Jump to content

Via Fabio Severo


Recommended Posts

Mi fazo ogni giorno almeno due volte la via Fabio Severo con la 17.

E ogni mattina penso che se fossi l'autista gavessi i nervi a fior de pelle e mandassi a quel paese tutti quei cocoloni che lasa l'auto in doppia o che sta dentro spetar no so chi in doppia e che intriga che no riva passa due bus o el bus e i auti in senso opposto...

Allora mi me chiedo: DOVE CAVOLO XE I VIGILI? :incazzado::incazzado:

Xe un'arteria importante del traffico cittadino. E no vedo mai i vigili che fazi multe, o che semplicemente gira per de la. No posso dir che no li vedo proprio mai... ma dovessi vederli sempre, ogni volta che passo...

No so... xe tanto dificile gaver due vigili in servizio lungo l'arco della giornata che va su e zo in continuo?

E no solo per dirghe alla gente che se sposti, ma per far multe, senza sentir "ma", no xe possibile che sia costantemente casin in quella via.

Mi me fa :incazzado::incazzado: ste robe.

No ghe credo che no xe possibile gaver due vigili che vadi su e zo in quela via.

Link to comment
Share on other sites

Se vedi che no i ga voia de metterse a far barufa coi autisti sentadi in auto :D Molto più facile multar i motorini in mezzo alla strada in via S.Caterina che no i intriga minimamente (auti no pol entrar).

:angry::angry: Come non quotar...una volta go ciapà la multa xchè el cavaletto laterale delle moto tocava la riga gialla dei taxi (giuro che xè vero)....

Però in 14 anni che abito in pien centro go visto camio, carri, autobus parcheggiadi che no rivavo gnanche vignir fora del porton de casa, mamme che co la carrozzela fazeva gimkane tra i tubi de scappamento ma i vigili....desaparecidos :incazzado::incazzado:

Una volta ghè go chiesto: la scusi xche no la multa queste macchine?? risposta: adesso sono comandatro per un altro servizio...

Link to comment
Share on other sites

mi stago la e go presente el casoto che xe :( el casoto comincia za ale 7 de matina quando riva i camion che rifornisi i vari supermercati, finidi i camion se piazza le auto.

Se uno lasa l'auto in seconda e speta dentro, riva el vigile, lo manda via, pasa 10 secondi e riva un'altro al steso posto.... xe praticamente imposibile risovler el problema coi vigili. Steso identico problema xe anche in via Giulia e chisa quanti altri posti.

E po se i vigili gavesi piu educazion e fosi meno arroganti la gente li rispeteria de piu...

L'unica soluzion saria crear tanti tanti postegi, inutile ciaparsela coi automobilisti se no xe postegi ! Mi anche meto l'auto regolare ma gave prova' voi a tornar de inverno a casa tipo el martedi ale 10 de sera e girar piu de un ora per sperar de trovar un posteggio in divieto ? no digo regolare, digo in divieto su una fermata de un autobus da spostar la matina dopo prima che rivi i urbani!!! Xe praticamente imposibile... infati mii adeso la sera, se no trovo postegio la meto in foro Ulpiano ... 30 euro al mese de postegio notturno e via ...

Link to comment
Share on other sites

no xe vero che o xe vigili, nei ultimi mesi i gira anche tropo de quele parti (in certi posti in divieto no me fido piu de meterla proprio x questo) ...

un problema in via f.severo xe i supermercati , lavaggi auto, gommisti, oficine.. tuti posti che oviamente un devi andar con l'auto e no ga regolarmente dove meterla quindi no rsta che piazarla in seconda e cucar fora se riva l'urban... mi fazo cusi, sara' sbaglia ma spiegheme voi un rimedio..

o i regolamenta le licenze prevedendo che se verzo una oficina devo gaver un ampio postegio (e questo penso sia tropo dificile da realizar con le leggi) o se te me lasi verzer una oficina te devi anche lasarme lavorar e no multarme tuti i clienti... no xe question de 'ali protetici' ma de toleranza verso chi ga quele ativita' x no farle chiuder .. visto che de posti de lavor no xe proprio che vanzi...

Link to comment
Share on other sites

Comunque xe vero, anche mi co andavo all'università con la 17, no sopportavo de dover andar a passo d'uomo per colpa dei auti in seconda fila.

Sarìa bel procurarse un vecio carro armato della guerra fredda (penso che in Russia i te lo vendi per un bianco e un nero, senza armi ovviamente) e farse qualche giretto su e zo per città senza schivar i auti in doppia fila :grin::grin::grin:

Va ben, torno a lavorar :p

Link to comment
Share on other sites

Se uno lasa l'auto in seconda e speta dentro, riva el vigile, lo manda via, pasa 10 secondi e riva un'altro al steso posto.... xe praticamente imposibile risovler el problema coi vigili. Steso identico problema xe anche in via Giulia e chisa quanti altri posti....

...L'unica soluzion saria crear tanti tanti postegi, inutile ciaparsela coi automobilisti se no xe postegi !

