console ds

[cassoggi.npc]

verzo stà discussion, anca se xe tardi, per farme un'idea de cossa xe sta roba (che ga quasi tuti i fioi) e che mia fia me chiedi con insistenza.

premetto che mi non son un bon esempio (visto che passo ore sul computer, anca zogando), però non saveria come dirghe..... ancora de no!

gò una paura mata che la se tachi a sta roba, tralassando altre robe più importanti.. però.. nel stesso tempo non voio sminuirla di fronte ai altri muleti.

son incasinà, nò sò cossa far :help!:

secondo voi, cossa nè pensè?

[arska]

xe un gran bel "zogatolo".

Una console portatile con una marea de zoghi e aplicazioni, certe veramente super.

La go comprada e venduda, perchè finivo col usarla poco.. però la ga dei lati positivi.

Principalmente, el fato steso de eser portatile tendi a farla usar nei ritagli de tempo, quindi rendendo, almeno per mi, dificile spenderghe sai tempo de fila.

Sostanzialmente due consigli, se te decidi de ciorla:

- tien de ocio che zogheti che ghe vien zogadi no so l'età, ma no tuti xe per fioi. L'età consigliada sula scatola de solito xe bastanza veritiera.

- se ghe pol sempre regalar zoghi "inteletuali", come ad esempio quei per impararse l'inglese o la matematica. I funziona ben e i xe piutosto divertenti (xe cocolo in quel caso far gare tra familiari a chi fa meio!)

Ghe zonto che xe normale voler gaver altri interessi rispeto ale altre robe "importanti". Xe fondamental per mi zogarghe nei ritagli de tempo, inveze che spenderghe le giornade, quel sì. Però disemo che se sucedi xe sai evidente (oltre che dificile con un ds, eh), e facile porghe rimedio, presumo.

Del resto, fazi lei

[cassoggi.npc]

xe un gran bel "zogatolo".

Del resto, fazi lei

grazie de lei,.... si veramente ghe xe dei gioghi (de quel che gò savù) anche educativi, dopo chiaramente xe de star tenti a no piantarse sora de ela, tuto el tempo che te gà libero.

si xe un bel zogatolo, visto cossa el costa, cmq grassie dela tua opinion!

[dido76]

mia nipote la ga anche el ds...bela invenzion si...i gioghi inteligenti xè sai roba...quei che te fa el "calcolo del'età" te ghe passi ore e ore e ore de sora e xè interessanti...zogheti nel detaglio no so dirte come che i xè xkè no li go visti sai cmq no xè mal.

poi però dipendi da cosa che "la vol" ela...x poco de + ghe xè la psp che no xè neanche mal ma no ga el pennin e no ga el sensor per sufiar ma ga dala sua una grafica migliore.

mi,te dirò, deso come deso se gavesi de cior o regalar spetasi un atimo e puntasi sula wii ma dopo xè chiaro che no te ga una cosa da meter in tasca e zogarghe ovunque con le amiche

insoma: bona scelta

[molly]

quanti anni ga la picia?

come disi ialtri esisti anche i zoghi educativi.

l'importante xe che non te la lasi sola troppo tempo

[cassoggi.npc]

quanti anni ga la picia?

come disi ialtri esisti anche i zoghi educativi.

l'importante xe che non te la lasi sola troppo tempo

la và per dieci, e no la xe mai sola; la fa pallavolo, musica....ghe piasi la montagna, la va benissimo a scola. la xe bravissima a zogar con sua sorella de otto. sarà un caso, ma la xe supermanuale, cioè la gà una manualità impressionante. la sà costruir qualsiasi roba con robe che te gà in casa; che piasi el lego.

apunto per questo no volessi che regredissi qualcossa.

forsi sarò mi, tropo preocupado o tropo ma .... grasie cmq dei consigli a tutti

[zalzi]

quanti anni la ga?

la mia la ga 8, ma no la me ga ancora domandà.

ga un suo amico e anche a ela ghe piasi giogar.

cmq la mama de sto amicheto la ghe ga messo regole preciso sull'uso: se gioga un tot al giorno (tipo meza ora) e no de più. funziona.

peraltro, ala mia ghe piasi giogarse sul computer (nianche noi semo un bon esempio ): ghe gavemo meso el google per i fioi e la se gioga sai volentieri sul sito dela BBC (http://www.bbc.co.uk/cbeebies/), imparando anche qualcosa.

un'altra idea xe farghe meter via i soldini (del topolino dei denti, invece del regalin per el compleano) e dopo la se pol cior quel che la vol, quando che la meti via abastanza.

