimi!

pert el resto vaben el carcere a vita, e magari far come in arabia.. te rubi? te atio la man!

E scuseme mi son drastica, ma son contro la criminalità e la vioenza soprattutto ai innocenti!

Quoto in strapieno. De piu'.

Quando ghe iera le leggi de Maria Teresa e i te taiava la man ai ladri te andavi via de casa, anche per 15 giorni e te lasavi la ciave sul ciodo. E no entrava nisun. Perche'?

[tuxav]

secondo mi la civilta de un popolo dovesi far si che ste robe no sucedi senza rivar a sti sistemi estremi, altrimenti vol dir che semo ala fine e no gavemo altre risorse e quindi inveze che andar avanti semo tornai tanto indrio....

[cenerentola82]

Quando ghe iera le leggi de Maria Teresa e i te taiava la man ai ladri te andavi via de casa, anche per 15 giorni e te lasavi la ciave sul ciodo. E no entrava nisun. Perche'? 

Altra cultura e altra mentalità. Iera rispeto per el prossimo e per le regole.

Se una roba i te diseva che no se podeva... no se podeva e basta.

Iera un'altra concezion dela vita, de quel che iera giusto e de quel che iera sbaglià... e comunque no go mai sentì de man taiade.

Basta pensar nel 1902 a Antonio Freno che ga copà la guardia in Via Crosada, i lo ga ciapà in giornada e xe morto in canon.

[babatriestina]

contraria, e po conossè l'Italia, se la ghe fussi, col garantismo che ghe xe, prima de aplicarla... saria ancora pezo fra appelli e controappelli.

Qua no se tratta de vendicarse, che no xe un discorso civil, xe de

1 meter al sicuro gente che xe pericolosa

2 far veder a eventuali altri che zerte robe no se fa perchè se va a finir mal

e

3 perchè no, ? darghe el tempo e l'ocasion de pentirse de quel che i ga fato ( ma no per questo molarli fora, al massimo, de spalar m*** in preson se li podessi promover a potar le rose in preson )

[MONTAG]

Contrario. esistono due generi di paesi che adottano la pena di morte.

Le dittature di qualsiasi colore che la usano per scopi contrari alla giustzia e gli U.S.A. dove i dati relativi alle condanne sono allarmanti.

Molti appartengono a pochi gruppi etnici, hanno un livello scolastico medio basso e non si sono potuti permettere un legale capace.

In pratica se sei ricco e bianco ti becchi la galera 8e forse nemmeno quella), se sei di colore e non hai studiato ti conviene organizzarti il funerale.

Questo succede in un paese libero dove le notizie e certe statistiche bene o male riescono a girare, immaginatevi in Iran, Cina o Vietnam. Sono questi ultimi i modelli da seguire? Non è sufficente l'esperienza negativa di un paese giuridicamente più evoluto del nostro come gli Stati Uniti?

[saretta]

Cmq saria de riveder tutte le leggi della giustizia italiana.

1)Non ga de esister permessi premio! Dopo va a finr come con Izzo, incarcerado per strage i lo ga messo in permesso premio e ga fatto un'altra strage! Ste robe non ga de esister! Te son dentro e dentro te resti, te vol ciapar aria te apri la finestra!

2) Non esisti riduzioni della pena, soprattutto per i assassini! I dovessi star dentro 20 anni e dopo chissà per qual motivo dopo 5 i xè za fora o ai domiciliari!

3) te son un stuprator o pedofilo,i ciapa pochi anni de galera, troppo pochi seconod mi per el reato commesso, in certi paesi esisti la castrazion chimica! mi ghe faria anche quella fisica cmq...

[Stefano79]

Ma mi me chiedo una roba.....una delle poche armi veramente democratiche che gavemo xè el referendum. Xè tanto difficile chiederghe ai cittadini se per lori xè giusto che un assassin o pedofilo o spacciator, possi goder de qualsiasi sconto sulla pena? No so, probabilmente ghe sarà qualche ostacolo legale che me sfuggi.....xè qualchedun che studia legge che pol illuminarme? Grazie.

[Maurice]

Contrarissimo... nissun pol (apparte quel che abita al pian de sora ) decider chi pol o no pol viver....

L'Ergastolo vero xe veramente giusto,ma la pena de morte xe inquietante e veramente terribile....no la merita nissun

[Starlite]

Assolutamente contrario.

Un poco per tuti i motivi esposti da chi che ga dito che xe contrario.

1. Chi sbaglia devi pagar, la morte no xe un pagamento, xe una liberazion.

2. Se intendemo el carcere anche come istituo de correzion allora dovessimo comunque pensar che un podessi "redimerse" (ovviamente in certi casi cio' xe "assai difficile")

3. Non confondemo giustizia e vendetta.

4. Tanti disi che certi popoli xe barbari e dopo se vol adottar i loro stessi mezzi?

5. Tanto, mai come in questo periodo, se rompi le togne con le nostre radici cristiane e dopo volemo mazar per "giustizia"?

6. Savemo ben che no servi a niente, come ga za fato notar altri.

Quindi ghe vol pene severe per chi commetti crimini orrendi, ma severe sul serio.

E applicarle. E controlladi 24h che no ghe posi nianche pasar per la testa de suicidarse... facile...