Me dispiasi Av ma sto giro no son per niente d'accordo con ti.

1) Se dopo 10 secondi riva un altro.. dopo gaverghe da la multa al primo, ghe la dago anche al secondo.. e se riva un terzo.. ghe la dago anche al terzo. E vado avanti finchè nisun se meti dove che no devi meterse. Esisti una legge.. va rispettada. O te cambi la legge (i segnai stradai e le striche in terra) o te la fa rispettar.

2)Crear tanti posteggi? Me par che i posteggi a pagamento non sia tutti occupadi.. Quindi non vedo perchè crearne altri finchè non xè tutti pieni quei a pagamento. Se no te ga i soldi per pagar el posteggio, allora no te usi l'auto. Se te vol usar l'auto allora xè giusto che te paghi el posteggio o la multa.. come che xè più comodo.

Star in città ga i pro e i contro.. mi cosa go de dir? che go una piazza che xè sempre svoda, tranne nei orari de petes là dei partigiani.. co i vien a bever no go neanche el passaggio per entrar in giardin con l'auto.

:bye:

Link to comment
Share on other sites

Se dopo 10 secondi riva un altro.. dopo gaverghe da la multa al primo, ghe la dago anche al secondo

el problema xe che no el te da la multa se ti te son in auto.. el te manda via, se libera el posto, lui se sposta 50m piu su e riva un'altra auto...

Postegi no xe... la zona alta de via F.severo no ga un posto auto a pagamento nianca a pagarlo oro, el piu vizin xe quel vizin radio Kalika o foro Ulpiano. l'univerista se beca tuti i postegi... xe supermercati, negozi, ufici, lava auto, gomisti e oficine ...

mi se trovo a pagamento son el primo a meterlo, ma no poso sceglier un negozio in base ai postegi che ga ... l'esempio piu clasico xe l'autolavaggio che ga ogni sabato e venerdi dopopranzo la fila de auti in seconda fila che speta de entrar, magari con motori acesi x star freschi, e le coriere che no pasa... alora cosa femo? mi se go de lavar l'auto me meto in seconda fila...

xe facile dir che i urbani devi dar multe, ma no xe cusi che se risolvi i problemi. Capiso anche i problemi dei autisti dele coriere che sara iper snervadi ma anche lori co i guida spesso i xe tropo prepotenti.... i pasa col rosso in via mazzini, i vien fora dale fermate con prepotenza magari senza frecia, i guida i autobus che se no te se tien te svoli per tera, i acelera e i frena che se te ga pena magna te ghe vomiti ala signora davanti ...

quindi meteria sul steso livel autisti, automobilisti e urbani con 33% de responsabilita del casin a ciascuno :D

Link to comment
Share on other sites

per quanto me riguarda i automobilisti devi rispetar le regole

i urbani devi farle rispettar e applicar le sanzioni senza ma

rispettar le regole vol dir rispettar tutti

le regole no xe fatti per farghe torto a nisun

se xe divieto de sosta

o de sostar in doppia el motivo xe evidente: intriga

e se no passa due bus un in su e un in zo

ghe rimetti tutti de nervi e tempo

Link to comment
Share on other sites

Xe de cambiar mentalità poco de far. Solo l'idea de restar imbottiglià nel traffico me fa venir la nausea e quindi rinuncerìa a cior l'auto, anche se la gavesi...Se go de andar de kalika vado a piedi, con l'autobus o al massimo col scooter (l'unico mezzo adatto alla città).

Comunque xe vero che anche gli autisti guida con prepotenza e che i vigili dove servi no i xe mai.

Link to comment
Share on other sites

Xe de cambiar mentalità poco de far. Solo l'idea de restar imbottiglià nel traffico me fa venir la nausea e quindi rinuncerìa a cior l'auto, anche se la gavesi...Se go de andar de kalika vado a piedi, con l'autobus o al massimo col scooter (l'unico mezzo adatto alla città).

Comunque xe vero che anche gli autisti guida con prepotenza e che i vigili dove servi no i xe mai.

Si ma te lo pol far se te abiti za in cità, in centro, ma altrimenti o i tempi diventa biblici o semplicemente te ga de mover l'auto..!

Mi go sempre pensà che a Trieste i mezi xe sai comodi se te abiti in centro.. per far un esempio, se mi stago in una zona de periferia e go de andar in una altra zona de periferia, poso gaver de cior anca 3/4 bus.. da e per el centro no xe problemi. Forsi saria el caso de riorganizar ste robe, i tram (OT, OT! :) ) iutasi sicuro, se no altro come velocità.

Link to comment
Share on other sites

x mi i autisti de bus se bravissimi,bellissimi,calmissimi e gentilissimi......basta che non i ghe rompe' le bale

p.s. se ga capi che mi son un de lori....pero' son brutto,sporco e cattivo

:testadamuro:

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • Recently Browsing   0 members

    No registered users viewing this page.

×
×
  • Create New...
×
Il Forum di Elsitodesandro
Home
Activities
Sign In

Sign In



Search
More
×