Pay TV

[Stefano79]

Son proprio curioso de veder quanti "Skyer" ghe xe in giro

Personalmente questo xè l'unico periodo che rimpiango de non aver Sky, con tutte le belle partide che me stago perdendo. Per el resto penso che no farò mai un abbonamento del genere. Passo pochissimo tempo alla tv e go za un abbonamento adsl che basta e vanza per esser informado su qualsiasi roba.

E poi xe anche un altro aspetto: tutti se lamenta che per colpa delle pay tv le partide no vien più trasmesse dalla Rai, o che le partide de campionato se zoga al sabato ecc ecc. Però se dopo semo i primi a comprar un abbonamento.....a bon intenditor...

Vedemo

[cenerentola82]

No e no me interessa.

[Matt]

no go ma ghe farò forsi un pensierin...

anche se in fin dei conti no me interessa piu de tanto...saria stado bel per i mondiali...el campionato no me interessa gannca piu vardarlo, i film...me li ciogo a noleggio... trasmission banali, ghe ne xe za troppe per la tv normal...

me dispiasi, perche qualche canal interessante ghe xe (cossa gave capido?...ciò..intendevo quei de scienza...documentari ecc..go visto un par de volte e xe interessanti)

[mula alabardata]

no lo go... e in sto momento me brusa un sacco!!

disemo che lo faria solo x veder le partide (anche se no i mostra più quelle de B) xkè film o altre robe no me interessasi più de tanto...

solo che in proporzion a quanto guardasi, costa caretto e no val la pena!

[tifone]

No e no me interessa,go el digitale e za la me da per le bale pagar per veder qualcossa con la tessera de mediaset premium

[assist]

No, ma ghe stago fazendo un pensierin

Mi me piaseria averla solo per veder campionato de serie A1 de basket, eurolega ed NBA.

Ma siccome xe probabile che no riveria a veder con assiduità ( la vita no pol eser solo davanti alla tv ), el mio pensierin resta tale.

[trert]

no lo go e non me interessa.. tanto tv no vardo.. più che altro per una volta all'anno gli Xgames.. ma no val la pena!

[tinuviel]

la go da un anno (dopo tanto pensarghe su) e son sai soddisfatta! No son una teledipendente, ma con sky te ga quel che te vol e con tante repliche, cussì, se te se operdi qualcosa, te rivi vederla lo stesso!

Poi, mi me piasi sai telefilm, con sky te ga le anteprime e, essendo poca pubblicità, te rivi concentra el tempo che te dedichi alla tv. te rivi veder veci film che se no fossi impossibile rintracciar, documentari sai fighi e altri programmi de attualità che la tv tradizionale se sogna. In più xè el sport, che no manca mai! Unica pecca, più de 40 euro al mese...

Ma mi lo go ciolto anche perchè su 6 tv "importanti" 3 quasi no le vedevo (rai3, canale 5 e retequattro) e go visto che el digitale terrestre xè stada una fregadura...

[Maurice]

Sky...e son soddisfatto...

No penso che ne adesso,nè mai in famiglia mia se pagherà Mediaset premium,anche se xe robe interessanti....niente de politico col proprietario de Mediaset,sia chiaro

[assist]

Sky...e son soddisfatto...

Quanto xe el canone?Giusto per curiosità.

[arska]

No e no me interessa.

idem.. satelite gratis, che xe za sai de veder

[tinuviel]

el canone dipendi dale opzioni, mi me par che pago 42 per cinema+sport.

poi cambia se te vol vederlo in più de una tv, se te vol aver i novi ricevitori con hard disk ecc...

[babatriestina]

Ve conto la mia esperienza con SKY: iero abonada per tanti anni a tele+ e classica,c he me piaseva musica e baletti, co ariva SKY i me offri el contratto, per i veci abonati iera previsto solo che far per telefono: iera luglio de tre anni fa.. mi no gavevo pazienza per i film, ma me interessava i documentari, quindi li ciamo e ghe digo ben che voio l'opzion base ( senza film e senza sport) + classica, fraco el numero giusto e speto... passa do mesi e me ariva a casa un bel contratto: CONGRATULAZIONI! lei ha un contratti per base+classica+sport+cinema, il tutto 66 euro al mese!

Mi resto de m***, scrivo subito una raccomandata con ricevuta de ritorno che no xe quel che go domandado, che no i ga capido bene e che voio el contratto base+clasica. Nissuna risposta, telefono e la risposta telefonica xe: No xe vero, questo xe quel che la ga domandado lei, e la doveva protestar subito che ormai xe passadi due mesi dela telefonada e ormai per un anno paga e tasi ( che po la mia antenna satellitare condominaile no ciapava gnanca tuti i canai). Protesto, discuto con un avocato, passa un anno, provo a disdir el contratto... almeno per l'ano dpo.. gnente, sti mati me conferma, se rifiuta de cambiar e continua a ciuciarme 66 euro al mese . Al terzo ano ghe go mandado un'altra disdetta, me ariva quasi insieme do lettere, una che i aceta la disdetta e l'altra che i aceta la riduzion come che gavevo domandado. Provo a domandar al centro sky vizin e nissun capissi gnente, a un certo punto go visto che no i ciapava più dela carta de credito, che i gaveva disativado la smartcard ( za poco vardavo..) e a questo punto go deciso de mandarli arremengo sul serio, go ciapado la lettera che i diseva che i ga acetado la disetta, ghe go portado de persona goldbox, smartcard e trapole al centrosky che i se la cioghi indrio e no ghe ne voio saver . anche perchè tutte le oferte che i fa, xe sempre per i novi abonati e i veci invece no i ga diritto de profitar ( tipo parabola gratis, etc..)