[cassoggi.npc]

quanti anni la ga?

la mia la ga 8, ma no la me ga ancora domandà.

ga un suo amico e anche a ela ghe piasi giogar.

un'altra idea xe farghe meter via i soldini (del topolino dei denti, invece del regalin per el compleano) e dopo la se pol cior quel che la vol, quando che la meti via abastanza.

fin che ghe piasi giogar con quela de i altri, penso no sia nesun problema, però prima o dopo la tè domandarà de comprerghela o forsi no; in sto ultimo caso saria de far un ragionamento molto più profondo de significato...

su quela, de farghe meter via i suoi soldini per comprarse i vari zogheti, son molto perplesso......

mia mama, cò iero picio... quando ghe domandavo de comprarme qualche giogheto la me diseva: " cò te sarà grando, te se ciolerà quel che te vol!"

dopo subentrava i nonni, che per amor e senza pensarghe do volte, TRAK ... e te se trovi col zogatolo novo con tute le barufe che ne consegui.

mi nò volessi riproporme in ste robe, ghè go zà parlà con ela fazendola ragionar.... zà da due ani o più a ogi.... ma desso......????????

[SandroWeb]

Sposto in sez. Informatica e Tecnologia

[cassoggi.npc]

Sposto in sez. Informatica e Tecnologia

grazie

[Renè]

la và per dieci, e no la xe mai sola; la fa pallavolo, musica....ghe piasi la montagna, la va benissimo a scola. la xe bravissima a zogar con sua sorella de otto. sarà un caso, ma la xe supermanuale, cioè la gà una manualità impressionante. la sà costruir qualsiasi roba con robe che te gà in casa; che piasi el lego.

apunto per questo no volessi che regredissi qualcossa.

forsi sarò mi, tropo preocupado o tropo ma .... grasie cmq dei consigli a tutti

Intanto te fazo i miei migliori auguri per tua fia cussì giovine e brava a scola e piena de interesi come apunto lo sport che fa ben al corpo e mente, la musica (e qui son de parte) che xè un ecezional modo de esprimerse e de esprimer.

Xè bel anca che ghe piasi el Lego: iera el mio zogo preferido e lo consiglio a chiunque ga fioi pici perché el bel del Lego xè proprio quel che con esso te pol crear sempre robe nove, disfar e ricrear altre..indubiamente ciò svilupa la creatività, l'inteligenza e la fantasia del bambin in tempo de cressita.

Per quel che riguarda i zoghi informatici..sì, son d'acordo come che disi i altri..solo badar ben de tignirla al massimo un'oreta o due alla stragrande. Perché ala sua età xè meo che ciapi sol e aria verta come diseva mio nono, incontrandose con altre coetanee e zogando asieme (ai giardineti tipo..). El zogo eletronico el devi eser per un fioluz un picio pasatempo piasevole, non de più. Rimango interdito quando vedo purtopo sempre più speso, che i muleti de ogi certi genitori i li lassa tacai al pc giorno e note finché i se instupidissi, i perdi contato con la realtà e in zerti casi i diventa epiletici. Pol sembrar esagerado ma xè cussì. Parlando del Lego, me ricordo giusto un'intervista al diretor principal del'azienda Lego, intervista leta poco tempo fa no ricordo dove. El mato diseva che da una parte i xè contenti de festegiar i cinquanta anni del Lego, da l'altra el diseva che i xè de tempo in rosso, perché ai bambini de ogi no ghe piasi più i zoghi semplici, i vol i zogheti eletronici e el pc..e basta!!

No ghe entra più de tanto..ma vista l'età, posso permeterme de consigliarte questo sito indove ghe colabora anca un mio carisimo amico che se ciama Gabriele Favrin e cura tuto l'aparado informatico dela parochia de Carpenedo, un quartier de Mestre (VE). El xè el suo mestier l'informatica (e tra l'altro grazie a lui go evità no so quante volte de butar in scovazze el mio pc causa virus ecc..el xè un autentico mago del pc..molto più bravo del tanto decantado Salvatore Aranzulla senz'ofesa per quest'ultimo).

El sito se ciama "La Girandola" e proponi, soto streta oservanza de esperti de l'infanzia (come maestri de scola e vari tutor) vari servizi per fioi tra cui dei bei zogheti semplici e cocoli..no xè ds però pol piaserghe..prova a veder ti. Eco qui el link (se xè considerà spam, Sandrin pol naturalmente rimover):

http://www.lagirandola.it/giochi.asp

Un carisimo saludo, me scuso per la papardela e..Alè Alga!!!!!!!!!!!