per mi , come che i disi lori, SKY ti sorprende sempre... ma no in ben e stago benissimo senza de lori. Se voio un film, con quel che costa el canone me li vardo a noleggio a l'ora che voio mi e quanto che voio mi, e no go più tempo de starghe drio a lori ( e per clasica, i trasmetti i stessi baleti de 5 ani a sta parte senza zontar gnente de novo). E l'unico canal che me piasessi, ARTE, no xe in Italia.

Za mi po no son per la television, star là davanti del schermo a vardar quel che i te propina lori, senza poder interferir me innervosissi... e me par che le ultime volte i ghe meteva anca publicità nei film...

[Maurizio72Ts]

No e no me interessa.

quoto e sottoscrivo.

Ghe gavevo fato un pensierin, si, per i mondiali, ma dopo go dito "chi me lo fa far de pagar 50 Euro al mese x 3 mesi, se i mondiali dura solo 1", e cussì go lassado perder. No vardo gnanca le partide per la Rai e me le scolto tute per radio (gr regionale permettendo )

[Stefano79]

Mi resto de m***, scrivo subito una raccomandata con ricevuta de ritorno che no xe quel che go domandado, che no i ga capido bene e che voio el contratto base+clasica. Nissuna risposta, telefono e la risposta telefonica xe: No xe vero, questo xe quel che la ga domandado lei, e la doveva protestar subito che ormai xe passadi due mesi dela telefonada e ormai per un anno paga e tasi ( che po la mia antenna satellitare condominaile no ciapava gnanca tuti i canai). Protesto, discuto con un avocato, passa un anno, provo a disdir el contratto... almeno per l'ano dpo.. gnente, sti mati me conferma, se rifiuta de cambiar e continua a ciuciarme 66 euro al mese

Allucinante...e el tuo avvocato cosa ga dito? No te podevi cambiar carta de credito?

Tutte ste robe fatte per telefono, per conto mio, xe al limite dell'illegalità. No se pol mai saver con chi se sta parlando, xe tutto sulla parola, niente firme...

Xe incredibile veramente

[babatriestina]

L'avocato ga dito che i contratti telefonici xe malignazi propio perchè no se ga documenti, e che in linea general xe meo disdir el contratto che zercar de modificarlo, e cussì xe stado fatto. el secondo anno, anca lu no gaveva trovado giusta la data per el anticipo dela disdetta, che cussì xe slittada de un anno.

[Ghost]

Non mi interessa. Non guardo gran che nemmeno la Tv normale.

[Jazz]

Son abbonà da oltre due anni, ma se non torna la serie B me sa che podessi anche disdir tutto...no so ghe penserò...sta fazendo troppa pubblicità, all'inizio no iera cussì

[saretta]

mai avu sky e mai gaverò.... el capo no vol....

go el premium però... (soddisfatta...ma costicchia un pò troppo certi film)

[cucciolina]

Lo go e lo sfrutto Non come una volta ma sempre abbastanza

Per farve un esempio, el basket su Sky no ga paragoni con la RAI (che te paghi cmq e no te ga unca alla fine). Vardo cinema, sport, serie tv in anteprima e son contenta

[giuli]

Ho SKY e sono contento!

Ero abbonato a Tele+ perchè interessava il basket..con l'arrivo di Sky devo dire che hanno dato vita ad una piattaforma completa e di altissima qualità!

Per chi ama lo sport il pacchetto "sport" è una bomba e sia il basket che gli altri sport vengono trattati con cura e dignità ,cosa che non avviene assolutamente sulle altre tv dove sembra di essere solo calcio-dipendenti

Ho anche il pacchetto cinema ma credo lo toglierò visto che il tempo che passo davanti la tv non è molto...

[babatriestina]

Ho SKY e sono contento!

Ho anche il pacchetto cinema ma credo lo toglierò visto che il tempo che passo davanti la tv non è molto...

ti auguro di riuscire a toglierlo più facilmente di come mi sono liberata io!

[SandroWeb]

Sky anche mi....tutto completo ma me caverò el cinema. Basta disdir 2 mesi prima e i ve cava tutto quel che volè

[giuli]

Basta disdir 2 mesi prima e i ve cava tutto quel che volè

Altrimenti son cavoli loro

[settoreemme]

Son abbonado dal 2001, prima con tele+ e dopo con Sky e son sai soddisfatto al punto che i canai "normali" no li vardo più. La qualità dei programmi e la cura nella produzion delle trasmissioni xe ottime. De negativo xe el costo alto e i call center(per sentido dir).