[cassoggi.npc]

Grazie Renè, son d'accordissimo con ti.

per quanto el sito, lo conosso zà, me par de gaverlo visità un poco de tempo fa, cò ndavo in zerca de idee, per i fioi dela mia parochia, che quando i finissi la scola de estate i fà un due settimane insieme de matina a divertirse in compagnia ("giugno insieme" - se ciama stà iniziativa de gretta) e dove fazo, nel mio tempo libero un poco de volontariato. per tuto el resto, son proprio nela tua linea de idee, apunto per questo son in conflitto, se ciorghela o no.

preferiria, in disacordo cò mia moglie comprarghe una chitara nova, magari una dodici corde, visto che za da do ani la fà l'aiuto insegnante al corso de chitara qua in parochia.

saludime Alga, ciao carissimo

Edited November 21, 2008 by el_falisca

[zalzi]

fin che ghe piasi giogar con quela de i altri, penso no sia nesun problema, però prima o dopo la tè domandarà de comprerghela

in quel caso stabiliremo insieme e preventivamente come, cosa e quando.

su quela, de farghe meter via i suoi soldini per comprarse i vari zogheti, son molto perplesso......

poso domandar perchè se te ga voia de spiegarme?

varda, la mia la ga de tuto e de più e ala fin fine non la se gioga con niente. ghe xe sta domandà cos che la voleva per el compleano e no la ga savudo dir. alora ghe go dito ai noni de darghe piutosto soldi. deso la li sta metendo via per comprarse una poltrona fracchia certo che dopo se decidi insieme cos che la po cior e cosa no.

te assicuro che quando che paghemo noi, no ghe interesa quanto costa la roba, ma quando che la se paga qualcosina da sola, la guarda el prezo e come! mi gavevo una pagheta irrisoria za alle elementari e me xe sta utile per capir el valor dei soldi.

[cassoggi.npc]

te spiego.... : forsi perchè me rivedo nele mie vecie situazioni, cò iero picio e girava pochi dindini a casa mia.

cmq gò visto che xe parallela alla mia la storia, de farghe meter de parte soldini per comprarse quel che le desidera, principalmente per farghe imparar el valor dei desideri che le gà e fondamentalmente se merita o meno. xe una question educativa, e come le robe che se ghè insegna, la famiglia xe portada a valutar con molta attenzion tutto. forsi me son espresso mal, prima, e son stado stracapì , ma resto del'idea che darghe poco xe oppressivo e darghe tanto xe viziar.

una via de mezo, xe giusta.... ma xe de definir singolarmente quala la xe, sta media.

resta dificile per mi, su ste richieste, dir subito di si o de no (penso sia un fattor quasi comune -esisti eccezioni chiaramente), e questa volta gò sai difficoltà a deciderme anca per paura de cascar in un grosso sbaglio.

[Renè]

Grazie Renè, son d'accordissimo con ti.

.

preferiria, in disacordo cò mia moglie comprarghe una chitara nova, magari una dodici corde, visto che za da do ani la fà l'aiuto insegnante al corso de chitara qua in parochia.

Alora ciol la chitara, fidite..el zogheto eletronico dura quel che dura e tra un per de anni, la buterà in canton el zogheto.

La chitara no, la chitara dura per la vita. Se la se impara a sonar gaverà sempre una belisima compagnia che la sia sola in casa col temporal nel tempo libero o che la sia in compagnia, in gita, in osmiza..indove che te vol. La chitara e la musica in general xè sempre una bela compagnia e con essa te se fa un saco de amici. Ovio che son de parte come za dito, amando la musica..però in sto caso credo che sia veramente cussì. Chitara e Alè Alga!!! Vai sul sicuro (el mio avatar dimostra de come la chitara la sia importante nela vita ) senza ripensamenti!!!

Un caro saludon

Edited November 21, 2008 by Renè

[danielita]

Mmm... No so, mi 'sti zogheti no me ispira sai... sopratuto per i fioi tropo pici. Sarà che go ancora in amente la fia de mia cugina (sie anni) che durante la sua festa de compleanno te la individuavi fra i altri fioi solo perchè la gaveva 'sta aura celeste del nintendo che ghe iluminava la faccia... Ciò, per tuta la sera no la ga alzà i oci via de la!

Penso che comunque l'importante per no farli tacàr tropo su 'ste machinete xè de darghe una alternativa. Che scopo ga zigarghe "cossa te sta cussì tanto tempo davanti al nintendo??!", se dopo la creatura no ga altro cossa far?! Cossa, te vol che staghi la a giràr i polici? Zoghite con el/la fio/a a qualcossa de interessante e te vederà che no bazilerà tanto per el nintendo.

Però stago fazzèndo un discorso dedicado ai fioi più pici (sotto i dieci anni). Tua fia la xè zà più grandetta e dirìa anca pitosto inteligente per la sua età. In più la ga anca sai interessi, che no guasta mai, cioè la ga le alternative de cui parlavo prima. Quindi, vai col lissio, ciolghe el zoghèto (sempre tegnindola de ocio, ovio)!